শুরমা ফারর খবর ছিলটি জবানে ছিলটর খবর
Related Articles
ꠄꠈꠎꠣꠞꠣ ꠊꠐꠘꠣ ꠟꠁꠀ ꠛ꠆ꠞꠣꠝ꠆ꠝꠘꠛꠣꠠꠤꠀ ꠛꠤꠎꠄꠘꠉꠞ ꠃꠚꠎꠤꠟꠣꠞ ꠙꠔ꠆ꠔꠘ ꠁꠘꠤꠅꠘꠞ ꠝꠘꠤꠚꠥꠞ ꠉꠣꠅꠔ ꠖꠥꠁ ꠉꠥꠞꠞ ꠝꠣꠞꠣꠝꠣꠞꠤꠔ ꠀꠗ’ꠡꠞ ꠃꠚꠞꠦ ꠝꠣꠘꠡꠦ ꠍꠐ ꠚꠣꠁꠍꠦ⁕ ꠡꠘꠤꠛꠣꠞ (০৮ ꠀꠉꠡ꠆ꠐ) ꠛꠤꠀꠟ ꠡꠣꠠꠦ ꠔꠤꠘꠐꠣ ꠛꠣꠄ ꠁ ꠊꠐꠘꠣ ꠊꠐꠦ⁕
ꠝꠣꠞꠣꠝꠣꠞꠤꠞ ꠊꠐꠘꠣꠔ ꠍꠐ ꠚꠣꠅꠞꠣ ꠅꠘ꠆ꠔꠔ ৪০ ꠎꠘꠞꠦ ꠛ꠆ꠞꠣꠝ꠆ꠝꠘꠛꠣꠠꠤꠀ ২৫০ ꠍꠤꠐ ꠃꠟꠤ ꠡꠖꠞ ꠀꠡꠙꠣꠔꠣꠟꠅ ꠌꠤꠇꠤꠡꠡꠣ ꠖꠦꠅꠀ ꠅꠁꠍꠦ⁕
ꠚꠥꠟꠤꠡ ꠀꠞ ꠖꠦꠈꠞꠣꠁꠘ꠆ꠔꠦ ꠈꠁꠘ, ꠝꠣꠖꠣꠘ ꠡꠣꠠꠦ ꠔꠤꠘꠐꠣ ꠛꠣꠄ ꠙꠔ꠆ꠔꠘ ꠁꠘꠤꠅꠘꠅ ꠛꠘꠔꠦ ꠕꠣꠈꠣ ꠡꠦꠈ ꠢꠣꠍꠤꠘꠣ ꠡꠠꠈꠞ ꠈꠣꠘ꠆ꠖꠣꠞ ꠎꠦꠉꠣꠔ ꠉꠞꠥꠞ ꠚꠣꠞꠝ ꠛꠣꠘꠣꠘꠤꠔ ꠀꠍ꠆ꠟꠣ ꠄꠟꠣꠇꠣꠞ ꠚꠜꠣꠛꠡꠣꠟꠤ ꠎꠣꠇꠤꠞ ꠢꠥꠡꠦꠘꠞ ꠍꠣꠙꠥꠐꠣꠞ ꠘꠤꠟꠥꠝꠤꠀ⁕ ꠁꠘꠅ ꠛꠣꠗꠣ ꠖꠦꠁꠘ ꠙꠔ꠆ꠔꠘ ꠁꠘꠤꠅꠘꠞ ১ꠘꠋ ꠅꠀꠞ꠆ꠒ ꠝꠦꠝ꠆ꠛꠣꠞ ꠡꠦꠟꠤꠝ ꠃꠖ꠆ꠖꠤꠘꠞ ꠍꠣꠙꠥꠐꠣꠞ ꠅꠈꠟꠦ⁕ ꠁ ꠛꠣꠟꠣ ꠔꠣꠞꠣꠞ ꠝꠣꠏꠦ ꠚꠁꠟ ꠢꠣꠃꠇꠣ ꠢꠣꠃꠇꠤ ꠅꠄ⁕
ꠛꠣꠖꠦ ꠁꠔꠣ ꠟꠁꠀ ꠝꠘꠤꠚꠥꠞ ꠛꠣꠎꠣꠞꠅ ꠡꠦꠟꠤꠝ ꠃꠖ꠆ꠖꠤꠘꠞ ꠍꠣꠙꠥꠐꠣꠞ ꠅꠈꠟꠞ ꠃꠚꠞꠦ ꠎꠣꠇꠤꠞ ꠢꠥꠡꠦꠘꠞ ꠍꠣꠙꠥꠐꠣꠞ ꠅꠈꠟꠦ ꠀꠈꠔꠣ ꠢꠣꠝꠟꠣ ꠍꠣꠟꠣꠄ⁕ ꠛꠣꠖꠦ ꠡꠦꠟꠤꠝ ꠃꠖ꠆ꠖꠤꠘꠞ ꠍꠣꠙꠥꠐꠣꠞ ꠅꠈꠟꠦꠅ ꠙꠣꠟ꠆ꠐꠣ ꠢꠣꠝꠟꠣ ꠍꠣꠟꠣꠁꠟꠦ ꠖꠥꠁ ꠉꠥꠞꠞ ꠝꠣꠏꠦ ꠈꠦꠍꠣꠈꠦꠍꠤ ꠝꠣꠁꠞ ꠟꠣꠉꠦ⁕ ꠙꠦꠞꠣꠄ ꠊꠘ꠆ꠐꠣ ꠎꠥꠠꠤ ꠍꠟꠣ ꠝꠣꠁꠞꠦ ꠖꠄꠉꠥꠞꠞ ꠙꠦꠞꠣꠄ ꠀꠗ’ꠡꠞ ꠛꠦꠡꠤ ꠝꠣꠘꠡꠦ ꠍꠐ ꠚꠣꠄ⁕ ꠛꠣꠖꠦ ꠛꠤꠎꠄꠘꠉꠞ ꠕꠣꠘꠣꠚꠥꠟꠤꠡ ꠊꠐꠘꠣꠞ ꠁꠘꠅ ꠀꠁꠀ ꠙꠞꠤꠍ꠆ꠕꠤꠔꠤ ꠇꠘꠐꠟ ꠈꠞꠦ⁕
