Breaking News
Home / ꠖꠦꠡꠞ ꠈꠛꠞ / ꠛꠣꠝꠘꠛꠣꠠꠤꠀ ꠇꠡꠛꠣ ꠃꠚꠎꠤꠟꠣꠞ ꠇꠥꠐꠤꠛꠣꠎꠣꠞꠦꠞ ꠒꠣꠇꠊꠞꠞ ꠚꠤꠍꠦ ꠚꠞꠤꠔꠦꠈꠔ ꠟꠥꠀꠞ ꠍꠤꠠꠤ ꠕꠣꠇꠤ ꠟꠐꠈꠣꠁꠟ ꠚꠣꠇꠤꠞ ꠖꠥꠁ ꠚꠥꠠꠤꠞ ꠟꠣꠡ ꠃꠖꠖꠣꠞ⁕

ꠛꠣꠝꠘꠛꠣꠠꠤꠀ ꠇꠡꠛꠣ ꠃꠚꠎꠤꠟꠣꠞ ꠇꠥꠐꠤꠛꠣꠎꠣꠞꠦꠞ ꠒꠣꠇꠊꠞꠞ ꠚꠤꠍꠦ ꠚꠞꠤꠔꠦꠈꠔ ꠟꠥꠀꠞ ꠍꠤꠠꠤ ꠕꠣꠇꠤ ꠟꠐꠈꠣꠁꠟ ꠚꠣꠇꠤꠞ ꠖꠥꠁ ꠚꠥꠠꠤꠞ ꠟꠣꠡ ꠃꠖꠖꠣꠞ⁕

ꠈꠛꠞ  ꠝꠥꠢꠣꠝꠝꠣꠖ ꠀꠛꠖꠥꠟ ꠝꠣꠘꠘꠣꠘ

ꠛꠥꠗꠛꠣꠞ ১৭ ꠎꠥꠘ ꠛꠤꠅꠣꠟꠦ ꠖꠥꠁ ꠟꠣꠡ ꠃꠖꠖꠣꠞ ꠈꠞꠤꠀ ꠝꠅꠘꠣꠔꠖꠘꠔꠞ ꠟꠣꠉꠤ ꠛꠣꠝꠘꠛꠣꠠꠤꠀ ꠡꠖꠞ ꠀꠡꠚꠣꠔꠣꠟꠧꠞ ꠝꠞꠉꠦ ꠚꠣꠑꠣꠘꠤ ꠅꠁꠍꠦ⁕ ꠘꠤꠢꠔ ꠍꠥꠘꠤꠅꠣ ꠀꠇꠔꠣꠞ (১৩) ꠛꠤꠟ꠆ꠟꠣꠟ ꠝꠤꠀꠞ ꠚꠥꠠꠤ ꠀꠞ ꠍꠥꠞꠣꠁꠅꠣ (১৪) ꠛꠣꠛꠥꠟ ꠝꠤꠀꠞ ꠚꠥꠠꠤ⁕ ꠚꠥꠟꠤꠡ ꠅ ꠔꠣꠘꠤꠅ ꠎꠞꠤꠀꠄ ꠎꠣꠘꠣ ꠉꠦꠍꠦ, ꠛꠤꠟ꠆ꠟꠣꠟ ꠝꠤꠀ ꠅ ꠛꠣꠛꠥꠟ ꠝꠤꠀ ꠇꠡꠛꠣꠞ ꠇꠥꠐꠤꠛꠣꠎꠣꠞꠞ ꠈꠣꠘꠖꠣꠔ ꠄꠈ ꠛꠅꠟꠣꠞ ꠝꠤꠟꠦ ꠍꠝꠤꠇꠞ ꠈꠣꠝ ꠈꠞꠔꠣ⁕ ꠔꠣꠞꠣ ꠛꠃ ꠚꠥꠀ-ꠚꠥꠠꠤꠘ ꠟꠁꠀ ꠝꠤꠟꠞ ꠈꠣꠘꠖꠣꠔ ꠛꠣꠠꠣ ꠛꠣꠡꠣꠔ ꠔꠣꠈꠔꠣ ⁕

ꠄꠈꠎꠣꠉꠣꠔ ꠔꠣꠈꠣꠞ ꠈꠣꠞꠘꠦ ꠍꠥꠘꠤꠅꠣ ꠅ ꠍꠥꠞꠣꠁꠀ ꠛꠣꠘꠖꠛꠤ ꠢꠤꠡꠣꠛꠦ ꠄꠈꠟꠉꠦ ꠍꠟꠔꠣ⁕ ꠛꠥꠗꠛꠣꠞ ꠖꠥꠚꠞꠤꠛꠣꠟꠣ ꠈꠣꠅꠅꠣꠞ ꠚꠞ ꠕꠣꠇꠤ ꠔꠣꠞꠣ ꠖꠥꠁꠎꠘ ꠕꠥꠇꠣꠁ ꠚꠣꠅꠀ ꠉꠦꠍꠟꠘꠣ⁕ ꠛꠤꠀꠟ ꠛꠣꠟꠣ ꠇꠥꠐꠤꠛꠣꠎꠣꠞꠞ ꠒꠣꠇꠊꠞꠞ ꠚꠤꠍꠦ ꠚꠞꠤꠔꠦꠈꠔ ꠟꠥꠀꠞ ꠡꠤꠠꠤꠞ ꠘꠤꠍꠛꠣꠎꠥꠔ ꠖꠥꠁ ꠚꠥꠠꠤꠞ ꠟꠐꠈꠣꠁꠟ ꠟꠣꠡ ꠖꠦꠇꠤꠀ ꠔꠣꠘꠤꠅ ꠝꠣꠘꠡꠦ ꠚꠥꠟꠤꠡꠦ ꠈꠛꠞ ꠖꠦꠄ⁕ ꠍꠥꠘꠤꠀꠞ ꠛꠣꠚ ꠛꠤꠟ꠆ꠟꠣꠟ ꠢꠥꠡꠦꠘ ꠈꠁꠘ, ꠍꠥꠘꠤꠀ ꠅ ꠍꠥꠞꠣꠁꠀ ꠄꠈꠟꠉꠦ ꠍꠟꠣꠚꠦꠞꠣ ꠈꠞꠔ⁕ ꠝꠣꠖꠣꠘꠦ ꠈꠣꠅꠀꠞ ꠛꠣꠖ ꠕꠣꠇꠤ ꠔꠣꠞꠣꠞꠦ ꠕꠥꠇꠣꠁꠀ ꠚꠣꠅꠀ ꠎꠣꠞꠘꠣ⁕ ꠔꠣꠁꠘ ꠈꠁꠘ ꠛꠣꠡꠣꠞ ꠈꠦꠅꠞꠞ ꠟꠉꠦ ꠞꠣꠉ-ꠉꠥꠍꠣ ꠈꠞꠍꠦꠘꠣ ꠇꠧꠘ ꠝꠣꠁꠞ ꠖꠞꠛꠣꠞꠧ ꠘꠣꠁ⁕ ꠎꠣꠘꠣ ꠝꠔꠦ ꠀꠝꠞꠣꠞ ꠇꠧꠘ ꠖꠥꠡꠝꠘꠧ ꠘꠣꠁ ꠇꠤꠘꠔꠥ ꠛꠥꠎꠔꠣꠝ ꠚꠣꠞꠞꠣꠝ ꠘꠣ ꠈꠦꠃ ꠇꠥꠘ ꠈꠞꠤꠀ ꠟꠐꠈꠣꠁꠀ ꠞꠣꠈꠍꠦꠘꠣ ꠔꠣꠞꠣ ꠘꠤꠎꠦ ꠘꠤꠎꠦ ꠚꠣꠡꠟꠣꠉꠤꠀ ꠝꠞꠍꠁꠘ⁕

ꠇꠡꠛꠣ ꠕꠣꠘꠣꠞ ꠚꠞꠤꠖꠞꠡꠇ (ꠔꠖꠘ꠆ꠔ) ꠝꠧ. ꠀꠡꠣꠖꠥꠟ ꠁꠍꠟꠣꠝꠦ ꠈꠁꠍꠁꠘ, ꠁꠇꠐꠣ ꠇꠥꠘ ꠘꠣ ꠀꠔ꠆ꠔꠢꠔꠔꠣ ꠝꠄꠘꠣ ꠔꠖꠘꠔꠞ ꠛꠣꠖꠦ ꠞꠤꠙꠐ ꠚꠣꠁꠟꠦ ꠛꠥꠎꠣ ꠎꠣꠁꠛꠧ⁕ꠄꠈꠘ ꠟꠣꠡ ꠃꠖꠖꠣꠞ ꠈꠞꠤꠀ ꠝꠄꠘꠣꠔꠖꠘꠔꠞ ꠟꠣꠉꠤ ꠛꠣꠝꠘꠛꠣꠠꠤꠀ ꠡꠖꠞ ꠀꠡꠚꠣꠔꠣꠟꠧ ꠚꠣꠑꠣꠘꠤ ꠅꠁꠍꠦ⁕

 

About surmafarorkhobor

Check Also

ꠍꠤꠟꠐ ꠎꠟꠝꠣꠚꠤꠀ ꠉꠋ ꠅꠈꠟꠦ ꠈꠦꠔꠥꠀꠟꠞꠦ ꠝꠣꠞꠤꠟꠍꠦ

ꠇꠛꠤ ꠄꠍ.ꠙꠤ.ꠡꠦꠛꠥ : ꠍꠤꠟꠐ ꠎꠦꠟꠣꠞ ꠛꠤꠡꠘꠣꠕ ꠌꠣꠃꠗꠟꠘꠤ ꠀꠅꠞꠅ ꠡꠣꠁꠚꠥꠟ ꠉꠋꠅꠞ ꠢꠣꠝꠟꠣꠔ ꠈꠦꠔꠥꠀꠟ ꠍꠞꠇꠥꠝ ꠀꠟꠤ ꠖꠄꠀꠟ …