Breaking News
Home / ꠝꠣꠔꠈꠣꠄꠖꠣ / ꠛꠞ꠆ꠔꠝꠣꠘ ꠈꠣꠟ (Sylheti Grammar: Present tense)

ꠛꠞ꠆ꠔꠝꠣꠘ ꠈꠣꠟ (Sylheti Grammar: Present tense)

ꠎꠥꠖꠤ ꠇꠥꠘꠥ ꠜꠣꠞꠈꠣꠝꠞ ꠖꠣꠞꠣ ꠇꠥꠘꠥ ꠈꠣꠝ ꠅꠘꠇꠥ ꠛꠥꠏꠣꠄ, ꠔꠣꠞꠦ ꠛꠞ꠆ꠔꠝꠣꠘ ꠈꠣꠟ (ꠁꠋꠟꠤꠡ: Present Tense) ꠈꠄ⁕ ꠅꠘꠇꠥꠞ ꠈꠣꠁꠍꠟꠔꠉꠔ ꠢꠣꠍꠣ ꠀꠞ ꠍꠤꠞꠡꠁꠔ꠆ꠔ ꠅꠁꠟꠦ ꠛꠞ꠆ꠔꠝꠣꠘ ꠈꠣꠟ ꠅꠄ⁕ ꠛꠞ꠆ꠔꠝꠣꠘ ꠈꠣꠟꠞꠦ ꠍꠣꠁꠐ꠆ꠐꠥꠝꠣ ꠖꠤ ꠛꠣꠐꠣ ꠎꠣꠄ⁕

  • ꠡꠣꠗꠣꠞꠘ ꠛꠞ꠆ꠔꠝꠣꠘ
  • ꠍꠟꠥꠀ ꠛꠞ꠆ꠔꠝꠣꠘ
  • ꠊꠐꠔꠤ ꠛꠞ꠆ꠔꠝꠣꠘ
  • ꠀꠁꠉ꠆ꠉꠣ ꠛꠞ꠆ꠔꠝꠣꠘ

ꠡꠣꠗꠣꠞꠘ ꠛꠞ꠆ꠔꠝꠣꠘ

ꠜꠣꠞꠈꠣꠝꠞ ꠎꠦ ꠞꠥꠚ ꠖꠤ ꠇꠥꠘꠥ ꠈꠣꠝꠞꠦ ꠡꠥꠎꠣꠡꠥꠎꠤ ꠛꠣ ꠡꠣꠗꠣꠞꠘꠜꠣꠛꠦ ꠛꠥꠏꠣꠄ, ꠔꠣꠞꠦ ꠡꠣꠗꠣꠞꠘ ꠛꠞ꠆ꠔꠝꠣꠘ ꠛꠣ ꠡꠥꠎꠣ ꠛꠞ꠆ꠔꠝꠣꠘ (Simple Present) ꠈꠄ⁕ ꠎꠦꠟꠣꠘ-

  • ꠁ ꠚꠥꠠꠤꠉꠥꠔꠣ ꠄꠉꠥ ꠚꠠꠥꠀ
  • ꠡꠥꠞꠥꠎ ꠚꠥꠛ ꠛꠣꠄ ꠃꠑꠦ

ꠍꠟꠥꠀ ꠛꠞ꠆ꠔꠝꠣꠘ

ꠜꠣꠞꠈꠣꠝꠞ ꠎꠦ ꠞꠥꠚ ꠖꠤ ꠇꠥꠘꠥ ꠈꠣꠝ ꠅꠘꠦ ꠍꠟꠦꠞ ꠛꠥꠏꠣꠄ, ꠔꠣꠞꠦ ꠍꠟꠥꠀ ꠛꠞ꠆ꠔꠝꠣꠘ (ꠄꠈꠟꠉꠦ Present Continuous ꠀꠞ Present Perfect Continuous) ꠈꠄ⁕ ꠎꠦꠟꠣꠘ-

  • ꠢꠦ ꠁꠍꠇꠥꠟ ꠎꠣꠞ
  • ꠡꠈꠣꠟ ꠔꠘꠦ ꠝꠦꠊ ꠖꠦꠞ

ꠊꠐꠥꠀ ꠛꠞ꠆ꠔꠝꠣꠘ

ꠜꠣꠞꠈꠣꠝꠞ ꠎꠦ ꠞꠥꠚ ꠖꠤ ꠇꠥꠘꠥ ꠈꠣꠝ ꠅꠘꠦ ꠢꠦꠡ ꠅꠁꠍꠦ ꠇꠤꠘ꠆ꠔꠥꠇ ꠔꠣꠞ ꠚꠟ ꠄꠛ ꠞꠂꠍꠦ ꠛꠥꠏꠣꠄ, ꠔꠣꠞꠦ ꠊꠐꠥꠀ ꠛꠞ꠆ꠔꠝꠣꠘ (Present Perfect) ꠈꠄ⁕ ꠎꠦꠟꠣꠘ-

  • ꠀꠝꠞꠣ ꠅꠃꠝꠣꠔ꠆ꠞ ꠈꠣꠁꠍꠤ
  • ꠔꠣꠁꠘ ꠅꠘꠦ ꠀꠁꠀ ꠢꠣꠝꠣꠁꠍꠁꠘ

ꠀꠁꠉ꠆ꠉꠣ ꠛꠞ꠆ꠔꠝꠣꠘ

ꠜꠣꠞꠈꠣꠝꠞ ꠎꠦ ꠞꠥꠚ ꠖꠤ ꠇꠥꠘꠥ ꠈꠣꠝꠞ ꠢꠥꠇꠥꠝ ꠘꠣꠄ ꠈꠣꠎꠈꠅꠀ ꠛꠥꠏꠣꠄ, ꠔꠣꠞꠦ ꠀꠁꠉ꠆ꠉꠣ ꠛꠞ꠆ꠔꠝꠣꠘ (Present Imperative) ꠈꠄ⁕ ꠎꠦꠟꠣꠘ-

  • ꠔꠣꠘꠞꠦ ꠍꠣꠟꠣꠝ ꠖꠤꠅ
  • ꠢꠣꠔꠈꠞꠣꠞ ꠐꠦꠋꠉꠣꠐꠣ ꠟꠅ

About abu sayeed

Check Also

ꠍꠤꠟꠐꠤ ꠍꠤꠟ꠆ꠟꠈ (Syloti Proverb) – 1

ꠍꠤꠟꠐꠤ ꠁ ꠍꠤꠟ꠆ꠟꠈ ꠅꠈꠟ ꠟꠂꠀ ꠀꠞꠅ ꠚꠠꠔꠦ ꠅꠁꠟꠦ ꠃꠚ꠆ꠞꠦ ꠇꠤꠟꠤꠇ ꠈꠞꠇꠣ⁕ ꠟꠦꠈꠣꠞ ꠝꠣꠏꠦ ꠟꠤꠋꠇ ꠖꠦꠅꠀ …