শুরমা ফারর খবর ছিলটি জবানে ছিলটর খবর
Related Articles
ꠅꠘꠟꠣꠁꠘ ꠐꠤꠇꠦꠐ ꠘꠣ ꠚꠣꠃꠀ ꠉꠦꠟꠦꠅ ꠚ꠆ꠟꠣꠁꠐꠅ ꠛꠃꠔ ꠍꠤꠐ ꠈꠣꠟꠤ ꠞꠃꠀꠞ ꠘꠣꠟꠤꠡ ꠟꠁꠀ ꠍꠡꠣꠟ ꠝꠤꠒꠤꠀꠔ ꠘꠦꠐꠤꠎꠦꠘ ꠅꠈꠟꠦ ꠡꠝꠣꠟꠥꠍꠘꠣ ꠀꠞ ꠈꠣꠃꠞꠤ ꠈꠣꠁꠔꠦ ꠕꠣꠈꠟꠦ ꠅꠚꠤꠡꠤꠀꠟ ꠐꠥꠇꠣ ꠍꠣꠚꠤꠀ ꠁꠇꠣꠘꠞ ꠚꠔꠤꠛꠣꠖ ꠎꠣꠘꠣꠁꠍꠦ ꠞꠣꠡ꠆ꠐꠤꠅ ꠙꠔꠣꠇꠣꠀꠟꠣ ꠉꠥꠁꠐ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍ ⁕ ꠁ ꠛꠤꠡꠄꠈꠣꠘ ꠟꠁꠀ ꠚꠦꠍꠤꠘ꠆ꠖꠣꠞ ꠀꠞ ꠀꠝꠎꠘꠔꠣꠞ ꠝꠣꠏꠦ ‘ꠛꠦꠞꠣꠍꠦꠞꠣ ꠟꠣꠉꠤꠉꠦꠍꠦ’ ꠅꠜꠤꠎꠥꠉ ꠈꠞꠤꠀ ꠛꠤꠝꠣꠘꠦ ꠟꠤꠝ ꠖꠦꠄ, ꠁꠇꠣꠘ ꠛꠥꠟꠦ ꠔꠣꠞꠣꠞ ‘ꠘꠣꠝ ꠒꠥꠛꠣꠘꠤꠞ ꠚꠣꠄꠔꠣꠞꠣ’ ⁕
ꠅꠘꠟꠣꠁꠘꠅ ꠛꠥꠇ ꠈꠞꠣꠔ ꠉꠦꠟꠦ ꠐꠤꠇꠦꠐ ꠚꠣꠃꠀ ꠎꠣꠄ ꠘꠣ, ꠔꠄ ꠖꠦꠈꠣ ꠎꠣꠄ ꠚ꠆ꠟꠣꠁꠐꠅ ꠛꠃꠔ ꠍꠤꠐ ꠈꠣꠟꠤ– ꠁꠟꠣꠘ ꠅꠜꠤꠎꠥꠉ ꠞꠣꠎ꠆ꠎꠤꠞ ꠖꠤꠘ ꠁꠝꠣ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞ ꠛꠤꠞꠥꠖ꠆ꠖꠦ ꠞꠁꠍꠦ ⁕
ꠉꠦꠍꠦ ꠛꠥꠗꠛꠣꠞ ꠇꠤꠐꠘ ꠡꠤꠇꠖꠣꠞ ꠟꠘ꠆ꠒꠘꠔꠘꠦ ꠄꠉꠥ ꠚ꠆ꠟꠣꠁꠐꠞ ꠍꠛꠤ ꠘꠤꠎꠞ ꠚꠦꠍꠛꠥꠇꠅ ꠛꠣꠐꠤꠀ ꠖꠦꠁꠘ ⁕ ꠎꠦꠘꠅ ꠔꠣꠁꠘ ꠟꠦꠈꠂꠘ, ‘ꠛꠣꠋꠟꠣꠖꠦꠡ ꠛꠤꠝꠣꠘꠞ ꠟꠘ꠆ꠒꠘ ꠐꠥ ꠛꠣꠋꠟꠣꠖꠦꠡ ꠚ꠆ꠟꠣꠁꠐꠞ ꠀꠁꠎꠇꠥꠞ ꠍꠤꠔ꠆ꠞ 1৩/0৩/Γ0Γb ⁕ (ꠛꠤꠎꠤ-Γ0Γ)’
ꠡꠛ ꠡꠤꠐꠣꠁꠘ ꠈꠣꠟꠤ ⁕ ꠇꠤꠘ꠆ꠔꠥꠇ ꠐꠤꠇꠦꠐ ꠈꠞꠣꠔ ꠉꠦꠟꠦ ꠡꠛ ꠐꠤꠇꠦꠐ ꠛꠤꠇꠤ ꠅꠁꠉꠦꠍꠦ ꠀꠞ ꠚꠥꠟꠟꠤ ꠛꠥꠇꠒ ꠅꠔꠣ ꠖꠦꠈꠣꠄ ⁕
ꠔꠣꠁꠘ ꠀꠞꠅ ꠎꠣꠘꠣꠁꠘ, ‘ꠇꠤꠍꠥ ꠍꠤꠘ꠆ꠒꠤꠇꠦꠐ ꠍꠥꠞ ꠛꠣꠐꠚꠣꠞꠈꠟꠞ ꠖꠣꠄ ꠚꠞꠔꠦꠈ ꠚꠤꠞꠣ ꠡꠔ ꠡꠔ ꠇꠥꠐꠤ ꠐꠦꠈꠣ ꠟꠥꠇꠡꠣꠘ ꠉꠘꠣ ꠟꠣꠉꠦ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞꠦ ꠔꠕꠣ ꠛꠣꠋꠟꠣꠖꠦꠡ ꠡꠞꠈꠣꠞꠞꠦ ⁕ ꠅꠔꠣꠞ ꠈꠣꠞꠘꠦꠃ ꠛꠤꠝꠣꠘꠞ ꠐꠤꠇꠦꠐꠞ ꠖꠣꠝ ꠢꠈꠟ ꠛꠣꠟꠣ ꠛꠟꠘ ꠀꠞ ꠛꠤꠝꠣꠘꠞꠦ ꠢꠣꠞꠣ ꠛꠍꠞ ꠟꠥꠇꠡꠣꠘ ꠉꠘꠣ ꠟꠤꠉꠦ ⁕’
ꠇꠤꠐꠘ ꠡꠤꠇꠖꠣꠞꠞ ꠙꠥꠡ꠆ꠐ ꠁꠇꠣꠘ ꠍꠡꠣꠟ ꠝꠤꠒꠤꠀꠔ ꠍꠤꠔ꠆ꠞꠤ ꠎꠣꠄ ⁕ ꠛꠣꠖꠦ ꠁꠇꠣꠘ ꠟꠁꠀ ꠚꠔꠤꠛꠣꠖ ꠎꠣꠘꠣꠁꠀ ꠎꠥꠝ꠆ꠝꠣꠛꠣꠞꠦ ꠁ ꠈꠛꠞꠞ ꠐꠥꠇꠣ ꠎꠣꠚꠣꠄ ꠛꠤꠝꠣꠘꠦ ⁕
ꠎꠦ ꠎꠣꠉꠣꠔ ꠔꠣꠞꠣ ꠎꠣꠘꠣꠄ, ‘ꠡꠛꠞꠦ ꠖꠤꠀꠘ ꠖꠦꠃꠀꠞ ꠟꠣꠉꠤ ꠎꠣꠘꠣꠘꠤ ꠎꠣꠁꠞ ꠎꠦ, ꠄꠀꠞꠟꠣꠁꠘ꠆ꠍ ꠛꠦꠛꠡꠣꠔ ꠟꠤꠘ/ꠙꠤꠇ ꠝꠃꠡꠥꠝ ꠀꠍꠦ ⁕ ꠚꠛꠤꠔ꠆ꠞ ꠞꠝꠏꠣꠘ ꠝꠣꠡꠞ ꠡꠥꠞꠥ ꠛꠣꠄ ꠀꠞ ꠝꠣꠞ꠆ꠌ ꠝꠣꠡ ꠡꠣꠗꠣꠞꠘꠔ ꠛꠤꠟꠣꠔ ꠔꠘꠦ ꠛꠣꠋꠟꠣꠖꠦꠡꠞ ꠎꠣꠔ꠆ꠞꠤ ꠍꠣꠢꠤꠖꠣ ꠔꠥꠞꠣ ꠕꠣꠈꠦ (ꠟꠤꠘ ꠍꠤꠎꠘ), ꠇꠤꠘ꠆ꠔꠥꠇ ꠛꠣꠋꠟꠣꠖꠦꠡ ꠔꠘꠦ ꠛꠤꠟꠣꠔꠛꠣꠄꠖꠤ ꠎꠣꠔ꠆ꠞꠤꠞ ꠍꠣꠢꠤꠖꠣ ꠕꠣꠈꠦ (ꠙꠤꠇ ꠍꠤꠎꠘ) ⁕
‘ꠁꠀꠖ꠆ꠞꠣꠇꠥ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞ ꠛꠣꠋꠟꠣꠖꠦꠡ ꠔꠘꠦ ꠛꠤꠟꠣꠔꠛꠣꠄꠖꠤ ꠡꠛꠐꠤꠘ ꠚ꠆ꠟꠣꠁꠐ ꠍꠤꠐꠣꠁꠘ꠆ꠔꠞ ꠙ꠆ꠞꠣꠄ ꠡꠝꠣꠘ ꠡꠁꠋꠇꠣꠞ ꠎꠣꠔ꠆ꠞꠤ ꠟꠁꠀ ꠍꠟꠣꠍꠟ ꠈꠞꠦꠞ ⁕ ꠇꠤꠘ꠆ꠔꠥꠇ ꠛꠤꠟꠣꠔ ꠔꠘꠦ ꠛꠣꠋꠟꠣꠖꠦꠡꠛꠣꠄꠖꠤ ꠚ꠆ꠟꠣꠁꠐ ꠁꠀꠖ꠆ꠞꠣ ꠟꠤꠘ ꠍꠤꠎꠘꠞ ꠖꠣꠄ ꠔꠥꠞꠣ ꠚꠦꠍꠤꠘ꠆ꠖꠣꠞ ꠟꠁꠀ ꠍꠟꠣꠍꠟ ꠈꠞꠦꠞ ⁕ ꠄꠙ꠆ꠞꠤꠟ ꠝꠣꠡꠞ ꠢꠦꠡꠛꠤꠄꠖꠤ ꠛꠤꠟꠣꠔ ꠔꠘꠦ ꠛꠣꠋꠟꠣꠖꠦꠡꠛꠣꠄꠖꠤ ꠚ꠆ꠟꠣꠁꠐꠅ ꠚꠦꠍꠤꠘ꠆ꠖꠣꠞꠞ ꠡꠁꠋꠇꠣ ꠛꠟꠔꠦ ꠕꠣꠈꠛ ⁕ ꠛꠤꠡꠦꠡꠈꠞꠤ ꠈꠃꠀ ꠟꠣꠉꠦ, ꠉꠦꠍꠦ ꠢꠣꠚꠔꠣ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞ ꠢꠇ꠆ꠇꠟ ꠍꠦꠇ꠆ꠐꠞꠦꠖꠤ ꠉꠠꠦ 8d ꠡꠔꠣꠋꠡ ꠚꠦꠍꠤꠘ꠆ꠖꠣꠞ (ꠇꠦꠛꠤꠘ ꠚꠦꠇ꠆ꠐꠞ) ꠀꠍꠤꠟ ⁕’
ꠛꠤꠝꠣꠘꠦ ꠎꠣꠘꠣꠄ, ‘ꠍꠤꠐꠣꠁꠘ ꠈꠣꠟꠤ ꠕꠣꠈꠣꠞ ꠛꠣꠖꠦꠅ ꠐꠤꠇꠦꠐ ꠇꠤꠘꠣꠔ ꠉꠦꠟꠦ ꠈꠄ ꠐꠤꠇꠦꠐ ꠘꠣꠁ’- ꠁꠇꠣꠘ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍ ꠎꠤꠝ꠆ꠝꠣꠖꠣꠞꠤꠘ꠆ꠔꠞ ꠛꠤꠞꠥꠖ꠆ꠖꠦ ꠄꠉꠥ ‘ꠝꠘꠉꠠꠣ’ ꠛꠄꠀꠘ ⁕
‘ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞ ꠡꠛ ꠐꠤꠇꠦꠐ ꠢꠈꠟꠞ ꠐꠣꠁꠘ ꠛꠦꠍꠣꠞ ꠟꠣꠉꠤꠘ ꠛꠣꠈꠞꠤꠀ ꠕꠃꠀ ⁕ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞ ꠐꠤꠇꠦꠐ ꠡꠝ꠆ꠝꠣꠘꠤꠔ ꠚꠦꠍꠤꠘ꠆ꠖꠣꠞꠦ ꠎꠦꠍꠣ ꠅꠘꠥꠝꠥꠖꠤꠔ ꠐ꠆ꠞꠣꠜꠦꠟ ꠄꠎꠦꠘ꠆ꠐ ꠍꠣꠠꠣꠅ ꠛꠤꠝꠣꠘꠞ ꠘꠤꠎꠡ꠆ꠡ ꠅꠄꠛꠍꠣꠁꠐ, ꠝꠥꠛꠣꠁꠟ ꠄꠙ, ꠀꠞ ꠛꠤꠝꠣꠘꠞ ꠘꠤꠎꠡ꠆ꠡ ꠛꠦꠍꠣꠞ ꠇꠦꠘ꠆ꠖ꠆ꠞ ꠔꠘꠦ ꠇꠤꠘꠔꠣ ꠚꠣꠞꠛꠣ ⁕’
ꠇꠤꠐꠘ ꠡꠤꠇꠖꠣꠞꠞꠦ ꠐꠦꠡꠝꠣꠞꠤꠀ ꠄꠟꠣꠘ-ꠐꠥꠇꠣꠔ ꠉꠣꠃꠀ ꠅꠁꠍꠦ, ‘ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞ ꠜꠤꠔꠞꠦ ꠀꠘꠣ-ꠅꠘꠥꠝꠔꠤꠄ ꠍꠛꠤ ꠀꠞ ꠜꠤꠒꠤꠅ ꠈꠞꠣ ꠀꠞ ꠅꠔꠣ ꠍꠛꠤ ꠇꠤ ꠜꠤꠒꠤꠅ ꠍꠡꠣꠟ ꠝꠤꠒꠤꠀ ꠡꠢ ꠒꠤꠎꠤꠐꠣꠟ ꠎꠦꠍꠣ ꠏꠞꠤꠀꠔ ꠚꠍꠣꠞ ꠈꠞꠤꠀ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞ ꠛꠤꠞꠥꠖ꠆ꠖꠦ ꠇꠥꠐꠘꠣꠝꠤ ꠀꠞ ꠛꠣꠘꠤꠎꠣꠟꠤ ꠔꠁꠔ꠆ꠔ ꠚꠍꠣꠞ ꠈꠞꠣ ꠀꠁꠘ ꠀꠘꠝꠣꠘ ꠒꠣꠘ꠆ꠒꠣꠞꠟꠣꠈ ꠅꠚꠞꠣꠗ ⁕
‘ꠄꠞꠖꠣꠄ, ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞꠟꠣꠁꠘ꠆ꠍꠞ ꠛꠤꠞꠥꠖ꠆ꠖꠦ ꠛꠣꠘꠤꠎꠣꠟꠤ, ꠀꠇꠥꠐꠟꠣꠝꠤ ꠀꠞ ꠛꠦꠀꠁꠘꠤ ꠔꠁꠔ꠆ꠔ ꠟꠣꠉꠣꠁꠟ ꠇꠥꠘꠥ ꠙꠥꠡ꠆ꠐ ꠚꠦꠍꠛꠥꠇ ꠀꠞꠘꠣꠄ ꠍꠡꠣꠟ ꠝꠤꠒꠤꠀꠔ ꠍꠣꠚꠣꠘꠤ ꠇꠤ ꠚꠍꠣꠞ ꠘꠣ ꠈꠞꠣꠞ ꠖꠣꠄ ꠀꠝꠎꠘꠔꠣꠞ ꠐꠣꠁꠘ ꠛꠤꠡꠦꠡ ꠈꠣꠎ ꠈꠃꠀ ꠎꠣꠁꠞ ⁕’
