Home / ꠍꠤꠟꠐꠞ ꠡꠣꠁꠔ꠆ꠔ / ꠎꠖꠤ ꠞꠁꠔ ꠄꠈꠣꠘ ꠊꠞ: ꠇꠝꠞ ꠃꠖ꠆ꠖꠤꠘ ꠟꠡꠇꠞ

ꠎꠖꠤ ꠞꠁꠔ ꠄꠈꠣꠘ ꠊꠞ: ꠇꠝꠞ ꠃꠖ꠆ꠖꠤꠘ ꠟꠡꠇꠞ

ꠀꠗꠥꠘꠤꠇ ꠍꠤꠟꠦꠐꠤ ꠡꠣꠁꠔ꠆ꠔꠞꠦ ꠎꠦ ꠟꠦꠈꠞꠣꠁꠘ꠆ꠔꠦ ꠍꠣꠋꠉꠞ ꠃꠚꠞꠦ ꠔꠥꠟꠌꠁꠘ, ꠄꠞꠣꠞ ꠝꠣꠏꠦ ꠇꠝꠞ ꠃꠖ꠆ꠖꠤꠘ ꠟꠡꠇꠞ ꠅ ꠄꠈꠎꠘ। ꠔꠣꠁꠘ ꠙꠦꠞꠣꠄ ꠀꠗꠥꠘꠤꠇ, ꠞꠥꠝꠣꠘ꠆ꠐꠤꠇ, ꠀꠡꠤꠞ ꠡꠥꠁꠖ꠆ꠖꠣ ꠢꠈꠟ ꠎꠣꠔꠤ ꠚꠁꠖ꠆ꠖ ꠖꠤ ꠍꠤꠟꠐꠤ ꠡꠣꠁꠔ꠆ꠔꠞ ꠃꠑꠣꠘꠞꠦ ꠢꠣꠎꠣꠁꠟꠤꠍꠁꠘ। ꠔꠣꠘ ꠚꠁꠖ꠆ꠖꠞ ꠖꠣꠄ ꠔꠣꠁꠘ ꠝꠣꠘꠡꠞ ꠍꠤꠘꠣꠔ ꠎꠣꠉꠣ ꠈꠞꠤꠟꠤꠍꠁꠘ। ꠁ ꠉꠤꠀꠘꠤ-ꠉꠥꠘꠤ ꠇꠛꠤꠄ ꠔꠣꠘ ꠚꠁꠖ꠆ꠖꠞ ꠟꠣꠉꠤ ꠛꠃꠔ ꠚꠥꠞꠥꠡꠇꠣꠞ ꠚꠣꠁꠍꠁꠘ। ꠄꠞ ꠝꠣꠏꠦ ꠡꠦꠞꠣ ꠄꠈ ꠚꠥꠞꠥꠡꠇꠣꠞ ꠅꠁꠟ ২০১৯ ꠡꠣꠟ “ꠍꠤꠟꠦꠐꠤ ꠟꠦꠋꠉꠥꠄꠎ ꠙ꠆ꠞꠤꠎꠣꠞꠜꠦꠡꠘ ꠍꠦꠘ꠆ꠐꠣꠞꠞ” ꠡꠦꠡ꠆ꠐ ꠇꠛꠤꠞ ꠚꠥꠞꠥꠡꠇꠣꠞ। ꠔꠣꠘ ꠄꠈ ꠀꠗꠥꠘꠤꠇ ꠚꠁꠖ꠆ꠖ-

ꠎꠖꠤ ꠞꠧꠁꠔꠧ ꠄꠈꠣꠘ ꠊꠞ
ꠇꠝꠞ ꠃꠖ꠆ꠖꠤꠘ ꠟꠡꠇꠞ
:::::::::::::::::::::::::::::::::
ꠎꠖꠤ ꠞꠧꠁꠔꠧ ꠍꠤꠟꠦꠐꠧ ꠀꠝꠣꠞ ꠊꠞ
ꠘꠤꠎꠧꠞꠦ ꠗꠁꠘ꠆ꠘꠧ ꠝꠘꠧ ꠇꠞꠔꠣꠝ
ꠢꠇ꠆ꠇꠟ ꠍꠤꠟꠦꠐꠤ ꠅꠁꠟꠣꠘꠦ ꠀꠝꠣꠞ ꠀꠙꠘ
ꠇꠦꠅ ꠞꠧꠁꠟꠣꠘꠣ ꠅꠘꠦ ꠀꠞ ꠙꠞ⁕
ꠍꠤꠟꠦꠐꠞ ꠝꠣꠐꠤꠔ ꠀꠐꠤꠔꠦ ꠟꠣꠉꠟꠧ ꠅꠘꠦ ꠈꠥꠛ ꠜꠣꠟꠣ
ꠡꠥꠞꠝꠣꠞ ꠚꠣꠞꠧ ꠛꠁꠟꠣꠝ ꠅꠘꠦ ꠙꠞꠔꠦꠇ ꠖꠤꠘ
ꠀꠟꠤ ꠀꠘꠎꠖꠞ ꠊꠠꠤꠞ ꠇꠣꠘ꠆ꠖꠣꠔ ꠛꠁꠀ
ꠛꠤꠐꠤꠡꠞ ꠙꠥꠟꠦꠖꠤ ꠌꠣꠁꠀ ꠟꠦꠈꠟꠣꠝ ꠅꠘꠦ ꠇꠛꠤꠔꠣ⁕
ꠘꠣꠉꠞꠤ
ꠌꠔ꠆ꠔꠧꠞꠧ ꠃꠛꠣꠁꠀ ꠝꠘꠧꠞ ꠈꠥꠡꠤꠄ ꠀꠔꠣꠁꠟꠣꠝ ꠅꠘꠦ
ꠙꠣꠇ꠆ꠇꠣꠞ ꠉꠥꠟ ꠈꠥꠐꠤꠞ ꠘꠣꠉꠞꠤ ꠟꠤꠙꠤ ꠅꠉꠥꠘꠔꠞ ꠃꠙꠞꠦ⁕
ꠅꠃ ꠘꠣꠉꠞꠤ ꠢꠞꠧꠚ ꠅꠉꠥꠘ ꠅꠁꠟꠧ ꠍꠤꠟꠧꠐꠤ ꠜꠣꠡꠣꠞ ꠝꠥꠟ ꠢꠞꠧꠚ⁕
ꠙꠞꠔꠦꠇ ꠖꠤꠘ ꠄꠇꠛꠣꠞ ꠉꠦꠟꠣꠝ ꠅꠘꠦ ꠀꠃꠟꠤꠀ ꠅꠈꠟꠞ ꠝꠣꠎꠣꠞꠧ⁕
ꠡꠣꠢ ꠎꠣꠟꠣꠟ ꠡꠣꠢ ꠙꠞꠣꠘ ꠛꠥꠞꠢꠣꠘ ꠃꠖ꠆ꠖꠤꠘ
ꠅꠃ ꠔꠣꠞꠣꠃ ꠔꠧ ꠀꠘꠌꠧꠁꠘ ꠍꠤꠟꠦꠐꠧ ꠘꠛꠤꠞ ꠖꠤꠘ⁕
ꠛꠠꠧ ꠛꠠꠧ ꠀꠅꠞ ꠖꠦꠈꠟꠣꠝ ꠅꠘꠦ ꠘꠣꠅꠅꠧ ꠛꠁꠀ⁕
ꠍꠤꠟꠦꠐꠤ ꠝꠣꠔꠤꠟꠦ ꠇꠤꠔꠣ ꠅꠁꠟꠧ ꠀꠝꠤ ꠔꠧ ꠀꠞ ꠍꠤꠟꠦꠐꠞ ꠝꠣꠘꠥ ꠘꠄ
ꠜꠣꠞꠧꠔꠞ ꠝꠘꠤꠙꠥꠞꠧꠞ ꠄꠇ ꠍꠤꠟꠦꠐꠤ⁕
ꠢꠣꠄꠞꠦ
ꠎꠝꠥꠘꠣ ꠉꠣꠋ ꠔꠥꠝꠣꠞ ꠙꠣꠘꠤꠔ ꠢꠣꠔꠞꠤꠟꠣꠝ ꠅꠘꠦ ꠈꠥꠛ
ꠙꠣꠘꠤꠞ ꠖꠦꠡ ꠡꠥꠘꠣꠝꠉꠘ꠆ꠎ ꠌꠣꠅꠞ ꠖꠦꠡ ꠢꠛꠤꠉꠘ꠆ꠎ
ꠚꠥꠟꠔꠥꠟꠤꠞ ꠎꠇꠤꠉꠘ꠆ꠎ ꠁꠔꠣꠔ ꠇꠔꠧ ꠊꠥꠞꠣ ꠊꠥꠞꠤꠟꠣꠝ ꠅꠘꠦ⁕
ꠢꠣꠄꠞꠦ ꠇꠙꠣꠟ ꠀꠁꠎ ꠎꠖꠤ ꠄꠈꠣꠘ ꠊꠞ ꠞꠧꠁꠔꠧ ꠍꠤꠟꠦꠐꠧ⁕
ꠝꠞꠣꠞ ꠛꠣꠖꠦ ꠔꠧ ꠝꠣꠐꠤ ꠖꠤꠟꠣ ꠅꠘꠦ ꠍꠤꠟꠦꠐꠞ ꠝꠣꠐꠤꠔ⁕
ꠢꠣꠡꠧꠞꠞ ꠖꠤꠘ ꠅꠃ ꠝꠣꠐꠤꠔ ꠔꠘꠦ ꠃꠐꠤꠟꠣꠝ ꠅꠘꠦ⁕

 

*ꠝꠘ ꠞꠣꠈꠛꠣ, ꠡꠣꠁꠔ꠆ꠔ ꠚꠣꠔꠣꠔ ꠟꠦꠈꠣꠞ ©ꠝꠣꠟꠤꠇꠣꠘꠣ ꠈꠣꠟꠤ ꠟꠦꠈꠞꠣꠞ।

About abu sayeed

Check Also

ꠉꠥꠝꠣꠘꠦ ꠘꠤꠞꠖꠞ ꠝꠣꠞ ꠚꠣꠐꠣ ꠝꠣꠞꠣ ꠉꠦꠍꠦ

ꠇꠝꠞ ꠃꠖ꠆ꠖꠤꠘ ꠟꠡ꠆ꠇꠞ: ꠀꠔ꠆ꠔꠤꠄ ꠛꠣ ꠎꠣꠞꠞ ꠛꠣ ꠘꠀꠁꠀ ꠛꠣ-ꠅ ꠚꠣꠠꠣꠝꠣꠞꠤ ꠗꠞꠤꠀ ꠀꠉꠣ ꠈꠣꠞ⁕ ꠚꠣꠐꠣꠄ ꠖꠦꠇꠤꠀ …