Home / ꠚꠛꠣꠡꠞ ꠈꠛꠞ / ꠀꠝꠦꠞꠤꠇꠣꠔ ꠀꠁꠘ꠆ꠌꠟꠤꠇ ꠝꠣꠔꠞ ꠝꠣꠁꠘ꠆ꠘꠔꠣ ꠚꠣꠁꠟ꠆ꠟ ꠍꠤꠟꠐꠤꠄ

ꠀꠝꠦꠞꠤꠇꠣꠔ ꠀꠁꠘ꠆ꠌꠟꠤꠇ ꠝꠣꠔꠞ ꠝꠣꠁꠘ꠆ꠘꠔꠣ ꠚꠣꠁꠟ꠆ꠟ ꠍꠤꠟꠐꠤꠄ

ꠀꠝꠦꠞꠤꠇꠣꠞ ꠛꠤꠖꠦꠡꠕꠣꠈ꠆ꠞꠣ ꠀꠖꠣꠟꠔ ꠀꠁꠘ꠆ꠌꠟꠤꠇ ꠝꠣꠔ ꠢꠤꠡꠣꠛꠦ ꠍꠤꠟꠐꠤ ꠝꠣꠔꠞꠦ ꠝꠣꠁꠘ꠆ꠘꠔꠣ ꠖꠤꠍꠦ। ꠝꠣꠝꠟꠣꠔ ꠝꠣꠔꠞ ꠟꠣꠉꠤ ꠛꠦꠛꠥꠎꠖꠣꠞꠤ ꠈꠝꠣꠁꠔꠦ ꠍꠤꠟꠐꠤꠘ꠆ꠔꠦ ꠜꠞꠣ ꠝꠤꠡꠤꠉꠣꠘꠞ ꠛꠤꠖꠦꠡꠕꠣꠈ꠆ꠞꠣ ꠀꠖꠣꠟꠔꠞ ꠎꠎꠦ ꠍꠤꠟꠐꠤ ꠝꠣꠔ꠆ꠞꠣ ꠔꠞꠎꠝ꠆ꠞꠣ (ꠁꠘ꠆ꠐꠣꠞꠙ꠆ꠞꠦꠐꠣꠞ) ꠅꠘꠥꠝꠥꠖꠘ ꠈꠞꠍꠂꠘ*

 

ꠝꠤꠡꠤꠉꠣꠘ ꠅꠁꠋꠉꠞꠣꠎ꠆ꠎꠞ (Michigan state) ꠀꠖꠣꠟꠔꠧ ꠛꠤꠖꠦꠡꠕꠣꠈꠣꠞ ꠝꠣꠝꠟꠣꠁꠘ꠆ꠔ ꠀꠎꠤꠞꠣ ꠖꠦꠀꠔ ꠉꠤꠀ ꠛꠦꠚꠦꠍꠧ ꠚꠠꠂꠘ ꠛꠤꠖꠦꠡꠕꠣꠈ꠆ꠞꠣ ꠅꠈꠟ* ꠔꠞꠎꠝ꠆ꠞꠣ ꠢꠤꠡꠣꠛꠦ ꠛꠣꠋꠟꠣꠝꠣꠔ꠆ꠞꠣ ꠝꠣꠘꠥꠁꠘ ꠕꠣꠈꠟꠦꠅ ꠛꠤꠖꠦꠡꠕꠣꠈꠣ ꠝꠣꠝꠟꠣꠔ ꠎꠠꠣꠁ ꠎꠣꠅꠀ ꠍꠤꠟꠦꠐ ꠅꠘ꠆ꠌꠟꠞ ꠝꠣꠘꠥꠁꠘꠞꠦ ꠟꠂꠀ ꠡꠝꠁꠡ꠆ꠡꠣ ꠅꠁꠎꠣꠄ* ꠚꠣꠍꠚꠥꠐꠞ ꠡꠥꠔ꠆ꠞ ꠀꠘꠝꠣꠘ, ꠀꠖꠣꠟꠔꠧ ꠛꠣꠋꠟꠣ ꠝꠣꠔꠞ ꠔꠞꠎꠝ꠆ꠞꠣ ꠞꠣꠈꠣ ꠅꠁꠟꠦꠅ ꠍꠤꠟꠐ ꠅꠘ꠆ꠌꠟ ꠔꠘꠦ ꠀꠅꠀ ꠛꠤꠖꠦꠡꠕꠣꠈ꠆ꠞꠣꠁꠘ꠆ꠔꠦ ꠚꠝꠤꠔ ꠛꠣꠋꠟꠣꠄ ꠔꠣꠞꠣꠞ ꠝꠣꠝꠟꠣꠞ ꠖꠞꠈꠣꠍ꠆ꠔ ꠛꠥꠏꠣꠁꠔꠣ ꠚꠣꠞꠂꠘ ꠘꠣ*

 

ꠀꠖꠣꠟꠔꠦ ꠎꠣꠘꠎꠧ ꠚꠣꠞꠦ, ꠈꠟꠤꠇꠣꠔ꠆ꠔꠣꠞ ꠔꠞꠎꠝ꠆ꠞꠣꠁꠘ꠆ꠔꠦ ꠘꠤꠎꠦꠅ ꠔꠣꠞꠣꠞ ꠝꠣꠔ ꠘꠣ ꠛꠥꠏꠤꠀ ꠜꠥꠟꠛꠣꠟ ꠔꠞꠎꠝꠣ ꠈꠞꠦ* ꠎꠎꠦ ꠛꠣꠖꠦ ꠎꠣꠘꠔꠣ ꠚꠣꠞꠂꠘ ꠎꠦ ꠍꠤꠟꠦꠐ ꠄꠈꠡꠝꠄꠇꠥ ꠀꠡꠣꠝꠞ ꠟꠉꠦ ꠀꠍ꠆ꠟ* ꠁ ꠅꠘ꠆ꠌꠟꠞ ꠛꠃꠔ ꠝꠣꠔ ꠡꠝ꠆ꠙꠞ꠆ꠇꠦꠅ ꠎꠎꠦ ꠔꠁꠔ꠆ꠔ ꠚꠣꠁꠀ ꠍꠤꠟꠐꠤ ꠝꠣꠔꠞꠦ ꠛꠤꠖꠦꠡꠕꠣꠈꠣ ꠀꠖꠣꠟꠔꠧ ꠛꠄꠀꠘꠞ ꠟꠣꠉꠤ ꠅꠘꠥꠝꠥꠖꠘ ꠖꠦꠁꠘ*

About abu sayeed

Check Also

ꠀꠇꠤꠛ ꠁꠞꠚꠣꠘ’ꠞ ꠡꠣꠘ꠆ꠖꠣꠞ ꠜꠟꠦꠘꠐꠤꠀꠞ ꠚꠥꠞꠥꠡꠇꠣꠞ ꠟꠣꠜ

২৬ꠡꠦ ꠝꠣꠞ꠆ꠌ ꠡꠥꠇ꠆ꠇꠥꠞꠛꠣꠞ ꠌꠣꠄꠘꠣ ꠡꠝꠅ ꠞꠣꠁꠔ ৯ ꠐꠣꠔ ꠛꠣꠋꠟꠣꠖꠦꠡ-ꠌꠣꠄꠘꠣ ꠁꠃꠕ ꠁꠡ꠆ꠐꠥꠒꠦꠘ꠆ꠐ ꠄꠍꠍꠤꠄꠡꠘ (ꠛꠤꠍꠤꠅꠀꠁꠄꠍꠄ) ꠛꠣꠋꠟꠣꠖꠦꠡꠞ ꠝꠢꠣꠘ ꠡꠣꠗꠤꠘꠔꠣꠞ ꠚꠂꠘ꠆ꠌꠣꠡ ꠛꠍꠞꠤ …