শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠦꠐꠞ ꠅꠔꠤꠞꠤꠇ꠆ꠔ ꠚꠥꠟꠤꠡ ꠍꠥꠙꠣꠞ (ꠎꠇꠤꠉꠁꠘ ꠍꠣꠞꠇꠦꠟ) ꠎꠘꠣꠛ ꠡꠥꠖꠤꠙ꠆ꠔ ꠞꠣꠄꠞ ꠛꠤꠌꠇ꠆ꠇꠘ ꠅ ꠡꠣꠅꠡꠤ ꠅꠜꠤꠎꠣꠘꠞ ꠈꠣꠞꠘꠦ ꠛꠤꠀꠘꠤꠛꠣꠎꠣꠞꠞ ꠈꠣꠡꠣ ꠄꠟꠣꠇꠣ ꠕꠣꠇꠤ ꠔꠤꠘ ꠒꠣꠈꠣꠁꠔ ꠀꠐꠇ ꠇꠞꠣ ꠅꠁꠍꠦ⁕
ꠚꠥꠟꠤꠡꠞ ꠍꠃꠞꠍꠞ ꠉꠦꠍ ꠕꠣꠇꠤ ꠉꠧꠚꠘ ꠈꠛꠞ ꠚꠣꠁꠀ ꠙꠎꠥꠇ꠆ꠔꠤꠞ ꠡꠎꠧꠉꠤꠔꠣꠄ ꠉꠔ ꠔꠤꠘꠖꠤꠘ ꠕꠣꠇꠤ ꠄ ꠒꠣꠇꠣꠁꠔ ꠖꠟꠞ ꠢꠈꠟꠡꠦꠡ ꠍꠟꠣꠍꠟ ꠇꠤꠀꠟ ꠞꠣꠈꠁꠘ ꠍꠤꠟꠦꠐꠞ ꠅꠔꠤꠞꠤꠇ꠆ꠔ ꠚꠥꠟꠤꠡ ꠍꠥꠙꠣꠞ (ꠎꠇꠤꠉꠁꠘ ꠍꠣꠞꠇꠦꠟ) ꠎꠘꠣꠛ ꠡꠥꠖꠤꠙ꠆ꠔ ꠞꠣꠄ⁕
ꠝꠋꠉꠟꠛꠣꠞ ꠞꠣꠁꠔ ৮ꠐꠣꠞ ꠖꠤꠇꠦ ꠈꠣꠡꠣ ꠄꠟꠣꠇꠣꠔ ꠀꠅꠀꠞ ꠛꠣꠖꠦ ꠀꠉꠦ ꠕꠣꠇꠤ ꠀꠠꠚꠣꠔꠤ ꠕꠣꠈꠣ ꠛꠤꠀꠘꠤꠛꠣꠎꠣꠞ ꠕꠣꠘꠣꠞ ꠚꠥꠟꠤꠡ ꠒꠣꠈꠣꠁꠔ ꠅꠈꠟ ꠎꠦ ꠝꠣꠁꠇ꠆ꠞꠛꠣꠍꠦ ꠀꠁꠞꠣ ꠅꠈꠣꠘꠞ ꠄꠞ ꠉꠔꠤ ꠀꠐꠈꠣꠁꠘ⁕ ꠁꠡꠝꠄ ꠒꠣꠈꠣꠁꠔ ꠅꠈꠟ ꠛꠣꠉꠤꠀ ꠎꠣꠅꠀꠞ ꠌꠦꠡꠐꠣ ꠈꠞꠟꠦ ꠚꠥꠟꠤꠡꠦ ꠔꠤꠘ ꠒꠣꠈꠣꠁꠔꠞꠦ ꠀꠐꠇꠣꠁꠟꠤꠍꠁꠘ⁕ ꠛꠣꠖꠦ ꠀꠐꠈ ꠅꠀ ꠒꠣꠈꠣꠁꠔ ꠅꠈꠟꠞꠦ ꠇꠥꠛ ꠞꠥꠡꠦ ꠛꠤꠀꠘꠤꠛꠣꠎꠣꠞ ꠕꠣꠘꠣꠔ ꠟꠁꠀ ꠉꠦꠍꠁꠘ ꠚꠥꠟꠤꠡꠦ⁕ ꠁ ꠡꠝꠄ ꠒꠣꠈꠣꠁꠔꠞ ꠟꠉꠦ ꠕꠣꠈꠣ ꠛꠦꠉ ꠕꠣꠇꠤ ꠖꠥꠁꠐꠣ ꠛꠘ꠆ꠖꠥꠇ, ꠄꠈꠐꠣ ꠞꠤꠛꠟꠛꠣꠞ, ১৪ꠐꠣ ꠇꠣꠞꠔꠥꠎ, ৩ꠐꠣ ꠞꠣꠝ ꠖꠣ, ꠄꠛꠋ ꠔꠣꠟꠣ ꠈꠣꠐꠣꠞ ꠇꠣꠐꠣꠞ ꠡꠁꠔꠦ ꠒꠣꠈꠣꠔꠤꠞ ꠡꠝꠄ ꠛꠦꠛꠀꠞ ꠈꠞꠣꠞ ꠝꠔꠧ ꠀꠞꠧ ꠇꠤꠍꠥ ꠡꠞꠘꠎꠣꠝ ꠚꠥꠟꠤꠡꠦ ꠃꠖ꠆ꠖꠣꠞ ꠈꠞꠍꠁꠘ⁕
ꠒꠣꠈꠣꠁꠔ ꠗꠞꠣꠞ ꠡꠝꠄ ꠟꠉꠦ ꠀꠍꠟꠣ ꠍꠤꠟꠦꠐꠞ ꠅꠔꠤꠞꠤꠇ꠆ꠔ ꠚꠥꠟꠤꠡ ꠍꠥꠙꠣꠞ (ꠎꠇꠉꠁꠘ ꠍꠣꠞꠇꠦꠟ) ꠡꠥꠖꠤꠙ꠆ꠔ ꠞꠣꠄ, ꠛꠤꠀꠘꠤꠛꠣꠎꠣꠞ ꠕꠣꠘꠣꠞ ꠜꠣꠞꠚꠣꠅꠀ ꠇꠞꠝꠧꠇꠞꠔꠣ (ꠅꠍꠤ) ꠢꠤꠟ꠆ꠟꠟ ꠞꠣꠄ, ꠚꠥꠟꠤꠡ ꠙꠞꠤꠖꠞꠡꠇ (ꠔꠖꠘ꠆ꠔ) ꠝꠦꠢꠦꠖꠤ ꠢꠣꠍꠣꠘ ꠡꠁꠔꠦ ꠕꠣꠘꠣ ꠚꠥꠟꠤꠡꠦꠞ ꠄꠍꠀꠁ, ꠄꠄꠍꠀꠁꠡꠁꠔꠦ ꠄꠈꠖꠟ ꠚꠥꠟꠤꠡ⁕
ꠚꠞꠦ ꠅꠔꠤꠞꠤꠇ꠆ꠔ ꠚꠥꠟꠤꠡ ꠍꠥꠙꠣꠞ ꠎꠇꠤꠉꠁꠘ ꠍꠣꠞꠇꠦꠟ ꠎꠘꠣꠛ ꠡꠥꠖꠤꠙ꠆ꠔ ꠞꠣꠄ ꠈꠛꠞꠤꠀ ꠅꠈꠟꠞꠦ ꠒꠣꠈꠣꠁꠔ ꠅ ꠟꠉꠦ ꠅꠍꠞꠧ ꠗꠞꠣꠞ ꠈꠛꠞ ꠘꠤꠡꠌꠤꠔ ꠇꠞꠤꠀ ꠎꠣꠘꠣꠁꠍꠁꠘ⁕ꠄꠛꠋ ꠈꠁꠍꠁꠘ ꠙꠎꠥꠇꠔꠤꠞ ꠡꠣꠁꠎ꠆ꠎꠦ ꠅꠘꠧꠛꠞꠔ ꠌꠦꠡꠐꠣ ꠍꠣꠟꠣꠁꠀ ꠒꠣꠈꠣꠔꠤ ꠙꠌꠔꠥꠔꠤꠞ ꠡꠝꠄ ꠒꠣꠈꠣꠁꠔ ꠅꠈꠟꠞꠦ ꠀꠐꠇꠣꠘꠤ ꠅꠁꠍꠦ⁕
