Breaking News
Home / ꠍꠤꠟꠐ / ꠍꠤꠟꠐꠞ ꠉꠥꠟꠣꠚꠉꠁꠘ ꠇꠦꠟꠣꠍ ꠐꠥꠞ ꠄꠈ ꠚꠥꠠꠤ ꠖꠞꠡꠘꠞ ꠅꠜꠤꠎꠥꠉ⁕

ꠍꠤꠟꠐꠞ ꠉꠥꠟꠣꠚꠉꠁꠘ ꠇꠦꠟꠣꠍ ꠐꠥꠞ ꠄꠈ ꠚꠥꠠꠤ ꠖꠞꠡꠘꠞ ꠅꠜꠤꠎꠥꠉ⁕

ꠈꠛꠞ  ꠝꠥꠢꠣꠝꠝꠣꠖ ꠀꠛꠖꠥꠟ ꠝꠣꠘꠘꠣꠘ

ꠍꠤꠟꠐꠞ ꠉꠥꠟꠣꠚꠉꠁꠘ ꠇꠦꠟꠣꠍ ꠐꠥꠞ ꠄꠈ ꠚꠥꠠꠤ (৮) ꠖꠞꠡꠘꠞ ꠅꠛꠤꠎꠥꠉꠦ ꠇꠣꠝꠤꠟ ꠀꠢꠝꠖ (২০) ꠘꠣꠝꠞ ꠄꠇ ꠎꠥꠀꠘ ꠚꠥꠀꠞꠦ ꠉꠥꠟꠣꠚꠉꠁꠘ ꠝꠒꠦꠟ ꠕꠣꠘꠣꠞ ꠚꠥꠟꠤꠡꠦ ꠀꠐꠇ ꠇꠞꠍꠁꠘ⁕ ꠛꠤꠞꠡꠁꠔꠛꠣꠞ ꠛꠤꠀꠟꠦ ꠔꠣꠞ ꠘꠤꠎ ꠄꠟꠣꠇꠣ ꠕꠣꠇꠤ ꠔꠣꠞꠦ ꠀꠐꠇ ꠇꠞꠣ ꠅꠁꠍꠦ⁕

ꠀꠡꠣꠝꠤ ꠇꠣꠝꠤꠟ ꠀꠢꠝꠖ ꠃꠚꠎꠤꠟꠣꠞ ꠓꠣꠈꠣꠖꠇꠇꠤꠘ ꠁꠘꠤꠅꠘꠞ ꠖꠇꠇꠤꠘ ꠛꠣꠞꠇꠧꠐ ꠉꠣꠃꠞ ꠍꠥꠟꠦꠝꠣꠘ ꠝꠤꠀꠞ ꠚꠥꠀ⁕

ꠜꠤꠇꠐꠤꠝꠞ ꠊꠞꠞ ꠝꠣꠘꠡꠞ ꠅꠜꠤꠎꠥꠉꠞ ꠎꠞꠤꠀꠄ ꠎꠣꠘꠣ ꠉꠦꠍꠦ, ꠉꠦꠚꠔꠣꠞ ꠅꠀ ꠇꠣꠝꠤꠟ ꠀꠢꠝꠖ ꠜꠤꠇꠐꠤꠝ ꠚꠥꠠꠤꠞ ꠟꠣꠉꠣ ꠛꠣꠠꠤꠞ ꠚꠥꠀ ꠅꠀꠞ ꠈꠣꠞꠘꠦ ꠜꠤꠇꠐꠤꠝꠞ ꠊꠞꠞ ꠝꠣꠘꠡꠞ ꠛꠦꠇꠤꠀꠟꠦ ꠉꠔ ১২ ꠅ ১৫ ꠎꠥꠘ ꠁ ꠚꠥꠠꠤꠞꠦ ꠀꠐꠈꠣꠁꠀ ꠎꠥꠞꠦ ꠖꠞꠤꠀ ꠖꠥ꠆ꠁꠛꠣꠞ ꠖꠞꠡꠘ ꠈꠞꠍꠦ⁕ ꠀꠞ ꠖꠞꠡꠘꠞ ꠈꠔꠣ ꠈꠦꠃꠞꠦ ꠘꠣ ꠈꠅꠀꠞ ꠟꠣꠉꠤ ꠒꠞ ꠖꠦꠈꠣꠁꠍꠦ⁕

ꠛꠣꠖꠦ ꠅꠃ ꠢꠞꠥ ꠚꠥꠠꠤꠄ ꠁ ꠛꠤꠡꠄ ꠊꠞꠞ ꠝꠣꠘꠡꠞ ꠉꠦꠍꠦ ꠈꠁꠟꠦ ꠔꠣꠞꠣ ꠇꠣꠝꠤꠟꠞꠦ ꠀꠡꠣꠝꠤ ꠈꠞꠤꠀ ꠔꠣꠘꠣꠔ ꠝꠣꠝꠟꠣ ꠈꠞꠁꠘ⁕ ꠄꠛꠟꠣ ꠅꠃ ꠚꠥꠠꠤ ꠍꠤꠟꠦꠐ ꠄꠝ ꠄ ꠎꠤ ꠅꠍꠝꠣꠘꠤ ꠝꠦꠒꠤꠇꠦꠟ ꠀꠡꠚꠣꠔꠣꠟꠧ (ꠅꠡꠤꠡꠤ) ꠜꠞꠔꠤ ꠀꠍꠦ ꠈꠞꠤ ꠢꠥꠘꠣ ꠉꠦꠍꠦ⁕ ꠁꠛꠤꠡꠄ ꠉꠥꠟꠣꠚꠉꠁꠘ ꠝꠒꠦꠟ ꠕꠣꠘꠣꠞ ꠅꠚꠤꠍꠣꠞ ꠁꠘꠌꠣꠞꠎ ꠀꠛꠥꠟ ꠇꠣꠡꠦꠝꠞ ꠉꠦꠍ ꠕꠣꠇꠤ ꠇꠣꠝꠤꠟ ꠀꠢꠝꠖꠞ ꠉꠦꠚꠔꠣꠞꠞ ꠛꠤꠡꠄ ꠘꠤꠌꠌꠤꠔ ꠅꠀ ꠉꠦꠍꠦ।

About surmafarorkhobor

Check Also

ꠓꠣꠇꠣ-ꠍꠤꠟꠦꠐ ꠝꠦꠁꠘ ꠞꠣꠍꠔꠣꠔ (ꠍꠤꠟꠦꠐꠞ ꠞꠡꠤꠖꠙꠥꠞ) ꠖꠥꠁ ꠛꠠ ꠉꠣꠠꠤ ꠡꠣꠝꠘꠣ ꠡꠣꠝꠘꠤ ꠐꠇ꠆ꠇꠞ ꠅꠁꠍꠦ, ꠄꠞ ꠚꠟꠦ ꠀꠐꠎꠘꠞ ꠝꠃꠔ ꠅ ꠅꠘ꠆ꠔꠔ ৫০ ꠎꠘ ꠎꠈꠝꠤ  

  ꠓꠣꠇꠣ-ꠍꠤꠟꠦꠐ ꠝꠦꠁꠘ ꠞꠣꠍꠔꠣꠔ (ꠍꠤꠟꠦꠐꠞ ꠞꠡꠤꠖꠙꠥꠞ) ꠖꠥꠁ ꠛꠠ ꠉꠣꠠꠤ ꠡꠣꠝꠘꠣ ꠡꠣꠝꠘꠤ ꠐꠇ꠆ꠇꠞ ꠅꠁꠍꠦ, ꠄꠞ ꠚꠟꠦ …