Home / ꠍꠤꠟꠐꠞ ꠡꠣꠁꠔ꠆ꠔ / ꠍꠤꠟꠐꠤ ꠝꠣꠄꠀ

ꠍꠤꠟꠐꠤ ꠝꠣꠄꠀ

ꠇ꠆ꠟꠣꠄꠘ꠆ꠐꠦ ꠈꠁꠟꠣ “ꠀꠚꠣ ꠀꠁꠎ ꠀꠐ ꠛꠍꠞ ꠗꠞꠤ ꠈꠔ ꠁꠘ꠆ꠐꠣꠞꠙ꠆ꠞꠤꠐꠣꠞ ꠀꠁꠟ, ꠀꠚꠘꠣꠞ ꠟꠣꠈꠣꠘ ꠈꠦꠃꠞꠦ ꠜꠣꠟꠣ ꠚꠣꠁꠍꠤ ꠘꠣ⁕ ꠛꠦꠐꠤꠞꠦ ꠈꠁꠘ ꠀꠁꠎ ꠔꠣꠇꠤ ꠡꠛꠡꠝꠅ ꠀꠚꠘꠣꠞꠦ ꠍꠣꠁ⁕ ꠛꠠ ꠝꠣꠄꠀ ꠟꠣꠉꠍꠦ ꠉꠧ ꠀꠚꠘꠣꠞꠦ⁕”

ꠁꠇꠣꠘ ꠢꠥꠘꠤꠀ ꠡꠝꠣꠎ ꠈꠞ꠆ꠝꠤꠄ ꠈꠁꠟꠣ, “ꠀꠝꠤꠅ ꠇꠦꠝꠤꠍ꠆ꠐ꠆ꠞꠤꠐꠣ ꠐꠦꠞ ꠚꠣꠁꠞꠣꠝ⁕ ꠔꠥꠝꠣꠞ ꠄꠈꠐꠣ ꠜꠤꠎꠤꠐꠤꠋ ꠇꠣꠞ꠆ꠒ ꠖꠦꠅ⁕ ꠅꠘ ꠕꠣꠇꠤ ꠔꠥꠝꠣꠞꠦꠃ ꠒꠣꠈꠝꠥ⁕”

 

ꠇ꠆ꠟꠣꠄꠘ꠆ꠐꠦ ꠇꠥꠡꠤ ꠅꠁꠀ ꠈꠁꠟꠣ, “ꠛꠠ ꠈꠡ꠆ꠐꠞ ꠎꠤꠛꠘ ꠀꠝꠣꠞ⁕ ꠄꠈꠟꠣ ꠕꠣꠇꠤ ꠛꠣꠁꠌ꠆ꠌꠣꠁꠘ ꠟꠁꠀ⁕ ꠜꠣꠟꠣ ꠁꠘ꠆ꠐꠣꠞꠙ꠆ꠞꠤꠐꠣꠞ ꠚꠣꠁꠟꠦ ꠀꠞꠣꠝ ꠟꠣꠉꠦ⁕ ꠝꠘꠧꠞ ꠈꠕꠣ ꠇꠥꠟꠤꠀ ꠈꠁꠔꠣꠝ ꠚꠣꠞꠤ⁕”

 

ꠈꠣꠝꠞ ꠚꠞꠦ ꠛꠦꠐꠤꠄ ꠄꠉꠥ ꠢꠣꠔꠈꠞꠣ ꠀꠞ ꠎꠣꠞꠣ ꠟꠦꠝꠛꠥ ꠀꠔꠧ ꠔꠥꠟꠤ ꠖꠤꠟ⁕

 

ꠀꠝꠤ ꠈꠁꠟꠣꠝ, “ꠃꠚꠢꠣꠞ ꠘꠤꠛꠣꠞ ꠘꠤꠅꠝ ꠘꠣꠁ⁕”

 

“ꠞꠣꠈꠧꠁꠘ ꠀꠚꠘꠣꠞ ꠘꠤꠅꠝ⁕ ꠀꠝꠤ ꠘꠤꠅꠝ ꠛꠥꠏꠤ ꠘꠣ⁕ ꠖꠦꠡ ꠔꠣꠇꠤ ꠀꠘꠍꠤ⁕ ꠄꠈꠟꠣ ꠈꠣꠁꠔꠣꠝ ꠈꠦꠘꠦ?”

 

“ꠘꠦꠅꠀ ꠃ ꠟꠣꠉꠛꠧ?”

 

“ꠅꠄ⁕ ꠘꠤꠀ ꠉꠞꠥꠞ ꠝꠣꠋꠡ ꠖꠤꠀ ꠞꠣꠘꠛꠣ⁕ ꠀꠟ꠆ꠟꠣꠄ ꠎꠣꠞ ꠇꠤꠡꠝꠔꠧ ꠎꠦꠈꠐꠣ ꠞꠣꠈꠍꠦ ꠔꠣꠞ ꠁꠇꠐꠣ ꠈꠣꠁꠔꠦ ꠅꠁꠛ⁕”

 

ꠎꠠꠤꠀ: Jesmin Chowdhury-ꠞ ꠚꠦꠍꠛꠥꠇ ꠕꠣꠇꠤ 

About abu sayeed

Check Also

ꠛꠦꠐꠣ ꠝꠣꠘꠥꠁꠘ ꠀꠞ ꠈꠣꠎꠥꠞ ꠉꠣꠍ

ꠛꠦꠐꠣ ꠝꠣꠘꠥꠁꠘ ꠛꠃꠔꠔꠣ ꠈꠣꠎꠥꠞ ꠉꠣꠍꠞ ꠟꠣꠈꠣꠘ। ꠝꠣꠄꠀ ꠚꠣꠄꠘꠣ, ꠎꠔ꠆ꠘ ꠚꠣꠄꠘꠣ, ꠈꠦꠃ ꠚꠣꠘꠤ ꠖꠦꠄ ꠘꠣ, ꠚꠣꠡ …