Home / ꠍꠤꠟꠐ / ꠍꠝꠤꠇ ꠅꠈꠟꠦ ꠘꠣꠄ, ꠌꠃꠢꠣꠐ꠆ꠐꠣꠔ ꠛꠘ꠆ꠖꠥꠇ ꠟꠂꠀ ꠝꠦꠅꠞꠞꠦ ꠝꠣꠞꠣꠔ ꠀꠁꠍꠤꠟ ꠡꠦꠌ꠆ꠌꠣꠡꠦꠛꠇ ꠟꠤꠉ ꠘꠦꠔꠣꠄ

ꠍꠝꠤꠇ ꠅꠈꠟꠦ ꠘꠣꠄ, ꠌꠃꠢꠣꠐ꠆ꠐꠣꠔ ꠛꠘ꠆ꠖꠥꠇ ꠟꠂꠀ ꠝꠦꠅꠞꠞꠦ ꠝꠣꠞꠣꠔ ꠀꠁꠍꠤꠟ ꠡꠦꠌ꠆ꠌꠣꠡꠦꠛꠇ ꠟꠤꠉ ꠘꠦꠔꠣꠄ

ꠍꠤꠟꠐ ꠘꠉꠞꠤꠞ ꠌꠃꠢꠣꠐ꠆ꠐꠣꠔ ꠍꠤꠟꠦꠐ ꠍꠤꠐꠤ ꠇꠞꠙꠥꠞꠦꠡꠘꠞ ꠇꠞ꠆ꠝꠤ ꠀꠞ ꠉꠣꠠꠤꠞ ꠡꠝꠤꠇ ꠅꠈꠟꠞ ꠈꠦꠍꠣꠈꠦꠍꠤꠞ ꠛꠁꠟ ꠅꠡ꠆ꠞ ꠡꠂꠔꠦ ꠀꠐꠇ ꠛꠦꠐꠣ ꠡꠦꠌ꠆ꠌꠣꠡꠦꠛꠇ ꠟꠤꠉ ꠘꠦꠔꠣ⁕ ꠚꠄꠍꠟ ꠀꠢꠝꠖ ꠚꠣꠢꠣꠖ (৩৮) ꠘꠣꠝꠦ ꠗꠞꠣꠈꠣꠅꠀ ꠁ ꠛꠦꠐꠣ ꠍꠤꠟꠦꠐ ꠝꠢꠣꠘꠉꠞ ꠡꠦꠌ꠆ꠌꠣꠡꠦꠛꠇ ꠟꠤꠉꠞ ꠝꠥꠇ꠆ꠔꠤꠎꠥꠖ꠆ꠖꠣ ꠛꠤꠡꠅꠇ ꠡꠝ꠆ꠙꠣꠖꠇꠞ ꠖꠣꠁꠔ꠆ꠔꠔ ꠞꠁꠍꠦ⁕

ꠚꠣꠢꠣꠖ ꠝꠢꠣꠘꠉꠞ ꠡꠦꠌ꠆ꠌꠣꠡꠦꠛꠇ ꠟꠤꠉꠞ ꠡꠜꠣꠚꠔꠤ ꠀꠞ ꠍꠤꠟꠦꠐ ꠍꠤꠐꠤ ꠇꠞꠙꠥꠞꠦꠡꠘꠞ ꠇꠣꠃꠘ꠆ꠍꠤꠟꠞ ꠀꠚꠔꠣꠛ ꠢꠥꠡꠦꠘ ꠈꠣꠘ ꠍꠣꠞꠇꠦꠟꠞ ꠘꠦꠔꠣ ꠛꠟꠤꠀ ꠎꠣꠘꠣ ꠉꠦꠍꠦ⁕

ꠛꠥꠗꠛꠣꠞ (১৭ ꠚꠦꠛꠥꠀꠞꠤ) ꠌꠃꠢꠣꠐ꠆ꠐꠣꠔ ꠅꠛꠂꠗ ꠟꠣꠁꠐꠦꠍ ꠁꠡꠐꠦꠘ꠆ꠒ ꠢꠣꠞꠣꠘꠤꠔ ꠉꠤꠀ ꠛꠣꠗꠣ ꠚꠣꠁꠘ ꠍꠤꠐꠤ ꠇꠞꠙꠥꠞꠦꠡꠘꠞ ꠈꠣꠝꠈꠞꠞꠣ ꠅꠈꠟꠦ⁕ ꠈꠛꠞ ꠢꠥꠘꠤꠀ ꠊꠐꠘꠣꠞ ꠎꠣꠉꠣꠔ ꠎꠣꠁꠘ ꠝꠦꠅꠞ ꠀꠞ ꠍꠤꠐꠤ ꠇꠣꠃꠘ꠆ꠍꠤꠟꠞ ꠅꠈꠟ⁕ ꠁꠡꠝꠅ ꠇꠣꠃꠘ꠆ꠍꠤꠟꠞ ꠀꠚꠔꠣꠛ ꠢꠥꠡꠦꠘ ꠈꠣꠘꠅ ꠝꠦꠅꠞꠞ ꠟꠉꠦ ꠌꠃꠢꠣꠐ꠆ꠐꠣ ꠄꠟꠣꠇꠣꠔ ꠉꠦꠍꠟꠣ⁕

ꠖꠥꠁꠉꠥꠞꠞ ꠝꠣꠞꠣꠝꠣꠞꠤꠞ ꠄꠈ ꠚꠞ꠆ꠎꠣꠄ ꠝꠦꠅꠞ ꠇꠣꠃꠘ꠆ꠍꠤꠟꠞ ꠄꠞꠣꠞ ꠛꠣꠎꠥ ꠔꠘꠦ ꠅꠍ꠆ꠞ ꠡꠥꠁꠖ꠆ꠖꠣ ꠚꠄꠍꠟ ꠀꠢꠝꠖ ꠚꠣꠢꠣꠖ (৩৮) ꠞꠦ ꠗꠞꠤꠟꠣꠄ ꠚꠥꠟꠤꠡꠦ⁕

About abu sayeed

Check Also

ꠘꠤꠎꠞ ꠜꠣꠟꠣ ꠔꠘꠣꠁꠞ ꠟꠣꠉꠤ ꠍꠣꠁꠇꠦꠟ ꠍꠣꠟꠣꠁ

Arif Akhtaruzzaman: ꠀꠝꠤ ২০১২ ꠡꠣꠟꠧ ꠎꠣꠞ꠆ꠝꠣꠘꠤꠔ ꠕꠣꠇꠤ ꠍꠤꠟꠐ ꠉꠤꠀ ২০২০ ꠙꠞ꠆ꠎꠘ꠆ꠔ ꠍꠤꠟꠐ ꠕꠣꠇꠤꠀ ꠀꠁꠍꠤ⁕ ꠚꠣꠞꠤꠛꠣꠞꠤꠇ …