ꠍꠤꠟꠐꠤ ꠜꠣꠡꠣꠞꠦ ꠡꠣꠗꠤꠘ ꠜꠣꠡꠣꠞ ꠔꠣꠟꠤꠇꠣꠔ ꠎꠣꠉꠣ ꠖꠤꠟꠧ ꠀꠟꠤꠉꠠ ꠝꠥꠡꠟꠤꠝ ꠛꠤꠡꠡꠧꠛꠤꠖ꠆ꠖꠣꠟꠄ⁕

ꠜꠣꠞꠔꠞ ꠙꠣꠌꠤꠘ, ꠅꠁꠔꠤꠎ꠆ꠎꠛꠣꠁ ꠀꠟꠤꠉꠠ ꠝꠥꠡꠟꠤꠝ ꠛꠤꠡꠡꠧꠛꠤꠖ꠆ꠖꠣꠟꠄ ꠜꠣꠡꠣ ꠛꠤꠉꠉꠣꠘ ꠛꠤꠜꠣꠉꠞ ꠡꠣꠝꠘꠦ ꠟꠣꠉꠣꠁꠟ ꠁꠘꠖꠧ ꠀꠞꠎꠧ ꠡꠣꠗꠤꠘ ꠜꠣꠡꠣ ꠔꠣꠟꠤꠇꠣꠞ ꠎꠣꠉꠣꠔ ꠎꠣꠉꠣ ꠙꠣꠁꠍꠦ ꠍꠤꠟꠐꠤ ꠜꠣꠡꠣ⁕ ꠁ ꠔꠣꠟꠤꠇꠣꠔ ꠎꠣꠉꠣ ꠚꠣꠅꠀ ꠝꠣꠘꠦ ꠛꠤꠡꠡꠧꠛꠤꠖ꠆ꠖꠣꠟꠄ ꠇꠞꠔꠤꠚꠇ꠆ꠇ ꠕꠣꠇꠤ ꠍꠤꠟꠐꠤ ꠜꠣꠡꠣꠞꠦ ꠄꠈꠐꠣ ꠡꠣꠗꠤꠘ ꠜꠣꠡꠣꠞ ꠡꠤꠇꠞꠤꠔꠤ ꠖꠦꠅꠀ⁕
ꠄꠞ ꠀꠉꠦ ২০০৫ ꠡꠣꠟꠦ ꠞꠣꠡꠐꠧꠡꠋꠊꠞ ꠚꠇꠇꠧ ꠕꠣꠇꠤ ꠀꠘ꠆ꠔꠞꠎꠣꠔꠤꠇ ꠁꠃꠘꠤꠇꠧꠒ ꠇꠞꠔꠤꠚꠇ꠆ꠇ ꠕꠣꠇꠤ ꠍꠤꠟꠐꠤ ꠜꠣꠡꠣꠞꠦ ꠄꠈꠐꠣ ꠡꠣꠗꠤꠘ ꠜꠣꠡꠣ ꠊꠧꠡꠘꠣ ꠈꠞꠤꠀ ꠄꠁ ꠜꠣꠡꠣꠞ ꠘꠣꠉꠞꠤ ꠟꠤꠙꠤꠞ ꠚꠞꠐꠦꠈꠐꠣ ꠅꠇ꠆ꠇꠞꠞ ꠁꠃꠘꠤꠇꠧꠒꠦ ꠙꠖꠣꠘ ꠈꠞꠣ ꠅꠁꠍꠦ⁕ ꠎꠣꠞ ꠇꠣꠞꠘꠦ ꠛꠞꠔꠧꠝꠣꠘ ꠚꠞꠔꠦꠈ ꠒꠤꠎꠤꠐꠣꠟ ꠒꠤꠜꠣꠁꠍꠧ ꠍꠤꠟꠐꠤ ꠘꠣꠉꠞꠤ ꠟꠤꠙꠤ ꠍꠣꠙꠧꠐ ꠈꠞꠦ⁕ ꠀꠞ ꠄꠟꠇꠥꠞ ꠘꠄꠀ ꠡꠛ ꠄꠘꠒꠧꠞꠄꠒ ꠝꠧꠛꠣꠁꠟꠅ ꠉꠥꠉꠟ ꠇꠤꠛꠃꠒꠞ ꠝꠣꠎꠦ ꠍꠤꠟꠐꠤ ꠘꠣꠉꠞꠤ ꠇꠤꠛꠃꠞꠒ ꠚꠣꠅꠀ ꠎꠣꠄ⁕
ꠉꠦꠟꠧ ꠈꠎꠄꠖꠤꠘ ꠀꠉꠦ ꠛꠤꠡꠡꠧꠛꠤꠖ꠆ꠖꠣꠟꠄ ꠇꠞꠔꠤꠚꠇ꠆ꠇ ꠕꠣꠇꠤ ꠄꠈꠐꠣ ꠟꠦꠋꠉꠥꠄꠎ ꠐꠤꠞꠤ -ꠞ (ꠜꠣꠡꠣ ꠉꠣꠍ) ꠍꠛꠤ ꠀꠈꠤꠀ ꠟꠣꠉꠣꠘꠤ ꠅꠁꠍꠦ⁕ ꠄꠁ ꠉꠣꠍꠞ ꠒꠣꠟꠞ ꠝꠣꠎꠦ ꠃꠙꠝꠢꠣꠖꠦꠡꠞ ꠛꠤꠜꠤꠘ꠆ꠘ ꠜꠣꠡꠣꠞ ꠘꠣꠝ ꠟꠦꠈꠣ ꠅꠁꠍꠦ ꠀꠞ ꠄꠁ ꠘꠣꠝꠞ ꠔꠣꠟꠤꠇꠣꠔ ꠍꠤꠟꠐꠤ ꠜꠣꠡꠣꠞꠦ ꠅ ꠎꠣꠉꠣ ꠖꠦꠅꠀ ꠅꠁꠍꠦ⁕ ꠁꠐꠣ ꠅꠛꠡꠡꠁ ꠚꠞꠕꠦꠈ ꠍꠤꠟꠐꠤ ꠜꠣꠡꠣꠄ ꠝꠣꠔ꠆ꠞꠣ ꠝꠣꠘꠞ ꠟꠣꠉꠤ ꠜꠤꠞꠣꠐ ꠄꠇ ꠈꠥꠡꠤꠞ ꠈꠛꠞ⁕

ꠈꠛꠞ ꠎꠧꠉꠣꠠ-sylhety khobor/ꠍꠤꠟꠦꠐꠤ ꠈꠛꠞ ꠚꠦꠁꠍꠛꠥꠇ ꠙꠦꠁꠎ ꠕꠣꠇꠤ

The post ꠍꠤꠟꠐꠤ ꠜꠣꠡꠣꠞꠦ ꠡꠣꠗꠤꠘ ꠜꠣꠡꠣꠞ ꠔꠣꠟꠤꠇꠣꠔ ꠎꠣꠉꠣ ꠖꠤꠟꠧ ꠀꠟꠤꠉꠠ ꠝꠥꠡꠟꠤꠝ ꠛꠤꠡꠡꠧꠛꠤꠖ꠆ꠖꠣꠟꠄ appeared first on শুরমা ফারর খবর.

ꠀꠡꠣꠝꠞ ꠇꠣꠍꠣꠠ ꠎꠤꠟꠣꠔ ꠍꠤꠟꠐꠤ ꠜꠣꠡꠣꠞ ꠘꠣꠉꠞꠤ ꠢꠤꠇꠣ ꠚꠞꠔꠤꠎꠧꠉꠤꠔꠣ ꠅꠁꠍꠦ

ꠀꠡꠣꠝꠞ ꠇꠣꠍꠣꠠ ꠔꠘꠦ ꠘꠁꠝ ꠃꠖ꠆ꠖꠤꠘ ꠟꠡꠇꠞ-
ꠉꠔ ৭ ꠀꠉꠡ꠆ꠐ ২০২০ ꠡꠥꠇꠇꠥꠛꠣꠞ ꠛꠤꠀꠟꠦ ꠀꠡꠣꠝꠞ ꠇꠣꠍꠣꠠ ꠎꠦꠟꠣꠞ ꠊꠣꠉꠞꠣꠙꠣꠞ ꠍꠢꠤꠚꠣ’ꠞ ꠇꠌꠤꠋ ꠍꠦꠘ꠆ꠐꠣꠞ ꠍꠤꠟꠐꠤ ꠜꠣꠡꠣꠞ ꠘꠣꠉꠞꠤ ꠢꠤꠇꠣ ꠚꠞꠔꠤꠎꠧꠉꠤꠔꠣ ꠅꠁꠍꠦ⁕ ꠁ ꠚꠞꠔꠤꠎꠧꠉꠤꠔꠣꠔ ꠢꠣꠎꠤꠞ ꠀꠍꠣꠟꠣ ১৬ ꠎꠘ ꠍꠣꠔꠞꠧ ꠄꠛꠋ ꠚꠞꠔꠤꠎꠉꠤꠔꠣꠞ ꠛꠤꠎꠁ ৩ ꠎꠘꠞꠦ ꠚꠥꠞꠡ꠆ꠇꠣꠞ ꠖꠦꠅꠀ ꠅꠁꠍꠦ⁕ ꠛꠤꠎꠁꠞ ꠚꠁꠟꠣ ꠅꠁꠍꠘ ꠡꠣꠁꠘ ꠀꠢꠝꠦꠖ ꠛꠠꠜꠥꠁꠀ, ꠖꠤꠔꠤꠅ ꠅꠁꠍꠁꠘ ꠀꠝꠏꠣꠖꠥꠟ ꠢꠥꠡꠦꠘ, ꠔꠤꠔꠤꠅ ꠅꠁꠍꠁꠘ ꠀꠍꠛꠤꠘꠣ ꠛꠦꠉꠝ ꠛꠠꠜꠥꠁꠀ⁕

ꠚꠞꠔꠤꠎꠧꠉꠤꠔꠣꠔ ꠘꠣꠉꠞꠤ ꠝꠣꠡ꠆ꠐꠞ ꠀꠍꠟꠣ ꠘꠁꠝ ꠃꠖ꠆ꠖꠤꠘ ꠟꠡꠇꠞ⁕

The post ꠀꠡꠣꠝꠞ ꠇꠣꠍꠣꠠ ꠎꠤꠟꠣꠔ ꠍꠤꠟꠐꠤ ꠜꠣꠡꠣꠞ ꠘꠣꠉꠞꠤ ꠢꠤꠇꠣ ꠚꠞꠔꠤꠎꠧꠉꠤꠔꠣ ꠅꠁꠍꠦ appeared first on শুরমা ফারর খবর.

ꠘꠣꠉꠞꠤ ꠛꠞꠘꠦ ꠍꠤꠟꠦꠐꠤ ꠜꠣꠡꠣ ꠡꠤꠇꠞꠤꠔꠤ ꠙꠞꠤꠡꠖꠦꠞ ꠁꠘꠤꠅꠘ ꠡꠝꠘ꠆ꠘꠅꠄꠇꠦꠞ ꠖꠣꠁꠔ꠆ꠔ ꠚꠣꠁꠍꠁꠘ ꠘꠥꠞꠦ ꠚꠄꠍꠟ ꠍꠣꠖꠣꠚ⁕

ꠝꠥ.ꠘꠣꠍꠤꠞ ꠌꠃꠗꠥꠞꠤ ꠔꠣꠘꠛꠤꠞ,ꠘꠛꠤꠉꠁꠘ ꠙꠔꠤꠘꠤꠗꠤ-
ꠉꠔ ২৪ ꠎꠥꠟꠣꠁ ২০২০ ꠔꠣꠞꠤꠇ ꠘꠥꠞꠦ ꠚꠄꠍꠟ ꠍꠣꠖꠣꠚ ꠞꠦ ꠢꠛꠤꠉꠁꠘ ꠎꠤꠟꠣꠞ ꠘꠛꠤꠉꠁꠘ ꠃꠚꠎꠤꠟꠣꠞ ৮ꠘꠋ ꠘꠛꠤꠉꠁꠘ ꠡꠖꠞ ꠁꠘꠤꠅꠘꠞ ꠘꠣꠉꠞꠤ ꠛꠞꠘꠦ ꠍꠤꠟꠦꠐꠤ ꠜꠣꠡꠣ ꠡꠤꠇꠞꠤꠔꠤ ꠚꠞꠤꠡꠖꠞ ꠡꠝꠘ꠆ꠘꠅꠄꠇ ꠊꠥꠡꠘꠣ ꠖꠤꠍꠁꠘ ꠙꠞꠤꠡꠖꠞ ꠙꠔꠤꠡꠐꠣꠔꠣ ꠡꠜꠣꠙꠔꠤ ꠁꠔꠤꠀꠡꠛꠤꠖ ꠒ. ꠝꠥꠝꠤꠘꠥꠟ ꠢꠇ⁕

ꠍꠤꠟꠐꠤꠖꠦꠞ ꠘꠤꠎꠞ ꠜꠣꠡꠣ ꠀꠍꠦ ꠎꠣꠞ ꠘꠣꠝ ꠍꠤꠟꠐꠤ ꠜꠣꠡꠣ,ꠀꠞ ꠟꠦꠈꠣꠞ ꠢꠞꠚꠞ ꠘꠣꠝ ꠘꠣꠉꠞꠤ ꠢꠞꠚ⁕ꠍꠤꠟꠦꠐ, ꠜꠣꠞꠔꠞ ꠀꠡꠣꠝ ꠞꠣꠁꠎ꠆ꠎ,ꠝꠘꠤꠚꠥꠞ ꠞꠣꠁꠎ꠆ꠎ, ꠔꠤꠞꠤꠚꠥꠞꠣ ꠞꠣꠁꠎ꠆ꠎꠞ ꠛꠦꠛꠀꠞ ꠅꠁꠔ ꠁ ꠍꠤꠟꠦꠐꠤ ꠜꠣꠡꠣ ꠅ ꠘꠣꠉꠞꠤ ꠢꠞꠚ⁕

২০১৫ ꠡꠣꠟꠦ ꠁꠔꠤꠀꠡꠛꠤꠖ ꠒ.ꠝꠥꠝꠤꠘꠥꠟ ꠢꠇ ꠘꠣꠉꠞꠤ ꠛꠞꠘꠦ ꠍꠤꠟꠦꠐꠤ ꠜꠣꠡꠣ ꠡꠤꠇꠞꠤꠔꠤ ꠙꠞꠤꠡꠖ ꠘꠣꠝꠦ ꠄꠈꠐꠣ ꠡꠋꠉꠑꠘ ꠚꠔꠤꠡꠐꠣ ꠈꠞꠁꠘ⁕ꠁ ꠡꠋꠉꠐꠘꠞ ꠈꠣꠝ ꠍꠟꠦꠞ ꠍꠤꠟꠦꠐ, ꠜꠣꠞꠔꠞ ꠀꠡꠣꠝ, ꠝꠘꠤꠚꠥꠞ ꠅ ꠀꠞꠧ ꠛꠃꠔ ꠖꠦꠡꠞ ꠍꠤꠟꠦꠐꠤ ꠅꠈꠟꠞ ꠝꠣꠎꠦ⁕

ꠘꠥꠞꠦ ꠚꠄꠍꠟ ꠍꠣꠖꠣꠚꠦ ꠈꠁꠍꠁꠘ ꠍꠤꠟꠦꠐꠤ ꠜꠣꠡꠣ ꠀꠝꠣꠖꠦꠞ ꠅꠁꠔꠤꠎ꠆ꠎ ꠄꠞ ꠟꠣꠉꠤ ꠁ ꠜꠣꠡꠣꠞꠦ ꠞꠇ꠆ꠇꠣ ꠈꠞꠣ ꠎꠞꠥꠞ,ꠄꠞ ꠟꠣꠉꠤ ꠀꠝꠤ ꠄꠈꠎꠘ ꠍꠤꠟꠦꠐꠤ ꠢꠤꠡꠣꠛꠦ ꠁ ꠀꠘꠖꠥꠟꠘꠧ ꠡꠞꠤꠇ ꠅꠁꠍꠤ, ꠀꠞ ꠁ ꠈꠣꠝꠞ ꠃꠔꠡꠣꠅ ꠚꠣꠁꠍꠤ ꠍꠤꠟꠦꠐꠞ ꠉꠞꠛ ꠁꠔꠤꠀꠡꠛꠤꠖ ꠝꠥꠝꠤꠘꠥꠟ ꠢꠇ ꠅꠞ ꠉꠦꠍꠕꠣꠇꠤ⁕

The post ꠘꠣꠉꠞꠤ ꠛꠞꠘꠦ ꠍꠤꠟꠦꠐꠤ ꠜꠣꠡꠣ ꠡꠤꠇꠞꠤꠔꠤ ꠙꠞꠤꠡꠖꠦꠞ ꠁꠘꠤꠅꠘ ꠡꠝꠘ꠆ꠘꠅꠄꠇꠦꠞ ꠖꠣꠁꠔ꠆ꠔ ꠚꠣꠁꠍꠁꠘ ꠘꠥꠞꠦ ꠚꠄꠍꠟ ꠍꠣꠖꠣꠚ appeared first on শুরমা ফারর খবর.

ꠎꠤꠛꠘꠞ ꠚꠗꠣꠘ ꠁꠘꠎꠤꠘ ꠅꠁꠟꠧꠉꠤ ꠢꠣꠞ꠆ꠐ। ꠁ ꠁꠘꠎꠤꠘ ꠡꠥꠍꠕ ꠀꠞ ꠔꠣꠎꠣ ꠞꠣꠈꠔꠦ ꠚꠣꠞꠟꠦ ꠎꠤꠛꠘꠅ ꠅꠄ ꠡꠥꠍꠕ ꠀꠞ ꠡꠥꠘ꠆ꠖꠞ। ꠅꠈꠘ ꠈꠕꠣ ꠅꠁꠟꠧ, ꠇꠤꠟꠣꠘ ꠁ ꠢꠣꠞ꠆ꠐꠞꠦ ꠡꠥꠡ꠆ꠕ ꠞꠣꠈꠔꠣꠝ ꠚꠣꠞꠤ। ꠛꠤꠉꠉꠣꠘꠤ, ꠒꠣꠈꠔꠞ ꠅ ꠉꠛꠦꠡꠇ ꠅꠈꠟꠦ ꠁ ꠘꠤꠀ ꠖꠤꠘꠞꠣꠁꠔ ꠈꠣꠝ ꠈꠞꠤ ꠎꠣꠞ।

ꠀꠛꠤꠡ꠆ꠇꠣꠞ ꠅꠞ ꠇꠤꠟꠣꠘ ꠢꠣꠞ꠆ꠐ ꠡꠥꠍꠕ ꠞꠣꠈꠣ ꠎꠣꠁꠛ। ꠀꠝꠞꠣ ꠡꠣꠗꠣꠞꠘ ꠝꠣꠘꠥꠡ ꠅꠈꠟ ꠔꠣꠞꠣꠞ ꠛꠣꠔꠣꠁꠟ ꠚꠕ ꠛꠣ ꠘꠤꠅꠝꠈꠣꠘꠥꠘ ꠝꠣꠘꠟꠦ ꠅꠝꠞ ꠅꠁꠔꠣꠝ ꠘꠣꠄ, ꠔꠛꠦ ꠡꠥꠍꠕ ꠡꠥꠘ꠆ꠖꠞ ꠟꠣꠝꠛꠣ ꠎꠤꠛꠘ ꠟꠣꠜ ꠇꠞꠔꠣꠝ ꠚꠣꠞꠤ। ꠛꠞ꠆ꠔꠝꠣꠘ ꠛꠤꠡ꠆ꠡꠦ ꠢꠣꠞ꠆ꠐꠦꠐꠣꠇ ꠛꠦꠝꠣꠞꠧꠞ ꠝꠔꠧ ꠈꠣꠟꠤ ꠛꠣꠋꠟꠣꠖꠦꠡꠦ ꠘꠣꠄ, ꠛꠤꠡ꠆ꠡꠧꠞ ꠃꠘ꠆ꠘꠧꠅꠘꠡꠤꠟ ꠖꠦꠡꠧꠅ ꠚꠐꠈꠞꠤ ꠍꠤꠔꠞꠤ ꠎꠣꠞ। ꠄꠞꠖꠣꠄ, ꠚꠞꠤꠛꠦꠡ, ꠈꠣꠘꠤꠛꠘꠤ ꠀꠞ ꠅꠡꠣꠛꠣꠜꠣꠛꠤꠇ ꠎꠤꠛꠘꠎꠣꠙꠘ ꠖꠣꠁ। ꠀꠝꠞꠣ ꠁꠔꠣ ꠘꠤꠅꠘꠔꠞꠘ ꠈꠞꠔꠦ ꠚꠣꠞꠟꠦ ꠁ ꠛꠦꠝꠣꠞ ꠔꠘꠦ ꠙꠦꠞꠣꠄ ꠛꠣꠍꠔꠣꠝ ꠚꠣꠞꠤ। ꠀꠃꠇꠣ ꠀꠝꠞꠣ ꠛꠤꠉꠉꠣꠘꠤ, ꠒꠣꠈꠔꠞ ꠅ ꠉꠛꠦꠡꠇ ꠅꠈꠟꠦ ꠇꠤꠔꠣ ꠚꠞꠣꠝꠞꠡ ꠖꠦꠁꠘ ꠎꠣꠘꠤꠟꠣꠁ। ꠝꠥꠈꠞ ꠜꠤꠔ꠆ꠔꠞ ꠚꠞꠤꠡ꠆ꠇꠣꠞ ꠞꠣꠈꠣ-ꠀꠝꠞꠣ ꠛꠃꠔꠦ ꠎꠣꠘꠤ ꠘꠣ ꠎꠦ, ꠝꠥꠈꠞ ꠜꠤꠔꠞꠦ ꠎꠔ ꠛꠦꠇꠐꠦꠞꠤꠀ ꠇꠤꠟꠛꠤꠟ ꠈꠞꠦꠞ। ꠡꠥꠎꠥꠉ ꠚꠣꠁꠟꠦ ꠁꠔꠣꠄ ꠀꠝꠞꠣꠞꠦ ꠀꠇ꠆ꠞꠝꠘ ꠈꠞꠦ।ꠅꠔꠣꠞ ꠖꠣꠄ ꠝꠥꠈꠞ ꠜꠤꠔ꠆ꠔꠞ ꠡꠛ ꠡꠝꠄ ꠚꠞꠤꠡ꠆ꠇꠣꠞ ꠞꠣꠈꠔꠦ ꠙꠣꠞꠟꠦ ꠛꠃꠔ ꠛꠦꠝꠣꠟ ꠕꠣꠇꠤ ꠞꠇ꠆ꠇꠣ ꠙꠣꠅꠀ ꠎꠣꠄ। ꠝꠥꠈꠧꠞ ꠜꠤꠔꠞꠦ ꠀꠍꠦ ꠖꠣꠔ। ꠅꠃ ꠖꠣꠔꠧꠞ ꠟꠉꠦ ꠢꠣꠞ꠆ꠐꠧꠞ ꠄꠇꠐꠣ ꠉꠜꠤꠞ ꠡꠝ꠆ꠙꠞ꠆ꠇ ꠀꠍꠦ। ꠛꠤꠡꠦꠡꠎꠉꠉ ꠅꠈꠟꠦ ꠈꠁꠘ, ꠎꠦꠞꠣ ꠖꠣꠔ ꠚꠞꠤꠡ꠆ꠇꠣꠞ ꠞꠣꠈꠁꠘ, ꠔꠣꠞꠣꠞ ꠢꠣꠞ꠆ꠐ ꠡꠥꠍꠕ-ꠡꠎꠤꠛ ꠕꠣꠇꠦ। ꠛꠦꠝꠣꠞꠝꠥꠇꠔꠧ ꠕꠣꠇꠦ। ꠝꠘꠧ ꠞꠣꠈꠛꠣ, ꠍꠣꠁꠞꠧ ꠛꠣꠄ ꠅꠈꠘ ꠢꠣꠞ꠆ꠐꠦꠐꠣꠇ ꠢꠣꠍꠞꠣ ꠛꠦꠝꠣꠞꠧꠞ ꠟꠣꠈꠣꠘ ꠍꠤꠔꠞꠤ ꠉꠦꠍ। ꠢꠣꠞ꠆ꠐꠞ ꠛꠦꠝꠣꠞ ꠛꠃꠔ ꠎꠐꠤꠟ, ꠈꠞꠍꠛꠦꠡꠤ ꠀꠞ ꠟꠣꠘꠔꠤꠞ। ꠅꠔꠣꠞ ꠖꠣꠄ ꠛꠦꠝꠣꠞꠧꠞ ꠌꠤꠇꠤꠔꠡꠣꠞ ꠔꠘꠦ, ꠛꠦꠝꠣꠞ ꠚꠔꠤꠞꠧꠗ ꠛꠦꠡꠤ ꠎꠥꠇꠔꠤꠡꠁꠋꠉꠔ। ꠄꠈꠐꠥ ꠡꠌꠦꠔꠘ ꠀꠞ ꠡꠔꠞ꠆ꠇ ꠅꠁꠉꠦꠟꠦ ꠀꠝꠞꠣ ꠢꠣꠞ꠆ꠐꠞ ꠛꠦꠝꠣꠞꠞꠦ ꠄꠠꠣꠁꠔꠣꠝ ꠚꠣꠞꠤ। ꠡꠥꠍꠕ ꠢꠣꠞ꠆ꠐ ꠝꠣꠘꠦ ꠡꠥꠍꠕ ꠝꠣꠘꠥꠡ। ꠉꠛꠦꠡꠇ ꠀꠞ ꠛꠤꠡꠦꠡꠉꠉ ꠅꠈꠟꠦ ꠈꠁꠘ, ꠝꠧꠐꠣꠝꠥꠐꠤ ꠔꠤꠘꠐꠤ ꠛꠤꠡꠅꠞ ꠚꠔꠤ ꠝꠘꠎꠥꠉ ꠖꠤꠟꠦ ꠀꠝꠞꠣ ꠁ ꠎꠐꠤꠟ ꠡꠝꠡ꠆ꠡꠣ ꠄꠠꠣꠁꠀ ꠍꠟꠔꠣꠝ ꠚꠣꠞꠤ। ꠁꠔꠣ ꠅꠁꠟꠧ ꠒꠦꠁꠟꠤ ꠛꠤꠀꠝ, * ꠡꠥꠡꠝ ꠈꠣꠘꠤ ꠈꠣꠃꠀ, * ꠛꠤꠠꠤ ꠎꠤꠉꠣꠞꠦꠐ ꠛꠣꠖꠖꠦꠅꠀ ꠀꠞ ꠝꠣꠘꠡꠤꠇ ꠌꠣꠙꠝꠥꠇ꠆ꠔ ꠕꠣꠇꠣ ꠀꠞ * ꠢꠈꠟ ꠎꠣꠔꠤ ꠝꠖꠉꠣꠁꠘꠎꠣ ꠛꠣꠖꠖꠦꠅꠀ। ꠛꠤꠀꠝ-ꠢꠣꠞ꠆ꠐꠇꠧ ꠡꠛꠟ ꠀꠞ ꠡꠥꠍꠕ ꠞꠣꠈꠔꠦ ꠛꠤꠀꠝꠞ ꠇꠥꠘꠥ ꠛꠤꠇꠟ꠆ꠙ ꠘꠣꠁ। ꠁꠔꠣꠞ ꠖꠣꠄ ꠇꠥꠘꠥ ꠎꠤꠝꠥ ꠎꠣꠁꠛꠣꠞꠧ

ꠖꠞꠈꠣꠞ ꠘꠣꠁ। ꠛꠦꠐꠣ ꠛꠦꠐꠤ ꠢꠈꠟꠦ ꠍꠣꠁꠟꠦ ꠛꠤꠀꠝ ꠈꠞꠔꠣ ꠚꠣꠞꠁꠘ। ꠈꠣꠟꠤ ꠁꠌ꠆ꠍꠣ ꠕꠣꠈꠣ ꠖꠞꠈꠣꠞ। ꠀꠐꠣꠀꠐꠤ, ꠎꠧꠉꠛꠤꠀꠝ, ꠈꠞꠣ ꠎꠣꠄ। ꠈꠦꠟꠣꠗꠥꠟꠣꠅ ꠈꠞꠣ ꠎꠣꠄ। ꠄꠈꠟꠣ ꠄꠈꠟꠣ ꠛꠣ ꠡꠋꠉꠤꠡꠣꠕꠤ ꠟꠁꠀ ꠖꠟꠛꠣꠘꠖꠤ ꠅ ꠛꠤꠀꠝ ꠈꠞꠣ ꠎꠣꠄ। ꠛꠃꠔ ꠟꠣꠈꠣꠘ ꠛꠤꠀꠝ ꠈꠞꠣ ꠎꠣꠄ। ꠍꠣꠁꠇꠦꠟ ꠌꠣꠟꠣꠘꠤ, ꠘꠣꠍꠣꠘꠣꠍꠤ, ꠢꠣꠔꠞꠣꠘꠤ ꠅꠔꠣ ꠜꠣꠟꠣꠅ ꠛꠤꠀꠝ। ꠝꠥꠐꠈꠕꠣ ꠡꠞꠤꠟ ꠉꠞꠝ ꠞꠣꠈꠣ ꠇꠥꠛ ꠎꠞꠥꠞꠤ। ꠔꠦ ꠞꠇ꠆ꠔ ꠍꠟꠣꠎꠟ ꠜꠣꠟꠣ ꠅꠄ। ꠝꠉꠎꠧ ꠀꠞ ꠢꠣꠞ꠆ꠐꠧ ꠚꠃꠎꠘ ꠝꠔ ꠅꠇ꠆ꠍꠤꠎꠦꠘ ꠚꠃꠍꠔꠧ ꠚꠣꠞꠦ। ꠘꠤꠅꠝꠤꠔ ꠘꠤꠎ ꠘꠤꠎ ꠗꠞ꠆ꠝ ꠅꠘꠥꠎꠣꠁ ꠚꠣꠞ꠆ꠕꠘꠣ ꠛꠣ ꠘꠣꠝꠣꠎ ꠙꠠꠣ ꠢꠣꠞ꠆ꠐꠧꠞ ꠟꠣꠉꠤ ꠃꠚꠇꠣꠞꠤ। ꠡꠥꠡꠝ ꠈꠣꠘꠤ ꠡꠥꠍꠕ ꠎꠤꠛꠘꠞ ꠟꠣꠉꠤ ꠚꠃꠎꠘ। ꠡꠥꠡꠝ ꠈꠣꠘꠤꠞ ꠟꠣꠉꠤ ꠚꠌꠥꠞ ꠐꠦꠇꠣꠚꠄꠡꠣ ꠟꠣꠉꠦ ꠘꠣ। ꠡꠥꠡꠝ ꠈꠣꠘꠤ ꠛꠟꠔꠦ ꠀꠝꠞꠣꠞ ꠡꠞꠤꠟꠞ ꠜꠤꠔꠞꠧꠞ ꠛꠤꠜꠤꠘ꠆ꠘ ꠅꠋꠉꠚꠔꠋꠉ ꠜꠣꠟꠣ ꠞꠣꠈꠣꠞ ꠟꠣꠉꠤ ꠎꠦ ꠈꠣꠘꠤ ꠚꠅꠃꠎꠘ ꠅꠔꠣ ꠈꠣꠘꠤꠞꠦ ꠛꠥꠏꠣꠅ। ꠎꠦꠟꠣꠘ ꠇꠍꠥꠞꠢꠣꠉ ꠍꠃꠇ ꠜꠣꠟꠣ ꠞꠣꠈꠦ। ꠟꠣꠟꠡꠣꠉ ꠞꠇ꠆ꠔꠧꠔ ꠢꠤꠝꠧꠉ꠆ꠟꠧꠛꠤꠘ ꠛꠣꠠꠣꠄ। ꠈꠄꠚꠟ ꠟꠤꠜꠣꠞ ꠜꠣꠟꠣ ꠞꠣꠈꠦ। ꠀꠝꠠꠣ, ꠈꠣꠚꠞꠦꠋꠉꠣ ꠞꠥꠉ ꠚꠔꠤꠞꠥꠗ ꠈꠦꠝꠔꠣ ꠛꠣꠠꠣꠄ। ꠡꠣꠉ ꠡꠛꠎꠤ ꠀꠝꠞꠣ ꠔꠤꠘꠧꠛꠣꠟꠣ ꠈꠣꠁꠔꠣꠝ ꠚꠣꠞꠤ। ꠇꠤꠘ꠆ꠔꠥꠇ ꠉꠥꠡꠔ ꠎꠥꠖꠤꠘ ꠔꠤꠘꠧꠛꠣꠟꠣ ꠈꠣꠅꠀ ꠅꠄ, ꠔꠦ ꠃꠚꠈꠣꠞꠧꠞ ꠔꠘꠦ ꠅꠚꠈꠣꠞ ꠅꠄ। ꠅꠟꠣꠘ ꠇꠥꠘꠥ ꠜꠣꠎꠣꠚꠦꠠꠣ ꠈꠣꠘꠤꠅ ꠜꠣꠟꠣ ꠘꠣꠄ। ꠢꠤꠞꠛꠣꠞ ꠃꠘꠣꠖꠦꠅꠀ ꠈꠣꠘꠤ ꠃꠚꠈꠣꠞꠤ। ꠅꠟꠣꠘ ꠍꠦꠞ꠆ꠛꠤ ꠅꠔ꠆ꠔꠁꠘ꠆ꠔ ꠇꠦꠔꠤꠇꠞ। ꠢꠣꠞ꠆ꠐ ꠡꠥꠍꠕ ꠞꠣꠈꠣꠞ ꠟꠣꠉꠤ ꠟꠛণ, ꠍꠤꠘꠤ, ꠍꠦꠞ꠆ꠛꠤ ꠛꠣꠖ ꠖꠦꠃꠇꠣ। ꠔꠦꠟꠍꠣꠠꠣ ꠞꠣꠘ꠆ꠖꠣ ꠈꠣꠁꠘ। ꠟꠣꠟ ꠉꠥꠡꠔ ꠛꠣꠖ ꠖꠦꠁꠘ। ꠒꠤꠝꠧꠞ ꠇꠥꠡꠥꠝ ꠈꠣꠃꠇꠣ ꠘꠣ। ꠙꠧꠟꠣꠅ-ꠛꠤꠞꠣꠘꠤꠞ ꠛꠖꠟꠣ ꠡꠣꠖꠣ ꠜꠣꠔ ꠈꠣꠁꠘ। ꠛꠦꠡꠤ ꠉꠞꠝ-ꠝꠡꠟꠣ ꠖꠤ ꠛꠣꠘꠣꠁꠟ ꠈꠣꠘꠤ ꠈꠣꠁꠛꠣ ꠘꠣ। ꠚꠞꠔꠦꠈꠖꠤꠘ ꠍꠄ ꠔꠘꠦ ꠀꠐ ꠉꠦꠟꠣꠍ ꠙꠣꠘꠤ ꠈꠣꠁꠘ। ꠎꠦꠔꠣ ꠡꠛꠎꠤ ꠈꠣꠍꠣ ꠈꠣꠅꠀ ꠎꠣꠄ, ꠎꠦꠟꠣꠘ- ꠇꠤꠞꠣ, ꠉꠣꠎꠞ ꠅꠃꠔꠣ ꠛꠦꠡꠤ ꠛꠦꠡꠤ ꠍꠤꠛꠣꠁꠀ ꠈꠣꠁꠘ। ꠒꠣꠄꠛꠦꠐꠤꠍ ꠛꠣ ꠢꠣꠁ ꠛꠦꠟꠣꠒꠙꠦꠡꠣꠞ ꠡꠛ ꠡꠝꠄ ꠇꠤꠀꠟ ꠈꠞꠤ ꠇꠘꠐꠟ ꠈꠞꠁꠘ। ꠡꠞꠤꠟꠞ ꠃꠎꠘ ꠇꠘꠐꠟ ꠞꠣꠈꠔꠣ ꠅꠁꠛ। ꠞꠥꠎ ꠄꠈꠐꠣ ꠚꠣꠇꠘꠣ ꠈꠟꠣ ꠈꠣꠁꠘ। ꠅꠔꠣꠞ ꠖꠣꠄ ꠈꠅꠀ ꠅꠄ- ꠚꠞꠤꠝꠤꠔ ꠅ ꠘꠤꠅꠝꠤꠔ ꠈꠣꠘꠤꠛꠘꠤ, ꠡꠣꠞꠤꠞꠤꠇ ꠛꠤꠀꠝ, ꠞꠦꠡꠐ, ꠊꠥꠝ ꠀꠞ ꠚꠞꠤꠡ꠆ꠇꠣꠞ-ꠚꠞꠤꠍꠘ꠆ꠘꠔꠣ ꠡꠥꠡꠣꠍꠕ꠆ꠞ ꠚꠥꠞ꠆ꠛꠡꠞ꠆ꠔ।

ꠟꠦꠈꠍꠁꠘ –ꠀꠛꠥ ꠡꠣꠁꠖ

The post ꠢꠣꠞ꠆ꠐ ꠡꠥꠍ꠆ꠕ ꠞꠣꠈꠁꠘ appeared first on শুরমা ফারর খবর.