শুরমা ফারর খবর ছিলটি জবানে ছিলটর খবর
Related Articles
ꠙꠦꠝꠤꠇꠣꠞꠦ ꠘꠣ ꠚꠣꠁꠀ ꠅꠜꠤꠝꠣꠘ ꠈꠞꠤꠀ ꠚꠦꠁꠍꠛꠥꠇꠦ ꠟꠣꠁꠜꠦ ꠀꠁꠅꠣ ꠀꠟꠢꠣꠎ ꠃꠖ꠆ꠖꠤꠘ ꠘꠣꠝꠞ ꠄꠈ ꠎꠥꠀꠘ ꠚꠥꠀꠄ ꠘꠤꠎꠦ ꠘꠤꠎꠦ ꠉꠟꠣꠄ ꠚꠣꠡ ꠟꠣꠉꠣꠁꠀ ꠝꠞꠍꠦ,
ꠉꠔ ꠛꠥꠗꠛꠣꠞ ৪ ꠘꠛꠦꠝ꠆ꠛꠞ ꠞꠣꠁꠔ ꠘꠄꠐꠣ ꠖꠤꠇꠦ ꠍꠤꠟꠦꠐꠞ ꠀꠟꠝꠙꠥꠞ ꠝꠥꠇ꠆ꠔꠤꠎꠧꠖ꠆ꠗꠣ ꠉꠦꠐ ꠄꠟꠣꠇꠣꠄ ꠁ ꠊꠐꠘꠣ ꠉꠑꠍꠦ,
ꠝꠞꠣ ꠀꠉꠦ ꠚꠦꠁꠍꠛꠥꠇꠦ ꠄꠈꠐꠣ ꠙꠧꠡ꠆ꠐ ꠖꠤꠍꠦ,ꠙꠧꠡ꠆ꠐꠦ ꠎꠣ ꠟꠦꠈꠍꠦ , ꠇꠤꠍꠥ ꠝꠣꠘꠥꠡ ꠘꠤꠡꠡꠣꠞꠔꠧ ꠜꠣꠛꠦ ꠜꠣꠟꠧꠛꠣꠡꠦ, ꠔꠣꠞꠣ ꠅꠘꠦꠇ ꠡꠣꠞꠔꠧꠙꠞ ꠢꠅ ꠙꠤꠞꠤꠅ ꠝꠣꠘꠥꠡꠐꠣꠞ ꠛꠤꠡꠄ, ꠡꠛꠇꠤꠍꠥ ꠖꠤꠄ ꠔꠣꠇꠦ ꠙꠦꠔꠦ ꠌꠣꠄ, ꠀꠞ ꠀꠝꠤ ꠇꠧꠘꠧꠜꠣꠛꠦ ꠙꠣꠁꠘꠤ, ꠌꠟꠦ ꠎꠣꠌ꠆ꠍꠤ ꠘꠣ ꠚꠦꠞꠣꠞ ꠖꠦꠡꠦ, ꠜꠣꠟꠧꠛꠦꠡꠧ ꠘꠣ ꠑꠇꠦ ꠎꠣꠛꠦ!
ꠚꠦꠁꠍꠛꠥꠇꠦ ꠄ ꠈꠔꠣ ꠟꠦꠈꠣꠞ ꠔꠥꠠꠣꠛꠣꠖꠦ ꠢꠦ ꠟꠣꠁꠜꠦꠣ ꠀꠁꠅꠣ ꠉꠟꠣꠔ ꠚꠣꠡ ꠖꠤꠀ ꠝꠞꠍꠦ, ꠟꠣꠁꠜꠦ ꠄꠝꠘ ꠇꠞꠥꠘ ꠖꠤꠡ꠆ꠡ ꠖꠦꠈꠤꠀ ꠚꠣꠡ ꠟꠣꠉꠤꠀ ꠘꠣ ꠝꠞꠣꠞ ꠟꠣꠉꠤ ꠔꠣꠞ ꠚꠦꠁꠍꠛꠥꠇ ꠛꠘ꠆ꠗꠥ ꠅꠈꠟꠦ ꠞꠤꠖꠄꠉꠦꠞꠣꠢꠤ ꠇꠝꠦꠘ꠆ꠐ ꠈꠞꠔꠦ ꠖꠦꠈꠣ ꠉꠦꠍꠦ,
ꠀꠟꠢꠣꠎ ꠃꠖ꠆ꠖꠤꠘ ꠍꠤꠟꠐꠞ ꠎꠇꠤꠉꠁꠘ ꠃꠚꠎꠤꠟꠣꠞ ৯ ꠘꠝ꠆ꠛꠞ ꠝꠣꠘꠤꠇꠙꠥꠞ ꠁꠘꠤꠅꠘꠞ ꠖꠞꠉꠣꠛꠣꠢꠣꠞꠙꠥꠞ ꠉꠣꠃꠞ ꠟꠤꠀꠇꠔ ꠀꠟꠤꠞ ꠚꠥꠀ, ꠢꠦ ꠉꠔ ꠛꠍꠞ ꠍꠤꠟꠦꠐ ꠡꠞꠇꠣꠞꠤ ꠇꠣꠞꠤꠉꠞꠤ ꠁꠘꠥꠍꠐꠤꠐꠤꠃꠐ ꠕꠣꠇꠤ ꠝꠦꠐꠐꠤꠇ ꠚꠣꠡ ꠈꠞꠍꠦ,
ꠀꠟꠢꠣꠎ ꠃꠖ꠆ꠖꠤꠘꠞ ꠌꠣꠌꠣ ꠀꠚꠎꠣꠟ ꠢꠧꠡꠦꠘ ꠈꠁꠍꠁꠘ , ꠞꠣꠁꠔ ꠛꠣꠡꠣꠔ ꠀꠟꠢꠣꠎꠦꠞ ꠝꠣ ꠅ ꠛꠁꠘ ꠀꠍꠟꠣ, ꠢꠦ ꠔꠣꠞ ꠝꠣꠞꠦ ꠌꠣ ꠛꠣꠘꠣꠘꠧꠞ ꠇꠕꠣ ꠈꠁꠀ ꠢꠦ ꠔꠣꠞ ꠞꠥꠝꠧ ꠎꠣꠄ, ꠞꠥꠝꠞ ꠜꠤꠔꠞꠦ ꠍꠣꠃꠘ꠆ꠒꠛꠇꠍꠧ ꠎꠥꠞꠦ ꠉꠣꠘ ꠛꠣꠎꠣꠁꠀ ꠉꠟꠣꠔ ꠚꠣꠡ ꠟꠣꠉꠣꠁꠀ ꠝꠞꠣꠄ ꠇꠦꠃ ꠇꠧꠘꠔꠣ ꠛꠥꠏꠔꠣ ꠚꠣꠞꠍꠁꠘ꠆ꠘꠣ⁕
