শুরমা ফারর খবর ছিলটি জবানে ছিলটর খবর
Related Articles
“ꠛꠤꠀꠘꠤꠛꠣꠎꠣꠞ ꠡꠣꠝꠣꠎꠤꠇ ꠅ ꠡꠣꠋꠁꠍꠇ꠆ꠞꠤꠔꠤꠇ ꠡꠝꠤꠔꠤ ꠁꠘꠇ꠆, ꠝꠤꠡꠤꠉꠣꠘ” ꠀꠝꠦꠞꠤꠇꠣꠞ ꠄꠈꠐꠣ ২৮ ꠛꠌ꠆ꠌꠞ ꠚꠥꠞꠣꠘꠣ ꠍꠤꠟꠐꠤ ꠡꠋꠉꠑꠘ, ꠎꠦꠈꠐꠣ ১৯৯৩ ꠡꠣꠟꠧ ꠡꠥꠞꠥ ꠅꠁꠍꠟꠧ⁕ ꠅꠔꠧ ꠚꠥꠘ꠆ꠘꠣ ꠅꠁꠟꠦꠅ ꠙ꠆ꠞꠣꠄ ꠄꠈꠎꠥꠉ ꠚꠞꠦ ꠡꠋꠉꠑꠘꠐꠣꠞ ꠜꠥꠐ ꠅꠞ ꠡꠣꠝꠘꠞ ১০ꠁ ꠅꠇ꠆ꠐꠥꠛꠞ⁕ ꠄꠞ ꠀꠉꠦ ꠡꠋꠉꠑꠘꠐꠣꠞ ꠔꠥꠠꠣ ꠡꠣꠋꠛꠤꠗꠣꠘꠤꠇ ꠀꠗꠥꠘꠤꠇꠣꠄꠅꠘ ꠈꠞꠣ ꠅꠁꠍꠦ⁕ ꠎꠣꠞ ꠚꠦꠇ꠆ꠇꠤꠔꠦ ꠛꠃꠔ ꠖꠟꠦ ꠅꠘꠦ ꠜꠥꠐꠧ ꠈꠣꠠꠣ ꠅꠁꠀ ꠛꠤꠀꠘꠤꠛꠣꠎꠣꠞ ꠛꠣꠡꠤꠞ ꠀꠡꠣ ꠜꠞꠡꠣ ꠚꠣꠟꠘꠦ ꠈꠣꠁꠡ ꠈꠞꠍꠂꠘ⁕
ꠎꠘꠡꠣꠗꠣꠞꠘꠞ ꠝꠣꠏꠦꠅ ꠜꠥꠐ ꠟꠁꠀ ꠄꠈꠐꠣ ꠇꠥꠡꠤꠇꠥꠡꠤ ꠜꠣꠛ ꠖꠦꠈꠣ ꠎꠣꠞ⁕ ꠄꠞꠖꠣꠄ ꠛꠤꠜꠤꠘ꠆ꠘ ꠉꠥꠞꠄ ꠅꠘꠦ ꠘꠤꠞ꠆ꠛꠣꠍꠘꠤ ꠚꠍꠣꠞꠘꠣ ꠍꠣꠟꠣꠁꠞꠣ⁕ ꠅꠟꠣꠘ ꠃ ꠄꠈꠐꠣ ꠘꠤꠞ꠆ꠛꠣꠍꠘꠤ ꠡꠜꠣ ꠅꠁꠀ ꠉꠦꠍꠦ ꠉꠦꠍꠦꠈꠣꠁꠟ⁕ ২৬ꠡꠦ ꠍꠦꠚꠐꠦꠝ꠆ꠛꠞ ꠞꠥꠎ ꠞꠁꠛꠣꠞ ꠁꠃꠄꠍ ꠡꠝꠄ ꠝꠣꠖꠣꠘ ৫ꠐꠣꠔ ꠜꠥꠐꠣꠜꠥꠐꠤ ꠃꠚꠟꠇ꠆ꠇꠦ ꠀꠎꠝꠟ-ꠛꠣꠛꠥꠟ ꠚꠞꠤꠡꠖꠞ ꠙꠦꠘꠦꠟ ꠚꠞꠤꠍꠤꠔꠤ ꠡꠜꠣꠞ ꠀꠄꠎꠘ ꠈꠞꠣ ꠅꠁꠍꠤꠟ⁕ 11945 ꠇꠘꠣꠘ꠆ꠐ ꠄꠁꠜ, ꠢꠣꠝꠐ꠆ꠞꠣꠝꠤꠇ ꠅꠞ “ꠀꠟꠣꠖꠤꠘ ꠍꠥꠁꠐ꠆ꠍ ꠄꠘ꠆ꠒ ꠇꠦꠚꠦꠔ” ꠁ ꠛꠂꠑꠈ ꠅꠄ⁕
ꠡꠜꠣꠔ ꠝꠤꠡꠤꠉꠣꠘꠧ ꠕꠣꠈꠣ ꠝꠥꠞꠛ꠆ꠛꠤ ꠀꠞ ꠢꠈꠟ ꠁꠍ꠆ꠔꠞꠞ ꠛꠤꠀꠘꠤꠛꠣꠎꠣꠞꠛꠣꠡꠤꠞꠦ ꠡꠥꠜꠦꠌ꠆ꠌꠣ ꠎꠣꠘꠣꠘꠤ ꠅꠄ ꠀꠞ ꠀꠡꠤꠇꠥꠡꠤꠞ ꠝꠣꠏꠦ ꠜꠥꠐ ꠖꠤꠛꠣꠞ ꠖꠣꠅꠔ ꠖꠦꠅꠀ ꠅꠄ⁕ ꠁ ꠡꠝꠄ ꠀꠎꠝꠟ-ꠛꠣꠛꠥꠟ ꠚꠞꠤꠡꠖꠞꠦ ꠘꠤꠞ꠆ꠛꠣꠍꠤꠔ ꠈꠞꠤꠀ ꠛꠤꠀꠘꠤꠛꠣꠎꠣꠞꠛꠣꠡꠤꠞ ꠡꠦꠛꠣ ꠈꠞꠣꠞ ꠡꠥꠎꠥꠉ ꠖꠤꠛꠣꠞ ꠈꠕꠣ ꠎꠣꠘꠣꠘꠤ ꠅꠄ⁕
