Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠛꠥꠠꠣ ꠖꠣꠖꠣꠞ ꠀꠈꠟ : ꠍꠟꠤꠝ ꠀꠢꠝꠖ ꠌꠃꠗꠥꠞꠤ

ꠛꠥꠠꠣ ꠖꠣꠖꠣꠞ ꠀꠈꠟ : ꠍꠟꠤꠝ ꠀꠢꠝꠖ ꠌꠃꠗꠥꠞꠤ

ꠇꠤꠌ꠆ꠌꠣ : ꠛꠥꠠꠣ ꠖꠣꠖꠣꠞ ꠀꠈꠟ

ꠔꠞꠏꠝꠣ ꠀꠞ ꠔꠥꠇꠣꠁꠀꠘꠞꠣ : ꠍꠟꠤꠝ ꠀꠢꠝꠖ ꠌꠃꠗꠥꠞꠤ (ꠞꠣꠎꠤꠘꠞ ꠛꠣꠚ)

___________

ꠄꠈꠛꠣꠞ ꠄꠈ ꠛꠥꠠꠣ ꠖꠣꠖꠣ ꠞꠦꠟꠉꠣꠠꠤꠔ ꠃꠑꠤꠍꠁꠘ⁕ ꠊꠐꠘꠣꠇ꠆ꠞꠝꠦ ꠛꠥꠠꠣ ꠖꠣꠖꠣ ꠞꠦꠟꠉꠣꠠꠤꠞ ꠏꠦ ꠒꠣꠛ꠆ꠛꠣꠔ ꠜꠅꠀꠔ ꠀꠍꠟꠣ, ꠅ ꠒꠣꠛ꠆ꠛꠣꠔ ꠀꠞ ꠇꠥꠘꠥ ꠝꠣꠘꠥꠡ ꠀꠍꠟꠣ ꠘꠣ⁕ ꠄꠈꠟꠣ ꠃ ꠛꠥꠠꠣ ꠖꠣꠖꠣ ꠜꠅꠀꠔ ꠀꠍꠟꠣ⁕

ꠀꠈꠔꠣ ꠇꠥꠘꠣꠘ ꠕꠣꠇꠤ ꠕꠣꠈꠠꠣ ꠏꠥꠀꠘ ꠚꠥꠀꠁꠘ 1Γꠉꠥ ꠌꠟꠘ꠆ꠔ ꠞꠦꠟꠉꠣꠠꠤꠔ ꠃꠑꠤꠀ ꠄꠈꠣꠞꠦ ꠒꠣꠁꠞꠦꠐ ꠛꠥꠠꠣ ꠖꠣꠖꠣꠞ ꠒꠣꠛ꠆ꠛꠣꠔ ꠢꠣꠝꠣꠁꠀ ꠍꠤꠇ ꠍꠤꠟ꠆ꠟꠣꠘꠤ ꠖꠤꠀ ꠉꠣꠘ ꠡꠥꠞꠥ ꠈꠞꠍꠁꠘ⁕

ꠉꠣꠘ ꠉꠣꠁꠔꠞꠣ ꠀꠞ ꠍꠣꠇ꠆ꠇꠥ ꠖꠤꠀ ꠀꠝ ꠍꠥꠟꠣꠁꠀ ꠈꠣꠁꠔꠞꠣ⁕

ꠄꠝꠘ ꠡꠝꠄ ꠄꠇ ꠏꠥꠀꠘ ꠚꠥꠀꠄ ꠈꠁꠟꠧ, ”ꠀꠉꠥꠀꠃ, ꠀꠝꠞꠣ ꠞꠦꠟꠉꠣꠠꠤꠞ ꠌꠦꠁꠘ ꠐꠣꠘꠤꠀ

ꠞꠦꠟꠉꠣꠠꠤ ꠅꠈꠣꠘ ꠕꠣꠝꠣꠁ-ꠟꠣꠁ⁕”

ꠖꠥꠍꠞꠣ ꠏꠥꠀꠘꠦ ꠈꠁꠟꠧ, “ꠘꠣ ꠖꠥꠍ꠆ꠔ, ꠟꠦꠈꠣ ꠖꠦꠈ ꠚꠣꠍ ꠡꠧ ꠐꠦꠈꠣ ꠏꠞꠤꠝꠣꠘꠣ ꠅꠘꠣꠖꠣꠄ ꠍꠄ ꠝꠣꠡ ꠏꠦꠟ⁕”

ꠚꠕꠝ ꠏꠥꠀꠘꠦ ꠈꠁꠟꠧ, “ꠖꠥꠞꠧ ꠀꠝꠞꠣ ꠄꠈꠡꠧ ꠄꠈꠡꠧ ꠈꠞꠤ ꠍꠣꠘ꠆ꠖꠣ ꠃꠑꠣꠁꠟꠦ ꠛꠣꠞꠧꠡꠧ ꠐꠦꠈꠣ ꠅꠁꠛꠧ⁕

ꠚꠣꠍ ꠡꠧ ꠐꠦꠈꠣ ꠏꠞꠤꠝꠣꠘꠣ ꠖꠤꠀꠅ ꠛꠣꠇꠤ ꠡꠣꠔ ꠡꠧ ꠐꠦꠈꠣ ꠕꠣꠈꠛꠧ⁕

-ꠀꠞ ꠅ ꠡꠣꠔꠡꠧ ꠐꠦꠈꠣ ꠖꠤꠀ, ꠀꠝꠞꠣ ꠝꠣꠖꠣꠘꠦ ꠚꠦꠐꠚꠦꠐꠣ ꠅꠁꠀ ꠢꠥꠐꠦꠟꠧ ꠈꠣꠁꠔꠣꠝ ꠚꠣꠞꠝꠥ⁕

(ꠛꠣꠞꠧꠡꠧ ꠐꠦꠈꠣ ꠔꠥꠟꠤꠀ 1ꠝ ꠏꠥꠀꠘꠦ ꠔꠣꠞ ꠏꠦꠛꠧ ꠞꠣꠈꠟꠧ)

ꠔꠤꠍꠞꠣ ꠏꠥꠀꠘꠦ ꠈꠁꠟꠧ, “ꠖꠥꠍ꠆ꠔ, ꠀꠝꠞꠣ ꠌꠦꠁꠘ ꠐꠣꠘꠤꠀ  ꠅ ꠛꠥꠠꠣ ꠅꠉꠥꠞꠦ ꠖꠦꠈꠣꠁ ꠖꠤꠝꠥ,  ꠚꠣꠍ ꠡꠧ ꠐꠦꠈꠣꠅ ꠛꠣꠍꠟꠧ ꠁꠀꠞ꠆ꠇꠤꠅ ꠅꠁꠟꠧ⁕ ꠀꠝꠞꠣ 1Γ-ꠉꠥꠄ ꠡꠣꠇ꠆ꠇꠤ ꠖꠤꠟꠦ ꠐꠤꠐꠤꠄ ꠀꠝꠞꠣꠞ ꠝꠣꠔ ꠝꠣꠘꠛꠧ⁕”

ꠛꠥꠠꠣ ꠖꠣꠖꠣꠄ ꠈꠣꠘ꠆ꠖꠤ ꠈꠣꠘ꠆ꠖꠤ ꠀꠔ ꠏꠥꠠ ꠈꠞꠤ ꠈꠁꠟꠣ, “ꠛꠣꠛꠣ ꠅꠈꠟ, ꠔꠥꠝꠞꠣ ꠀꠝꠣꠞ ꠚꠥꠀꠁꠘ꠆ꠔꠞ ꠛꠄꠡꠤ⁕ ꠇꠤꠔꠣꠞ ꠟꠣꠉꠤ ꠀꠝꠣꠞꠦ ꠁ ꠛꠤꠚꠖꠞ ꠝꠣꠏꠦ ꠚꠣꠡꠣꠁꠔꠞꠣꠄ?”

ꠏꠥꠀꠘ ꠅꠈꠟꠦ ꠛꠥꠠꠣ ꠖꠣꠖꠣꠞ ꠝꠤꠘꠔꠤꠞ ꠝꠥꠇꠣ ꠇꠤꠀꠟ ꠘꠣ ꠈꠞꠤꠀ ꠌꠦꠁꠘꠧ ꠐꠣꠘ ꠖꠤꠔꠦꠃ ꠐꠤꠐꠤ ꠀꠁꠀ ꠎꠤꠇꠣꠁꠟꠧ, “ꠈꠦꠉꠥꠄ ꠌꠦꠁꠘ ꠐꠣꠘꠤꠍꠧ?”

ꠏꠥꠀꠘ ꠚꠥꠀꠁꠘꠔꠦ ꠛꠥꠠꠣ ꠖꠣꠖꠣꠞꠦ ꠖꠦꠈꠣꠁꠀ ꠈꠁꠟꠣ, “ꠁꠔꠣ ꠅ ꠛꠥꠠꠣꠞ ꠈꠣꠝ⁕”

ꠐꠤꠐꠤꠄ ꠈꠁꠟꠧ, “ꠀꠃꠞꠤ ꠛꠦ-ꠖꠞꠇꠣꠞꠦ ꠌꠦꠁꠘ ꠐꠣꠘꠤꠟꠦ

ꠚꠣꠍ ꠡꠔ ꠐꠦꠈꠣ ꠏꠞꠤꠝꠣꠘꠣ ꠅꠕꠛꠣ ꠅꠘꠖꠣꠄ ꠍꠄ ꠝꠣꠡ ꠏꠦꠟ⁕”

ꠏꠥꠀꠘ ꠚꠥꠀꠁꠘ꠆ꠔꠦ ꠍꠤꠟ꠆ꠟꠣꠁꠀ ꠈꠁꠟꠣ, “ꠍꠣꠞ,

ꠛꠥꠠꠣꠄ ꠄꠝꠘꠦ ꠄꠝꠘꠦ ꠢꠥꠖꠣꠃꠖꠤ ꠌꠦꠁꠘ ꠐꠣꠘ ꠖꠤꠍꠦ⁕

ꠢꠧ ꠢꠧ ꠢꠧ ꠢꠧ………”

ꠛꠥꠠꠣ ꠖꠣꠖꠣꠄ ꠃꠛꠣꠁꠀ ꠈꠁꠟꠣ, “ꠐꠤꠐꠤ ꠍꠣꠛ

ꠀꠝꠤ ꠛꠠꠧ ꠛꠤꠚꠖꠧ ꠚꠠꠤꠀꠃ ꠌꠦꠁꠘ ꠐꠣꠘꠤꠍꠤ⁕”

ꠐꠤꠐꠤꠄ ꠈꠁꠟꠧ, “ꠇꠤꠔꠣ ꠛꠤꠚꠖ?”

ꠛꠥꠠꠣ ꠖꠣꠖꠣꠄ ꠈꠁꠟꠣ,  “ꠅ ꠏꠥꠀꠘ ꠚꠥꠀꠁꠘ꠆ꠔꠦ ꠀꠝꠣꠞꠦ ꠄꠈꠟꠣ ꠚꠣꠁꠀ ꠀꠝꠣꠞ ꠉꠟꠣꠔ ꠍꠣꠇ꠆ꠇꠥ ꠗꠞꠤꠀ ꠀꠝꠣꠞ ꠛꠣꠞꠧꠡꠧ ꠐꠦꠈꠣ ꠍꠤꠘꠔꠣꠁ ꠇꠞꠍꠁꠘ⁕”

ꠐꠤꠐꠤꠄ ꠢꠥꠘꠤꠀ ꠈꠁꠟꠧ, “ꠁꠀꠟ꠆ꠟꠣꠢ ꠁꠔꠣ ꠇꠤꠔꠣ ꠢꠥꠘꠣꠁꠟꠣ?”

ꠛꠥꠠꠣ ꠖꠣꠖꠣꠄ ꠈꠁꠟꠣ,  “ꠀꠚꠘꠦ ꠅ ꠅꠉꠥꠞ ꠏꠦꠛꠧ ꠀꠔ ꠢꠣꠞꠣꠁꠀ ꠖꠦꠈꠁꠘ ꠀꠝꠣꠞ 1Γ ꠡꠧ ꠐꠦꠈꠣ ꠚꠣꠁꠛꠣ, ꠀꠞ ꠅ ꠔꠣꠞꠣꠞ ꠛꠦꠉꠧ ꠍꠣꠇ꠆ꠇꠥꠅ ꠚꠣꠁꠛꠣ⁕”

ꠐꠤꠐꠤꠄ ꠚꠥꠟꠤꠡ ꠇꠟ ꠈꠞꠤ 1Γ ꠏꠘꠞꠦ ꠉ꠆ꠞꠦꠚꠔꠣꠞ

ꠈꠞꠣꠁꠀ ꠟꠁꠀ ꠏꠣꠃꠀꠞ ꠡꠝꠄ ꠛꠥꠠꠣ ꠖꠣꠖꠣꠄ ꠏꠥꠀꠘ ꠅꠈꠟꠞꠦ ꠈꠁꠟꠣ, -ꠅ ꠎꠦ ꠖꠦꠈꠞꠣꠄ ꠚꠣꠈꠘꠣ ꠍꠥꠟ/ꠖꠣꠠꠤ, ꠁꠔꠣ ꠢꠣꠅꠀꠄ ꠢꠣꠅꠀꠄ ꠗꠟꠣ ꠅꠁꠍꠦ ꠘꠣ…

5/5 - (2 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …