শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠦꠐꠞ ꠍꠃꠇꠞ ꠞꠦꠐꠤꠘꠣ ꠛꠤꠡꠦꠡꠉ꠆ꠉ ꠒꠣꠈꠔꠞ ꠉꠣꠘꠞ ꠡꠤꠟꠙꠤ ꠎꠢꠤꠞꠥꠟ ꠁꠍꠟꠣꠝ ꠅꠌꠤꠘꠙꠥꠞꠤꠞ ꠇꠞꠥꠘꠣꠜꠣꠁꠞꠣꠍ ꠙꠎꠦꠐꠤꠜ⁕
ꠈꠛꠞ ꠀꠛꠖꠥꠟ ꠝꠣꠘꠘꠣꠘ
ꠉꠔ ꠡꠥꠇꠇꠥꠞꠛꠣꠞ (২৬ ꠎꠥꠘ) ꠍꠤꠟꠦꠐ ꠅꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟ ꠘꠝꠥꠘꠣ ꠚꠞꠤꠇꠇꠣꠄ ১২২ ꠎꠘꠞ ꠞꠤꠙꠐꠞ ꠜꠤꠔꠞꠦ ꠒꠣꠈꠔꠞ ꠎꠢꠤꠞꠥꠟ ꠁꠍꠟꠣꠝ ꠅꠌꠤꠘꠙꠥꠞꠤꠞꠅ ꠘꠣꠝ ꠀꠁꠍꠦ⁕ ꠎꠣꠘꠣꠉꠦꠍꠦ ꠇꠞꠥꠘꠣꠛꠦꠝꠣꠞꠤ ꠒꠣꠈꠔꠞ ꠎꠢꠤꠞꠥꠟ ꠁꠍꠟꠣꠝ ꠛꠃꠔ ꠖꠤꠘ ꠕꠣꠇꠤ ꠍꠤꠟꠦꠐ ꠡꠅꠞꠞ ꠟꠣꠝꠣꠛꠣꠎꠣꠞ ꠍꠣꠟꠦꠢꠣ ꠀꠁ ꠇꠦꠀꠞ ꠢꠣꠚꠔꠣꠔ ꠖꠥꠁꠖꠤꠘ ꠛꠦꠝꠣꠞꠤ ꠖꠦꠈꠔꠣ⁕ ꠅꠁꠖꠖ ꠔꠣꠁꠘ ꠔꠣꠘꠞ ꠘꠝꠥꠘꠣ ꠎꠝꠣ ꠖꠤꠍꠟꠣ ꠚꠞꠤꠇ꠆ꠇꠣꠞ ꠟꠣꠉꠤ ꠚꠞꠦ ꠅꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎꠞ ꠘꠝꠥꠘꠣ ꠚꠞꠤꠇ꠆ꠇꠣꠔ ꠎꠣꠘꠣ ꠉꠦꠍꠦ ꠔꠣꠘ ꠞꠤꠙꠐ ꠙꠎꠦꠐꠤꠜ⁕ ꠎꠣꠘꠣ ꠖꠞꠈꠣꠞ, ꠔꠣꠁꠘ ꠙꠦꠡꠣꠄ ꠍꠃꠇ ꠛꠤꠜꠣꠉꠞ ꠄꠈꠎꠘ ꠜꠣꠟꠣ ꠒꠣꠈꠔꠞ, ꠀꠞ ꠍꠤꠟꠐꠞ ꠄꠇꠝꠣꠔ꠆ꠞ ꠞꠦꠐꠤꠘꠣ ꠛꠤꠡꠦꠡꠉ꠆ꠉ। ꠔꠣꠁꠘ ꠒꠣꠈꠔꠞꠤꠞ ꠙꠣꠡꠣꠙꠣꠡꠤ ꠡꠣꠞꠣ ꠖꠦꠡꠞꠝꠣꠘꠞ ꠉꠦꠍꠦ ꠍꠤꠟꠦꠐꠤ ꠉꠣꠘꠞ ꠁꠖꠣꠘꠤꠋ ꠡꠛꠌꠦꠄ ꠈꠦꠔꠤꠝꠣꠘ ꠄꠈꠎꠘ ꠡꠤꠟꠙꠤ ꠢꠤꠡꠣꠛꠦ ꠚꠞꠤꠍꠤꠔ ꠅꠁꠍꠁꠘ⁕
ꠔꠣꠘꠞ ꠛꠣꠠꠤ ꠍꠤꠟꠐꠞ ꠛꠤꠡꠘꠣꠔ ꠃꠚꠎꠤꠟꠣꠞ ꠛꠦꠔꠡꠣꠘ꠆ꠖꠤ ꠉꠣꠃꠔ। ꠛꠞꠔꠝꠣꠘꠇꠥ ꠔꠣꠁꠘ ꠎꠣꠔꠤꠅ ꠛꠤꠉꠉꠣꠘ ꠀꠡꠚꠣꠔꠣꠟꠅ ꠡꠅꠈꠣꠞꠤ ꠅꠖꠗꠣꠚꠇ ꠢꠤꠡꠣꠛꠦ ꠇꠞꠝꠞꠔ ꠀꠍꠁꠘ⁕ ꠔꠣꠁꠘ ꠍꠤꠟꠦꠐꠞ ꠄꠈꠝꠣꠔꠞ ꠍꠃꠇꠞ ꠞꠦꠐꠤꠘꠣꠞ ꠌꠤꠇꠤꠔꠡꠣ ꠈꠞꠁꠘ⁕
