শুরমা ফারর খবর ছিলটি জবানে ছিলটর খবর
Related Articles
ꠡꠝꠛꠣꠞ ꠖꠥꠚꠞꠤꠛꠣꠟꠣ ꠇꠥꠝ꠆ꠙꠣꠘꠤꠉꠁꠘ ꠕꠣꠘꠣ ꠕꠣꠇꠤ ꠘꠀꠈꠣꠟꠤ ꠚꠥꠟꠤꠡꠟꠣꠁꠘꠦ ꠅꠃ ꠄꠡꠀꠁꠞꠦ ꠇꠟꠃꠎ ꠈꠞꠣ ꠅꠁꠍꠦ⁕ꠄꠞ ꠀꠉꠦ ꠖꠥꠚꠥꠞꠦ ꠈꠛꠤꠞꠤꠀ (ꠡꠋꠛꠣꠖ ꠇꠞꠝꠤ)ꠅꠈꠟꠞ ꠢꠣꠎꠤꠞ ꠅꠛꠍꠔꠣꠄ ꠅꠛꠤꠎꠥꠇ꠆ꠔ ꠞꠥꠙꠘ ꠘꠣꠕ ꠛꠦꠀꠁꠘꠤꠜꠣꠛꠦ ꠀꠐꠇ ꠇꠞꠣ ꠍꠤꠄꠘꠎꠤ (ꠘꠀꠈꠣꠟꠤ-ꠕ-১১-৯৩০৮)ꠅ ꠊꠥꠡ ꠘꠦꠅꠀ ৫ ꠀꠎꠣꠞ ꠐꠦꠈꠣ ꠚꠤꠞꠣꠁꠀ ꠖꠤꠍꠁꠘ ꠒꠣꠁꠛꠣꠞ ꠝꠤꠟꠘ ꠅ ꠉꠣꠠꠤꠞ ꠝꠣꠟꠤꠇ ꠙꠤꠘ꠆ꠐꠥ ꠜꠥꠝꠤꠇꠞꠦ⁕
ꠉꠔ ৫ ꠎꠥꠟꠣꠁ ꠞꠁꠛꠣꠞ ꠜꠥꠇ꠆ꠔꠜꠥꠉꠤ ꠍꠤꠄꠘꠎꠤ ꠒꠣꠁꠛꠣꠞ ꠝꠤꠟꠘꠦ ꠘꠀꠈꠣꠟꠤ ꠙꠥꠟꠤꠡ ꠍꠥꠙꠣꠞꠞ ꠉꠦꠍꠦ ꠟꠦꠇꠤꠀ ꠅꠜꠤꠎꠥꠉ ꠈꠞꠍꠟꠣ ꠄꠛꠋ ꠅꠃ ꠖꠤꠘꠉꠔ ꠞꠣꠁꠔ ১০ ꠐꠣꠔ ꠅꠜꠤꠎꠥꠉꠞ ꠔꠖꠘ꠆ꠔ ꠈꠞꠁꠘ ꠘꠀꠈꠣꠟꠤꠞ ꠅꠔꠤꠞꠤꠇ꠆ꠔ ꠚꠥꠟꠤꠡ ꠍꠥꠚꠣꠞ ꠇꠣꠎꠤ ꠀꠛ꠆ꠖꠥꠞ ꠞꠢꠤꠝ⁕ ꠔꠖꠘ꠆ꠔꠞ ꠡꠝꠄ ꠅꠜꠤꠎꠥꠉ ꠈꠞꠞꠣ ꠝꠤꠟꠘ ꠅ ꠉꠣꠠꠤꠞ ꠝꠣꠟꠤꠇ ꠙꠤꠘ꠆ꠐꠥ ꠜꠥꠝꠤꠇ, ꠝꠤꠟꠘꠞ ꠛꠣꠛꠣ ꠉꠦꠞꠣꠝ ꠙꠥꠟꠤꠡ ꠍꠣꠄꠖꠥꠟꠞ ꠎꠛꠣꠘꠛꠘ꠆ꠖꠤ ꠞꠦꠇꠐ ꠈꠞꠣ ꠅꠄ⁕
ꠔꠖꠘ꠆ꠔ ꠡꠦꠡ ꠈꠞꠤꠀ ꠅꠃ ꠚꠥꠟꠤꠡ ꠇꠞꠝꠇꠞꠔꠣ ꠞꠣꠁꠔ ꠇꠥꠝ꠆ꠙꠣꠘꠤꠉꠁꠘ ꠕꠣꠘꠣ ꠕꠣꠇꠤ ꠎꠦꠟꠣ ꠢꠦꠒꠇꠧꠀꠐꠣꠞꠧ ꠍꠟꠤꠎꠣꠁꠘ, ꠀꠞ ꠡꠝꠛꠣꠞꠦ ꠛꠤꠅꠣꠟꠦ ꠇꠧꠝ꠆ꠙꠣꠘꠤꠉꠁꠘ ꠕꠣꠘꠣꠞ ꠅꠍꠤ ꠝꠥ.ꠀꠞꠤꠚꠥꠞ ꠞꠢꠝꠣꠘꠦꠞ ꠘꠤꠞꠖꠦꠡꠦ ꠅꠜꠤꠎꠥꠇ꠆ꠔ ꠄꠡ ꠀꠁ ꠇꠦ ꠡꠣꠝꠘꠦ ꠞꠣꠇꠤꠀ ꠝꠤꠟꠘ ꠅ ꠔꠣꠞ ꠝꠣꠟꠤꠇꠇꠦ ꠉꠣꠠꠤ ꠅ ৫ ꠀꠎꠣꠞ ꠐꠦꠈꠣ ꠚꠤꠞꠔ ꠖꠦꠁꠘ⁕
ꠀꠞꠧ ꠎꠣꠘꠣ ꠉꠦꠍꠦ ꠄꠍꠀꠁ ꠞꠥꠙꠘ ꠇꠥꠝ꠆ꠙꠣꠘꠤꠉꠁꠘ ꠝꠣꠖꠈ ꠛꠦꠛꠡꠣ, ꠌꠥꠞꠤ ꠝꠐꠞꠍꠣꠁꠇꠦꠟ ꠍꠤꠘ꠆ꠒꠤꠇꠦꠐ ꠡꠁꠔꠦ ꠘꠣꠘꠣꠘ ꠅꠡꠝꠣꠎꠤꠇ ꠈꠣꠝꠞ ꠟꠉꠦ ꠎꠠꠤꠔ ꠀꠍꠁꠘ⁕
ꠈꠛꠞꠞ ꠎꠞꠤꠀ /ꠁꠔ꠆ꠔꠦꠚꠣꠇ
