Breaking News
Home / ꠡꠍꠦꠔꠘꠔꠣ / ꠇꠞꠘꠣꠞ ꠢꠥꠡꠤꠀꠞꠤ

ꠇꠞꠘꠣꠞ ꠢꠥꠡꠤꠀꠞꠤ

ꠖꠥꠘꠤꠀꠎꠥꠠꠤ ꠇꠞꠘꠣ ꠢꠦꠎꠣꠞ ꠛꠟꠣꠔ ꠕꠣꠈꠔꠦ ꠕꠣꠈꠔꠦ ꠅꠘꠦ ꠛꠦꠚꠡꠣꠚꠣꠔꠤ ꠇꠥꠟꠤꠀ ꠖꠦꠅꠀ ꠅꠁꠍꠦ। ꠢꠤꠇꠣꠞ ꠚꠔꠤꠡꠐꠣꠘꠅ ꠇꠥꠟꠣꠞ ꠍꠤꠘ꠆ꠔꠣꠗꠣꠞꠣ ꠀꠍꠦ। ꠄꠛꠣꠄ ꠁ ꠝꠞꠇꠤꠞ ꠛꠟꠣ ꠔꠘꠦ ꠝꠣꠘꠡꠞꠦ ꠛꠣꠍꠣꠘꠤꠞ ꠖꠣꠄ ꠜꠦꠇꠍꠤꠘ ꠛꠘꠦꠞ ꠛꠣꠇ꠆ꠇꠣ ꠖꠦꠡ ꠅꠈꠟꠅ। ꠔꠄ ꠇꠞꠘꠣ ꠔꠘꠦ ꠛꠣꠍꠣꠞ ꠟꠣꠉꠤ ꠢꠥꠡꠤꠀꠞ ꠅꠀ ꠢꠈꠟ ꠔꠘꠦ ꠜꠣꠟꠣ। ꠇꠞꠘꠣ ꠕꠣꠇꠤ ꠛꠣꠍꠣꠞ ꠖꠣꠄ ꠔꠟꠞ ꠢꠥꠡꠤꠀꠞꠤ ꠛꠣꠞꠔꠣꠁꠘꠁꠘ ꠅꠘꠦ ꠉꠥꠞꠤꠀ ꠛꠦꠠꠣꠞ:

 

⁕ ꠍꠦꠚ ꠖꠤꠀ ꠐꠦꠈꠣ ꠉꠘꠣ ꠍꠣꠠꠤ ꠖꠦꠁꠘ⁕

⁕ ꠢꠇ꠆ꠇꠟꠞ ꠢꠋꠇꠦ ꠛꠠꠈꠞꠤ ꠡꠛ꠆ꠖ’ꠛꠝꠣꠞ ꠟꠣꠈꠣꠘ ꠄꠍꠤ ꠖꠦꠅꠀ ꠇꠥꠘꠥ ꠛꠦꠐꠣꠉꠦꠞꠤ ꠘꠣꠄ⁕

ꠄꠈꠎꠣꠞꠣ ꠢꠞꠤꠀ ꠉꠤꠀ ꠄꠍꠤ ꠖꠦꠁꠘ⁕

⁕ ꠀꠔ ꠝꠤꠟꠣꠘꠤ ꠀꠚꠣꠖꠔ ꠛꠘ ꠞꠣꠈꠁꠘ⁕

⁕ ꠒꠦꠁꠟꠦ ꠜꠣꠟꠣ ꠈꠞꠤ ꠉꠥꠍꠟ ꠈꠞꠁꠘ⁕

ꠀꠞ ꠚꠄ ꠚꠞꠤꠡꠇꠣꠞ ꠕꠣꠈꠁꠘ⁕

⁕ ꠈꠣꠁꠛꠣꠞ ꠀꠉꠦ ꠜꠣꠟꠣ ꠈꠞꠤ ꠀꠔ ꠖꠁꠟꠣꠁꠘ⁕

⁕ ꠛꠣꠞꠣ ꠍꠣ ꠈꠣꠅꠀ ꠈꠝꠣꠁꠟꠣꠁꠘ⁕

⁕ ꠛꠤꠠꠤ ꠍꠤꠉꠣꠞꠦꠐ ꠛꠣꠐꠤꠀ ꠈꠣꠅꠀ ꠛꠣꠖ ꠖꠤꠟꠣꠁꠘ

⁕ ꠛꠣꠞꠛꠣꠞ ꠍꠣꠛꠘ ꠛꠣ ꠀꠔ-ꠍꠣꠚꠣꠁ ꠖꠤꠀ ꠈꠍꠟꠣꠁꠀ ꠀꠔ ꠖꠁꠘ⁕

⁕ ꠘꠣꠇ ꠇꠥꠝꠐꠣꠘꠤ ꠛꠣꠖ ꠖꠤꠟꠣꠁꠘ⁕

ꠡꠛ ꠝꠣꠔꠞ ꠄꠈ ꠝꠣꠔ⁕ ꠚꠞꠤꠡꠇꠣꠞ ꠔꠣꠈꠣ ꠟꠣꠉꠛ, ꠚꠞꠤꠡꠇꠣꠞ ꠔꠣꠈꠟꠦ ꠝꠘ ꠜꠣꠟꠣ ꠔꠣꠈꠦ⁕

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠚꠣꠘꠤ ꠉꠞꠝꠞ ꠉꠤꠎꠣꠞꠞ ꠘꠟ ꠇꠥꠟꠤꠀ ꠏꠟꠡꠤ ꠎꠣꠃꠀ ꠃꠝꠣꠁꠞꠣ ꠛꠤꠘꠔꠦ ꠍꠥꠟꠣꠁꠝꠣꠘ ꠢꠦꠡꠝꠦꠡ ꠝꠣꠞꠣ ꠉꠦꠍꠦ

ꠍꠤꠐꠣꠉꠣꠋꠉꠞ ꠡꠣꠔꠇꠣꠘꠤꠀꠔ ꠚꠣꠘꠤ ꠉꠞꠝ ꠈꠞꠛꠣꠞ ꠉꠤꠎꠣꠞꠞ ꠘꠟ ꠇꠥꠟꠤꠀ ꠉꠞꠝ ꠚꠣꠘꠤꠄ ꠏꠟꠡꠤ ꠎꠣꠃꠀ ꠃꠝꠣꠁꠞꠣ ꠛꠤꠘꠔꠦ ꠍꠥꠟꠣꠁꠝꠣꠘ …