Breaking News
Home / ꠖꠦꠡꠞ ꠈꠛꠞ / ꠉꠥꠟ꠆ꠒꠦꠘ ꠝꠘꠤꠞꠞ ꠛꠤꠞꠥꠖ꠆ꠗꠦ ꠔꠤꠘ ꠝꠣꠝꠟꠣ

ꠉꠥꠟ꠆ꠒꠦꠘ ꠝꠘꠤꠞꠞ ꠛꠤꠞꠥꠖ꠆ꠗꠦ ꠔꠤꠘ ꠝꠣꠝꠟꠣ

ꠉꠦꠍꠦꠈꠣꠁꠟ ꠛꠤꠀꠘꠦ ꠞꠣꠎꠗꠣꠘꠤꠞ ꠝꠦꠞꠥꠟ ꠛꠣꠒ꠆ꠒꠣꠞ ꠛꠣꠡꠣꠔ ꠅꠜꠤꠎꠣꠘ ꠍꠣꠟꠣꠁꠀ ꠝꠘꠤꠞ ꠢꠥꠡꠦꠘ ꠅꠞꠚꠦ ꠉꠥꠟ꠆ꠒꠦꠘ ꠝꠘꠤꠞꠞꠦ ꠄꠞꠦꠡ꠆ꠐ ꠈꠞꠣ ꠅꠁꠍꠦ⁕

ꠅꠛꠂꠗ ꠅꠍ꠆ꠞ, ꠝꠣꠖꠇ ꠀꠞ ꠛꠤꠖꠦꠡꠤ ꠚꠄꠡꠣ ꠞꠣꠈꠣꠞ ꠅꠜꠤꠎꠥꠉꠦ ꠝꠘꠤꠞ ꠢꠥꠡꠦꠘ ꠅꠞꠚꠦ ‘ꠉꠥꠟ꠆ꠒꠦꠘ’ ꠝꠘꠤꠞꠞ ꠛꠤꠞꠥꠖ꠆ꠗꠦ ꠔꠤꠘꠐꠣ ꠝꠣꠝꠟꠣ ꠈꠞꠍꠦ ꠞꠦꠛꠦ⁕

ꠞꠣꠎꠗꠣꠘꠤꠞ ꠛꠣꠒ꠆ꠒꠣ ꠕꠣꠘꠣꠔ ꠀꠁꠎꠇꠥ ꠞꠁꠛꠣꠞ ꠛꠤꠀꠘꠦ ꠞꠦꠛ ꠛꠣꠖꠤ ꠅꠁꠀ ꠝꠣꠝꠟꠣꠁꠘ ꠖꠣꠄꠞ ꠈꠞꠦ⁕

ꠝꠘꠤꠞꠞꠦ ꠀꠍꠇꠥ ꠀꠖꠣꠟꠔꠅ ꠔꠥꠟꠤꠀ ꠎꠤꠇꠣꠘꠤꠞ ꠖꠣꠄ ꠞꠤꠝꠣꠘ꠆ꠒ ꠍꠣꠅꠀ ꠅꠁꠛ ꠈꠞꠤ ꠎꠣꠘꠣꠁꠍꠂꠘ ꠅꠍꠤ ꠙꠣꠞꠜꠦꠎ ꠁꠡꠟꠣꠝꠦ⁕

ꠞꠦꠛꠞ ꠛꠄꠀꠘ , ꠝꠘꠤꠞ ꠅꠛꠂꠗ ꠃꠚꠣꠄ ꠄꠈ ꠀꠎꠣꠞ ꠇꠥꠐꠤ ꠐꠦꠈꠣꠞ ꠛꠦꠡꠤ ꠡꠝ꠆ꠙꠖꠞ ꠝꠣꠟꠤꠇ ꠅꠁꠍꠂꠘ⁕

ꠘꠛ꠆ꠛꠁꠅꠞ ꠖꠡꠇ ꠉꠣꠃꠍꠤꠀ ꠝꠣꠞ꠆ꠇꠦꠐꠞ ꠈꠣꠚꠠꠞ ꠖꠥꠇꠣꠘꠞ ꠛꠤꠇꠤ ꠈꠞꠞꠣ ꠀꠍꠟꠣ ꠝꠘꠤꠞ⁕ ꠛꠣꠖꠦ ꠝꠃꠍꠣꠇ ꠝꠣꠞ꠆ꠇꠦꠐꠞ ꠇ꠆ꠞꠇꠣꠞꠤꠎꠞ ꠖꠥꠇꠣꠘꠅ ꠍꠣꠈꠞꠤ ꠘꠦꠁꠘ⁕ ꠢꠤꠘꠔꠘꠦ ꠛꠣꠉꠣꠁꠀ ꠖꠤꠟꠦ ꠔꠣꠁꠘ ꠎꠥꠇ꠆ꠔ ꠅꠁꠘ ꠁꠀꠞꠙꠥꠐ ꠇꠦꠘ꠆ꠖꠞꠤꠇ ꠟꠣꠉꠤꠎ ꠙꠣꠞ꠆ꠐꠤ ꠀꠞ ꠡꠥꠘꠣ ꠍꠥꠞꠣꠍꠣꠟꠣꠘꠤꠔ⁕ ꠚꠞꠤꠍꠤꠔꠤ ꠚꠣꠁꠘ ‘ꠉꠥꠟ꠆ꠒꠦꠘ ꠝꠘꠤꠞ’ ꠘꠣꠝꠦ⁕

About abu sayeed

Check Also

ꠙ꠆ꠞꠖꠤꠙꠞ ꠁꠀꠛꠣ-ꠡꠘꠔ꠆ꠞꠣꠡꠞ ꠔꠂꠔ꠆ꠔ ꠎꠣꠘꠤꠟꠀꠄ ꠍꠤꠘꠢꠣꠞꠦ ꠇꠥꠘ

ꠞꠁꠛꠣꠞ (১৩ ꠒꠤꠍꠦꠝ꠆ꠛꠞ) ꠄꠈ ꠛ꠆ꠞꠤꠚꠤꠋꠅꠞ ꠡꠝꠄ ꠞꠦꠛꠦ ꠎꠣꠘꠣꠄ, ꠎꠥꠟꠣꠁ ꠝꠣꠡꠞ ꠝꠣꠏꠣꠝꠣꠏꠤꠔ ꠁꠀꠛꠣ ꠚꠣꠍꠣꠞꠞ ꠛꠤꠡꠄ ꠙ꠆ꠞꠖꠤꠙꠞ …