Breaking News
Home / ꠖꠦꠡꠞ ꠈꠛꠞ / ꠛꠤꠄꠘꠙꠤꠞ ꠔꠣꠁ ꠇꠝꠤꠐꠤꠞ ꠡꠖꠁꠡ꠆ꠡ, ꠡꠣꠛꠦꠇ ꠝꠘꠔꠤꠞꠤ ꠛꠦꠞꠤꠡ꠆ꠐꠣꠞ ꠝꠅꠖꠥꠖ ꠀꠢꠝꠖ ꠀꠁꠎ ꠛꠣꠋꠟꠣꠖꠦꠡ ꠡꠝꠄ ꠛꠤꠀꠟ ꠡꠣꠠꠦ ৬ꠐꠣꠄ ꠝꠣꠞꠣ ꠉꠦꠍꠁꠘ

ꠛꠤꠄꠘꠙꠤꠞ ꠔꠣꠁ ꠇꠝꠤꠐꠤꠞ ꠡꠖꠁꠡ꠆ꠡ, ꠡꠣꠛꠦꠇ ꠝꠘꠔꠤꠞꠤ ꠛꠦꠞꠤꠡ꠆ꠐꠣꠞ ꠝꠅꠖꠥꠖ ꠀꠢꠝꠖ ꠀꠁꠎ ꠛꠣꠋꠟꠣꠖꠦꠡ ꠡꠝꠄ ꠛꠤꠀꠟ ꠡꠣꠠꠦ ৬ꠐꠣꠄ ꠝꠣꠞꠣ ꠉꠦꠍꠁꠘ

ꠛꠦꠞꠤꠡ꠆ꠐꠣꠞ ꠝꠅꠖꠥꠖ ꠀꠢꠝꠖ ꠛꠤꠄꠘꠙꠤꠞ ꠔꠣꠁ ꠇꠝꠤꠐꠤꠞ ꠡꠖꠁꠡ꠆ꠡ, ꠡꠣꠛꠦꠇ ꠝꠘꠔꠤꠞꠤ ꠛꠦꠞꠤꠡ꠆ꠐꠣꠞ ꠝꠅꠖꠥꠖ ꠀꠢꠝꠖ ꠀꠁꠎ ꠛꠣꠋꠟꠣꠖꠦꠡ ꠡꠝꠄ ꠛꠤꠀꠟ ꠡꠣꠠꠦ ৬ꠐꠣꠄ ꠡꠤꠋꠉꠣꠚꠥꠞꠞ ꠝꠣꠃꠘ꠆ꠐ ꠄꠟꠤꠎꠣꠛꠦꠕ ꠀꠡꠚꠣꠟꠧ ꠝꠣꠞꠣ ꠉꠦꠍꠁꠘ (ꠁꠘ꠆ꠘꠣ ꠟꠤꠟ꠆ꠟꠣꠢꠤ ꠅꠀ ꠁꠘ꠆ꠘꠣ ꠁꠟꠣꠁꠢꠤ ꠞꠣꠎꠤꠃꠘ)⁕

ꠀꠁꠎ ꠝꠋꠉꠟꠛꠣꠞ (১৬ ꠝꠣꠞ꠆ꠌ) ꠛꠤꠀꠟꠦ ꠛꠦꠞꠤꠡ꠆ꠐꠣꠞ ꠝꠅꠖꠥꠖ ꠀꠢꠝꠖꠞ ꠌꠦꠝ꠆ꠛꠣꠞꠞ ꠎꠥꠘꠤꠅꠞ ꠀꠁꠘꠎꠤꠛꠤ ꠛꠦꠞꠤꠡ꠆ꠐꠣꠞ ꠀꠛ꠆ꠖꠥꠟ꠆ꠟꠣꠢ ꠀꠟ ꠝꠣꠝꠥꠘ ꠝꠞꠣꠞ ꠈꠛꠞ ꠘꠤꠡ꠆ꠌꠤꠔ ꠅꠁꠀ ꠈꠛꠞꠤꠀ ꠅꠈꠟꠞꠦ ꠎꠣꠘꠣꠁꠍꠁꠘ⁕

ꠛꠤꠄꠘꠙꠤꠞ ꠇꠦꠘꠖꠤꠞꠤꠅ ꠇꠝꠤꠐꠤꠞ ꠔꠁꠔ꠆ꠔ ꠅ ꠉꠛꠦꠡꠘꠣ ꠡꠝ꠆ꠙꠣꠖꠇ ꠎꠦꠒ ꠈꠣꠘ ꠞꠤꠅꠣꠎ ꠃꠖ꠆ꠖꠤꠘ ꠘꠡꠥ ꠎꠣꠘꠣꠁꠍꠤꠘ, ꠡꠤꠋꠉꠣꠚꠥꠞꠞ ꠝꠣꠃꠘ꠆ꠐ ꠄꠟꠤꠎꠣꠛꠦꠕ ꠀꠡꠚꠣꠔꠣꠟꠧ ꠅꠗꠖꠣꠙꠇ ꠒꠣ. ꠌꠣꠞꠟꠡ ꠔ’ꠞ ꠅꠗꠤꠘꠦ ꠌꠤꠇꠤꠔꠡꠣ ꠘꠦꠅꠀꠔ ꠀꠍꠟꠣ ꠝꠅꠖꠥꠖ ꠀꠢꠝꠖ⁕ ꠟꠉꠦ ꠔꠣꠘꠞ ꠛꠃ ꠢꠣꠡꠘꠣ ꠝꠅꠖꠥꠖ ꠀꠍꠟꠣ⁕

ꠛꠤꠄꠘꠙꠤ ꠌꠦꠀꠞꠙꠣꠞꠡꠘꠞ ꠙꠦꠞꠦꠡ ꠃꠁꠋꠄꠞ ꠡꠖꠁꠡ꠆ꠡ ꠡꠣꠄꠞꠥꠟ ꠇꠛꠤꠞ ꠈꠣꠘ ꠈꠁꠍꠁꠘ, ꠉꠔ ১ ꠚꠦꠛꠥꠀꠞꠤ ꠞꠣꠁꠔ ১২ꠐꠣꠄ ꠡꠤꠋꠉꠣꠚꠥꠞ ꠄꠀꠞꠟꠣꠁꠘꠍꠦꠞ ꠄꠇꠐꠤ ꠃꠠꠥꠇꠟꠦꠁꠘꠦ ꠔꠣꠘꠞꠦ ꠡꠤꠋꠉꠣꠚꠥꠞ ꠘꠦꠅꠀ ꠅꠄ⁕

ꠄꠞ ꠀꠉꠦ ꠉꠔꠛꠍꠞ ২৯ ꠒꠤꠡꠦꠝ꠆ꠛꠞ ꠛꠦꠝꠣꠞ ꠅꠁꠟꠦ ꠔꠣꠘꠞꠦ ꠞꠣꠎꠗꠣꠘꠤꠞ ꠄꠜꠣꠞꠇꠦꠀꠞ ꠀꠡꠚꠣꠔꠣꠟꠦꠣ ꠜꠞꠔꠤ ꠈꠞꠣ ꠅꠁꠍꠤꠟ⁕ꠇꠤꠍꠥ ꠜꠣꠟꠣ ꠅꠁꠟꠦ ꠉꠔ ২০ ꠎꠣꠘꠥꠀꠞꠤ ꠀꠡꠚꠣꠔꠣꠟ ꠕꠣꠇꠤ ꠛꠣꠡꠣꠄ ꠘꠦꠅꠀ ꠅꠄ⁕ꠄꠞ ꠛꠣꠖꠦ ২১ ꠎꠣꠘꠥꠀꠞꠤ ꠀꠛꠣꠞꠧ ꠛꠦꠝꠣꠞ ꠛꠣꠠꠟꠦ ꠚꠤꠞꠤꠀ ꠄꠜꠣꠞ ꠇꠦꠀꠞ ꠀꠡꠚꠣꠔꠣꠟꠦꠣ ꠜꠞꠔꠤ ꠈꠞꠣ ꠅꠄ⁕ ꠛꠣꠖꠦ ꠔꠣꠘꠞ ꠅꠛꠍꠔꠣ ꠜꠣꠟꠣ ꠘꠣ ꠅꠁꠟꠦ ১ ꠚꠦꠛꠥꠀꠞꠤ ꠙꠀꠛꠣꠞ ꠡꠤꠋꠉꠣꠚꠥꠞ ꠘꠦꠅꠀ ꠅꠄ⁕

ꠛꠦꠞꠤꠡ꠆ꠐꠣꠞ ꠝꠅꠖꠥꠖ ꠀꠢꠝꠖ ১৯৪০ ꠡꠣꠟꠞ ২৪ ꠝꠦ ꠛꠤꠐꠤꠡ ꠜꠣꠞꠔꠞ ꠛꠦꠋꠉꠟ ꠙꠦꠡꠤꠒꠦꠘ꠆ꠡꠤꠞ (ꠛꠞ꠆ꠔꠝꠣꠘ ꠛꠣꠋꠟꠣꠖꠦꠡ) ꠘꠧꠀꠈꠣꠟꠤ ꠎꠦꠟꠣꠞ ꠇꠧꠝ꠆ꠙꠣꠘꠤꠉꠘ꠆ꠎ ꠃꠚꠎꠤꠟꠣꠄ ꠎꠘꠝꠧ ꠅꠄ ⁕ ꠔꠣꠘꠞ ꠛꠣꠛꠣꠞ ꠘꠣꠝ ꠝꠣꠅꠟꠣꠘꠣ ꠝꠝꠔꠣꠎ ꠃꠖ꠆ꠖꠤꠘ ꠀꠢꠝꠖ ꠄꠛꠋ ꠝꠣ ꠛꠦꠉꠝ ꠀꠝ꠆ꠛꠤꠀ ꠈꠣꠔꠥꠘ⁕ ꠍꠎ় ꠜꠣꠁꠛꠁꠘꠞ ꠜꠤꠔꠞꠦ ꠝꠅꠖꠥꠖ ꠀꠢꠝꠖ ꠍꠣꠁꠞ ꠘꠝ꠆ꠛꠞ⁕

 

About surmafarorkhobor

Check Also

ꠀꠘ꠆ꠔꠞ꠆ꠎꠣꠔꠤꠇ ꠇ꠆ꠞꠤꠇꠦꠐ ꠝꠥꠡꠚꠤꠇꠞ ১২ ꠀꠎꠣꠞ ꠞꠣꠘ

ꠔꠣꠝꠤꠝ ꠁꠇꠛꠣꠟꠞ ꠛꠣꠖꠦ ꠖꠥꠍꠞꠣ ꠛꠣꠋꠟꠣꠖꠦꠡꠤ ꠇ꠆ꠞꠤꠇꠦꠐꠣꠞ ꠅꠁꠀ ꠀꠘ꠆ꠔꠞ꠆ꠎꠣꠔꠤꠇ ꠇ꠆ꠞꠤꠇꠦꠐ ১২ ꠀꠎꠣꠞ ꠞꠣꠘꠞ ꠍꠤꠘ꠆ꠘꠔ ꠍꠂꠟꠣ ꠝꠥꠡꠚꠤꠇꠥꠞ …