Breaking News
Home / ꠍꠤꠟꠐ / ꠛꠤꠡꠥꠖꠛꠣꠞ ꠕꠣꠇꠤ ꠍꠤꠟꠐ ꠟꠇꠒꠣꠃꠘ

ꠛꠤꠡꠥꠖꠛꠣꠞ ꠕꠣꠇꠤ ꠍꠤꠟꠐ ꠟꠇꠒꠣꠃꠘ

ꠇꠞꠧꠘꠣꠜꠣꠁꠞꠣꠡ ꠢꠣꠍꠞꠣꠘꠤ ꠕꠣꠇꠤ ꠝꠣꠁꠘꠡꠞꠦ ꠛꠣꠍꠣꠘꠤꠞ ꠟꠣꠉꠤ ꠀꠞꠈꠛꠣꠞ ꠍꠤꠟꠐ ꠎꠦꠟꠣ ꠀꠞ ꠝꠢꠣꠘꠉꠞ ꠟꠇꠒꠣꠃꠘ ꠖꠦꠅꠀ ꠅꠁꠛꠧ⁕ ꠡꠣꠝꠘꠞ ১৮ ꠎꠥꠘ (ꠛꠤꠡꠥꠖꠛꠣꠞ) ꠕꠣꠇꠤ ꠁ ꠟꠇꠒꠣꠃꠘ ꠀꠞꠝ꠆ꠜ ꠅꠁꠛꠧ⁕ ꠄꠞ ꠀꠉꠦ ꠘꠤꠔꠤꠝꠣꠟꠣ ꠡꠣꠝꠘꠞꠈꠣꠁꠟ ꠖꠣꠚꠔꠞꠤꠇ ꠅꠘꠥꠝꠧꠖꠘ ꠖꠤꠛꠣ ꠍꠤꠟꠐꠞ ꠡꠤꠜꠤꠟ ꠡꠣꠞ꠆ꠎꠘ ꠇꠣꠞꠎꠣꠟꠄ⁕

ꠝꠋꠟꠛꠣꠞ (১৬ ꠎꠥꠘ) ꠍꠤꠟꠐ ꠡꠣꠞ꠆ꠇꠤꠐ ꠢꠣꠃꠡꠧꠞ ꠅꠘꠥꠡ꠆ꠑꠣꠘꠧ ꠝꠣꠟ꠆ꠐꠤꠡꠦꠇ꠆ꠐꠞꠣꠟ ꠇꠝꠤꠐꠤꠞ ꠡꠜꠣꠔ ꠁ ꠘꠤꠔꠤꠝꠣꠟꠣ ꠔꠂꠀꠞ ꠈꠞꠣ ꠅꠁꠍꠦ⁕ ꠄꠞ ꠝꠣꠏꠦ ꠍꠤꠟꠐ ꠡꠤꠐꠤ ꠇꠞ꠆ꠙꠧꠞꠦꠡꠘꠞ ২৭ꠐꠤ ꠅꠅꠣꠞ꠆ꠒꠞꠦ ꠇꠞꠧꠘꠣꠞ ꠞꠦꠒ (ꠟꠣꠟ, ꠁꠅꠦꠟꠧ(ꠅꠁꠟꠖꠣ) ꠀꠞ ꠉ꠆ꠞꠤꠘ (ꠈꠌꠥꠀ) ꠎꠧꠘꠧ ꠜꠣꠉ ꠇꠞꠣ ꠅꠁꠍꠦ⁕ ꠅꠃ ꠎꠧꠘꠤꠋꠞ ꠃꠚꠞꠦ ꠛꠦꠁꠎ ꠈꠞꠤꠀ ꠄꠟꠣꠇꠣꠔ ꠈꠣꠝ ꠅꠁꠛꠧ⁕ ꠖꠥꠁꠚꠞꠞ ꠡꠝꠄ ꠍꠤꠟꠐꠞ ꠡꠣꠞ꠆ꠇꠤꠐ ꠢꠣꠃꠡꠞ ꠡꠜꠣꠔ ꠡꠤꠐꠤ ꠇꠞ꠆ꠙꠧꠞꠦꠡꠘꠦꠞ ꠜꠣꠉ ꠇꠞꠣ ꠄꠟꠣꠇꠣꠞ ꠛꠤꠡꠄ ꠈꠈꠐꠣ ꠘꠤꠔꠤꠉꠔ ꠡꠤꠖꠖꠣꠘꠔ ꠘꠦꠅꠀ ꠅꠄ⁕

ꠡꠣꠝꠘꠞ ꠈꠣꠁꠟ ꠔꠂꠀꠞ ꠈꠞꠤꠀ ꠡꠤꠜꠤꠟ ꠡꠣꠞ꠆ꠎꠘ ꠅꠚꠤꠡꠧ ꠚꠣꠑꠣꠘꠤ ꠅꠁꠛꠧ⁕ ꠡꠤꠜꠤꠟ ꠡꠣꠞ꠆ꠎꠘ ꠇꠣꠞ꠆ꠎꠣꠟꠄ ꠕꠣꠇꠤ ꠁꠉꠥꠘ ꠅꠘꠥꠝꠧꠖꠤꠔ ꠅꠁꠀ ꠀꠁꠟꠦ ꠡꠣꠝꠘꠞ ꠚꠞꠥ (১৮ ꠎꠥꠘ- ꠛꠤꠡꠥꠖꠛꠣꠞ) ꠈꠣꠟꠣꠘꠎꠤꠛꠣꠟꠣ ৬ꠐꠣ ꠕꠣꠇꠤ ꠁꠔꠣ ꠡꠤꠖꠖꠣꠘꠔ ꠇꠣꠞ꠆ꠎꠇꠞ ꠈꠞꠣ ꠅꠁꠛꠧ।

About surmafarorkhobor

Check Also

ꠓꠣꠇꠣ-ꠍꠤꠟꠦꠐ ꠝꠦꠁꠘ ꠞꠣꠍꠔꠣꠔ (ꠍꠤꠟꠦꠐꠞ ꠞꠡꠤꠖꠙꠥꠞ) ꠖꠥꠁ ꠛꠠ ꠉꠣꠠꠤ ꠡꠣꠝꠘꠣ ꠡꠣꠝꠘꠤ ꠐꠇ꠆ꠇꠞ ꠅꠁꠍꠦ, ꠄꠞ ꠚꠟꠦ ꠀꠐꠎꠘꠞ ꠝꠃꠔ ꠅ ꠅꠘ꠆ꠔꠔ ৫০ ꠎꠘ ꠎꠈꠝꠤ  

  ꠓꠣꠇꠣ-ꠍꠤꠟꠦꠐ ꠝꠦꠁꠘ ꠞꠣꠍꠔꠣꠔ (ꠍꠤꠟꠦꠐꠞ ꠞꠡꠤꠖꠙꠥꠞ) ꠖꠥꠁ ꠛꠠ ꠉꠣꠠꠤ ꠡꠣꠝꠘꠣ ꠡꠣꠝꠘꠤ ꠐꠇ꠆ꠇꠞ ꠅꠁꠍꠦ, ꠄꠞ ꠚꠟꠦ …