শুরমা ফারর খবর ছিলটি জবানে ছিলটর খবর
Related Articles
ꠄꠡ.ꠙꠤ.ꠡꠦꠛꠥ ( ꠁꠡ꠆ꠐꠣꠙ ꠞꠤꠙꠧꠐꠣꠞ)
ꠇꠥꠡꠐꠤꠀ ꠎꠤꠟꠣ, ꠁꠛꠤ ꠄꠟꠣꠇꠣꠄ ꠁꠀꠍꠝꠤꠘ ꠈꠣꠔꠥꠘ (২৩) ꠘꠣꠝꠞ ꠄꠇ ꠛꠦꠐꠤꠞꠦ ꠇꠥꠘ ꠈꠞꠣꠞ ꠛꠣꠖꠦ ꠟꠐꠈꠣꠁꠀ ꠞꠣꠈꠣꠞ ꠈꠔꠣ ꠔꠥꠟꠌꠁꠘ ꠝꠣꠘꠡꠦ⁕
ꠉꠔꠈꠣꠁꠟ (১৫-৬-২০২০ꠁꠋ) ꠔꠣꠞꠤꠇ ꠡꠝꠛꠣꠞ ꠛꠤꠀꠟꠦ⁕ ꠊꠐꠘꠣꠞ ꠖꠤꠘ ꠊꠞꠞ ꠔꠤꠞ ꠕꠣꠇꠤ ꠟꠐꠈꠣꠁꠟ ꠅꠛꠍꠔꠣꠄ ꠟꠣꠡ ꠃꠖꠖꠣꠞ ꠈꠞꠍꠁꠘ ꠔꠣꠘꠤꠅ ꠝꠣꠘꠡꠦ⁕ ꠇꠥꠘ ꠅꠀ ꠛꠦꠐꠤꠞ ꠛꠣꠚꠞ ꠛꠣꠠꠤꠞ ꠝꠣꠘꠡꠞ ꠖꠣꠛꠤ ꠢꠃꠠ ꠛꠣꠠꠤꠞ ꠝꠣꠘꠡꠦ ꠚꠞꠤꠇꠟꠚꠘꠣ ꠝꠣꠚꠤꠇ ꠝꠣꠞꠤꠀ ꠁꠀꠍꠝꠤꠘꠞ ꠟꠣꠡ ꠟꠐꠈꠣꠁꠀ ꠞꠣꠈꠍꠁꠘ⁕ ৩ꠛꠞꠍ ꠀꠉꠦ ꠀꠛ꠆ꠖꠣꠟꠚꠥꠞ ꠚꠥꠟꠤꠡ ꠇꠦꠝ꠆ꠙ ꠚꠣꠠꠣ ꠎꠣꠝꠤꠞꠥꠟ- ꠚꠥꠟꠤꠡꠞ ꠚꠥꠀꠞ ꠟꠉꠦ ꠚꠞꠤꠛꠣꠞꠤꠇ ꠜꠣꠛꠦ ꠁꠀꠍꠝꠤꠘꠞ ꠛꠤꠀ ꠅꠁꠍꠦ⁕ ꠛꠤꠀꠞ ꠚꠞꠦ ꠡꠧꠘꠣ ꠛꠣꠛꠔ ২ ꠟꠣꠈ ꠐꠦꠈꠣ ꠘꠤꠍꠁꠘ ꠚꠥꠀꠞ ꠚꠞꠤꠛꠣꠞꠦ⁕
ꠎꠃꠔꠥꠇ ꠟꠧꠜꠤ ꠎꠣꠝꠣꠁ ꠀꠞ ꠔꠣꠞ ꠊꠞꠞ ꠝꠣꠘꠡꠦ ꠎꠃꠔꠥꠇꠞ ꠐꠦꠈꠣ ꠀꠞ ꠝꠐꠞꠍꠣꠁꠇꠦꠟꠞ ꠟꠣꠉꠤ ꠁ ꠇꠥꠘ ꠈꠞꠍꠦ ꠈꠞꠤ ꠘꠤꠢꠔ ꠚꠞꠤꠛꠣꠞꠞ ꠅꠜꠤꠎꠥꠉ⁕ ꠎꠃꠔꠥꠇ ꠟꠁꠀ ꠙꠦꠞꠣꠄ ꠡꠝꠄ ꠎꠣꠄꠎꠣꠝꠦꠟꠣ ꠅꠁꠔꠧ⁕ ꠄꠞ ꠀꠉꠦ ꠝꠐꠞꠍꠣꠁꠇꠦꠟꠞ ꠟꠣꠉꠤ ꠎꠣꠝꠣꠁꠄ ꠁꠀꠍꠝꠤꠘꠞꠦ ꠝꠣꠞꠤꠀ ꠝꠦꠢꠦꠞꠚꠥꠞ ꠛꠣꠡꠣ ꠕꠣꠇꠤ ꠛꠣꠚꠞꠛꠣꠠꠤ ꠚꠣꠐꠣꠁꠖꠤꠍꠦ⁕ ꠁꠀꠍꠝꠤꠘ ꠄꠈꠁ ꠕꠣꠘꠣꠞ ꠝꠣꠗꠛꠙꠥꠞ ꠉꠣꠅꠞ ꠀꠛꠥꠟ ꠢꠧꠡꠦꠘꠞ ꠔꠤꠘ ꠟꠝ꠆ꠛꠞ ꠚꠥꠠꠤ⁕ ꠚꠞꠤꠛꠣꠞꠞ ꠖꠣꠛꠤ ꠚꠥꠠꠤꠞꠦ ꠝꠣꠞꠤꠀ ꠟꠐꠈꠣꠁ ꠞꠣꠇꠤꠀ ꠀꠔ꠆ꠔꠢꠔꠔꠣ ꠈꠁꠀ ꠊꠐꠘꠣꠞ ꠖꠣꠝꠣꠍꠣꠚꠣ ꠖꠦꠅꠀ ꠅꠞ⁕
ꠁ ꠊꠐꠘꠣꠞ ꠜꠣꠟꠣ ꠈꠞꠤ ꠔꠖꠘ꠆ꠔ ꠈꠞꠤꠀ ꠖꠥꠡꠤ ꠅꠈꠟꠞꠦ ꠀꠁꠘꠞ ꠀꠅꠔꠣꠄ ꠀꠘꠤꠀ ꠇꠑꠧꠞ ꠡꠣꠍꠔꠤꠞ ꠖꠣꠛꠤ ꠘꠤꠢꠔ ꠛꠦꠐꠤꠞ ꠛꠣꠚꠞꠛꠣꠠꠤꠞ ꠝꠣꠘꠡꠞ⁕
