Home / ꠖꠦꠡꠞ ꠈꠛꠞ / ꠇꠥꠡ꠆ꠐꠤꠀꠔ ꠝꠣꠐꠤ ꠈꠣꠐꠣꠔ ꠉꠤꠀ ২৫ ꠛꠌ꠆ꠌꠞ ꠚꠥꠞꠣꠘꠣ ꠟꠣꠡ ꠃꠖ꠆ꠗꠣꠞ

ꠇꠥꠡ꠆ꠐꠤꠀꠔ ꠝꠣꠐꠤ ꠈꠣꠐꠣꠔ ꠉꠤꠀ ২৫ ꠛꠌ꠆ꠌꠞ ꠚꠥꠞꠣꠘꠣ ꠟꠣꠡ ꠃꠖ꠆ꠗꠣꠞ

ꠇꠥꠡ꠆ꠐꠤꠀꠞ ꠇꠥꠝꠣꠞꠈꠣꠟꠤꠔ ꠛꠣꠠꠤ ꠈꠞꠣꠞ ꠖꠣꠄ ꠝꠣꠐꠤ ꠈꠣꠐꠣꠔ ꠉꠤꠀ ꠖꠣꠚꠘꠞ ২৫ ꠛꠍꠞ ꠛꠣꠖꠦ ꠝꠤꠔ ꠘꠥꠞꠥꠎ꠆ꠎꠣꠝꠣꠘ ꠘꠣꠝꠞ ꠄꠈ ꠎꠘꠞ ꠟꠣꠡ ꠎꠦꠟꠣꠘ ꠅꠟꠣꠘ ꠃꠖ꠆ꠗꠣꠞ ꠈꠞꠍꠦ ꠕꠣꠘꠤꠅ ꠅꠈꠟꠦ⁕ ꠊꠐꠘꠣꠐꠣ ꠊꠐꠍꠦ ꠉꠦꠍꠦ ꠈꠣꠁꠟ ꠡꠥꠇ꠆ꠇꠥꠞꠛꠣꠞ ꠝꠣꠖꠣꠘꠦ ꠎꠖꠥꠛꠄꠛꠣ ꠁꠘꠤꠅꠘꠞ ꠛꠢꠟꠛꠣꠠꠤꠀ ꠉꠣꠅꠔ⁕ ꠘꠤꠢꠔ ꠘꠥꠞꠥꠎ꠆ꠎꠣꠝꠣꠘ ꠎꠖꠥꠛꠄꠛꠣ ꠁꠘꠤꠅꠘꠞ ꠛꠢꠟꠛꠣꠠꠤꠀ ꠉꠣꠅꠞ ꠝꠤꠔ ꠝꠘꠥꠢꠞ ꠝꠦꠍꠔꠞꠤꠞ ꠚꠥꠀ ꠀꠍ꠆ꠟꠣ⁕

ꠖꠦꠈꠞꠣꠁꠘꠔꠦ ꠎꠣꠘꠣꠁꠘ, ꠛꠢꠟꠛꠣꠠꠤꠀ ꠉꠣꠅꠞ ꠀꠔꠞ ꠀꠟꠤꠞ ꠚꠥꠀ ꠘꠄꠀ ꠛꠣꠠꠤ ꠛꠣꠘꠣꠘꠤꠞ ꠟꠣꠉꠤ ꠝꠣꠐꠤ ꠈꠣꠐꠣꠔ ꠉꠤꠀ ꠄꠈ ꠎꠦꠟꠣꠘ ꠅꠟꠣꠘ ꠟꠣꠡ ꠖꠦꠈꠔ ꠙꠣꠄ ꠝꠣꠐꠤ ꠈꠣꠐꠞꠣꠁꠘꠔꠦ⁕ ꠛꠣꠖꠦ ꠕꠣꠘꠤꠅ ꠅꠈꠟ ꠢꠇ꠆ꠇꠟ ꠀꠁꠀ ꠝꠥꠞ꠆ꠖꠣꠞ ꠍꠤꠘ ꠚꠞꠤꠍꠄ ꠛꠣꠞꠈꠞꠤ ꠚꠣꠁꠘꠎꠣꠛꠣꠟꠣ ꠛꠢꠟꠛꠣꠠꠤꠀ ꠉꠥꠞꠥꠍꠕꠣꠘ ꠟꠣꠡꠞꠦ ꠢꠤꠞꠛꠣꠞ ꠖꠣꠚꠘ ꠈꠞꠁꠘ⁕ ꠝꠥꠞ꠆ꠖꠣꠞ ꠚꠞꠤꠍꠄ ꠛꠣꠞꠈꠞꠤ ꠔꠣꠘ ꠝꠣꠝꠣꠞ ꠊꠞ ꠜꠣꠁ ꠍꠣꠘꠥꠀꠞꠦ ꠈꠁꠘ, ꠘꠥꠞꠥꠎ꠆ꠎꠣꠝꠣꠘ ꠎꠦ ꠛꠣꠟꠣ ꠄꠈ ꠈꠣꠚꠠꠞ ꠛꠛꠡꠣꠁ ꠀꠍ꠆ꠟꠣ⁕ ꠙꠦꠞꠣꠄ ২৫ ꠛꠌ꠆ꠌꠞ ꠀꠉꠦ ꠓꠣꠇꠣ ꠔꠘꠦ ꠛꠣꠠꠤ ꠀꠅꠀꠞ ꠚꠕ ꠒꠣꠈꠣꠁꠔ ꠅꠈꠟꠦ ꠔꠣꠘꠞꠦ ꠗꠞꠤꠀ ꠇꠥꠝꠣꠞꠈꠣꠟꠤ ꠉꠠꠣꠁ ꠘꠖꠤꠞ ꠚꠣꠠ ꠝꠥꠈꠞ ꠝꠣꠏꠦ ꠛꠤꠡꠣꠈꠔ ꠞꠣꠋꠍꠣ ꠀꠞ ꠉꠣꠝꠍꠣ ꠖꠤ ꠅꠁꠉ꠆ꠉꠣꠘ ꠈꠞꠤꠀ ꠝꠣꠟꠚꠔ꠆ꠞ ꠟꠥꠐ ꠈꠞꠤꠀ ꠚꠣꠟꠣꠁꠀ ꠔꠁꠀ ꠎꠣꠄꠉꠤ⁕ ꠢꠦꠡꠦ ꠔꠥꠇꠣꠔꠥꠇꠤꠞ ꠛꠣꠖꠦ ꠘꠖꠤꠞ ꠚꠣꠠ ꠔꠘꠦ ꠃꠖ꠆ꠗꠣꠞ ꠈꠞꠤ ꠙꠦꠞꠣꠄ ꠄꠈ ꠝꠣꠡ ꠛꠣꠖꠦ ꠒꠣꠈꠔꠞꠤ ꠅꠛꠍꠕꠣꠔ ꠝꠣꠞꠣ ꠉꠦꠟꠦ ꠛꠣꠠꠤꠞ ꠈꠣꠘ꠆ꠖꠣꠞ ꠛꠣꠉꠣꠘꠅ ꠔꠣꠘꠞꠦ ꠖꠣꠚꠘ ꠈꠞꠣ ꠅꠄ⁕ ꠈꠣꠁꠟ (ꠡꠥꠇ꠆ꠞꠛꠣꠞ) ꠘꠤꠢꠔꠞ ꠌꠣꠌꠣꠞ ꠊꠞ ꠜꠣꠁ ꠛꠣꠠꠤ ꠛꠣꠘꠣꠘꠤꠞ ꠖꠣꠄ ꠝꠣꠐꠤ ꠈꠣꠐꠔꠣ ꠉꠦꠟꠦ ꠢꠤꠞꠤ ꠟꠣꠡꠐꠣ ꠎꠦꠟꠣꠘ ꠅꠟꠣꠘ ꠙꠣꠅꠀ ꠎꠣꠄ⁕ ꠌꠃꠞꠋꠉꠤ ꠔꠖꠘ꠆ꠔꠞ ꠇꠦꠘ꠆ꠖ꠆ꠞꠞ ꠁꠘꠌꠣꠞ꠆ꠎ ꠁꠘꠤꠍꠙꠦꠇ꠆ꠐꠞ ꠞꠣꠇꠤꠛ ꠢꠣꠍꠣꠘꠦ ꠎꠣꠘꠣꠁꠘ, ꠝꠣꠐꠤ ꠇꠣꠐꠣꠔ ꠉꠤꠀ ২৫ ꠛꠍꠞꠞ ꠚꠥꠞꠣꠘꠣ ꠘꠥꠞꠥꠎ꠆ꠎꠣꠝꠣꠘ ꠘꠣꠝꠞ ꠄꠈ ꠝꠥꠞ꠆ꠖꠣꠞ ꠟꠣꠡ ꠃꠖ꠆ꠗꠣꠞ ꠈꠞꠤꠀ ꠢꠤꠞꠤ ꠖꠣꠚꠘ ꠈꠞꠍꠦ ꠕꠣꠘꠤꠅ ꠅꠈꠟꠦ⁕ ꠁꠛꠣꠄ ২৫ ꠛꠍꠞꠞ ꠚꠥꠞꠣꠘꠣ ꠝꠥꠞ꠆ꠖꠣꠞ ꠟꠣꠡ ꠃꠖ꠆ꠗꠣꠞꠞ ꠈꠛꠞ ꠍꠣꠘꠤꠉꠦꠟꠦ ꠝꠣꠘꠥꠡ ꠅꠈꠟꠦ ꠜꠤꠠ ꠎꠝꠣꠁꠘ ꠖꠦꠈꠣꠞ ꠟꠣꠉꠤ⁕

About abu sayeed

Check Also

ꠓꠣꠇꠣ-ꠍꠤꠟꠦꠐ ꠝꠦꠁꠘ ꠞꠣꠍꠔꠣꠔ (ꠍꠤꠟꠦꠐꠞ ꠞꠡꠤꠖꠙꠥꠞ) ꠖꠥꠁ ꠛꠠ ꠉꠣꠠꠤ ꠡꠣꠝꠘꠣ ꠡꠣꠝꠘꠤ ꠐꠇ꠆ꠇꠞ ꠅꠁꠍꠦ, ꠄꠞ ꠚꠟꠦ ꠀꠐꠎꠘꠞ ꠝꠃꠔ ꠅ ꠅꠘ꠆ꠔꠔ ৫০ ꠎꠘ ꠎꠈꠝꠤ  

  ꠓꠣꠇꠣ-ꠍꠤꠟꠦꠐ ꠝꠦꠁꠘ ꠞꠣꠍꠔꠣꠔ (ꠍꠤꠟꠦꠐꠞ ꠞꠡꠤꠖꠙꠥꠞ) ꠖꠥꠁ ꠛꠠ ꠉꠣꠠꠤ ꠡꠣꠝꠘꠣ ꠡꠣꠝꠘꠤ ꠐꠇ꠆ꠇꠞ ꠅꠁꠍꠦ, ꠄꠞ ꠚꠟꠦ …