শুরমা ফারর খবর ছিলটি জবানে ছিলটর খবর
Related Articles
ꠉꠥꠟꠣꠚꠉꠘ꠆ꠎꠞ ꠓꠣꠈꠣꠖꠇ꠆ꠇꠤꠘꠦ ꠝꠞꠣ ꠉꠞꠥꠞ ꠉꠥꠍ ꠛꠦꠍꠣꠞ ꠟꠣꠉꠤ ꠄꠈ ꠉꠥꠍ ꠛꠦꠍꠞꠣꠞꠦ ꠄꠇ ꠝꠣꠡꠞ ꠛꠤꠘꠣ ꠈꠣꠐꠘꠤꠞ ꠎꠦꠟ ꠖꠤꠍꠁꠘ ꠜꠣꠁꠝ꠆ꠝꠝꠣꠘ ꠀꠖꠣꠟꠔꠦ ⁕
ꠎꠣꠘꠣ ꠉꠦꠍꠦ, ꠉꠔ ꠡꠥꠇ꠆ꠇꠥꠞꠛꠣꠞ ꠛꠤꠀꠘꠦ ꠉꠥꠟꠣꠚꠉꠘ꠆ꠎ ꠃꠚꠎꠤꠟꠣꠞ ꠓꠣꠈꠣꠖꠇ꠆ꠇꠤꠘ ꠛꠣꠎꠣꠞꠧ ꠝꠞꠣ ꠉꠞꠥ ꠎꠦꠛꠧ ꠈꠞꠤ ꠉꠥꠍ ꠛꠦꠍꠣꠞ ꠈꠣꠞꠘꠦ ꠔꠣꠘꠤꠅ ꠝꠣꠘꠡꠦ ꠉꠥꠍꠔꠞ ꠖꠥꠇꠣꠘ ꠊꠦꠞꠣꠅ ꠈꠞꠁꠘ⁕ ꠛꠣꠖꠦ ꠁ ꠈꠛꠞ ꠡꠞꠎꠝꠤꠘꠧ ꠚꠥꠟꠤꠡ ꠀꠎꠤꠞ ꠅꠁꠀ ꠁꠊꠑꠘꠣ ꠢꠣꠍꠣ ꠛꠟꠤꠀ ꠎꠣꠘꠔꠣ ꠚꠣꠞꠁꠘ⁕ ꠔꠈꠘ ꠃꠚꠎꠤꠟꠣ ꠘꠤꠞꠛꠣꠢꠤ ꠅꠚꠤꠍꠣꠞ ꠝꠣꠝꠥꠘꠥꠞ ꠞꠢꠝꠣꠘ ꠉꠥꠍ ꠡꠁꠔꠦ ꠉꠥꠍꠛꠦꠍꠞꠣꠞꠦ ꠅ ꠃꠚꠎꠤꠟꠣ ꠡꠖꠞ ꠖꠚꠔꠞꠧ ꠘꠤꠀ ꠉꠤꠀ ꠉꠥꠍ ꠛꠦꠍꠞꠣ ꠚꠄꠍꠟ ꠀꠢꠝꠖꠞꠦ ꠝꠞꠣ ꠉꠞꠥꠞ ꠚꠍꠣ ꠉꠥꠍ ꠛꠦꠍꠣꠞ ꠟꠣꠉꠤ ꠄꠈ ꠝꠣꠡꠞ (ꠛꠤꠘꠣ ꠈꠣꠝ) ꠈꠣꠞꠣꠖꠘ꠆ꠒ ꠖꠦꠁꠘ⁕ ꠚꠄꠍꠟ ꠃꠚꠎꠤꠟꠣꠞ ꠃꠔ꠆ꠔꠞ ꠊꠥꠡꠉꠣꠅ ꠄꠟꠣꠇꠣꠞ ꠝ꠆ꠞꠤꠔꠧ ꠝꠣꠘꠤꠇ ꠝꠤꠀꠞ ꠚꠥꠀ⁕
