Breaking News
Home / ꠍꠤꠟꠐ / ꠍꠤꠟꠦꠐꠞ ꠉꠧꠀꠁꠘꠊꠣꠐ ꠃꠚꠎꠤꠟꠣꠞ ꠎꠣꠚꠟꠋꠄ ꠃꠎ꠆ꠎꠟ ꠘꠣꠝꠦ ꠄꠈ ꠚꠐꠧꠉꠦꠞꠣꠚꠣꠞꠞꠦ ꠈꠥꠘ ꠈꠞꠤꠀ ꠇꠦꠝꠦꠞꠣ ꠅ ꠝꠧꠛꠣꠁꠟ ꠟꠁꠀ ꠜꠣꠉꠤꠀ ꠎꠣꠅꠀꠞ ꠡꠝꠄ ꠖꠥꠁ ꠈꠥꠘꠤ ꠡꠁꠔꠦ ꠍꠣꠁꠞ ꠎꠘ ꠀꠐꠇ

ꠍꠤꠟꠦꠐꠞ ꠉꠧꠀꠁꠘꠊꠣꠐ ꠃꠚꠎꠤꠟꠣꠞ ꠎꠣꠚꠟꠋꠄ ꠃꠎ꠆ꠎꠟ ꠘꠣꠝꠦ ꠄꠈ ꠚꠐꠧꠉꠦꠞꠣꠚꠣꠞꠞꠦ ꠈꠥꠘ ꠈꠞꠤꠀ ꠇꠦꠝꠦꠞꠣ ꠅ ꠝꠧꠛꠣꠁꠟ ꠟꠁꠀ ꠜꠣꠉꠤꠀ ꠎꠣꠅꠀꠞ ꠡꠝꠄ ꠖꠥꠁ ꠈꠥꠘꠤ ꠡꠁꠔꠦ ꠍꠣꠁꠞ ꠎꠘ ꠀꠐꠇ


ꠍꠤꠟꠦꠐꠞ ꠉꠧꠀꠁꠘꠊꠣꠐ ꠃꠚꠎꠤꠟꠣꠞ ꠎꠣꠚꠟꠋꠄ ꠃꠎ꠆ꠎꠟ ꠘꠣꠝꠦ ꠄꠈ ꠚꠐꠧꠉꠦꠞꠣꠚꠣꠞꠞꠦ ꠈꠥꠘ ꠈꠞꠤꠀ ꠇꠦꠝꠦꠞꠣ ꠅ ꠝꠧꠛꠣꠁꠟ ꠟꠁꠀ ꠜꠣꠉꠤꠀ ꠎꠣꠅꠀꠞ ꠡꠝꠄ ꠖꠥꠁ ꠈꠥꠘꠤ ꠡꠁꠔꠦ ꠍꠣꠁꠞ ꠎꠘ ꠀꠐꠇ

ꠎꠣꠘꠣ ꠉꠦꠍꠦ, ꠛꠣꠚꠞ ꠅꠡꠌ꠆ꠌꠟ ꠚꠞꠤꠛꠣꠞꠧ ꠡꠎꠥꠉꠤꠔꠣ ꠈꠞꠣꠞ ꠟꠣꠉꠤ ꠟꠦꠈꠣ ꠚꠠꠣꠞ ꠚꠣꠡꠣꠚꠣꠡꠤ ꠎꠣꠚꠟꠋ ꠐꠥꠞꠤꠡ꠆ꠐ ꠄꠟꠣꠇꠣꠔ ꠚꠞꠎꠧꠐꠇꠞ ꠍꠛꠤ ꠔꠥꠟꠣꠞ ꠈꠣꠝ ꠈꠞꠦ,ꠚꠞꠔꠦꠈꠖꠤꠘꠞ ꠝꠔꠧ ꠉꠔ (৬ ꠒꠤꠡꠦꠝ꠆ꠛꠞ) ꠛꠤꠀꠘꠦ ꠚꠞꠎꠧꠐꠇ ꠅꠈꠟꠞ ꠍꠛꠤ ꠔꠥꠟꠔꠦ ꠎꠣꠚꠟꠋ ꠎꠤꠞꠧ ꠙꠄꠘ꠆ꠐ ꠄꠟꠣꠇꠣꠔ ꠎꠣꠄ ꠚꠐꠧꠉꠦꠞꠣꠚꠣꠞ ꠃꠎ꠆ꠎꠟ, ꠖꠥꠚꠥꠁꠞ ২ꠐꠣꠞ ꠖꠤꠇꠦ ꠚꠞꠎꠧꠐꠇ ꠛꠦꠡꠦ ꠀꠅꠀ ꠖꠥꠁ ꠎꠥꠀꠘ ꠚꠥꠀꠄ ꠍꠛꠤ ꠔꠥꠟꠣꠞ ꠈꠔꠣ ꠈꠁꠀ ꠎꠤꠞꠧ ꠚꠄꠘ꠆ꠐ ꠄꠟꠣꠇꠣꠔ ꠘꠤꠀ ꠎꠣꠄ ꠚꠞꠦ ꠁꠘꠕꠣꠇꠤ ꠝꠣꠅꠣꠛꠤ ꠎꠞꠘꠣꠞ ꠖꠤꠇꠦ ꠟꠁꠀ ꠎꠣꠄ, ꠛꠣꠖꠦ ꠡꠥꠎꠥꠉ ꠛꠥꠎꠤꠀ ꠙꠞꠎꠧꠐꠇ ꠛꠦꠡꠦ ꠀꠅꠀ ꠍꠤꠘꠔꠣꠁꠇꠣꠞꠤ ꠃꠎ꠆ꠎꠟꠞꠦ ꠚꠤꠍꠘ ꠕꠣꠇꠤ ꠍꠣꠇꠥꠖꠤꠀ ꠚꠣꠞꠣꠁꠀ ꠇꠦꠝꠦꠞꠣ ꠀꠞ ꠝꠧꠛꠣꠁꠟ ꠟꠁꠀ ꠛꠣꠉꠤ ꠎꠣꠄ, ꠄꠞꠚꠞꠦ ꠔꠣꠘꠤꠅ ꠝꠣꠘꠦ ꠖꠦꠇꠤꠀ ꠎꠁꠘ꠆ꠔꠣꠚꠥꠞ ꠃꠚꠎꠤꠟꠣ ꠀꠡꠚꠣꠔꠣꠟꠧ ꠟꠁꠀ ꠉꠦꠟꠦ ꠒꠣꠈꠔꠞꠦ ꠌꠦꠇ ꠈꠞꠤꠀ ꠝꠃꠔ ꠅꠁꠉꠦꠍꠦ ꠛꠟꠤꠀ ꠎꠣꠘꠣꠁꠘ,

ꠄ ꠊꠐꠘꠣꠞ ꠈꠛꠞ ꠚꠣꠁꠀ ꠄꠇꠖꠟ ꠙꠥꠟꠤꠡ ꠘꠤꠀ ꠉꠧꠀꠁꠘꠊꠣꠐ ꠍꠣꠞꠇꠦꠟꠞ ꠍꠤꠘꠤꠅꠞ ꠡꠅꠇꠣꠞꠤ ꠙꠥꠟꠤꠡ ꠡꠥꠙꠣꠞ ꠝꠧ. ꠘꠎꠞꠥꠟ ꠁꠍꠟꠣꠝ ꠅ ꠕꠣꠘꠣꠞ ꠅꠚꠤꠍꠣꠞ ꠁꠘꠌꠣꠞ꠆ꠎ ꠝꠧ. ꠀꠛ꠆ꠖꠥꠟ ꠀꠢꠣꠖ ꠉꠑꠘꠣꠞ ꠎꠣꠉꠣꠔ ꠀꠎꠤꠞ ꠅꠣꠁꠍꠁꠘ, ꠄꠞꠚꠞꠦ ꠎꠣꠚꠟꠋꠞ ꠚꠞꠔꠦꠈꠐꠣ ꠢꠣꠝꠣꠘꠤꠞ ꠅ ꠛꠣꠞꠘꠤꠞ ꠚꠔꠧ ꠙꠥꠟꠤꠡꠤ ꠘꠎꠞꠖꠣꠞꠤ ꠅ ꠉꠣꠠꠤꠔꠦ ꠎꠣꠔ꠆ꠞꠤ ꠌꠦꠇ ꠇꠞꠣꠞ ꠟꠣꠉꠤ ꠌꠦꠇꠙꠧꠡ꠆ꠐ ꠛꠀꠘꠤ ꠅꠄ,  ꠙꠣꠡꠣꠙꠣꠡꠤ ꠎꠁꠘ꠆ꠔꠣꠙꠥꠞ ꠃꠙꠎꠤꠟꠣꠞ ꠎꠁꠘ꠆ꠔꠣꠚꠥꠞ ꠛꠣꠎꠣꠞ, ꠖꠞꠛꠍ ꠛꠣꠎꠣꠞ,ꠡꠣꠞꠤꠊꠣꠐ, ꠢꠞꠤꠙꠥꠞ ꠅ ꠡꠣꠢꠙꠞꠣꠘ ꠛꠣꠁꠙꠣꠍ ꠝꠢꠣꠡꠠꠇꠦ ꠕꠣꠘꠣ ꠙꠥꠟꠤꠡ ꠅ ꠐ꠆ꠞꠣꠚꠤꠇ ꠙꠥꠟꠤꠡ ꠎꠃꠕꠧ ꠌꠦꠇ ꠡꠥꠞꠥ ꠈꠞꠁꠘ,

ꠉꠔ ꠞꠛꠤꠛꠣꠞ ꠛꠤꠀꠟ ৬ꠐꠣꠞ ꠖꠤꠇꠦ ꠎꠣꠚꠟꠋ ꠄꠞ ꠉꠥꠌ꠆ꠍ ꠉꠦꠞꠣꠝ ꠄꠟꠣꠇꠣ ꠖꠤꠀ ꠄꠇꠐꠤ ꠐꠣꠈ ꠎꠣꠅꠀꠞ ꠡꠝꠄ ꠙꠥꠟꠤꠡ ꠍꠤꠉꠘꠣꠟ ꠖꠤꠟꠦ ꠍꠤꠉꠘꠣꠟ ꠘꠣ ꠝꠣꠘꠤꠀ ꠜꠣꠉꠤꠎꠣꠄ, ꠉꠥꠌ꠆ꠍꠉꠦꠞꠣꠝꠞ ꠈꠣꠘ꠆ꠖꠣꠔ ꠕꠣꠇꠣ ꠅꠣꠞꠇ ꠙꠥꠟꠤꠡꠦꠞ ꠌꠦꠇꠙꠧꠡ꠆ꠐ ꠉꠣꠠꠤꠞ ꠉꠔꠤꠞꠧꠗ ꠈꠞꠤ ꠐꠣꠈ ꠀꠐꠇ ꠇꠞꠣ ꠅꠄ,ꠁꠡꠝꠄ ꠐꠣꠈ ꠕꠣꠇꠤ ꠊꠐꠘꠣꠄ ꠎꠠꠤꠔ ꠖꠥꠁ ꠎꠥꠀꠘ ꠚꠥꠀ ꠀꠐꠇ ꠇꠞꠣ ꠅꠄ, ꠉꠣꠠꠤꠔꠦ ꠃꠑꠣꠞ ꠀꠉꠦ ꠔꠣꠞꠣ ꠈꠣꠚꠠ ꠛꠖꠟꠣꠁꠀ ꠄꠈ ꠛꠦꠉꠧ ꠞꠣꠈꠦ, ꠔꠣꠞꠣꠞ ꠛꠦꠉ ꠕꠣꠇꠤ ꠘꠤꠢꠔ ꠃꠎ꠆ꠎꠟꠞ ꠝꠧꠛꠣꠁꠟ, ꠇꠦꠝꠦꠞꠣ ꠅ ꠔꠣꠞꠣ ꠔꠥꠟꠣ ꠡꠛ ꠍꠛꠤ ꠙꠣꠅꠀ ꠉꠦꠍꠦ, ꠙꠥꠟꠤꠡ ꠁꠡꠝꠄ ꠐꠣꠈꠞ ꠒꠣꠁꠛꠣꠞ ꠅ ꠢꠦꠟꠙꠣꠞꠧ ꠀꠐꠇ ꠇꠞꠁꠘ

ꠀꠐꠇꠇꠤꠔꠞꠣ ꠅꠁꠟꠧ- ꠡꠥꠘꠣꠝꠉꠘ꠆ꠎꠦꠞ ꠡꠣꠘ꠆ꠔꠤꠉꠘ꠆ꠎ ꠃꠙꠎꠤꠟꠣꠞ ꠗꠞꠝꠙꠥꠞ ꠉꠣꠃꠞ ꠍꠁꠅꠖ ꠘꠥꠞꠞ ꠚꠥꠀ ꠄꠢꠍꠣꠘ (২২) ꠄꠇꠁ ꠉꠣꠃꠞ ꠡꠥꠞꠥꠎ ꠝꠤꠀꠞ ꠚꠥꠀ ꠈꠍꠞꠥ ꠝꠤꠀ (১৮) ꠅ ꠐꠣꠈ ꠒꠣꠁꠛꠣꠞ ꠛꠤꠀꠘꠤꠛꠣꠎꠣꠞ ꠃꠙꠎꠤꠟꠣꠞ ꠘꠅꠀꠉꠣꠅ ꠄꠞ ꠘꠥꠞ ꠝꠤꠀꠞ ꠚꠥꠀ ꠞꠣꠄꠢꠣꠘ ꠄꠛꠋ ꠄꠇꠁ ꠉꠣꠃꠞ ꠀꠟꠤ ꠘꠥꠞꠦꠞ ꠚꠥꠀ ꠐꠣꠈꠞ ꠢꠦꠟꠙꠣꠞ ꠅꠟꠤꠃꠞ ꠞꠢꠝꠣꠘ,

About surmafarorkhobor

Check Also

২২ ꠛꠌ꠆ꠌꠞ ꠛꠣꠉꠤꠀ ꠕꠣꠈꠣꠞ ꠚꠞꠦ ꠉꠔ ꠡꠝꠛꠣꠞ ꠌꠣꠌꠣ ꠇꠥꠘꠞ ꠖꠣꠄ ꠙꠥꠟꠤꠡꠞ ꠀꠔꠧ ꠖꠞꠣ ꠈꠣꠁꠍꠁꠘ ꠜꠣꠔ꠆ꠔꠤꠃꠎꠣ

২২ ꠛꠌ꠆ꠌꠞ ꠛꠣꠉꠤꠀ ꠕꠣꠈꠣꠞ ꠚꠞꠦ ꠉꠔ ꠡꠝꠛꠣꠞ ꠌꠣꠌꠣ ꠇꠥꠘꠞ ꠖꠣꠄ ꠙꠥꠟꠤꠡꠞ ꠀꠔꠧ ꠖꠞꠣ ꠈꠣꠁꠍꠁꠘ ꠜꠣꠔ꠆ꠔꠤꠃꠎꠣ⁕ …