শুরমা ফারর খবর ছিলটি জবানে ছিলটর খবর
Related Articles
ꠇꠥꠄꠔ, ꠇꠣꠔꠣꠞ ꠀꠞ ꠛꠣꠢꠞꠣꠁꠘ ꠔꠘꠦ ꠀꠅꠀ ২১৯ ꠎꠘꠞꠦ ꠙꠥꠟꠤꠡꠤ ꠀꠛꠦꠖꠘꠞ ꠖꠣꠄ ꠎꠦꠟ ꠙꠣꠑꠣꠁꠍꠦ ꠀꠖꠣꠟꠔꠦ⁕ ꠔꠣꠞꠣ ꠃꠔ꠆ꠔꠞꠣ ꠖꠤꠀꠛꠣꠠꠤꠔ ꠇꠥꠀꠞꠦꠘ꠆ꠐꠤꠘ ꠕꠣꠈꠣ ꠅꠛꠍꠕꠣꠔ ꠖꠦꠡꠞ ꠜꠣꠛꠝꠥꠞ꠆ꠔꠤ ꠘꠡꠐꠞ ꠖꠣꠄ ꠈꠣꠘꠌꠣꠟꠟꠣ ꠈꠞꠍꠤꠟꠣ ꠈꠞꠤ ꠅꠜꠤꠎꠥꠉ ꠃꠑꠍꠦ⁕
ꠈꠣꠁꠟ ꠞꠁꠛꠣꠞ ꠝꠦꠁꠘ ꠝꠢꠣꠘꠉꠞ ꠢꠣꠇꠤꠝ ꠀꠖꠣꠟꠔꠦ ꠖꠦꠡ ꠚꠤꠞꠣ ꠁ ꠚꠞꠛꠣꠡꠤꠘꠞꠦ ꠎꠦꠟ ꠙꠣꠑꠣꠁꠘ⁕ ꠀꠖꠣꠟꠔꠞꠦ ꠈꠀ ꠅꠄ, ꠙꠥꠟꠤꠡ ꠟꠥꠇꠣꠁꠟ ꠡꠥꠔꠞꠦ ꠁ ꠈꠣꠘꠌꠣꠟꠟꠣꠞ ꠈꠛꠞ ꠎꠣꠘꠍꠦ⁕
ꠔꠛꠦ ꠀꠖꠣꠟꠔ ꠡꠥꠔ꠆ꠞ ꠔꠘꠦ ꠎꠣꠘꠣ ꠉꠦꠍꠦ, ꠔꠥꠞꠣꠉ ꠕꠣꠘꠣꠞ ꠚꠞꠤꠖꠞ꠆ꠡꠇ ꠡꠚꠤꠃꠟ꠆ꠟꠣꠢ ꠔꠣꠘ ꠀꠛꠦꠖꠘ ꠍꠁꠍꠁꠘ, ꠁ ২১৯ ꠎꠘ ꠇꠥꠄꠔ, ꠇꠣꠔꠣꠞ ꠀꠞ ꠛꠣꠢꠞꠣꠁꠘꠅ ꠛꠃꠔ ꠅꠙꠇꠞ꠆ꠝꠔ ꠟꠤꠙ꠆ꠔ ꠀꠍꠟꠣ⁕ ꠛꠤꠜꠤꠘ꠆ꠘ ꠝꠦꠀꠖꠤ ꠡꠣꠎꠣꠅ ꠅꠁꠍꠤꠟ ꠔꠣꠘꠔꠣꠘ⁕ ꠖꠦꠡ ꠀꠅꠀꠞ ꠛꠣꠖꠦ ꠔꠣꠞꠣꠞꠦ ꠀꠞꠝꠤꠞ ꠀꠔꠅ ꠇꠥꠀꠞꠦꠘ꠆ꠐꠤꠘ ꠞꠣꠈꠣ ꠅꠄ⁕ ꠁ ꠡꠝꠄ ꠛꠤꠜꠤꠘ꠆ꠘ ꠖꠟꠦ ꠜꠣꠉ ꠅꠁꠀ ꠔꠣꠞꠣ ꠖꠦꠡꠞ ꠜꠣꠛꠝꠥꠞ꠆ꠔꠤ ꠘꠡꠐ ꠇꠞꠣꠞ ꠟꠣꠉꠤ ꠈꠣꠘꠌꠣꠟꠟꠣ ꠈꠞꠍꠤꠟꠣ ꠟꠥꠇꠣꠁꠟ ꠡꠥꠔ꠆ꠞꠄ ꠈꠛꠞ ꠝꠤꠟꠦ⁕ ꠄꠞꠣꠞꠦ ꠍꠣꠠꠤ ꠖꠤꠟꠦ ꠖꠦꠡ ꠍꠥꠞꠤ-ꠒꠣꠇꠣꠔꠤ ꠛꠣꠠꠔꠦ ꠚꠣꠞꠦ ꠈꠞꠤꠅ ꠀꠛꠦꠖꠘ ꠃꠟ꠆ꠟꠦꠈ ꠇꠞꠣ ꠅꠄ⁕ ꠔꠖꠘ꠆ꠔ ꠢꠦꠡ ꠘꠣ ꠅꠀ ꠙꠞ꠆ꠎꠘ꠆ꠔ ꠄꠞꠣꠞꠦ ꠎꠦꠟ ꠀꠐꠈꠣꠁꠀ ꠞꠣꠈꠣꠞ ꠀꠛꠦꠖꠘ ꠎꠣꠘꠣꠘꠤ ꠅꠄ⁕
ꠎꠣꠘꠣ ꠉꠦꠍꠦ, ꠖꠦꠡ ꠚꠤꠞꠔꠤ ২১৯ ꠎꠘꠞ ꠝꠣꠏꠦ ꠇꠥꠄꠔ ꠔꠘꠦ ১৪১ ꠎꠘ, ꠇꠣꠔꠣꠞ ꠀꠞ ꠛꠣꠢꠞꠣꠁꠘ ꠔꠘꠦ ৩৯ ꠎꠘ ꠀꠁꠍꠁꠘ⁕ ꠄꠘꠔꠣꠘꠞꠦ ꠚꠃꠎꠖꠣꠞꠤ ꠇꠣꠞ꠆ꠎꠛꠤꠗꠤꠞ ৫৪ ꠗꠣꠞꠣ ꠖꠤ ꠀꠐꠈꠣꠘꠤ ꠖꠦꠈꠣꠁꠟ ꠅꠁꠍꠦ⁕
