ꠌꠞ꠆ꠎꠣꠙꠖ -৯ (Charyapad-9): ꠍꠤꠟꠐꠤ ꠔꠞꠎꠝꠣ
ꠌꠞ꠆ꠎꠣꠙꠖ-৯
ꠔꠞꠎꠝꠣ: ꠝꠥꠇꠔꠣꠞ ꠀꠢꠝꠦꠖ
ꠘꠉꠞꠞ ꠛꠣꠞꠣ ꠉ ꠒꠥꠝ꠆ꠛꠤ ꠔꠞ ꠇꠥꠠꠦ ꠊꠞ
ꠘꠦꠠꠣ ꠛꠣꠛꠘꠦ ꠍꠁꠛꠣꠞ ꠟꠣꠉꠤ ꠇꠞꠦ ꠇꠔ ꠝꠇ꠆ꠇꠞ :
ꠅꠞꠦ ꠒꠥꠝ꠆ꠛꠤ ꠔꠞ ꠟꠉꠦ ꠝꠞ ꠅꠁꠛꠘꠥ ꠢꠦꠋꠉꠣ
ꠙꠤꠞ ꠢꠇꠤꠞ ꠝꠣꠘꠥꠡ ꠀꠝꠤ ꠇꠞꠤꠍ ꠘꠣ ꠌꠣꠁ ꠛꠦꠋꠉꠣ:
ꠄꠉꠥ ꠝꠣꠔ꠆ꠞ ꠙꠃꠖ ꠚꠥꠟꠧ ꠌꠃꠡꠑꠑꠤꠐꠣ ꠙꠣꠈꠠꠤ
ꠔꠣꠞ ꠃꠙꠞꠦ ꠃꠑꠤꠀ ꠘꠣꠌꠁꠘ ꠒꠥꠝꠘꠤ ꠛꠣꠙꠠꠤ :
ꠄꠇꠐꠣ ꠇꠕꠣ ꠎꠤꠇꠣꠁ ꠒꠥꠝꠘꠤ ꠢꠣꠍꠣ ꠇꠞꠤ ꠇꠁꠍ
ꠇꠣꠞ ꠘꠣꠅ ꠌꠠꠤꠀ ꠔꠥꠁ ꠁꠙꠣꠞ ꠢꠤꠙꠣꠞ ꠅꠁꠍ :
ꠔꠣꠔ ꠛꠦꠌꠤꠀ ꠒꠥꠝꠘꠤ ꠔꠥꠁ ꠀꠞ ꠘꠣ ꠟꠁꠍ ꠌꠣꠋꠠꠣ
ꠔꠞ ꠅꠘ꠆ꠔꠞꠧ ꠝꠣꠞꠍꠦ ꠘꠤ ꠉ ꠙꠦꠞꠦꠝꠞ ꠖꠦꠅꠄ ꠎꠣꠋꠠꠣ :
ꠔꠞꠦ ꠒꠥꠝꠘꠤ ꠙꠣꠁꠛꠣꠞ ꠟꠣꠉꠤ ꠝꠘꠧ ꠀꠝꠣꠞ ꠎꠣꠟꠣ
ꠔꠞ ꠉꠟꠣꠔ ꠙꠤꠘ꠆ꠖꠣꠁ ꠖꠤꠝꠥ ꠀꠡꠟ ꠄꠇ꠆ꠇꠣꠘ ꠝꠣꠟꠣ :
ꠙꠥꠇꠁꠞ ꠈꠥꠠꠤ ꠒꠥꠝꠘꠤ ꠔꠥꠁ ꠇꠞꠍꠦ ꠞꠡ ꠙꠣꠘ
ꠔꠞꠦ ꠀꠝꠤ ꠝꠣꠞꠤꠀ ꠒꠥꠝꠘꠤ ꠟꠁꠝꠥ ꠔꠞ ꠙꠞꠣꠘ :
ꠝꠥꠟꠌꠞ꠆ꠎꠣ
ꠇꠣꠘ꠆ꠘꠙꠣꠘꠉꠞ ꠛꠣꠢꠤꠞꠦꠞꠦ ꠒꠥꠝ꠆ꠛꠤ ꠔꠢꠞꠤ ꠇꠥꠠꠤꠀ ⁕
ꠍꠁ ꠍꠁ ꠎꠣꠄ ꠡ ꠛꠣꠢ꠆ꠝ ꠘꠣꠠꠤꠀ ⁕⁕ꠗ꠆ꠞꠥ⁕⁕ꠀꠟ ꠒꠥꠝ꠆ꠛꠤ ꠔꠄ ꠡꠝ ꠇꠞꠤꠛꠦ ꠝ ꠡꠣꠋꠉ ⁕
ꠘꠤꠊꠤꠘ ꠇꠣꠘ꠆ꠘ ꠇꠣꠙꠣꠟꠤ ꠎꠁ ꠟꠣꠋꠉ ⁕⁕ꠗ꠆ꠞꠥ⁕⁕ꠄꠇ ꠡ ꠙꠖꠝꠣ ꠌꠃꠡꠑꠑꠤ ꠙꠣꠇꠥꠠꠤ ⁕
ꠔꠣꠁ ꠌꠠꠤ ꠘꠣꠌꠅ ꠒꠥꠝ꠆ꠛꠤ ꠛꠣꠙꠥꠠꠤ ⁕⁕ꠗ꠆ꠞꠥ⁕⁕ꠢꠣꠟ ꠒꠥꠝ꠆ꠛꠤ ꠔ ꠙꠥꠍꠝꠤ ꠡꠖꠜꠣꠛꠦ ⁕
ꠀꠁꠍꠍꠤ ꠎꠣꠍꠤ ꠒꠥꠝ꠆ꠛꠤ ꠇꠣꠢꠣꠞꠤ ꠘꠣꠛꠦ ⁕⁕ꠗ꠆ꠞꠥ⁕⁕ꠔꠘ꠆ꠔ꠆ꠞꠤ ꠛꠤꠇꠘꠅ ꠒꠥꠝ꠆ꠛꠤ ꠀꠛꠞꠘꠣ ꠌꠤꠋꠉꠔꠣ ⁕
ꠔꠢꠞ ꠅꠘ꠆ꠔꠞꠦ ꠍꠣꠠꠤ ꠘꠠꠙꠦꠠꠣ ⁕⁕ꠗ꠆ꠞꠥ⁕⁕
ꠔꠥꠟ ꠖꠝ꠆ꠛꠤ ꠢꠣꠃ ꠇꠙꠣꠟꠤ ⁕
ꠔꠢꠞ ꠅꠘ꠆ꠔꠞꠦ ꠝꠄ ꠊꠟꠤꠟꠤ ꠢꠣꠠꠦꠞꠤ ꠝꠣꠟꠤ ⁕⁕ꠗ꠆ꠞꠥ⁕⁕ꠡꠞꠛꠞ ꠜꠣꠘ꠆ꠎꠤꠅ ꠒꠥꠝ꠆ꠛꠤ ꠈꠣꠅ ꠝꠥꠟꠣꠘ ⁕
ꠝꠣꠞꠝꠤ ꠒꠥꠝ꠆ꠛꠤ ꠟꠦꠝꠤ ꠙꠞꠣꠘ ⁕⁕ꠗ꠆ꠞꠥ⁕⁕
ꠙꠖ ꠞꠍꠈ:
ꠇꠣꠘ꠆ꠘꠙꠣ/ꠇ꠆ꠞꠤꠡꠘꠣꠌꠣꠞ꠆ꠎꠙꠣ ⁕ ꠌꠞ꠆ꠎꠣꠙꠖꠞ ꠡꠦꠞꠣ ꠇꠛꠤ ⁕ ꠛꠣꠠꠤ ꠃꠠꠤꠡꠡꠣ ⁕ ꠈꠦꠃ ꠈꠦꠃ ꠝꠘ ꠈꠞꠁꠘ ꠔꠣꠘ ꠛꠣꠠꠤ ꠀꠍꠤꠟ ꠘꠦꠔ꠆ꠞꠇꠥꠘꠣꠔ ⁕ ꠕꠣꠈꠔꠣ ꠡꠥꠝꠙꠥꠞ ꠛꠤꠢꠣꠞꠅ ⁕ ꠔꠣꠘ ꠉꠥꠞꠥꠞ ꠘꠣꠝ ꠎꠟꠘ꠆ꠖꠞꠤꠙꠣ ⁕ ꠔꠣꠁꠘ ꠛ꠆ꠞꠣꠝ꠆ꠝꠘ ꠉꠥꠞꠞ ꠀꠞ ꠡꠢꠎꠤꠀ ꠔꠣꠘ꠆ꠔ꠆ꠞꠤꠇ ꠎꠥꠉꠤ ꠀꠍꠟꠣ ⁕
ꠍꠤꠟꠐꠤ ꠡꠛ꠆ꠖ:
ꠙꠣꠈꠠꠤ – ꠙꠣꠙꠠꠤ
ꠇꠥꠠꠤꠀ – ꠅꠟꠡ
ꠍꠁ ꠍꠁ > ꠍꠁꠀ ꠍꠁꠀ
ꠎꠣꠁ>ꠎꠣꠄ – ꠎꠣꠅ
ꠟꠣꠋꠉ – ꠙ꠆ꠞꠦꠝꠤꠇ
ꠌꠃꠡꠑꠑꠤ
ꠛꠣꠙꠥꠠꠤ>ꠛꠣꠙꠠꠤ – ꠛꠦꠌꠣꠞꠤ
ꠡꠣꠋꠉ>ꠢꠣꠋꠉꠣ – ꠛꠤꠀ
*ꠝꠘ ꠞꠣꠈꠛꠣ, ꠡꠣꠁꠔ꠆ꠔ ꠚꠣꠔꠣꠔ ꠟꠦꠈꠣꠞ ©ꠝꠣꠟꠤꠇꠣꠘꠣ ꠈꠣꠟꠤ ꠟꠦꠈꠞꠣꠞ।