শুরমা ফারর খবর ছিলটি জবানে ছিলটর খবর
Related Articles
ꠛꠥꠠꠤꠉꠣꠋꠔ ꠝꠞꠘꠤꠋ ꠛꠣꠞ꠆ꠒ ꠟꠘ꠆ꠌ ꠜꠥꠞꠣꠞ ꠊꠐꠘꠣꠔ ꠝꠁꠃꠞ-২ ꠟꠘ꠆ꠌꠞ ꠝꠣꠟꠤꠇ ꠝꠥꠍꠣꠖ꠆ꠖꠦꠇ ꠡꠥꠎꠣꠖꠞꠦ ꠉ꠆ꠞꠦꠚꠔꠣꠞ ꠈꠞꠍꠦ ꠘꠃ ꠙꠥꠟꠤꠡꠦ। ꠉꠦꠍꠦ ২৯ ꠎꠥꠘ ꠡꠖꠞꠊꠣꠐ ꠛꠥꠠꠤꠉꠣꠋ ꠘꠖꠤꠔ ꠝꠞꠘꠤꠋ ꠛꠣꠞ꠆ꠒ ꠟꠘ꠆ꠌ ꠄꠇꠍꠤꠒꠦꠘ꠆ꠐꠞ ꠡꠤꠇꠣꠞ ꠅꠁꠟꠦ ꠘꠃ-ꠙꠥꠟꠤꠡꠞ ꠙꠇ꠆ꠇ ꠔꠘꠦ ꠝꠁꠃꠞ-২ ꠟꠘ꠆ꠌꠞ ꠝꠣꠟꠤꠇ ꠝꠥꠍꠣꠖ꠆ꠖꠦꠇ ꠡꠥꠎꠣꠖꠞꠦ ꠝꠥꠟ ꠀꠡꠣꠝꠤ ꠈꠞꠤ ꠝꠣꠝꠟꠣ ꠈꠞꠣ ꠅꠄ।
ꠛꠥꠗꠛꠣꠞ (৮ ꠎꠥꠟꠣꠁ) ꠖꠤꠛꠣꠉꠔ ꠞꠣꠁꠔ ꠔꠤꠘꠐꠣ ꠛꠣꠄ ꠞꠣꠎꠗꠣꠘꠤ ꠔꠘꠦ ꠔꠣꠘꠞꠦ ꠉ꠆ꠞꠦꠚꠔꠣꠞ ꠈꠞꠣ ꠅꠄ।
ꠄꠞ ꠀꠉꠦ ꠝꠁꠃꠞ-২ ꠟꠘ꠆ꠌꠞ ꠡꠥꠙꠣꠞꠜꠣꠁꠎꠣꠞ ꠀꠛꠖꠥꠡ ꠡꠣꠟꠣꠝꠞꠦꠅ ꠉ꠆ꠞꠦꠚꠔꠣꠞ ꠈꠞꠦ ꠘꠃ ꠙꠥꠟꠤꠡꠦ।
ꠟꠘ꠆ꠌ ꠄꠇꠍꠤꠒꠦꠘ꠆ꠐꠞ ꠝꠣꠏꠦ ꠚꠞꠣ ꠄꠝꠄꠟ ꠝꠞꠘꠤꠋ ꠛꠣꠞ꠆ꠒ ꠘꠣꠝꠞ ꠁ ꠚꠦꠍꠤꠘ꠆ꠖꠣꠞꠃꠟꠤ ꠟꠘ꠆ꠌ ꠝꠥꠘ꠆ꠡꠤꠉꠘ꠆ꠎꠞ ꠇꠣꠑꠙꠐ꠆ꠐꠤ ꠔꠘꠦ ꠡꠖꠞꠊꠣꠐꠞ ꠛꠣꠄ ꠀꠅꠀꠔ ꠀꠍꠟ। ꠡꠦꠝꠛꠣꠎꠣꠞꠞ ꠈꠣꠘ꠆ꠖꠣꠔ ꠛꠥꠠꠤꠉꠣꠋꠔ ꠝꠁꠃꠞ-২ ꠘꠣꠝꠦ ꠀꠈꠇꠐꠣ ꠛꠠ ꠟꠘ꠆ꠌꠞ ꠗꠣꠇ꠆ꠇꠣꠄ ꠁꠉꠥ ꠜꠥꠞꠤ ꠎꠣꠄ। ꠄꠇꠍꠤꠒꠦꠘ꠆ꠐꠅ ৩৪ ꠎꠘꠞ ꠝꠃꠔ ꠅꠄ।
ꠁ ꠊꠐꠘꠣꠄ ꠉꠔ ৩০ ꠎꠥꠘ ꠡꠖꠞꠊꠣꠐ ꠘꠃꠙꠥꠟꠤꠡꠞ ꠄꠍꠀꠁ ꠡꠣꠝꠍꠥꠟ ꠀꠟꠝ ꠛꠣꠖꠤ ꠅꠁꠀ ꠓꠣꠇꠣ ꠖꠇ꠆ꠇꠤꠘ ꠇꠦꠞꠣꠘꠤꠉꠘ꠆ꠎ ꠕꠣꠘꠣꠎ ꠄꠇꠐꠣ ꠝꠣꠝꠟꠣ ꠖꠣꠄꠞ ꠈꠞꠁꠘ। ꠝꠣꠝꠟꠣꠔ ꠄꠇꠍꠤꠒꠦꠘ꠆ꠐ ꠀꠅꠀ ꠟꠘ꠆ꠌꠞꠦ ꠗꠣꠇ꠆ꠇꠣ ꠖꠦꠅꠀ ꠝꠁꠃꠞ-২ ꠟꠘ꠆ꠌꠞ ꠝꠣꠟꠤꠇ ꠝꠥꠍꠣꠖ꠆ꠖꠦꠇ ꠢꠣꠘꠤꠚ ꠡꠥꠎꠣꠖ, ꠝꠣꠡ꠆ꠐꠣꠞ ꠀꠛꠥꠟ ꠛꠣꠡꠣꠞ, ꠝꠣꠡ꠆ꠐꠣꠞ ꠎꠣꠇꠤꠞ ꠢꠥꠡꠦꠘ, ꠁꠡ꠆ꠐꠣꠚ ꠡꠤꠙꠘ ꠢꠣꠅꠟꠣꠖꠣꠞ, ꠡꠣꠇꠤꠟ ꠢꠥꠡꠦꠘ, ꠞꠤꠖꠄ ꠀꠞ ꠡꠥꠇꠣꠘꠤ ꠘꠣꠡꠤꠞ ꠝ꠆ꠞꠤꠗꠣꠞ ꠘꠣꠝ ꠃꠟ꠆ꠟꠦꠈ ꠈꠞꠤ ꠅꠎꠣꠘꠣ ꠀꠞꠅ ꠚꠣꠌ-ꠡꠣꠔꠎꠘꠞꠦ ꠀꠡꠣꠝꠤ ꠈꠞꠣ ꠅꠁꠍꠦ।
ꠝꠣꠝꠟꠣ ꠁꠇꠐꠣ ꠔꠖꠘ꠆ꠔꠞ ꠟꠣꠉꠤ ꠀꠉꠣꠝꠤ ১৭ ꠀꠉꠡ꠆ꠐ ꠙꠞ꠆ꠎꠘ꠆ꠔ ꠡꠝꠄ ꠖꠤꠍꠁꠘ ꠓꠣꠇꠣꠞ ꠍꠤꠘꠤꠄꠞ ꠎꠥꠒꠤꠡꠤꠀꠟ ꠝꠦꠎꠤꠡꠐ꠆ꠞꠦꠁꠐ ꠇꠣꠝꠞꠥꠘ꠆ꠘꠣꠢꠣꠞꠦ।
ꠁ ꠊꠐꠘꠣꠔ ꠝꠁꠃꠞ-২ ꠅꠞ ꠝꠣꠡ꠆ꠐꠣꠞ, ꠌꠣꠟꠇ ꠅ ꠡꠥꠇꠣꠘꠤꠡꠢ ꠛꠣꠇꠤ ꠢꠦꠞꠣꠞ ꠖꠣꠁꠔ꠆ꠔꠞ ꠝꠣꠏꠦ ꠅꠛꠢꠦꠟꠣꠞꠦ ꠝꠥꠟꠔ ꠖꠣꠁ ꠈꠞꠤꠀ ꠝꠘꠈꠞꠣ ꠅꠄ। ꠄꠍꠣꠠꠣ ꠜꠥꠞꠤ ꠎꠣꠅꠀ ꠜꠣꠋꠉꠣꠞꠤꠋꠉꠣ ꠛꠣꠞꠤꠇꠝꠤꠞꠤꠇ ꠟꠘ꠆ꠌ ꠝꠞꠘꠤꠋ ꠛꠣꠞ꠆ꠒꠞ ꠍꠟꠣꠍꠟꠞ ꠅꠘꠥꠝꠥꠖꠘꠞ ꠛꠤꠡꠅ ꠟꠁꠀ ꠅ ꠙ꠆ꠞꠡ꠆ꠘ ꠃꠑꠍꠦ। ꠁ ꠅꠘꠥꠝꠥꠖꠘꠞ ꠟꠣꠉꠤ ꠛꠤꠀꠁꠒꠛ꠆ꠟꠤꠃꠐꠤꠄ’ꠞ ꠡꠋꠡꠤꠟꠤꠡ꠆ꠐ ꠇꠞ꠆ꠝꠇꠞ꠆ꠔꠣꠁꠘꠞ ꠉꠣꠚꠟꠔꠤꠞꠦꠅ ꠖꠣꠁ ꠈꠞꠣ ꠅꠄꠍꠦ।
