Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠌꠞ꠆ꠎꠣꠙꠖ-৬ ꠅꠞ ꠍꠤꠟꠐꠤ ꠔꠞꠎꠝꠣ ꠀꠞ ꠛꠤꠍꠟꠦꠡꠘ: ꠝꠥꠇꠔꠣꠞ ꠀꠢꠝꠦꠖ

ꠌꠞ꠆ꠎꠣꠙꠖ-৬ ꠅꠞ ꠍꠤꠟꠐꠤ ꠔꠞꠎꠝꠣ ꠀꠞ ꠛꠤꠍꠟꠦꠡꠘ: ꠝꠥꠇꠔꠣꠞ ꠀꠢꠝꠦꠖ


ꠌꠞ꠆ꠎꠣꠙꠖ -৬ (Charyapad-6):ꠍꠤꠟꠐꠤ ꠔꠞꠎꠝꠣ
———————————————————
ꠍꠄ ꠘꠝ꠆ꠛꠞ ꠙꠖ
ꠜꠥꠡꠥꠇꠥ ꠙꠣ
ꠞꠣꠉ ꠙꠐꠝꠘ꠆ꠎꠞꠤ

ꠇꠣꠞꠦ ꠟꠁꠀ ꠀꠍ ꠔꠥꠝꠤ, ꠇꠤꠅꠞ ꠟꠣꠉꠤꠀ
ꠌꠣꠁꠞꠛꠣꠄꠖꠤ ꠢꠣꠃꠇꠣ ꠢꠣꠃꠇꠤ ꠉꠦꠍꠦꠘꠥ ꠛꠣꠠꠤꠀ ꠩

ꠅꠞꠤꠘꠞ ꠛꠁꠞꠤ ꠔꠣꠞ ꠀꠙꠘꠣꠞ ꠔꠘꠥ
ꠜꠥꠡꠥꠇꠥ ꠡꠤꠇꠣꠞꠤ ꠔꠣꠞꠦ ꠗꠞꠤꠀ ꠘꠤꠛꠘꠥ ꠩

ꠖꠥꠇ꠆ꠇꠦ ꠅꠞꠤꠘ ꠈꠣꠄ ꠘꠣ ꠊꠣꠡ, ꠌꠣꠄ ꠘꠣ ꠙꠣꠘꠤ ꠙꠣꠘꠦ
ꠅꠞꠤꠘꠤꠞ ꠘꠤꠟꠄ ꠇꠁ, ꠇꠁ ꠕꠣꠇꠦ ꠘꠣ ꠎꠣꠘꠦ ꠩

ꠅꠞꠤꠘꠤꠄ ꠇꠄ – ꠅꠞꠤꠘ ꠔꠥꠝꠤ ꠖꠥꠞꠂ ꠢꠞꠤꠀ ꠎꠣꠅ
ꠁ ꠛꠘ ꠍꠣꠠꠤ ꠀꠞ ꠇꠥꠘꠥ ꠛꠘꠧ ꠌꠣꠟꠣꠅ ꠔꠥꠝꠣꠞ ꠙꠣꠅ ꠩

ꠖꠃꠠꠞ ꠌꠥꠐꠦ ꠎꠣꠄ ꠘꠣ ꠖꠦꠈꠣ ꠅꠞꠤꠘꠞ ꠐꠦꠋꠉꠞ ꠈꠥꠞ
ꠜꠥꠡꠥꠇꠥꠄ ꠇꠁꠘ – ꠛꠥꠏꠔ ꠘꠣꠄ ꠢꠦ, ꠝꠘ ꠕꠣꠇꠦ ꠎꠣꠞ ꠖꠥꠞ ꠩

 

ꠝꠥꠟ ꠌꠞ꠆ꠎꠣ:

ꠜꠥꠡꠥꠇꠥꠙꠣ
ꠞꠣꠉ ꠙꠐꠝꠘ꠆ꠎꠞꠤ

ꠇꠣꠢꠦꠞꠦ ꠊꠤꠘꠤ ꠝꠦꠟꠤ ꠀꠌ꠆ꠍꠢꠥ ꠇꠤꠍ
ꠛꠦꠠꠤꠟ ꠢꠣꠇ ꠙꠠꠅ ꠌꠃꠖꠤꠍ ⁕⁕ꠗ꠆ꠞꠥ⁕⁕

ꠀꠙꠘꠣ ꠝꠣꠋꠡꠦ ꠢꠞꠤꠘꠣ ꠛꠁꠞꠤ
ꠈꠘꠢꠥ ꠘ ꠍꠣꠠꠅ ꠜꠥꠡꠥꠇꠥ ꠅꠢꠦꠞꠤ ⁕⁕ ꠗ꠆ꠞꠥ⁕⁕

ꠔꠤꠘ ꠘ ꠌ꠆ꠍꠙꠁ ꠢꠞꠤꠘꠣ ꠙꠤꠛꠁ ꠘ ꠙꠣꠘꠤ
ꠢꠞꠤꠘꠣ ꠢꠞꠤꠘꠤꠞ ꠘꠤꠟꠅ ꠘ ꠎꠣꠘꠤ ⁕⁕ꠗ꠆ꠞꠥ⁕⁕

ꠢꠞꠤꠘꠤ ꠛꠥꠟꠅ ꠢꠞꠤꠘꠣ ꠡꠥꠘ ꠢꠞꠤꠀ ꠔꠥ
ꠄ ꠛꠘ ꠌ꠆ꠍꠣꠠꠤ ꠢꠥꠢꠥ ꠜꠣꠍ꠆ꠔꠥ ⁕⁕ ꠗ꠆ꠞꠥ⁕⁕

ꠔꠞꠋꠉꠔꠦ ꠢꠞꠤꠘꠣꠞ ꠈꠥꠞ ꠘ ꠖꠤꠡꠅ
ꠜꠥꠡꠥꠇꠥ ꠜꠘꠁ ꠝꠥꠠꠣ ꠢꠤꠅꠢꠤ ꠘ ꠙꠁꠡꠅ ⁕⁕ ꠗ꠆ꠞꠥ⁕⁕

ꠍꠤꠟꠐꠤ ꠡꠛ꠆ꠖ:

ꠀꠙꠘꠣ – ꠘꠤꠎꠞ
ꠛꠁꠞꠤ- ꠡꠔ꠆ꠞꠥ
ꠘꠤꠟꠅ- ꠛꠣꠠꠤ / ꠑꠤꠇꠣꠘꠣ
ꠎꠣꠘꠤ- ꠎꠣꠘꠣ
ꠢꠞꠤꠀ- ꠖꠥꠞꠁ [ꠀꠝꠣꠞ ꠇꠣꠘ꠆ꠖꠣ ꠕꠘꠦ ꠢꠞꠤꠀ ꠕꠣꠇ꠆]
ꠈꠥꠞ- ꠎꠣꠘ꠆ꠖꠣꠞꠞ ꠚꠣꠅꠞ ꠔꠟꠉꠣꠟꠣ⁕
ꠖꠤꠡꠅ>ꠖꠤꠡꠣ- ꠖꠤꠡ꠆ꠡꠝꠣꠘ /ꠖꠤꠇ ꠘꠤꠞ꠆ꠖꠦꠡꠘꠣ
ꠛꠘ- ꠎꠋꠉꠟ
ꠔꠞꠋꠉ- ꠓꠦꠃ [ ꠎꠣꠔꠦꠔꠦ ꠝꠤꠡꠤꠀ ꠎꠣꠔ ꠔꠞꠋꠉ ꠈꠦꠟꠣꠄ….]
ꠝꠦꠟꠤ- ꠈꠥꠟꠤꠀ [ ꠌꠃꠇ ꠝꠦꠟꠤ ꠌꠣꠅ⁕]

*ꠝꠘ ꠞꠣꠈꠛꠣ, ꠡꠣꠁꠔ꠆ꠔ ꠚꠣꠔꠣꠔ ꠟꠦꠈꠣꠞ ©ꠝꠣꠟꠤꠇꠣꠘꠣ ꠈꠣꠟꠤ ꠟꠦꠈꠞꠣꠞ।

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …