শুরমা ফারর খবর ছিলটি জবানে ছিলটর খবর
Related Articles
ꠌꠞ꠆ꠎꠣꠙꠖ-১১ (Chariapada-11):ꠍꠤꠟꠐꠤ ꠔꠞꠎꠝꠣ
—————————————————————
ꠇ꠆ꠞꠤꠡ꠆ꠘꠣꠌꠣꠞ꠆ꠎꠙꠣ/ꠇꠣꠢ꠆ꠘꠙꠣ
ꠞꠣꠉ ꠙꠐꠝꠘ꠆ꠎꠞꠤ
ꠍꠤꠟꠐꠤ ꠔꠞꠎꠝꠣ: ꠝꠥꠇꠔꠣꠞ ꠀꠢꠝꠦꠖ
———————-
ꠘꠣꠠꠤ ꠡꠇ꠆ꠔꠤ ꠖꠤꠠ ꠇꠞꠤ ꠗꠞꠤꠅ
ꠒꠥꠟ ꠒꠚꠇꠤꠔ ꠎꠥꠞꠍꠦ ꠛꠣꠠꠤ ꠝꠣꠞꠤꠅ ꠩
ꠇꠣꠘꠥ ꠡꠘ꠆ꠘꠣꠡꠤ ꠎꠥꠉꠤ ꠀꠌꠞꠤꠔ ꠢꠣꠝꠣꠄ
ꠖꠦꠢ ꠘꠉꠞꠤꠔ ꠢꠦ ꠊꠥꠞꠤꠀ ꠛꠦꠠꠣꠄ ꠩
ꠀꠟꠤ ꠇꠣꠟꠤꠞ ꠙꠣꠅꠅ ꠟꠣꠉꠣꠁꠀ ꠊꠥꠋꠊꠥꠞ
ꠌꠣꠘ ꠡꠥꠞꠥꠎꠞꠦ ꠢꠞꠣꠁ ꠖꠤꠍꠦ ꠛꠃꠔ ꠖꠥꠞ ꠩
ꠁꠋꠡꠣ ꠞꠣꠉ ꠝꠣꠄꠀꠞ ꠝꠥꠈꠧ ꠖꠤꠀ ꠍꠣꠁ
ꠝꠥꠇ꠆ꠇ ꠟꠣꠜ ꠇꠞꠟ ꠢꠦ ꠝꠥꠇ꠆ꠔꠤꠀꠞ ꠙꠣꠁ ꠩
ꠢꠠꠤ ꠘꠘꠘ꠆ꠖ ꠢꠣꠟꠤꠞꠦ ꠊꠞꠞ ꠜꠤꠔꠞꠦ ꠝꠣꠞꠤꠀ
ꠝꠣꠄꠀꠞꠦ ꠗꠁꠀ ꠇꠣꠘꠥ ꠎꠣꠄ ꠡꠘ꠆ꠘꠣꠡꠤ ꠛꠘꠤꠀ ꠩
ꠝꠥꠟ ꠌꠞ꠆ꠎꠣ:
————-
ꠘꠣꠠꠤ ꠡꠇ꠆ꠔꠤ ꠖꠤꠠ ꠗꠞꠤꠅ ꠈꠐ꠆ꠐꠦ ⁕
ꠅꠘꠢꠣ ꠒꠝꠞꠥ ꠛꠣꠎꠄ ꠛꠤꠞ ꠘꠣꠖꠦ ⁕⁕ꠗ꠆ꠞꠥ⁕⁕
ꠇꠣꠢꠘ ꠇꠣꠙꠣꠟꠤ ꠎꠥꠉꠤ ꠙꠣꠁꠑ ꠅꠌꠣꠞꠦ ⁕
ꠖꠦꠢ ꠘꠅꠞꠤ ꠛꠤꠢꠣꠞꠄ ꠄꠇꠣꠇꠣꠞꠦ ⁕⁕ꠗ꠆ꠞꠥ⁕⁕
ꠀꠟꠤ ꠇꠣꠟꠤ ꠊꠘ꠆ꠐꠣ ꠘꠦꠃꠞ ꠌꠞꠘꠦ ⁕
ꠞꠛꠤ ꠡꠡꠤ ꠇꠥꠘ꠆ꠒꠟ ꠇꠤꠃ ꠀꠜꠞꠘꠦ ⁕⁕ꠗ꠆ꠞꠥ⁕⁕
ꠞꠣꠉ ꠖꠦꠡ ꠝꠧꠢ ꠟꠁꠅ ꠍꠣꠞ ⁕
ꠙꠞꠝ ꠝꠧꠈ ꠟꠛ ꠄ ꠝꠥꠇ꠆ꠔꠤ ꠢꠣꠞ ⁕⁕ꠗ꠆ꠞꠥ⁕⁕
ꠝꠣꠞꠤꠅ ꠡꠣꠡꠥ ꠘꠘꠘ꠆ꠖ ꠊꠞꠦ ꠡꠣꠟꠤ ⁕
ꠝꠣꠅ ꠝꠣꠞꠤꠀ ꠇꠣꠢ꠆ꠘ ꠜꠁꠅ ꠇꠛꠣꠟꠤ ⁕⁕ꠗ꠆ꠞꠥ⁕⁕
ꠙꠖ ꠞꠍꠈ:
————–
ꠇꠣꠢ꠆ꠘꠙꠣ/ꠇ꠆ꠞꠤꠡ꠆ꠘꠣꠌꠣꠞ꠆ꠎꠙꠣ ⁕ ꠌꠞ꠆ꠎꠣꠙꠖꠞ ꠡꠦꠞꠣ ꠇꠛꠤ ⁕ ꠛꠣꠠꠤ ꠃꠠꠤꠡꠡꠣ ⁕ ꠈꠦꠃ ꠈꠦꠃ ꠝꠘ ꠈꠞꠁꠘ ꠔꠣꠘ ꠛꠣꠠꠤ ꠀꠍꠤꠟ ꠘꠦꠔ꠆ꠞꠇꠥꠘꠣꠔ ⁕ ꠕꠣꠈꠔꠣ ꠡꠝꠙꠥꠞ ꠛꠤꠢꠣꠞ ⁕ ꠔꠣꠘ ꠉꠥꠞꠥꠞ ꠘꠣꠝ ꠎꠟꠘ꠆ꠖꠞꠤꠙꠣ ⁕ ꠔꠣꠁꠘ ꠛ꠆ꠞꠣꠢ꠆ꠝꠘꠉꠔ꠆ꠞꠞ ꠀꠞ ꠡꠢꠎꠤꠁꠀ ꠔꠣꠘ꠆ꠔ꠆ꠞꠤꠇ ꠎꠥꠉꠤ ꠀꠍꠟꠣ ⁕
ꠍꠤꠟꠐꠤ ꠡꠛ꠆ꠖ:
—————-
ꠘꠣꠠꠤ – ꠏꠠ /ꠘꠣꠠꠤ
ꠖꠤꠠ – ꠡꠈ꠆ꠔ
ꠛꠣꠎꠄ – ꠛꠣꠎꠦ
ꠎꠥꠉꠤ
ꠗꠞꠤꠅ –
ꠝꠣꠞꠤꠅ –
ꠘꠘꠘ꠆ꠖ – ꠘꠘꠖ
