Home / ꠡꠥꠘꠣꠝꠉꠁꠘꠎ / ꠍꠣꠔꠇ ꠛꠦꠡꠦꠛꠣ ꠝꠣꠞꠣꠝꠣꠞꠤ, ꠉꠥꠟꠟꠤꠈꠣꠅꠀ ꠀꠚꠦꠞꠔꠣ ꠡꠢ ꠎꠈꠝꠤ ꠚꠁꠘꠌꠣꠡꠞ ꠛꠦꠡꠤ

ꠍꠣꠔꠇ ꠛꠦꠡꠦꠛꠣ ꠝꠣꠞꠣꠝꠣꠞꠤ, ꠉꠥꠟꠟꠤꠈꠣꠅꠀ ꠀꠚꠦꠞꠔꠣ ꠡꠢ ꠎꠈꠝꠤ ꠚꠁꠘꠌꠣꠡꠞ ꠛꠦꠡꠤ

ꠚꠣꠅꠀꠞ ꠖꠈꠟꠞꠦ ꠇꠦꠘ꠆ꠖ꠆ꠞ ꠈꠞꠤ ꠖꠥꠁꠉꠥꠞꠧꠞ ꠝꠣꠎꠦ ꠝꠣꠞꠣꠝꠣꠞꠤꠞ ꠊꠐꠘꠣ ꠊꠐꠍꠦ ꠢꠥꠘꠣꠝꠉꠁꠘꠞ ꠍꠣꠔꠇ ꠃꠙꠎꠤꠟꠣꠞ ꠜꠣꠔꠉꠣꠅ ꠁꠘꠤꠅꠘꠞ ꠏꠤꠉꠟꠤ ꠉꠣꠅ ꠅ⁕ ꠖꠦꠠꠊꠘ꠆ꠐꠣ ꠛꠦꠇꠥꠝꠣ ꠝꠣꠁꠞ ꠈꠞꠤ ꠉꠥꠟꠟꠤꠈꠣꠅꠀ ꠡꠥꠁꠖ꠆ꠖꠣ ꠎꠈꠝ ꠅꠁꠍꠦ ꠚꠁꠘꠌꠣꠡꠞ ꠛꠦꠡꠤ⁕ ꠄꠞ ꠝꠣꠏꠦ ১২ ꠛꠍꠞꠤ ꠄꠈ ꠍꠣꠛꠣꠟꠅ ꠞꠁꠍꠦ⁕ ꠉꠦꠍꠦꠈꠣꠁꠟ ꠡꠥꠇꠇꠥꠞꠛꠣꠞ ꠛꠤꠀꠘꠦ ꠁ ꠊꠐꠘꠣ ꠊꠐꠍꠦ⁕

ꠎꠣꠘꠣ ꠎꠣꠄ, ꠡꠣꠛꠣꠡ ꠝꠦꠝ꠆ꠛꠣꠞ ꠀꠞ ꠀꠎꠤꠎꠥꠞ ꠞꠢꠝꠣꠘꠞ ꠝꠣꠏꠦ ꠛꠣꠇ꠆ꠇꠣꠖꠤꠘ ꠗꠞꠤ ꠖꠈꠟꠖꠣꠞꠤꠔ꠆ꠔ ꠟꠁꠀ ꠞꠦꠡꠣꠞꠦꠡꠤ ꠍꠟꠍꠤꠟ⁕ ꠢꠦꠡꠦ ꠉꠦꠍꠦ ꠡꠥꠇꠇꠥꠞꠛꠣꠞ ꠛꠤꠀꠘꠦ ꠁꠔꠣ ꠞꠥꠚ ꠟꠄ ꠞꠇ꠆ꠔꠎꠞꠣ ꠝꠣꠁꠞꠦ⁕ ꠁ ꠡꠝꠄ ꠖꠥꠄꠅ ꠉꠥꠞꠧ ꠀꠉ꠆ꠘꠦꠀꠍꠞ ꠡꠥꠁꠖ꠆ꠖꠣ ꠖꠦꠡꠤ ꠅꠍꠞꠡꠍꠞ ꠟꠁꠀ ꠢꠣꠝꠟꠣ ꠈꠞꠦ⁕ ꠁ ꠊꠐꠘꠣꠔ ꠉꠥꠟꠟꠤ ꠈꠣꠅꠀ ꠡꠥꠁꠖ꠆ꠖꠣ ꠎꠈꠝ ꠅꠁꠍꠁꠘ ꠀꠖꠣꠡꠧꠞ ꠛꠦꠡꠤ⁕ ꠉꠥꠟꠟꠤ ꠈꠣꠁꠍꠦ ꠢꠣꠎꠦꠞꠣ ꠘꠣꠝꠞ ১২ ꠛꠍꠞꠤ ꠄꠇ ꠚꠥꠞꠤꠄ ꠅ⁕ ꠝꠣꠁꠞꠧ ꠉꠥꠟꠟꠤ ꠈꠣꠅꠞꠣꠁꠘꠔꠞ ꠝꠣꠏꠦ ꠀꠍꠁꠘ- ꠍꠣꠛꠦꠞ (৩১), ꠎꠣꠢꠦꠖ (২৬), ꠎꠣꠢꠤꠞ (৪৫), ꠀꠞꠤꠚ (৪২), ꠀꠛ꠆ꠖꠥꠞ ꠞꠇꠤꠛ (৪৫), ꠍꠤꠖꠦꠇ ꠝꠤꠀ (৩৪), ꠡꠚꠤꠇ ꠝꠤꠀ (৩০), ꠢꠛꠤꠛꠥꠞ ꠞꠢꠝꠣꠘ (২০), ꠢꠣꠎꠦꠞꠣ (১২), ꠀꠛ꠆ꠖꠥꠟ ꠇꠣꠖꠤꠞ (৫০)⁕

 

ꠍꠤꠟꠦꠐ ꠅꠡꠝꠣꠘꠤ ꠝꠦꠒꠤꠇꠦꠟ ꠇꠟꠦꠎ ꠀꠡꠙꠣꠔꠣꠟꠧ ꠔꠣꠞꠣꠞꠦ ꠜꠞ꠆ꠔꠤ ꠇꠞꠣ ꠅꠁꠍꠦ⁕ ꠅꠁꠘꠣꠘ꠆ꠘ ꠎꠈꠝꠤ ꠅꠀꠁꠘ꠆ꠔꠞꠦ ꠔꠣꠘꠤꠅꠜꠣꠛꠦ ꠌꠤꠇꠤꠡꠡꠣ ꠖꠦꠅꠀ ꠅꠁꠍꠦ⁕ ꠄꠟꠣꠇꠣ ꠄꠈꠛꠣꠞꠦ ꠕꠝꠕꠝꠦ ꠅꠁꠉꠦꠍ⁕ ꠍꠣꠔꠇ ꠕꠣꠘꠣꠞ ꠅꠍꠤ ꠝꠥꠍꠔꠚꠣ ꠇꠣꠝꠣꠟ ꠊꠐꠘꠣꠞ ꠛꠤꠡꠄ ꠘꠤꠌ꠆ꠌꠤꠔ ꠈꠞꠤꠀ ꠈꠁꠘ, ꠚꠞꠤꠍꠕꠤꠔꠤ ꠘꠤꠅꠘ꠆ꠔ꠆ꠞꠘꠧ ꠀꠍꠦ⁕ ꠁ ꠛꠤꠀꠚꠣꠞꠦ ꠖꠄꠅ ꠉꠥꠞꠧ ꠝꠣꠝꠟꠣꠞ ꠚꠍꠔꠥꠔꠤ ꠘꠦꠞ⁕ ꠝꠣꠞꠤꠞ ꠈꠛꠞ ꠚꠣꠁꠀ ꠎꠣꠢꠤꠖꠙꠥꠞ ꠔꠖꠘ꠆ꠔ ꠇꠦꠘ꠆ꠖ꠆ꠞꠞ ꠄꠉꠉꠥꠁꠐ ꠚꠥꠟꠤꠡ ꠊꠐꠘꠣꠞ ꠎꠣꠉꠣ ꠖꠦꠇꠤꠢꠥꠘꠤ ꠉꠦꠍꠁꠘ⁕

About surmafarorkhobor

Check Also

ꠡꠥꠘꠣꠝꠉꠁꠘꠎꠞ ꠡꠣꠋꠛꠣꠖꠤꠇ ꠀꠛꠦꠖ ꠌꠃꠗꠥꠞꠤꠞ ꠁꠘ꠆ꠔꠦꠇꠣꠟ

ꠡꠥꠘꠣꠝꠉꠁꠘꠎ ꠙ꠆ꠞꠦꠍꠇ꠆ꠟꠣꠛꠞ ꠡꠢ-ꠡꠜꠣꠙꠔꠤ ꠅ ꠡꠥꠘꠣꠝꠉꠁꠘꠎ ꠞꠤꠙꠞ꠆ꠐꠣꠞ꠆ꠍ ꠁꠃꠘꠤꠐꠤꠞ ꠡꠖꠁꠡ꠆ꠡ ꠛꠦꠡꠞꠇꠣꠞꠤ ꠐꠦꠟꠤꠜꠤꠡꠘ ꠌꠦꠘꠦꠟ ꠀꠞꠐꠤꠜꠤ’ꠞ ꠁꠡ꠆ꠐꠣꠚ ꠞꠤꠙꠞ꠆ꠐꠣꠞ, ꠖꠂꠘꠤꠇ …