Home / ꠍꠤꠟꠐ / ꠚꠗꠣꠘꠝꠘ꠆ꠔ꠆ꠞꠤꠞ ꠇꠦꠟꠣꠍꠝꠤꠐ ꠀꠛꠖꠥꠟ ꠢꠣꠘ꠆ꠘꠣꠘꠞ ꠝꠃꠔ, ꠖꠣꠚꠘꠅ ꠡꠦꠡ

ꠚꠗꠣꠘꠝꠘ꠆ꠔ꠆ꠞꠤꠞ ꠇꠦꠟꠣꠍꠝꠤꠐ ꠀꠛꠖꠥꠟ ꠢꠣꠘ꠆ꠘꠣꠘꠞ ꠝꠃꠔ, ꠖꠣꠚꠘꠅ ꠡꠦꠡ

ꠚꠗꠣꠘꠝꠘ꠆ꠔ꠆ꠞꠤ ꠡꠦꠈ ꠢꠣꠍꠤꠘꠣꠞ ꠇꠦꠟꠣꠍꠝꠤꠐ, ꠍꠤꠟꠐ ꠍꠤꠐꠤꠞ ꠛꠤꠡꠤꠡ꠆ꠐ ꠄꠈꠎꠘ, ꠡꠤꠇ꠆ꠇꠣꠛꠤꠖ-ꠇꠛꠤ-ꠛꠦꠚꠡꠣꠁ, ꠁꠋꠟꠤꠡ ꠚꠔ꠆ꠞꠤꠇꠣ ꠚꠤꠘꠣꠘ꠆ꠡꠤꠀꠟ ꠄꠇ꠆ꠍꠙ꠆ꠞꠦꠍ-ꠅꠞ ꠒꠤꠞꠦꠇ꠆ꠐꠞ, ꠇꠦꠘ꠆ꠖ꠆ꠞꠤꠅ ꠝꠥꠍꠟꠤꠝ ꠡꠣꠁꠔ꠆ꠔ ꠡꠋꠡꠖꠞ ꠀꠎꠤꠛꠘ ꠡꠖꠁꠡ꠆ꠡ ꠅꠖ꠆ꠖꠣꠚꠇ ꠀꠛꠖꠥꠟ ꠢꠣꠘ꠆ꠘꠣꠘ ꠡꠦꠟꠤꠝ ꠀꠞ ꠘꠣꠁ⁕ ꠉꠦꠍꠦꠈꠣꠁꠟ ꠡꠥꠇ꠆ꠇꠥꠞꠛꠣꠞ ꠛꠤꠀꠘ ꠡꠣꠠꠦ ꠘꠄꠐꠣꠔ ꠍꠤꠟꠦꠐ ꠡꠢꠤꠖ ꠡꠣꠝꠍꠥꠖ꠆ꠖꠤꠘ ꠀꠡꠙꠣꠔꠣꠟꠅ ꠒꠣꠈꠔꠞꠤ ꠈꠞꠣꠘꠤꠔ ꠔꠣꠘ ꠝꠃꠔ ꠅꠄ (ꠁꠘ꠆ꠘꠣꠟꠤꠟ꠆ꠟꠣꠢꠤ … ꠞꠣꠎꠤꠃꠘ)⁕

ꠝꠃꠔꠛꠣꠟꠣ ꠔꠣꠘ ꠛꠄꠡ ꠀꠍ꠆ꠟ ৭৪ ꠛꠞꠍ⁕ ꠔꠣꠁꠘ ꠛꠃ, ꠀꠝꠦꠞꠤꠇꠣꠔ ꠕꠣꠈꠣ ꠚꠥꠀ ꠀꠞ ꠄꠈ ꠚꠥꠠꠤ ꠡꠥꠁꠖ꠆ꠖꠣ ꠛꠃꠔ ꠇꠥꠐꠥꠝꠈꠦꠡ ꠔꠁꠀ ꠉꠦꠍꠁꠘ⁕

ꠉꠦꠍꠦꠈꠣꠁꠟ ꠡꠥꠇ꠆ꠇꠥꠞꠛꠣꠞ ꠛꠣꠖ ꠀꠍꠞ ꠝꠣꠘꠤꠇꠙꠤꠞ (ꠞꠢ.)-ꠅꠞ ꠝꠣꠎꠣꠞꠞ ꠟꠣꠉꠣ ꠉꠥꠞꠥꠍꠔꠣꠘꠅ ꠝꠞꠢꠥꠝ ꠀꠛꠖꠥꠟ ꠢꠣꠘ꠆ꠘꠣꠘꠞ ꠘꠣꠝꠣꠎꠦ ꠎꠣꠘꠣꠎꠣ ꠛꠣꠖꠦ ꠔꠣꠘꠞꠦ ꠝꠣꠘꠤꠇꠙꠤꠞꠞ ꠐꠤꠟ꠆ꠟꠣꠔ ꠖꠣꠚꠘ ꠈꠞꠣ ꠅꠄ⁕

 

ꠝꠞꠢꠥꠝ ꠀꠛꠖꠥꠟ ꠢꠣꠘ꠆ꠘꠣꠘ ꠡꠦꠟꠤꠝ ꠍꠤꠐꠤꠞ ꠘꠣꠝꠤꠀꠟꠣ ꠛꠦꠚꠡꠣꠁ ꠝꠢꠣꠎꠘꠙꠐ꠆ꠐꠤꠞ ꠀꠛꠖꠥꠡ ꠡꠣꠔ꠆ꠔꠣꠞꠞ ꠚꠥꠀ ꠀꠍꠟꠣ⁕ ꠔꠣꠁꠘ ꠛꠤꠡꠤꠡ꠆ꠐ ꠞꠣꠎꠘꠤꠔꠤꠛꠤꠖ ꠛꠤꠄꠘꠙꠤ ꠘꠦꠔꠣ ꠀꠛ꠆ꠖꠥꠞ ꠞꠣꠎ꠆ꠎꠣꠇꠞ ꠛꠠ ꠜꠣꠁ ꠅ ꠍꠤꠟꠐ ꠝꠢꠣꠘꠉꠞ ꠀꠅꠀꠝꠤ ꠟꠤꠉꠞ ꠡꠣꠗꠣꠞꠘ ꠡꠝ꠆ꠙꠣꠖꠇ ꠅꠖ꠆ꠖꠣꠚꠇ ꠎꠣꠇꠤꠞ ꠢꠥꠡꠦꠘꠦꠞ ꠍꠣꠍꠣ⁕ ꠍꠤꠟꠐ ꠡꠞꠅ ꠎꠘ꠆ꠝꠘꠦꠅꠀ ꠀꠛꠖꠥꠟ ꠢꠣꠘ꠆ꠘꠣꠘꠞ ꠈꠞ꠆ꠝꠎꠤꠛꠘꠞ ꠛꠦꠡꠤꠜꠣꠉ ꠡꠝꠄ ꠈꠣꠐꠍꠦ ꠍꠤꠟꠐꠞ ꠛꠣꠞꠦ⁕ ꠔꠣꠘ ꠛꠦꠚꠡꠣꠁ ꠎꠤꠛꠘꠞ ꠄꠈꠐꠣ ꠛꠠ ꠅꠋꠡ ꠈꠣꠐꠍꠦ ꠍꠤꠐꠣꠉꠣꠋ⁕

 

ꠓꠣꠇꠣ ꠛꠤꠡ꠆ꠡꠛꠤꠖ꠆ꠖꠣꠟꠄꠅ ꠚꠠꠣꠞ ꠛꠣꠟꠣ ꠔꠣꠁꠘ ꠛꠤꠡꠦꠡ ꠈꠞꠤ ꠚꠗꠣꠘꠝꠘ꠆ꠔ꠆ꠞꠤ ꠡꠦꠈ ꠢꠣꠍꠤꠘꠣ, ꠇꠛꠤ ꠘꠤꠞ꠆ꠝꠟꠦꠘ꠆ꠖꠥ ꠉꠥꠘ ꠄꠘ꠆ꠔꠣꠘꠞ ꠇꠦꠟꠣꠍꠝꠤꠐ ꠀꠍꠟꠣ⁕ ꠅꠚꠡꠞ ꠎꠤꠛꠘꠅ ꠔꠣꠁꠘ ꠍꠤꠐꠤꠞ ꠚꠞꠢꠣꠖ ꠈꠣꠞ ꠚꠥꠟꠞ ꠛꠈꠔꠤꠀꠞ ꠛꠤꠛꠤ ꠙꠦꠞꠣꠁꠝꠣꠞꠤ ꠁꠍꠇꠥꠟꠞ ꠚꠞꠤꠌꠣꠟꠘꠣ ꠇꠝꠤꠐꠤꠞ ꠡꠜꠣꠚꠔꠤ ꠀꠞ ꠀꠢꠝꠖ ꠉꠦꠡ ꠚꠤꠟꠤꠋ ꠁꠡ꠆ꠐꠦꠡꠘꠞꠅ ꠝꠦꠘꠦꠎꠤꠋ ꠒꠤꠞꠦꠇ꠆ꠐꠞ ꠀꠍꠟꠣ⁕

Rate this post

About abu sayeed

Check Also

ꠍꠤꠟꠐꠤ ꠜꠣꠡꠣꠞ ꠡꠍꠦꠔꠘꠔꠣꠞ ꠖꠣꠄ ꠛꠤꠀꠘꠤꠛꠣꠎꠣꠞ ꠢꠤꠞꠤ ꠚꠞꠤꠇ꠆ꠇꠣ

ꠝꠣꠔꠣꠝꠣꠔꠤꠞ ꠡꠁꠋꠇꠣꠛꠣꠄ ꠍꠤꠟꠐꠤ ꠅꠁꠟ ꠉꠤꠀ ꠖꠥꠘꠤꠀꠞ ꠢꠇꠟ ꠔꠘꠦ ꠛꠦꠡꠝꠣꠔꠞꠣ ꠝꠣꠔꠞ ꠝꠣꠎꠦ ৯৭ ꠟꠝ꠆ꠛꠞ⁕ ꠁ ꠜꠣꠡꠣꠞ …