Breaking News
Home / ꠚꠛꠣꠡꠞ ꠈꠛꠞ / ꠟꠦꠛꠣꠘꠘꠅ ꠎꠥꠠꠣ ꠛꠤꠡ꠆ꠚꠥꠞꠘ, ꠝꠃꠔꠞ ꠡꠁꠋꠇꠣ ꠛꠣꠠꠤꠀ ৭৮  

ꠟꠦꠛꠣꠘꠘꠅ ꠎꠥꠠꠣ ꠛꠤꠡ꠆ꠚꠥꠞꠘ, ꠝꠃꠔꠞ ꠡꠁꠋꠇꠣ ꠛꠣꠠꠤꠀ ৭৮  

ꠟꠦꠛꠣꠘꠘꠞ ꠞꠣꠎꠗꠣꠘꠤ ꠛꠂꠞꠥꠔ ꠛꠤꠡ꠆ꠚꠥꠞꠘꠞ ꠛꠣꠖꠦ ꠈꠔꠤꠅꠀ ꠄꠟꠣꠇꠣ⁕ ꠍꠛꠤ : ꠁꠘ꠆ꠐꠣꠞꠘꠦꠐ

ꠟꠦꠛꠣꠘꠘꠞ ꠞꠣꠎꠗꠣꠘꠤ ꠛꠂꠞꠥꠔ ꠝꠋꠉꠟꠛꠣꠞꠞ ꠜꠄꠀꠛꠢ ꠛꠤꠡ꠆ꠚꠥꠞꠘ ꠅꠀꠄ ꠝꠃꠔꠞ ꠡꠁꠋꠇꠣ ꠛꠣꠠꠤꠀ ৭৮ ꠎꠘ ꠅꠁꠉꠦꠍ⁕ ꠝꠥꠞ꠆ꠖꠣꠞ ꠡꠁꠋꠇꠣ ꠀꠞ ꠛꠣꠠꠔ ꠚꠣꠞꠦ⁕ ꠄ ꠍꠣꠠꠣ ꠁ ꠛꠤꠡ꠆ꠚꠥꠞꠘꠅ ꠇꠝꠙꠇ꠆ꠇꠦ ৪ ꠀꠎꠣꠞ ꠝꠣꠘꠥꠡ ꠍꠐ ꠚꠣꠁꠍꠦ⁕ ꠔꠣꠞꠣꠞ ꠝꠣꠏꠦ ꠛꠃꠔꠞ ꠅꠛꠍ꠆ꠕꠣ ꠀꠡꠋꠇꠣꠎꠘꠇ⁕ ꠁ ꠊꠐꠘꠣꠔ ꠖꠦꠡꠐꠣꠞ ꠚꠗꠣꠘꠝꠘ꠆ꠔ꠆ꠞꠤ ꠢꠣꠍꠣꠘ ꠖꠤꠀꠛ ꠛꠥꠗꠛꠣꠞ ꠢꠣꠞꠤꠖꠦꠡꠅ ꠎꠣꠔꠤꠅ ꠖꠥꠇ ꠊꠥꠡꠘꠣ ꠈꠞꠍꠁꠘ⁕ ꠈꠛꠞ ꠍꠤꠄꠘꠄꠘ

ꠛꠤꠡ꠆ꠚꠥꠞꠘ ꠄꠟꠣꠇꠣꠞ ꠛꠣꠇ꠆ꠇꠣ ꠈꠔꠐꠣ ꠛꠤꠟ꠆ꠒꠤꠋ ꠗꠍꠤ ꠉꠦꠍ⁕ ꠛꠘ꠆ꠖꠞ ꠄꠟꠣꠇꠣꠞ ꠁ ꠛꠤꠡ꠆ꠚꠥꠞꠘ ꠢꠣꠞꠣ ꠛꠂꠞꠥꠔ ꠡꠢꠞ ꠛꠁꠍꠣꠟꠞ ꠟꠣꠈꠣꠘ ꠈꠣꠚꠤꠀ ꠃꠑꠍꠤꠟ⁕ ꠟꠦꠛꠣꠘꠘ ꠔꠘꠦ ১৫০ ꠝꠣꠁꠟ ꠖꠥꠞꠁꠅ ꠁ ꠈꠣꠚꠣ ꠛꠥꠗ ꠝꠤꠟꠌꠦ⁕ ꠛꠤꠡ꠆ꠚꠥꠞꠘꠞ ꠛꠣꠖꠦ ꠢꠤꠇꠣꠘꠅ ꠗꠥꠝꠣꠞ ꠍꠣꠇ꠆ꠇꠣ ꠃꠠꠔꠦ ꠖꠦꠈꠁꠘ ꠕꠣꠘꠤꠅ ꠅꠈꠟꠦ⁕ ꠛꠃꠔ ꠛꠤꠟ꠆ꠒꠤꠋꠉꠞ ꠎꠣꠘꠟꠣꠞ ꠉꠦꠟꠣꠍ ꠜꠣꠋꠉꠤ ꠉꠦꠍ⁕


ꠟꠦꠛꠣꠘꠘ ꠜꠄꠀꠛꠢ ꠛꠤꠡ꠆ꠚꠥꠞꠋꠞ ꠛꠣꠖꠦ ꠝꠣꠞ꠆ꠇꠤꠘ ꠚꠦꠍꠤꠒꠦꠘ꠆ꠐ ꠒꠥꠘꠣꠟ꠆ꠒ ꠐ꠆ꠞꠣꠝ꠆ꠙ ꠟꠦꠛꠣꠘꠘꠞ ꠝꠣꠘꠡꠞꠦ ꠖꠥꠇ ꠎꠣꠘꠣꠁꠍꠁꠘ⁕ ꠔꠣꠁꠘ ꠎꠞꠥꠞꠤꠜꠣꠛꠦ ꠃꠖ꠆ꠗꠣꠞ ꠈꠣꠝꠅ ꠡꠣꠁꠎꠎꠞ ꠚꠍ꠆ꠔꠣꠛ ꠖꠤꠍꠁꠘ⁕ ꠄꠍꠣꠠꠣ ꠛ꠆ꠞꠤꠐꠦꠘ, ꠚ꠆ꠞꠣꠘ꠆ꠍ, ꠁꠞꠣꠘ, ꠁꠎꠞꠣꠁꠟ ꠁ ꠝꠍꠤꠛꠔ ꠔꠘꠦ ꠟꠦꠛꠣꠘꠘꠞꠦ ꠛꠣꠞꠁꠀ ꠀꠁꠛꠣꠞ ꠟꠣꠉꠤ ꠡꠣꠖ ꠖꠤꠛꠣꠞ ꠈꠕꠣ ꠈꠁꠍꠦ⁕

ꠟꠦꠛꠣꠘꠘꠞ ꠚꠦꠡꠤꠒꠦꠘ꠆ꠐ ꠝꠣꠁꠇꠦꠟ ꠀꠃꠘ ꠡꠦꠘꠣꠛꠣꠢꠤꠘꠤꠞꠦ ꠈꠔꠤꠅꠀ ꠄꠟꠣꠇꠣ ꠚꠣꠠꠣ ꠖꠤꠛꠣꠞ ꠅꠒꠣꠞ ꠈꠞꠍꠁꠘ⁕ ꠟꠦꠛꠣꠘꠘꠞ ꠚꠗꠣꠘꠝꠘ꠆ꠔ꠆ꠞꠤ ꠢꠣꠍꠣꠘ ꠖꠤꠁꠛ ꠛꠤꠡ꠆ꠚꠥꠞꠘꠞ ꠊꠐꠘꠣꠄ ꠛꠥꠗꠛꠣꠞ ꠎꠣꠔꠤꠅ ꠖꠥꠇ꠆ꠇꠞ ꠖꠤꠘ ꠊꠥꠡꠘꠣ ꠖꠤꠍꠁꠘ⁕

About abu sayeed

Check Also

ꠛꠒꠣꠞꠅ ꠛꠣꠞ꠆ꠝꠣꠞ ꠗꠦꠞꠤ ꠀꠞ꠆ꠝꠤꠘ ꠀꠘꠣꠄ ꠅꠡꠘ꠆ꠔꠥꠡ꠆ꠐ ꠛꠣꠋꠟꠣꠖꠦꠡ

ꠛꠣꠞ꠆ꠝꠣꠞ ꠀꠞ꠆ꠝꠤꠘ꠆ꠔꠞ ꠝꠣꠁꠞ ꠔꠘꠦ ꠞꠣꠈꠣꠁꠘ ꠞꠣꠁꠎ꠆ꠎꠞ ꠛꠒꠣꠞ ꠇꠞꠍ ꠈꠞꠤ ꠟꠣꠈꠦꠛꠤꠈꠦ ꠞꠥꠢꠤꠋꠉꠣꠁꠘ ꠛꠣꠋꠟꠣꠖꠦꠡꠅ ꠀꠁꠀ ꠢꠣꠝꠣꠄ। ꠔꠤꠘ …