Home / ꠝꠥꠟꠁꠛꠣꠎꠣꠞ / ꠍꠤꠞꠤꠝꠋꠉꠟꠧ ꠛꠤꠙꠘꠘ ꠃꠟꠟꠥꠇ ꠃꠖꠗꠣꠞ

ꠍꠤꠞꠤꠝꠋꠉꠟꠧ ꠛꠤꠙꠘꠘ ꠃꠟꠟꠥꠇ ꠃꠖꠗꠣꠞ

ꠝꠥꠟꠤꠛꠣꠎꠣꠞꠞ ꠚꠥꠟꠛꠣꠠꠤ ꠌꠣꠛꠣꠉꠣꠘ ꠔꠘꠦ ꠛꠤꠙꠘꠘ ꠚꠎꠣꠔꠤꠞ ꠄꠉꠥ ꠃꠟꠟꠥꠇ ꠛꠘ ꠛꠤꠜꠣꠉꠦ ꠃꠖꠗꠣꠞ ꠇꠞꠍꠦ। ꠉꠦꠍꠦ ꠛꠤꠞꠥꠡꠁꠔꠛꠣꠞ ꠞꠣꠁꠔ ꠃꠟꠟꠥꠇꠉꠥꠔꠣꠞꠦ ꠀꠢꠔ ꠅꠛꠍꠕꠣꠔ ꠃꠖꠗꠣꠞ ꠇꠞꠤ ꠛꠣꠋꠟꠣꠖꠦꠡ ꠛꠘꠘꠙ꠆ꠞꠣꠘꠤ ꠡꠦꠛꠣ ꠚꠣꠃꠘꠒꠦꠡꠘꠧ ꠀꠘꠤ ꠞꠣꠈꠣ ꠅꠁꠍꠦ। ꠃꠟꠟꠥꠇꠉꠥꠔꠣ ꠟꠣꠃꠀꠍꠠꠣ ꠛꠘ ꠔꠘꠦ ꠅꠃ ꠌꠣꠛꠣꠉꠣꠘꠧ ꠀꠁꠍꠤꠟ। ꠛꠘꠘꠙ꠆ꠞꠣꠘꠤ ꠛꠤꠡꠦꠡꠉꠉ ꠅꠈꠟꠦ ꠈꠁꠘ,

ꠃꠟꠟꠥꠇ ꠅꠈꠘ ꠖꠥꠘꠤꠀꠎꠥꠠꠤ ꠛꠤꠙꠘꠘ ꠢꠦꠝꠣꠘ। ꠀꠝꠞꠣꠞ ꠖꠦꠡꠧ ꠔ ꠁꠔꠣ ꠀꠞꠧ ꠛꠦꠡꠤ ꠛꠤꠙꠘꠘ। ꠛꠣꠋꠟꠣꠖꠦꠡ ꠙꠣꠞꠛꠔꠔ ꠌꠤꠐꠣꠉꠣꠋ ꠀꠞ ꠍꠤꠟꠐ ꠅꠘꠌꠟꠧ ꠁꠔꠣꠞꠦ ꠖꠦꠈꠣ ꠎꠣꠄ। ꠔꠛꠦ ꠛꠤꠢꠔꠔꠞ ꠍꠤꠟꠐ ꠛꠤꠜꠣꠉꠞ ꠝꠣꠏꠦ ꠈꠣꠟꠤ ꠟꠣꠃꠀꠍꠠꠣ ꠀꠞ ꠡꠣꠔꠍꠠꠤ ꠛꠘꠧ ꠁꠔꠣꠞ ꠛꠣꠡ। ꠎꠦꠎꠣꠉꠣꠔ ꠟꠣꠃꠀꠍꠠꠣ ꠛꠘꠧ ꠁꠔꠣꠞ ꠡꠁꠋꠇꠣ ꠛꠦꠡꠤ। ꠁꠔꠣꠞ ꠁꠋꠟꠤꠡ ꠘꠣꠝ Hoolock Gibbon. ꠀꠞ ꠛꠂꠉꠉꠣꠘꠤꠇ ꠘꠣꠝ Hylobats hoolock. ꠁꠔꠣ ꠅꠁꠟ ꠉꠤꠛꠘ (ꠢꠣꠁꠟꠛꠣꠒꠤꠐꠤ) ꠙꠞꠤꠛꠣꠞꠞ ꠎꠣꠘꠥꠀꠞ। ꠁꠔꠣ ꠟꠣꠝꠛꠣꠄ ৬০ ꠔꠘꠦ ৯০ ꠍꠦꠘꠐꠤꠝꠤꠐꠣꠞ। ꠃꠎꠘ ৬ ꠔꠘꠦ ৯ ꠇꠦꠎꠤ। ꠛꠦꠐꠣ ꠀꠞ ꠛꠦꠐꠤ ꠃꠟꠟꠥꠇ ꠍꠣꠁꠎꠦ ꠄꠇꠟꠣꠈꠣꠘ। ꠛꠘꠘꠙ꠆ꠞꠣꠘꠤ ꠡꠦꠛꠣ ꠚꠣꠃꠘꠒꠦꠡꠘꠧꠞ ꠙꠞꠤꠌꠣꠟꠇ ꠡꠎꠟ ꠖꠦꠛꠦ ꠈꠁꠘ,

ꠃꠖꠖꠣꠞ ꠇꠞꠣ ꠃꠟꠟꠥꠇꠉꠥꠔꠣꠄ ꠇꠝꠞꠧ ꠀꠞ ꠇꠟꠟꠣꠔ ꠖꠥꠇ ꠙꠣꠁꠍꠦ। ꠁꠉꠥꠔꠣ ꠜꠣꠟꠣ ꠇꠞꠤ ꠃꠛꠣꠁꠔꠧ ꠙꠣꠞꠦꠞ ꠘꠣ। ꠜꠣꠟꠣ ꠇꠞꠣꠞ ꠖꠣꠄ ꠀꠝꠞꠣ ꠢꠈꠟ ꠟꠣꠈꠣꠟ ꠌꠦꠡꠐꠣ ꠇꠞꠞꠣꠝ। ꠛꠘꠘꠙ꠆ꠞꠣꠘꠤ ꠀꠞ ꠙ꠆ꠞꠇꠞꠤꠔꠤ ꠛꠤꠜꠣꠉꠞ ꠞꠦꠁꠘꠎ ꠇꠞꠝꠇꠞꠔꠣ ꠝꠥꠘꠣꠄꠝ ꠢꠥꠡꠦꠁꠘꠦ ꠈꠁꠘ, ‘ꠝꠘꠧꠈꠄ ꠃꠟꠟꠥꠇꠉꠥꠔꠣ ꠒꠣꠟ ꠜꠣꠋꠉꠤꠀ ꠝꠣꠐꠤꠔ ꠙꠠꠤꠀ ꠖꠥꠇ ꠙꠣꠁꠟꠤꠍꠦ। ꠁꠔꠣꠁꠘ ꠎꠦꠔꠥꠇꠥ ꠖꠟꠛꠣꠘꠖꠤ ꠕꠣꠇꠦ, ꠅꠔꠣꠞ ꠖꠣꠄ ꠁꠉꠥꠞꠦ ꠙꠣꠃꠀꠞ ꠛꠣꠖꠦ ꠀꠝꠞꠣ ꠄꠇꠟꠣ ꠘꠣ ꠞꠣꠈꠤꠀ ꠛꠘꠘꠙ꠆ꠞꠣꠘꠤ ꠡꠦꠛꠣ ꠚꠣꠃꠘꠒꠦꠡꠘꠧ ꠔꠂꠍꠤ। ꠖꠥꠁ ꠔꠤꠘ ꠖꠤꠘ ꠖꠦꠈꠣꠞ ꠛꠣꠖꠦ ꠁꠉꠥꠞꠦ ꠢꠤꠞꠤ ꠛꠘꠧ ꠍꠣꠠꠤ ꠖꠦꠃꠀ ꠅꠁꠛꠧ।’

Rate this post

About surmafarorkhobor

Check Also

ꠛꠦꠁꠟꠤ ꠞꠃꠒ ꠞꠦꠡ꠆ꠐꠥꠞꠦꠘ꠆ꠐꠞ ꠛꠤꠟꠒꠤꠋꠅ ꠀꠉꠥꠁꠘ ꠟꠣꠉꠤꠀ ꠖꠥꠁꠇꠥꠞꠤꠞ ꠛꠦꠡꠤ ꠝꠣꠘꠡꠞ ꠝꠃꠔ

ꠛꠣꠋꠟꠣꠖꠦꠡꠞ ꠞꠣꠎꠗꠣꠘꠤ ꠓꠣꠈꠣꠞ ꠛꠦꠁꠟꠤ ꠞꠃꠒ “ꠇꠣꠌ꠆ꠌꠤ ꠜꠣꠁ ꠞꠦꠡ꠆ꠐꠥꠞꠦꠘ꠆ꠐꠞ” ꠛꠃꠔꠔꠣꠟꠣ ꠛꠤꠟꠒꠤꠋꠅ ꠟꠣꠉꠣ ꠀꠉꠥꠁꠘꠦ ꠅꠈꠘꠤꠝꠣ b☽ ꠎꠘꠞ …