শুরমা ফারর খবর ছিলটি জবানে ছিলটর খবর
Related Articles
ꠛꠣꠋꠟꠣꠖꠦꠡ ꠍꠥꠙ꠆ꠞꠤꠝ ꠇꠃꠐꠧꠞ ꠀꠁꠘꠎꠤꠛꠤ ꠄꠒꠜꠧꠇꠦꠐ ꠝꠘꠤꠞꠥꠎ꠆ꠎꠣꠝꠣꠘ ꠟꠤꠋꠇꠘꠦ ꠝꠦꠒꠤꠇꠦꠟꠧ ꠅꠇ꠆ꠍꠤꠎꠦꠘ ꠡꠥꠖꠖꠣ ꠛꠦꠡꠈꠞꠤ ꠅꠡꠥꠗ ꠡꠞꠛꠞꠣ ꠅ ꠖꠣꠝ ꠘꠤꠅꠘ꠆ꠔ꠆ꠞꠘꠧꠞ ꠟꠤꠉꠦꠟ ꠘꠥꠐꠤꠡ ꠚꠣꠑꠣꠁꠍꠁꠘ⁕ ꠉꠦꠍꠦꠈꠣꠁꠟ ꠛꠥꠗꠛꠣꠞ ꠞꠦꠎꠤꠡꠐꠣꠞꠤ ꠒꠣꠈꠦ ꠡꠣꠁꠍꠔꠡꠌꠤꠛ, ꠅꠡꠥꠗ ꠙ꠆ꠞꠡꠣꠡꠘ ꠅꠗꠤꠖꠚꠔꠞꠞ ꠝꠢꠣꠚꠞꠤꠍꠣꠟꠇ, ꠜꠥꠇ꠆ꠔꠣ ꠅꠗꠤꠇꠣꠞ ꠡꠋꠞꠇꠇꠘ ꠅꠗꠤꠖꠚꠔꠞꠞ ꠝꠢꠣꠚꠞꠤꠍꠣꠟꠇ, ꠛꠤꠄꠍꠐꠤꠀꠁ’ꠞ ꠚꠞꠤꠍꠣꠟꠇ ꠛꠞꠣꠛꠞ ꠁ ꠘꠥꠐꠤꠡ ꠖꠦꠁꠘ⁕
ꠘꠥꠐꠤꠡ ꠚꠣꠅꠀꠞ ꠚꠣꠍ ꠞꠥꠎꠧꠈꠣꠝꠧꠞ ꠝꠣꠏꠦ ꠚꠃꠎꠘꠤꠅ ꠛꠦꠛꠍꠕꠣ ꠘꠣ ꠘꠤꠟꠦ ꠀꠁꠘꠉꠔ ꠛꠦꠛꠍꠕꠣ ꠘꠦꠅꠀ ꠅꠁꠛ ꠈꠞꠤ ꠔꠣꠁꠘ ꠎꠣꠘꠣꠁꠘ⁕ ꠄꠒꠜꠧꠇꠦꠐ ꠝꠘꠤꠞꠥꠎ꠆ꠎꠣꠝꠣꠘ ꠟꠤꠋꠇꠘꠦ ꠝꠤꠒꠤꠀꠞꠦ ꠈꠁꠘ, ꠀꠝꠞꠣꠞ ꠖꠦꠡꠧ ꠇꠞꠧꠘꠣ ꠜꠣꠁꠞꠣꠍ ꠟꠇꠣꠟꠤ ꠢꠣꠍꠞꠤ ꠉꠦꠍꠦ ꠀꠞ ꠞꠥꠎꠇꠥ ꠇꠞꠧꠘꠣ ꠛꠦꠝꠣꠞꠤꠞ ꠡꠁꠋꠇꠣ ꠈꠣꠟꠤ ꠛꠣꠠꠦꠞ⁕ ꠛꠦꠡꠤ ꠝꠣꠘꠥꠡꠧꠞ ꠖꠣꠄ ꠀꠝꠞꠣꠞ ꠖꠦꠡꠧ ꠌꠤꠇꠤꠡꠡꠣ ꠔꠥꠞꠣ, ꠄꠞꠥꠚꠞꠦ ꠇꠞꠘꠣꠞ ꠝꠢꠣꠝꠣꠞꠤ ꠖꠥꠞ꠆ꠎꠥꠉꠧ ꠅꠔ ꠝꠣꠘꠥꠡꠧꠈꠟ ꠘꠄꠀ ꠈꠞꠤ ꠢꠣꠍꠞꠤꠞꠣ, ꠄꠞꠣꠞꠦ ꠌꠤꠇꠤꠡꠡꠣ ꠖꠦꠅꠀꠔ ꠁꠝꠡꠤꠝ ꠈꠣꠞ⁕
ꠛꠃꠔ ꠚꠔ꠆ꠞ-ꠚꠔ꠆ꠞꠤꠇꠣ ꠀꠞ ꠁꠟꠦꠇꠐꠘꠤꠇ ꠝꠤꠒꠤꠀꠞ ꠎꠞꠤꠀꠄ ꠁꠖꠣꠘꠤꠋ ꠖꠦꠈꠣ ꠎꠣꠞ, ꠇꠞꠧꠘꠣ ꠌꠤꠇꠤꠡꠡꠣꠞ ꠖꠣꠄ ꠝꠦꠒꠤꠇꠦꠟ ꠅꠇ꠆ꠍꠤꠎꠦꠘ ꠀꠞ ꠅꠡꠥꠗꠞ ꠄꠈꠎꠣꠔꠤ ꠀꠘ꠆ꠖꠥ ꠡꠋꠇꠐ ꠍꠤꠡꠐꠤ ꠅꠁꠍꠦ⁕ ꠀꠘ꠆ꠘꠣꠁꠟꠦ ꠇꠥꠘꠥ ꠇꠥꠘꠥ ꠡꠝꠄ ꠅꠡꠥꠗꠣꠁꠘ ꠝꠥꠟ ꠖꠣꠝꠧꠞ ꠔꠘꠦ ꠛꠃꠔ ꠛꠦꠡꠤ ꠖꠣꠝ ꠖꠤ ꠈꠞꠤꠖ ꠈꠞꠣ ꠟꠣꠉꠦꠞ, ꠎꠦꠔꠣ ꠇꠞꠧꠘꠣꠞ ꠚꠣꠘ꠆ꠖꠧ ꠚꠞꠣꠁꠘꠔꠞꠦ ꠀꠞꠧ ꠛꠦꠡꠤ ꠚꠣꠘ꠆ꠖꠧ ꠚꠣꠟꠣꠞ⁕ ꠔꠣꠁꠘ ꠈꠁꠟꠣ, ꠇꠞꠧꠘꠣ ꠝꠢꠣꠝꠣꠞꠤ ꠀꠐꠈꠣꠘꠤꠔ ꠡꠞꠇꠣꠞꠞ ꠡꠛꠎꠣꠔꠤ ꠚꠍꠦꠡ꠆ꠐꠣ ꠕꠣꠈꠣꠞ ꠛꠣꠖꠦꠅ ꠄꠈꠉꠥꠞꠥ ꠝꠥꠘꠣꠚꠣꠟꠥꠜꠤ ꠅꠡꠣꠗꠥ ꠛꠦꠛꠡꠣꠁꠘꠔꠦ ꠔꠣꠞꠣꠞ ꠛꠦꠇ꠆ꠔꠤꠡꠣꠞ꠆ꠕ ꠢꠣꠍꠤꠟꠞ ꠖꠣꠄ ꠖꠥꠞ꠆ꠎꠥꠉꠇꠣꠟꠧꠅ ꠅꠡꠥꠗꠞ ꠛꠣꠎꠣꠞ ꠀꠘꠖꠥ ꠡꠋꠇꠐ ꠍꠤꠡꠐꠤ ꠈꠞꠍꠦ⁕ ꠅꠡꠥꠗꠞ ꠖꠣꠝ ꠛꠣꠠꠤ ꠎꠣꠅꠀꠄ ꠝꠣꠘꠥꠡꠞꠦ ꠛꠃꠔ ꠛꠤꠚꠖꠧꠞ ꠝꠣꠏꠦ ꠚꠣꠟꠣꠁ ꠖꠤꠍꠦ⁕
