শুরমা ফারর খবর ছিলটি জবানে ছিলটর খবর
Related Articles
ꠄꠇꠥꠡꠦ ꠚꠖꠈ ꠚꠣꠅꠀ ꠛꠣꠃꠟ ꠡꠝ꠆ꠞꠣꠐ ꠡꠣꠢ ꠀꠛꠖꠥꠟ ꠇꠞꠤꠝꠞ ১১ꠔꠝ ꠃꠚꠣꠔ ꠀꠁꠎꠇꠥ⁕ ২০০৯ ꠡꠣꠟꠞ ১২ ꠍꠦꠙ꠆ꠐꠦꠝ꠆ꠛꠞ ꠛꠤꠀꠘꠦ ꠘꠣꠝꠤꠀꠟꠣ ꠛꠣꠃꠟ ꠡꠝ꠆ꠞꠣꠐ ꠡꠣꠢ ꠀꠛꠖꠥꠟ ꠇꠞꠤꠝ ꠍꠤꠟꠐꠞ ꠄꠈ ꠛꠦꠡꠞꠈꠣꠞꠤ ꠀꠡꠚꠣꠔꠣꠟ ꠒꠣꠈꠔꠞꠤ ꠈꠞꠣꠘꠤꠔ ꠝꠣꠞꠣ ꠎꠣꠁꠘ⁕
ꠈꠣꠟꠤ ꠞꠥꠢꠎꠉꠔꠤ ꠘꠣꠄ, ꠖꠥꠘꠤꠀꠛꠤ ꠛꠤꠡꠄꠅ ꠡꠣꠢ ꠀꠛꠖꠥꠟ ꠇꠞꠤꠝꠞ ꠇꠦꠞꠦꠡꠝꠣ ꠇꠥꠘꠥ ꠛꠣꠄꠖꠤ ꠈꠝ ꠘꠣꠄ⁕ ꠞꠣꠡ꠆ꠐ꠆, ꠡꠝꠣꠎ ꠀꠞ ꠀꠅꠠꠞ ꠄꠟꠣꠈꠞꠣ ꠝꠣꠘꠡꠞ ꠖꠥꠇ-ꠖꠥꠞ꠆ꠖꠡꠣ, ꠀꠡꠤ-ꠀꠘꠘ꠆ꠖ, ꠚꠦꠝ-ꠍꠦꠇꠣ ꠀꠞ ꠅꠗꠤꠈꠣꠞꠞ ꠝꠣꠔ ꠔꠣꠘ ꠉꠣꠘꠅ ꠚꠥꠐꠤ ꠃꠑꠍꠦ⁕
ꠡꠣꠢ ꠀꠛꠖꠥꠟ ꠇꠞꠤꠝ ১৯১৬ ꠡꠣꠟꠞ ১৫ ꠚꠦꠛꠥꠀꠞꠤ ꠡꠥꠘꠣꠝꠉꠁꠘꠎꠞ ꠖꠤꠞꠣꠁ ꠕꠣꠘꠣꠞ ꠃꠎꠣꠘꠗꠟ ꠉꠣꠅꠞ ꠄꠈ ꠉꠤꠞꠍ꠆ꠔ ꠚꠦꠝꠦꠟꠤꠔ ꠎꠘ꠆ꠝ ꠘꠦꠁꠘ⁕ ꠔꠣꠘꠞ ꠀꠛ꠆ꠛꠣꠞ ꠘꠣꠝ ꠁꠛ꠆ꠞꠣꠢꠤꠝ ꠀꠟꠤ ꠀꠞ ꠀꠝ꠆ꠝꠣꠞ ꠘꠣꠝ ꠘꠣꠁꠅꠞꠎꠣꠘ⁕
ꠀꠛ꠆ꠖꠥꠟ ꠇꠞꠤꠝ ꠙꠦꠞꠣꠄ ꠖꠦꠠ ꠀꠎꠣꠞꠞ ꠃꠚꠞꠦ ꠉꠣꠘ ꠟꠦꠈꠍꠁꠘ ꠀꠞ ꠡꠥꠞ ꠖꠤꠍꠁꠘ⁕ ꠛꠣꠋꠟꠣ ꠄꠇꠣꠒꠦꠝꠤꠞ ꠃꠖ꠆ꠖꠥꠉꠦ ꠔꠣꠘ ১০ꠐꠣ ꠉꠣꠘ ꠁꠋꠟꠤꠡꠦ ꠔꠞꠎꠝꠣ ꠅꠁꠍꠦ⁕
ꠈꠀ ꠟꠣꠉꠦ, ২০০৬ ꠡꠣꠟ ꠍꠣꠃꠘ꠆ꠒ ꠝꠦꠡꠤꠘ ꠘꠣꠝꠞ ꠄꠉꠥ ꠅꠒꠤꠅ ꠛꠣꠈꠞꠣ ꠖꠟ ꠔꠣꠘ ꠡꠝ꠆ꠝꠣꠘꠦ “ꠎꠤꠛꠘ꠆ꠔ ꠇꠤꠋꠛꠖꠘ꠆ꠔꠤ ꠛꠣꠃꠟ ꠡꠣꠢ ꠀꠛꠖꠥꠟ ꠇꠞꠤꠝ” ꠘꠣꠝꠦ ꠛꠃꠔ ꠡꠤꠟ꠆ꠙꠤꠘ꠆ꠔꠞ ꠉꠣꠅꠀ ꠔꠣꠘ ꠘꠣꠝꠈꠞꠣ ১২ꠐꠣ ꠉꠣꠘ ꠖꠤ ꠄꠉꠥ ꠄꠟꠛꠣꠝ ꠛꠣꠈꠞꠦ⁕
ꠛꠣꠃꠟ ꠡꠝ꠆ꠞꠣꠐ ꠡꠣꠢ ꠀꠛꠖꠥꠟ ꠇꠞꠤꠝ ২০০১ ꠡꠣꠟ ꠄꠇꠥꠡꠦ ꠚꠖꠈ ꠚꠣꠁꠘ⁕
