Home / ꠍꠤꠟꠐ / ꠍꠤꠟꠦꠐꠞ ꠖꠇ꠆ꠇꠤꠘ ꠡꠥꠞꠝꠣꠞ ꠁꠇꠛꠣꠟ ꠝꠤꠀꠞ ꠇꠟꠧꠘꠤ ꠕꠣꠇꠤ ꠘꠣꠍꠤꠝꠣ ꠛꠦꠉꠝ (৩৫) ꠘꠣꠝꠞ ꠄꠈ ꠛꠦꠐꠤꠞ ꠟꠣꠡ ꠚꠥꠟꠤꠡꠦ ꠃꠖꠖꠣꠞ ꠈꠞꠍꠁꠘ

ꠍꠤꠟꠦꠐꠞ ꠖꠇ꠆ꠇꠤꠘ ꠡꠥꠞꠝꠣꠞ ꠁꠇꠛꠣꠟ ꠝꠤꠀꠞ ꠇꠟꠧꠘꠤ ꠕꠣꠇꠤ ꠘꠣꠍꠤꠝꠣ ꠛꠦꠉꠝ (৩৫) ꠘꠣꠝꠞ ꠄꠈ ꠛꠦꠐꠤꠞ ꠟꠣꠡ ꠚꠥꠟꠤꠡꠦ ꠃꠖꠖꠣꠞ ꠈꠞꠍꠁꠘ

ꠞꠁꠛꠣꠞ ২৭ ꠎꠥꠘ ꠛꠤꠀꠘꠦ ꠖꠇ꠆ꠇꠤꠘ ꠡꠥꠞꠝꠣ ꠕꠣꠘꠣꠞ ꠄꠈꠖꠟ ꠚꠥꠟꠤꠡ ꠡꠞꠎꠝꠤꠘꠧ ꠉꠤꠀ ꠉꠟꠣꠔ ꠚꠣꠡ ꠖꠦꠅꠀ ꠚꠣꠇꠤꠞ ꠘꠣꠍꠤꠝꠣ ꠛꠦꠉꠝꠞ ꠟꠣꠡ ꠃꠖ꠆ꠖꠣꠞ ꠈꠞꠍꠁꠘ⁕

ꠚꠥꠟꠤꠡꠞ ꠎꠞꠤꠀꠄ ꠎꠣꠘꠣ ꠉꠦꠍꠦ, ꠖꠇ꠆ꠇꠤꠘ ꠡꠥꠞꠝꠣꠞ ꠁꠇꠛꠣꠟ ꠝꠤꠀꠞ ꠇꠟꠧꠘꠤꠔ ꠜꠣꠠꠣ ꠕꠣꠈꠔꠣ ꠡꠥꠎꠘ ꠀꠢꠝꠖ ꠝꠤꠀꠞ ꠛꠃ ꠘꠣꠍꠤꠝꠣ ꠛꠦꠉꠝ⁕ ꠔꠣꠞꠣꠞ ১৩ ꠛꠌ꠆ꠌꠞ ꠛꠄꠡꠤ ꠄꠈ ꠚꠥꠠꠤ ꠀꠍꠦ⁕ ꠡꠥꠎꠘ ꠝꠤꠀ ꠈꠣꠎꠞ ꠈꠣꠞꠘꠦ ꠢꠥꠘꠣꠝꠉꠁꠘꠞ ꠔꠣꠁꠞꠚꠥꠞ ꠕꠣꠈꠁꠘ ⁕ ꠘꠣꠍꠤꠝꠣ ꠛꠦꠉꠝ ꠚꠥꠠꠤ ꠟꠁꠀ ꠁꠇꠛꠣꠟ ꠝꠤꠀꠞ ꠇꠟꠧꠘꠤꠔ ꠕꠣꠈꠁꠘ⁕

ꠞꠁꠛꠣꠞ ꠛꠤꠀꠘ꠆ꠔꠥ ꠍꠛꠣꠛꠣꠟꠣ ৪ꠐꠣꠞ ꠖꠤꠇꠦ ꠀꠈꠔꠣ ꠘꠣꠍꠤꠝꠣ ꠛꠦꠉꠝꠦ ꠔꠣꠘꠞ ꠝꠣ ꠀꠞ ꠚꠥꠠꠤꠞꠦ ꠊꠞ ꠕꠣꠇꠤ ꠛꠣꠞꠈꠞꠤ ꠖꠤꠀ ꠖꠥꠀꠞ ꠈꠣꠐꠤ ꠖꠦꠁꠘ⁕ ꠛꠣꠇ꠆ꠇꠣ ꠈꠔꠤꠟ ꠚꠞꠎꠘ꠆ꠔ ꠊꠞꠞ ꠜꠤꠔꠞꠦ ꠇꠧꠘ ꠟꠠꠣ ꠍꠠꠣ ꠘꠣ ꠚꠣꠁꠀ ꠀꠎꠥ ꠛꠣꠎꠥꠞ ꠝꠣꠘꠞꠦ ꠘꠣꠍꠤꠝꠣꠞ ꠝꠣꠄ ꠎꠣꠘꠣꠁꠘ⁕ ꠛꠣꠖꠦ ꠔꠣꠘꠤꠅ ꠝꠣꠘꠡꠦ ꠚꠥꠟꠤꠡꠧ ꠈꠛꠞ ꠖꠤꠟꠦ ꠞꠁꠛꠣꠞ ꠛꠤꠀꠘꠦ ꠚꠥꠟꠤꠡ ꠀꠁꠀ ꠉꠟꠣꠄ ꠚꠣꠡ ꠖꠦꠅꠀ ꠚꠣꠇꠤꠞ ꠘꠣꠍꠤꠝꠣ ꠛꠦꠉꠝꠞ ꠟꠣꠡ ꠃꠖ꠆ꠖꠣꠞ ꠈꠞꠁꠘ⁕

ꠛꠣꠖꠦ ꠝꠄꠘꠣ ꠔꠖꠘ꠆ꠔ ꠈꠞꠤꠀ ꠟꠣꠡ ꠘꠣꠍꠤꠝꠣꠞ ꠜꠣꠁꠞ ꠉꠦꠍꠦ ꠉꠍꠣꠘꠤ ꠅꠁꠍꠦ,ꠚꠄꠟꠣ ꠚꠞꠎꠣꠄ ꠚꠣꠡ ꠟꠣꠉꠤꠀ ꠝꠞꠣꠞ ꠇꠣꠞꠘ ꠎꠣꠘꠣ ꠉꠦꠍꠦꠘꠣ ꠔꠛꠦ ꠞꠁꠡ꠆ꠡ ꠇꠧꠟꠣꠍꠣ ꠈꠞꠣꠞ ꠟꠣꠉꠤ ꠔꠖꠘ꠆ꠔ ꠍꠟꠦꠞ⁕

ꠛꠤꠡꠄ ꠁꠇꠐꠣ ꠘꠤꠌ꠆ꠌꠤꠔ ꠈꠞꠍꠁꠘ ꠍꠤꠟꠦꠐ ꠝꠦꠐꠐꠧꠙꠟꠤꠐꠘ ꠚꠥꠟꠤꠡꠞ (ꠄꠍ ꠄꠝ ꠙꠤ) ꠅꠔꠤꠞꠤꠇꠔꠧ ꠃꠙ ꠇꠝꠤꠡꠘꠣꠞ (ꠝꠤꠒꠤꠀ) ꠛꠤ ꠄꠝ ꠀꠡꠞꠣꠚ ꠃꠟ꠆ꠟꠣ ꠔꠣꠢꠦꠞ

About surmafarorkhobor

Check Also

ꠘꠤꠎꠞ ꠜꠣꠟꠣ ꠔꠘꠣꠁꠞ ꠟꠣꠉꠤ ꠍꠣꠁꠇꠦꠟ ꠍꠣꠟꠣꠁ

Arif Akhtaruzzaman: ꠀꠝꠤ ২০১২ ꠡꠣꠟꠧ ꠎꠣꠞ꠆ꠝꠣꠘꠤꠔ ꠕꠣꠇꠤ ꠍꠤꠟꠐ ꠉꠤꠀ ২০২০ ꠙꠞ꠆ꠎꠘ꠆ꠔ ꠍꠤꠟꠐ ꠕꠣꠇꠤꠀ ꠀꠁꠍꠤ⁕ ꠚꠣꠞꠤꠛꠣꠞꠤꠇ …