শুরমা ফারর খবর ছিলটি জবানে ছিলটর খবর
Related Articles
ꠝꠣꠘꠤꠇꠉꠁꠘꠎꠞ ꠖꠃꠟꠔꠚꠥꠞ ꠃꠚꠎꠤꠟꠣꠞ ꠌꠞꠝꠣꠍ꠆ꠔꠟ ꠌꠞꠚꠣꠠꠣ ꠄꠟꠣꠇꠣꠔ ꠘꠣꠃꠜꠥꠠꠤ ꠔꠤꠘ ꠜꠣꠁ-ꠛꠘꠤꠞ ꠝꠃꠔ ꠅꠄ⁕ ꠁ ꠊꠐꠘꠣꠄ ꠀꠞ ꠖꠥꠁ ꠀꠚꠦꠞꠔꠣ ꠀꠞꠣꠈꠣꠟꠤ ꠀꠍꠦ⁕
ꠝꠋꠉꠟꠛꠣꠞ ꠖꠥꠁꠚꠞ ꠙꠘꠦ ২ꠐꠣ ꠛꠣꠄ ꠁ ꠄꠇꠍꠤꠒꠦꠘ꠆ꠐ ꠊꠐꠦ⁕ ꠝꠥꠞ꠆ꠖꠣꠁꠘ ꠅꠁꠟꠣ- ꠢꠘꠥꠚꠣ (৩৭) ꠔꠣꠘ ꠛꠁꠘ ꠞꠥꠇꠡꠣꠘꠣ (৩০) ꠅ ꠜꠣꠁ ꠞꠤꠀꠎꠥꠟ (২৫)⁕
ꠕꠣꠘꠤꠅ ꠛꠦꠚꠣꠞꠤ ꠀꠅꠟꠣꠖ ꠢꠥꠡꠦꠘꠦ ꠈꠁꠘ, ꠌꠞꠝꠣꠍ꠆ꠔꠟ ꠌꠞꠚꠣꠠꠣ ꠛꠤꠟꠅ ꠔꠥꠚꠣꠘꠞ ꠡꠝꠅ ꠘꠣꠃꠜꠥꠠꠣꠞ ꠊꠐꠘꠣ ꠊꠐꠦ⁕ ꠁ ꠡꠝꠄ ꠘꠣꠁꠀ ꠢꠘꠥꠚꠣꠞ ꠛꠘꠤꠞ ꠚꠥꠀ ꠝꠘꠤꠞ ꠀꠞ ꠎꠣꠝꠣꠁ ꠀꠛ꠆ꠖꠥꠟ ꠢꠇ ꠎꠤꠔꠣ ꠃꠖ꠆ꠗꠣꠞ ꠅꠁꠘ⁕ ꠀꠞꠣꠈꠣꠟꠤ ꠞꠁꠍꠦ ꠢꠘꠥꠚꠣꠞ ꠚꠥꠠꠤ ꠝꠤꠕꠤꠟꠣ (১২) ꠀꠞ ꠞꠥꠇꠡꠣꠘꠣꠞ ꠚꠥꠀ ꠡꠣꠘ꠆ꠔ (১১)⁕
ꠔꠣꠁꠘ ꠀꠞ ꠈꠁꠘ, ꠝꠥꠞ꠆ꠖꠣꠁꠘ꠆ꠔꠞ ꠛꠣꠠꠤ ꠃꠚꠎꠤꠟꠣꠞ ꠎꠤꠅꠘꠚꠥꠞ ꠉꠣꠅꠞ ꠀꠛꠥꠒꠣꠋꠉꠣ ꠉꠣꠅꠔ⁕ ꠔꠣꠞꠣ ꠌꠞꠝꠣꠍ꠆ꠔꠟ ꠌꠞꠚꠣꠠꠣ ꠉꠣꠅꠔ ꠔꠣꠞꠣꠞ ꠛꠘꠤꠞ ꠛꠣꠠꠤꠔ ꠚꠣꠈꠣꠘꠤꠔ ꠎꠣꠅꠀꠔ ꠀꠍꠤꠟ⁕ ꠝꠣꠏꠙꠕ ꠔꠣꠞꠣꠞ ꠘꠣꠅ ꠔꠥꠚꠣꠘꠦ ꠜꠥꠠꠣꠁꠟꠣꠄ⁕
ꠖꠃꠟꠔꠚꠥꠞ ꠕꠣꠘꠣꠞ ꠚꠞꠤꠖꠞ꠆ꠡꠇ (ꠔꠖꠘ꠆ꠔ) ꠢꠣꠍꠝꠔ ꠀꠟꠤ ꠊꠐꠘꠣꠞ ꠡꠁꠔ꠆ꠔꠔꠣ ꠘꠤꠌ꠆ꠌꠤꠔ ꠈꠞꠍꠁꠘ⁕
