Home / ꠍꠤꠟꠐꠞ ꠡꠣꠁꠔ꠆ꠔ / ꠢꠣꠄꠞꠦ ꠎꠤꠛꠘ, ꠀꠢꠣꠞꠦ ꠎꠤꠘ꠆ꠖꠦꠉꠣꠘꠤ

ꠢꠣꠄꠞꠦ ꠎꠤꠛꠘ, ꠀꠢꠣꠞꠦ ꠎꠤꠘ꠆ꠖꠦꠉꠣꠘꠤ

ꠈꠦꠅꠞ ꠖꠣꠝꠤ ꠉꠣꠠꠤ ꠕꠣꠝꠍꠦ ꠉꠜꠤꠞ ꠞꠣꠁꠔꠦ ꠘꠤꠡꠤꠖ꠆ꠗ ꠚꠟ꠆ꠟꠤꠔ, ꠢꠤꠛꠣꠄ ꠊꠞꠧ ꠛꠤꠛꠤꠄ ꠟꠣꠝ꠆ꠛꠣꠡꠣꠡ ꠚꠣꠟꠣꠁꠀ ꠛꠣꠞꠍꠣꠘꠤꠔ!
ꠈꠦꠃ ꠀꠛꠣꠞ ꠜꠣꠋꠉꠣ ꠊꠞꠧ ꠕꠣꠇꠤꠀꠅ ꠛꠤꠛꠤꠞꠦ ꠟꠂꠀ ꠇꠥꠀꠛ ꠖꠦꠈꠦꠞ ꠘꠤꠖ⁕
ꠈꠦꠃ ꠜꠣꠛꠦꠞ ꠀꠞ ꠇꠄꠇꠐꠣ ꠖꠤꠘ! ꠔꠣꠟꠣꠈꠘꠣꠝꠣꠔ ꠍꠣꠁꠘ ꠈꠞꠟꠦꠁ ꠝꠥꠇ꠆ꠔꠤ⁕ ꠈꠦꠃ ꠀꠛꠣꠞ ꠄꠉꠥ ꠡꠝ꠆ꠙꠞ꠆ꠇ ꠐꠤꠇꠣꠁꠀ ꠞꠣꠈꠣꠞ ꠖꠣꠄ ꠟꠠꠦꠞ ꠇꠥꠛ⁕
ꠈꠦꠃ ꠡꠘ꠆ꠔꠣꠘ ꠒꠣꠍꠛꠤꠘꠧ ꠚꠣꠟꠣꠁꠀ ꠖꠣꠄꠝꠥꠇ꠆ꠔ ꠅꠁꠔꠧ ꠍꠣꠞ⁕ ꠈꠦꠃ ꠄꠈꠐꠣ ꠡꠘ꠆ꠔꠣꠘꠞ ꠟꠣꠉꠤ ꠢꠣꠞꠣꠐꠣ ꠎꠤꠛꠘ ꠢꠣꠢꠣꠈꠣꠞ ꠈꠞꠦꠞ!
ꠈꠦꠃ ꠛꠌ꠆ꠌꠞꠧ ꠇꠔꠔꠎꠘ ꠜꠣꠟꠣꠚꠣꠅꠀꠞ ꠝꠣꠘꠥꠡ ꠛꠖꠟꠤꠟꠣꠞ! ꠈꠦꠃ ꠈꠣꠟꠤ ꠄꠈꠐꠣ ꠡꠔ꠆ꠔꠤꠇꠣꠞꠞ ꠜꠣꠟꠣꠚꠣꠅꠀꠞ ꠝꠣꠘꠥꠡꠞ ꠟꠣꠉꠤ ꠅꠚꠦꠇ꠆ꠇꠣ ꠈꠞꠤ ꠎꠣꠞ⁕
ꠈꠦꠃ ꠖꠣꠝꠤ ꠡꠣꠠꠤ ꠚꠣꠁꠀꠃ ꠔꠛ ꠈꠥꠡꠤ ꠘꠣꠄ! ꠈꠦꠃ ꠔꠣꠔꠞ ꠘꠄꠀ ꠡꠣꠠꠤꠞ ꠛꠣꠞꠛꠣꠞ ꠉꠦꠞꠣꠘ ꠘꠦꠞ⁕
ꠈꠦꠃ ꠟꠣꠈ ꠐꠦꠈꠣꠞ ꠒꠣꠁꠘꠤꠋ ꠐꠦꠛꠥꠟꠧ ꠛꠁꠀꠅ ꠔꠤꠚꠔꠤ ꠝꠔ ꠜꠣꠔ ꠈꠣꠁꠔꠧ ꠚꠣꠞꠦꠞ ꠘꠣ! ꠈꠦꠃ ꠚꠤꠀꠎ, ꠝꠞꠤꠍ ꠈꠍꠟꠣꠁꠀꠅ ꠜꠣꠔ ꠈꠣꠁꠟꠣꠞ⁕
ꠈꠦꠅꠞ ꠖꠣꠝꠤ ꠚꠣꠟꠋꠉꠧ ꠊꠥꠝꠣꠁꠀꠅ ꠅꠡꠥꠗ ꠈꠣꠅꠀ ꠟꠣꠉꠦꠞ! ꠢꠣꠍꠤꠝꠤꠍꠤ ꠛꠣꠔꠣꠡꠧꠅ ꠈꠦꠃ ꠛꠦꠖꠥꠝꠍꠦ ꠊꠥꠝꠣꠞ⁕
ꠈꠦꠅꠞ ꠚꠠꠣꠞ ꠐꠦꠛꠥꠟ ꠘꠄꠀ ꠛꠁꠄ ꠐꠣꠡꠣ, ꠇꠤꠘ꠆ꠔꠥꠇ ꠚꠠꠔꠦ ꠝꠘ ꠛꠞ ꠘꠣ⁕ ꠈꠦꠃ ꠚꠥꠞꠣꠘ ꠛꠁꠞ ꠖꠥꠇꠣꠘ ꠊꠥꠞꠤꠊꠥꠞꠤ ꠖꠦꠈꠦꠞ, ꠎꠦꠛ ꠈꠣꠟꠤ ꠛꠥꠟꠦ!
ꠈꠦꠃ ꠘꠣꠝꠤꠖꠣꠝꠤ ꠉꠣꠠꠤꠔ ꠛꠁꠀ ꠍꠤꠘ꠆ꠔꠤꠔ, ꠢꠥꠞꠥꠔ꠆ꠔꠣꠁꠘ ꠝꠣꠘꠥꠡ ꠅꠁꠟꠘꠣ! ꠄꠔ ꠡꠣꠄꠡꠝ꠆ꠙꠔ꠆ꠔꠤ ꠞꠣꠈꠔꠧ ꠚꠣꠞꠛ‌ ꠘꠤ? ꠈꠦꠃ ꠀꠐꠤꠀꠐꠤ ꠎꠣꠞ, ꠀꠞ ꠝꠘꠦ ꠝꠘꠦ ꠈꠞ… ꠢꠥꠞꠥꠔ꠆ꠔꠣꠞꠦ ꠔ ꠝꠣꠘꠥꠡ ꠈꠞꠔꠦ ꠚꠣꠞꠍꠤ! ꠀꠟ꠆ꠟꠣꠄ ꠍꠣꠁꠟꠦ, ꠔꠣꠞꠣ ꠃ ꠎꠤꠛꠘꠐꠣ ꠄꠛꠟꠣ ꠉꠠꠛꠧ ꠘꠦ⁕
ꠡꠔ꠆ꠔꠤꠁ ꠘꠣꠘꠣꠘ ꠎꠣꠔꠤ ꠝꠣꠘꠥꠡ, ꠘꠣꠘꠣꠘ ꠎꠣꠔꠤ ꠡꠚꠘꠞ ꠊꠥꠒ꠆ꠒꠤ…! ꠎꠤꠛꠘꠞ ꠘꠤꠎꠡ꠆ꠡꠔꠣꠄ, ꠛꠣꠍ꠆ꠔꠛꠔꠣꠞ ꠀꠔ ꠗꠞꠤ!!

About abu sayeed

Check Also

ꠄꠇꠤꠘ: ꠝꠥꠘꠤꠝ ꠙꠣꠞꠜꠦꠎ ꠛꠠꠜꠥꠄꠀ

ꠄꠇꠤꠘ: ꠝꠥꠘꠤꠝ ꠙꠣꠞꠜꠦꠎ ꠛꠠꠜꠥꠄꠀ ꠀꠔꠞ ꠟꠣꠉꠣꠘꠤ ꠜꠣꠟꠣ, ꠔꠣꠞ ꠟꠣꠉꠤ ꠛꠢꠥ ꠛꠍꠞ ꠀꠉꠦ ꠄꠈ ꠀꠔꠞ ꠖꠥꠇꠣꠘꠖꠣꠞꠞ …