শুরমা ফারর খবর ছিলটি জবানে ছিলটর খবর
Related Articles
ꠄꠡ.ꠙꠤ.ꠡꠦꠛꠥ (ꠛꠣꠋꠟꠣꠖꠦꠡ ꠚꠔꠤꠘꠤꠗꠤ) ꠛꠤꠡꠘꠣꠔ ꠃꠚꠎꠤꠟꠣꠞ ꠡꠞꠈꠣꠞꠤ ꠀꠡꠚꠣꠔꠣꠟꠞ ꠔꠤꠘꠐꠣ ꠄꠇ ꠇꠧꠐꠤ ꠐꠦꠈꠣ ꠖꠣꠝꠞ ꠄꠝꠛꠥꠟꠦꠘꠍ ꠉꠣꠠꠤ ꠘꠡ꠆ꠐ ꠖꠦꠈꠣ ꠉꠦꠍꠦ⁕ ꠀꠁꠎ ꠡꠞꠎꠝꠤꠘꠧ ꠉꠤꠀ ꠍꠤꠟꠐꠞ ꠛꠤꠡꠘꠣꠔ ꠃꠚꠎꠤꠟꠣꠞ ꠇꠣꠖꠤꠚꠥꠞ ꠡꠞꠈꠣꠞꠤ ꠀꠡꠚꠣꠔꠣꠟꠧꠞ ꠞꠧꠉꠤ ꠀꠘꠣꠘꠦꠅꠀꠞ ꠔꠤꠘꠐꠣ ꠄꠝꠛꠥꠟꠦꠘꠍ ꠉꠣꠠꠤ ꠅꠛꠢꠦꠟꠣꠄ ꠅꠎꠔꠘꠦ ꠚꠥꠘ꠆ꠘꠣ ꠛꠤꠟ꠆ꠒꠤꠋꠉꠞ ꠈꠣꠘꠖꠣꠔ ꠚꠠꠣ ꠅꠛꠍꠔꠣꠄ ꠖꠦꠈꠣ ꠉꠦꠍꠦ। ꠁ ꠛꠤꠡꠄ ꠖꠣꠁꠔ꠆ꠔꠞꠔ ꠒꠣꠈꠔꠞꠞ ꠟꠉꠦ ꠝꠣꠔꠣꠞ ꠈꠔꠣ ꠈꠁꠟꠦ ꠔꠣꠁꠘ ꠁꠛꠤꠡꠄ ꠝꠣꠔꠔꠦ ꠅꠚꠣꠞꠉꠔꠣ ꠎꠣꠘꠣꠁꠘ⁕
ꠁꠡꠝꠄ ꠎꠞꠥꠞꠤ ꠛꠤꠜꠣꠉꠞ ꠛꠦꠝꠣꠞꠤ ꠅꠈꠟꠦ ꠉꠥꠍꠣꠇꠞꠤ ꠘꠣꠘꠣ ꠅꠘꠤꠅꠝꠞ ꠈꠔꠣ ꠎꠣꠘꠣꠁꠍꠁꠘ⁕ ꠚꠞꠤꠔꠦꠈꠔꠧ ꠉꠣꠠꠤꠞ ꠛꠤꠡꠄ ꠃꠚꠎꠤꠟꠣꠞ ꠡꠣꠁꠡꠔ ꠇꠞ꠆ꠝꠇꠞ꠆ꠔꠣꠞ ꠟꠉꠦ ꠚꠧꠘꠦ ꠎꠧꠉꠣꠎꠧꠉ ꠈꠞꠣ ꠅꠁꠟꠦ ꠔꠣꠘꠞ ꠡꠅꠈꠣꠞꠤ ꠀꠛ꠆ꠖꠥꠟ ꠀꠝꠤꠘꠦ ꠈꠁꠘ ꠍꠣꠞ ꠢꠧꠝ ꠇꠧꠀꠞꠦꠘ꠆ꠐꠣꠁꠘꠧ ꠀꠍꠁꠘ ꠚꠞꠦ ꠈꠕꠣ ꠈꠁꠛ। ꠀꠞ ꠃꠚꠎꠤꠟꠣ ꠙꠞꠤꠡꠖꠞ ꠍꠦꠀꠞꠝꠦꠘ ꠎꠘꠣꠛ ꠄꠡ ꠄꠝ ꠘꠥꠘꠥ ꠝꠤꠀꠞ ꠟꠉꠦ ꠎꠧꠉꠣꠎꠧꠉ ꠈꠞꠣ ꠅꠁꠟꠦ ꠔꠣꠘꠞ ꠝꠧꠛꠣꠁꠟ ꠚꠧꠘ ꠛꠘ꠆ꠗ ꠚꠣꠅꠀ ꠎꠣꠄ⁕ ꠇꠞꠧꠘꠣꠞ ꠁ ꠇꠞꠥꠘ ꠅꠛꠍꠔꠣꠞ ꠡꠝꠄ ꠁꠎꠣꠔ ꠖꠥꠞꠘꠤꠔꠤ ꠀꠞ ꠅꠘꠤꠅꠝ ꠖꠦꠈꠛꠣꠞ ꠟꠣꠉꠤ ꠎꠦꠘ ꠇꠦꠃ ꠘꠣꠁ।
