Breaking News
Home / ꠡꠥꠘꠣꠝꠉꠁꠘꠎ / ꠛꠣꠍꠔꠧ ꠍꠣꠄ ꠢꠥꠘꠣꠝꠉꠁꠘ ꠇꠦꠘꠍꠣꠞ ꠅꠀ ꠖꠥꠁ ꠛꠁꠘ

ꠛꠣꠍꠔꠧ ꠍꠣꠄ ꠢꠥꠘꠣꠝꠉꠁꠘ ꠇꠦꠘꠍꠣꠞ ꠅꠀ ꠖꠥꠁ ꠛꠁꠘ

ꠍꠛꠤ ꠐꠤꠛꠤꠐꠤꠞ ꠡꠥꠎꠘꠘꠦ

 

ꠝꠞꠘꠛꠦꠗꠤ ꠇꠦꠘꠍꠣꠞ ꠅꠁꠉꠦꠍ ꠢꠥꠘꠣꠝꠉꠁꠘꠞ ꠍꠣꠔꠈ ꠃꠚꠎꠤꠟꠣꠞ ꠛꠥꠡꠞꠣ (৯) ꠀꠞ ꠢꠥꠝꠣꠄꠞꠣ (৭) ꠘꠣꠝꠧꠞ ꠖꠥꠁ ꠛꠘꠤꠞ। ꠔꠣꠞꠣ ꠃꠙꠎꠤꠟꠣꠞ ꠖꠥꠟꠣꠞꠛꠣꠎꠣꠞ ꠁꠘꠤꠅꠘꠞ ৫ ꠟꠝ꠆ꠛꠞ ꠅꠀꠒꠧꠞ ꠀꠟꠝꠚꠥꠞ ꠘꠤꠛꠣꠡꠤ ꠛꠡꠞ ꠀꠟꠤꠞ ꠚꠥꠞꠤꠘ। ꠢꠈꠟꠧꠞ ꠁꠘꠍꠣꠚ ꠀꠘꠝꠣꠘ ꠡꠣꠁꠎꠎ ꠡꠎꠥꠉꠤꠔꠣꠄ ꠔꠣꠞꠣ ꠛꠣꠍꠔꠧ ꠍꠣꠄ।

ꠔꠣꠞꠣꠞ ꠚꠦꠝꠦꠟꠤꠞ ꠛꠞꠣꠔꠦ ꠎꠣꠘꠣ ꠉꠦꠍꠦ, ꠖꠄꠅ ꠛꠘꠤꠞ ꠡꠞꠤꠟꠧ ꠝꠞꠘꠛꠦꠗꠤ ꠇꠦꠘꠍꠣꠞ ꠛꠣꠇꠇꠣ ꠖꠤꠘ ꠔꠘꠦ ꠛꠣꠡꠣ ꠛꠣꠘꠗꠤꠟꠍꠦ। ꠉꠞꠤꠛ ꠚꠦꠝꠦꠟꠤꠞ ꠅꠀꠄ ꠌꠤꠇꠤꠡꠡꠣꠞ ꠈꠞꠍ ꠎꠥꠉꠣꠞ ꠘꠣ ꠈꠞꠔꠧ ꠚꠣꠞꠣꠄ ꠔꠣꠞꠣ ꠡꠝꠣꠎꠞ ꠗꠘꠤ ꠀꠞ ꠖꠣꠘꠡꠤꠟ ꠝꠣꠘꠡꠧꠞ ꠉꠦꠍ ꠔꠘꠦ ꠐꠦꠈꠣꠈꠠꠤ ꠖꠤ ꠡꠣꠁꠎꠎ ꠍꠣꠞ।

 

ꠔꠣꠞꠣꠞ ꠀꠛꠛꠣ ꠛꠡꠞ ꠀꠟꠤꠄ ꠈꠁꠘ, ꠔꠣꠘꠤꠅ ꠝꠣꠘꠡꠧꠞ ꠡꠣꠁꠎꠎ ꠡꠎꠥꠉꠤꠔꠣꠄ ꠌꠤꠇꠤꠡꠡꠣ ꠈꠞꠣꠁꠟꠦꠅ ꠅꠈꠘ ꠀꠞ ꠔꠣꠁꠘ ꠇꠥꠟꠣꠁꠀ ꠃꠑꠔꠣ ꠚꠣꠞꠞꠣ ꠘꠣ।

ꠔꠣꠘꠤꠅ ꠅꠈꠟꠦ ꠈꠁꠍꠁꠘ, ꠖꠥꠁ ꠛꠁꠘꠧꠞ ꠒꠣꠈꠔꠞꠤ ꠈꠞꠍ ꠘꠣ ꠎꠥꠉꠣꠞ ꠈꠞꠟꠦ ꠅꠄꠔ ꠄꠈꠖꠤꠘ ꠔꠣꠞꠣꠞ ꠎꠤꠛꠘꠞ ꠀꠟꠧ ꠘꠤꠜꠤꠎꠤꠛꠧ। ꠄꠟꠣꠇꠣꠞ ꠝꠣꠘꠡꠞ ꠖꠦꠅꠀ ꠐꠦꠈꠣꠚꠄꠡꠣ ꠇꠦꠘꠍꠣꠞꠧꠞ ꠝꠔ ꠛꠦꠝꠣꠞꠧꠞ ꠌꠤꠇꠤꠔꠡꠣ ꠍꠣꠟꠣꠘꠤ ꠡꠅꠎ ꠘꠣꠄ। ꠁꠛꠣꠄ ꠖꠥꠁ ꠖꠤꠘ ꠛꠣꠖꠦꠛꠣꠖꠦ ꠔꠣꠞꠣꠞ ꠟꠃ ꠛꠖꠟꠣꠘꠤ ꠟꠣꠉꠦ। ꠔꠣꠞꠣꠞꠦ ꠚꠃꠎꠘꠤꠅ ꠌꠤꠇꠤꠡꠡꠣ ꠖꠤ ꠜꠣꠟꠣ ꠈꠞꠣꠞ ꠖꠣꠄ ꠢꠈꠟ ꠝꠢꠟꠞꠦ ꠀꠉꠥꠀꠁꠀ ꠀꠅꠀꠞ ꠈꠕꠣ ꠈꠁꠘ।

ꠖꠥꠁ ꠛꠁꠘꠧꠞ ꠒꠣꠈꠔꠞꠤ ꠈꠞꠍꠧꠞ ꠖꠣꠄ ০১৭২৩৫০৮৫৯২ (ꠘꠉꠖ) ꠟꠝ꠆ꠛꠞꠧ ꠐꠦꠈꠣ ꠚꠣꠑꠣꠘꠤ ꠎꠣꠁꠛꠧ ꠈꠞꠤ ꠔꠣꠞꠣꠞ ꠀꠛꠛꠣ ꠛꠡꠞ ꠀꠟꠤꠄ ꠎꠣꠘꠣꠁꠘ।

About surmafarorkhobor

Check Also

ꠡꠥꠘꠣꠝꠉꠁꠘ꠆ꠎ ꠙ꠆ꠞꠦꠍꠇ꠆ꠟꠣꠛꠞ ꠡꠜꠣꠚꠔꠤ ꠡꠣꠢꠣꠘꠣ, ꠡꠝ꠆ꠙꠣꠖꠇ ꠡꠦꠞꠉꠥꠟ

ꠡꠥꠘꠣꠝꠉꠁꠘ꠆ꠎ ꠙ꠆ꠞꠦꠍꠇ꠆ꠟꠣꠛꠞ ꠖꠥꠁ-ꠛꠍꠞꠤ ꠁꠟꠦꠇꠡꠘ ꠡꠦꠡ ꠅꠁꠍꠦ⁕ ꠡꠥꠇ꠆ꠇꠥꠞꠛꠣꠞ ꠝꠣꠖꠣꠘꠦ ꠙ꠆ꠞꠦꠍꠇ꠆ꠟꠣꠛꠞ ꠃꠇꠤꠟ ꠙꠣꠠꠣꠞ ꠅꠚꠤꠡꠅ ꠡꠣꠗꠣꠞꠘ ꠡꠜꠣ ꠛꠣꠖꠦ …