শুরমা ফারর খবর ছিলটি জবানে ছিলটর খবর
Related Articles
ꠢꠛꠤꠉꠁꠘ ꠛꠣꠘꠤꠀꠌꠋꠉꠦ ꠛꠣꠠꠤꠞ ꠊꠣꠐꠧ ꠘꠣꠅ ꠛꠣꠘꠖꠣ ꠟꠁꠀ ꠇꠤꠟꠊꠥꠡꠤꠄ ꠄꠈ ꠛꠥꠠꠣ ꠛꠦꠐꠤꠞꠦ ꠝꠃꠔ ꠅꠁꠍꠦ⁕
ꠝꠃꠔ ꠅꠀ ꠛꠥꠠꠣ ꠛꠦꠐꠤꠞ ꠛꠣꠠꠤ ꠛꠣꠘꠤꠀꠌꠋꠉꠞ ꠖꠦꠡꠝꠥꠈ ꠚꠣꠠꠣꠄ, ꠛꠦꠐꠤꠞ ꠎꠣꠝꠣꠁꠞ ꠘꠣꠝ ꠀꠛ꠆ꠖꠥꠞ ꠞꠣꠎ꠆ꠎꠣꠇ, ꠛꠦꠐꠤꠞ ꠛꠄꠅꠡ ৫৫ ꠛꠍꠞ⁕
ꠝꠃꠔ ꠅꠀ ꠛꠦꠐꠤꠞ ꠊꠞꠞ ꠝꠣꠘꠥꠡ ꠀꠞ ꠉꠐꠘꠣ ꠖꠦꠈꠞꠣ ꠝꠣꠘꠥꠡꠞ ꠎꠞꠤꠀꠄ ꠎꠣꠘꠣ ꠉꠦꠍꠦ ꠉꠔ ꠛꠥꠗꠛꠣꠞ (২২ ꠎꠥꠟꠣꠁ)ꠛꠤꠀꠘ ꠡꠣꠠꠦ ১১ ꠐꠣꠞ ꠖꠤꠇꠦ ꠇꠥꠘ ꠅꠀ ꠛꠥꠠꠣꠛꠦꠐꠤꠞ ꠛꠣꠠꠤꠞ ꠈꠣꠘ꠆ꠖꠣꠘ ꠘꠣꠅꠊꠣꠐꠧ ꠘꠣꠅ ꠛꠣꠘ꠆ꠖꠣ ꠟꠁꠀ ꠈꠣꠘ꠆ꠖꠣꠞ ꠛꠣꠠꠤꠞ ꠝꠥ.ꠟꠥꠇꠥ ꠉꠋ ꠅꠈꠟꠞ ꠟꠣꠉꠤ ꠚꠥꠀꠞ ꠛꠃ ꠎꠝꠤꠟꠣ ꠈꠣꠔꠥꠘ (৩৫)ꠔꠞꠇꠣ ꠔꠞꠇꠤ ꠡꠥꠞꠥ ꠅꠄ, ꠄꠈꠡꠝꠄ ꠟꠥꠇꠥ ꠝꠤꠀ ꠡꠁꠔꠦ ꠔꠣꠞ ꠚꠇ꠆ꠇꠞ ꠃꠎ꠆ꠎꠟ ꠅ ꠇꠥꠖ꠆ꠖꠥꠍ ꠝꠤꠀꠄ ꠎꠝꠤꠟꠣ ꠈꠣꠔꠥꠘꠞꠦ ꠝꠣꠁꠞꠖꠁꠞ ꠈꠞꠦ , ꠁꠡꠝꠄ ꠇꠝꠟꠣ ꠛꠤꠛꠤ ꠔꠣꠘ ꠚꠥꠀꠞ ꠛꠃꠞꠦ ꠝꠣꠁꠞ ꠈꠣꠅꠀ ꠕꠣꠇꠤ ꠛꠣꠍꠣꠘꠤꠞ ꠟꠣꠉꠤ ꠖꠣꠞꠧ ꠀꠁꠟꠦ ꠔꠣꠞꠣ ꠔꠣꠘꠞꠦ ꠖꠣꠇ꠆ꠇꠣ ꠝꠣꠞꠤ ꠝꠣꠐꠤꠔ ꠚꠣꠟꠣꠁꠀ ꠇꠤꠟ ꠊꠥꠡꠤ ꠝꠣꠞꠔꠦ ꠔꠣꠈꠦ, ꠇꠤꠟ ꠊꠥꠡꠤ ꠈꠣꠁꠀ ꠇꠝꠟꠣ ꠛꠤꠛꠤ ꠅꠉꠉꠤꠀꠘ ꠅꠁꠎꠣꠁꠘ,ꠚꠞꠦ ꠔꠣꠛꠞꠦ ꠟꠁꠀ ꠛꠣꠛꠤꠀꠌꠋ ꠀꠡꠚꠣꠔꠣꠟꠧ ꠟꠁꠀ ꠉꠦꠟꠦ ꠒꠣꠈꠔꠞ ꠅꠈꠟꠦ ꠔꠣꠘꠞꠦ ꠝꠞꠣ ꠈꠁꠀ ꠎꠣꠘꠣꠁꠘ⁕
ꠁ ꠉꠐꠘꠣꠞ ꠅꠜꠤꠎꠥꠉ ꠚꠣꠁꠀ ꠛꠣꠘꠤꠀꠌꠋ ꠔꠣꠘꠣꠞ ꠚꠥꠟꠤꠡꠦ ꠟꠣꠡ ꠃꠖ꠆ꠖꠣꠞ ꠈꠞꠤꠀ ꠝꠄꠘꠣꠔꠖꠘ꠆ꠔꠞ ꠟꠣꠉꠤ ꠢꠛꠤꠉꠁꠘ ꠡꠖꠞ ꠀꠡꠚꠣꠔꠣꠟ ꠝꠞꠉꠦ ꠚꠣꠐꠣꠁꠍꠁꠘ⁕
ꠁ ꠛꠦꠀꠚꠣꠞꠦ ꠝꠃꠔ ꠅꠀ ꠛꠥꠠꠣꠛꠦꠐꠤꠞ ꠚꠥꠀ ꠄꠘꠄꠔ ꠢꠥꠡꠦꠘꠦ ꠈꠁꠍꠁꠘ, ꠄꠞꠣ ꠀꠝꠣꠞ ꠉꠣꠃꠞ ꠝꠣꠘꠥꠡ ꠔꠣꠞꠣ ꠌꠥꠞꠤ ꠅ ꠝꠣꠖꠇ ꠛꠦꠛꠡꠣꠞ ꠟꠉꠦ ꠎꠠꠤꠔ ꠀꠝꠤ ꠀꠝꠣꠞ ꠝꠣꠞꠦ ꠝꠣꠞꠤꠀ ꠟꠣꠡ ꠈꠞꠣꠞ ꠃꠌꠤꠔ ꠛꠤꠍꠣꠞ ꠍꠣꠁ⁕
ꠁ ꠛꠤꠡꠄ ꠛꠣꠘꠤꠀꠌꠋ ꠕꠣꠘꠣꠞ ꠁꠘꠌꠣꠞꠎ ꠄꠝꠞꠣꠘ ꠢꠥꠡꠦꠘꠦ ꠎꠣꠘꠣꠁꠍꠁꠘ, ꠝꠞꠣꠞ ꠡꠐꠤꠇ ꠈꠣꠞꠘ ꠎꠣꠘꠣꠞ ꠟꠣꠉꠤ ꠟꠣꠡ ꠝꠄꠘꠣꠔꠖꠘ꠆ꠔꠦ ꠚꠣꠐꠣꠘꠤ ꠅꠁꠍꠦ⁕ꠎꠣꠘꠣ ꠉꠦꠍꠦ ꠄꠈꠘꠧ ꠇꠧꠘ ꠝꠣꠝꠟꠣ ꠅꠁꠍꠦꠘꠣ,
