শুরমা ফারর খবর ছিলটি জবানে ছিলটর খবর
Related Articles
ꠡꠥꠘꠣꠝꠉꠁꠘꠎ ꠙ꠆ꠞꠦꠍꠇ꠆ꠟꠣꠛꠞ ꠡꠢ-ꠡꠜꠣꠙꠔꠤ ꠅ ꠡꠥꠘꠣꠝꠉꠁꠘꠎ ꠞꠤꠙꠞ꠆ꠐꠣꠞ꠆ꠍ ꠁꠃꠘꠤꠐꠤꠞ ꠡꠖꠁꠡ꠆ꠡ ꠛꠦꠡꠞꠇꠣꠞꠤ ꠐꠦꠟꠤꠜꠤꠡꠘ ꠌꠦꠘꠦꠟ ꠀꠞꠐꠤꠜꠤ’ꠞ ꠁꠡ꠆ꠐꠣꠚ ꠞꠤꠙꠞ꠆ꠐꠣꠞ, ꠖꠂꠘꠤꠇ ꠀꠎꠇꠦꠞ ꠡꠥꠘꠣꠝꠉꠁꠘꠎꠞ ꠡꠝ꠆ꠙꠣꠖꠇ ꠀꠛꠦꠖ ꠝꠣꠢꠝꠥꠖ ꠌꠃꠗꠥꠞꠤ ꠁꠘ꠆ꠔꠦꠇꠣꠟ ꠈꠞꠍꠘ ( ꠁꠘ꠆ꠘꠣ—- ꠞꠣꠎꠤꠃꠘ)⁕ ꠉꠦꠍꠦꠈꠣꠁꠟ ꠛꠥꠗꠛꠣꠞ ꠛꠤꠀꠘ ꠡꠥꠀ ১১ ꠐꠣ ꠛꠣꠄ ꠢꠣꠒꠦꠐꠣꠇ ꠈꠞꠤ ꠔꠣꠁꠘ ꠝꠣꠞꠣ ꠎꠣꠁꠘ⁕
ꠙꠣꠞꠤꠛꠣꠞꠤꠇ ꠜꠣꠛꠦ ꠎꠣꠘꠣ ꠎꠣꠄ, ꠉꠦꠍꠦꠈꠣꠁꠟ ꠛꠥꠗꠛꠣꠞ ꠛꠤꠀꠘ ১১ ꠐꠣ ꠛꠣꠄ ꠡꠥꠘꠣꠝꠉꠁꠘꠎ ꠡꠢꠞꠞ ꠢꠣꠍꠘꠘꠉꠞꠅ ꠘꠤꠎ ꠊꠞ ꠢꠣꠒꠦꠐꠣꠇ ꠈꠞꠁꠘ ꠁ ꠡꠣꠋꠛꠣꠖꠤꠇꠦ⁕ ꠟꠉꠟꠉ ꠔꠣꠘꠞꠦ ꠡꠥꠘꠣꠝꠉꠁꠘꠎ ২৫০ ꠍꠤꠐꠞ ꠡꠖꠞ ꠀꠡꠙꠣꠔꠣꠟ ꠟꠁꠀ ꠉꠦꠟꠦꠅ ꠢꠤꠇꠣꠘꠞ ꠒꠣꠈꠔꠞꠦ ꠔꠣꠘꠞꠦ ꠝꠞꠣ ꠊꠥꠡꠘꠣ ꠈꠞꠁꠘ⁕
ꠉꠦꠍꠦꠈꠣꠁꠟ ꠛꠥꠗꠛꠣꠞ ꠛꠣꠖ ꠀꠍꠞ ꠀꠞꠙꠤꠘꠘꠉꠞ ꠁꠖꠉꠣꠔ ꠔꠣꠘ ꠎꠣꠘꠣꠎꠣ ꠅꠄ⁕ ꠎꠣꠘꠣꠎꠣꠞ ꠘꠣꠝꠣꠎꠅ ꠡꠢꠞꠞ ꠉꠁꠘ꠆ꠘꠝꠣꠁꠘ꠆ꠘ ꠝꠣꠘꠥꠡ ꠅꠈꠟ ꠀꠍꠟꠣ⁕ ꠁꠛꠣꠄ, ꠡꠣꠋꠛꠣꠖꠤꠇ ꠀꠛꠦꠖ ꠌꠃꠗꠥꠞꠤꠞ ꠝꠞꠣꠄ ꠛꠤꠜꠤꠘ꠆ꠘ ꠝꠢꠟꠞ ꠚꠇ꠆ꠇ ꠔꠘꠦ ꠖꠥꠇ꠆ꠇ ꠚꠇꠣꠡ ꠈꠞꠣ ꠅꠁꠍꠦ⁕
