Home / ꠍꠤꠟꠐ / ꠅꠈꠘꠅ ꠡꠝꠄ ꠛꠤꠚꠖꠤ ꠝꠣꠁꠘꠡꠞ ꠈꠣꠘ꠆ꠖꠣꠔ ꠎꠣꠅꠀꠞ

ꠅꠈꠘꠅ ꠡꠝꠄ ꠛꠤꠚꠖꠤ ꠝꠣꠁꠘꠡꠞ ꠈꠣꠘ꠆ꠖꠣꠔ ꠎꠣꠅꠀꠞ

ꠅꠡꠝꠄ ꠛꠤꠚꠖꠤ ꠝꠣꠁꠘꠡꠞ ꠈꠣꠘ꠆ꠖꠣꠔ ꠎꠣꠅꠀꠞ: ꠌꠤꠀꠞꠝꠦꠘ ꠡꠣꠝꠤꠝ ꠀꠢꠝꠖ

ꠘꠤꠃꠎ ꠒꠦꠍ꠆ꠇ: ꠇꠝ꠆ꠙꠣꠘꠤꠉꠁꠘ ꠃꠚꠎꠤꠟꠣ ꠚꠞꠤꠡꠖꠞ ꠌꠤꠀꠞꠝꠦꠘ ꠀꠟꠢꠣꠎ ꠡꠣꠝꠤꠝ ꠀꠢꠝꠖꠦ ꠈꠁꠍꠁꠘ, ꠇꠞꠘꠣ ꠜꠣꠁꠞꠣꠍ ꠀꠞ ꠛꠁꠘ꠆ꠘꠣꠞ ꠚꠣꠘꠤꠔ ꠝꠣꠁꠘꠡꠞ ꠊꠞ ꠛꠣꠠꠤ ꠜꠥꠞꠤꠉꠦꠍꠦ⁕ ꠅꠈꠘꠃ ꠡꠝꠄ ꠛꠤꠚꠖꠤ ꠝꠣꠁꠘꠡꠞ ꠈꠣꠘ꠆ꠖꠣꠔ ꠎꠣꠅꠀꠞ⁕ ꠎꠦꠞꠣ ꠀꠁꠎ ꠁ ꠝꠢꠣꠘ ꠃꠖ꠆ꠖꠉ ꠘꠤꠍꠁꠘ ꠔꠣꠞꠣꠞꠦ ꠅꠛꠡ꠆ꠡꠁ ꠗꠁꠘ꠆ꠘꠛꠣꠖ ꠖꠦꠅꠀ ꠟꠣꠉꠦ⁕ ꠀꠝꠞꠣꠞ ꠢꠈꠟꠞ ꠃꠍꠤꠔ ꠛꠁꠘ꠆ꠘꠣꠞ ꠚꠣꠘꠤꠔ ꠈꠡ꠆ꠐ ꠈꠞꠞꠣ ꠝꠣꠁꠘꠡꠞ ꠈꠣꠘ꠆ꠖꠣꠔ ꠎꠣꠅꠀ ꠀꠞ ꠇꠞꠘꠣ ꠜꠣꠁꠞꠣꠡ ꠕꠣꠇꠤ ꠞꠇ꠆ꠇꠣ ꠚꠣꠅꠀꠞ ꠟꠣꠉꠤꠘ ꠡꠞꠈꠣꠞꠞ ꠖꠦꠅꠀ ꠘꠤꠅꠝ ꠝꠣꠁꠘ꠆ꠘꠣ ꠌꠟꠣ⁕

ꠛꠥꠗꠛꠣꠞ ২ ꠎꠥꠟꠣꠁ ꠇꠝ꠆ꠙꠣꠘꠤꠉꠁꠘ ꠃꠚꠎꠤꠟꠣꠞ ৬ ꠘꠋ ꠖꠇ꠆ꠇꠤꠘ ꠞꠘꠤꠈꠣꠁ ꠁꠘꠤꠅꠘꠞ ꠒꠣꠈꠣꠔꠤꠞ ꠛꠣꠠꠤ ꠉꠦꠞꠣꠝꠞ ꠙ꠆ꠞꠛꠣꠡꠤ ꠡꠝꠣꠎ ꠇꠟ꠆ꠟꠤꠀꠘ ꠅꠁꠇ꠆ꠇ ꠚꠞꠤꠡꠖꠞ ꠃꠖ꠆ꠖꠉꠦ ꠇꠞꠘꠣ ꠝꠢꠣꠝꠣꠞꠤ ꠅ ꠛꠁꠘ꠆ꠘꠣꠄ ꠈꠔꠤ ꠅꠀ ꠝꠣꠁꠘꠡꠞ ꠝꠣꠏꠦ ꠘꠉꠖ ꠐꠦꠈꠣ ꠖꠦꠅꠀ ꠅꠘꠥꠡ꠆ꠑꠣꠘ ꠙ꠆ꠞꠗꠣꠘ ꠅꠔꠤꠕꠤꠞ ꠜꠣꠡꠘꠅ ꠀꠟꠢꠣꠎ ꠡꠣꠝꠤꠝ ꠀꠢꠝꠖ ꠅꠃ ꠈꠕꠣ ꠈꠁꠍꠁꠘ⁕

ꠡꠣꠝꠤꠝ ꠀꠢꠝꠖꠦ ꠈꠁꠍꠁꠘ, ꠙ꠆ꠞꠛꠣꠡꠤꠞꠣ ꠖꠦꠡꠞ ꠙ꠆ꠞꠣꠘ, ꠖꠦꠡꠞ ꠅꠞ꠆ꠕꠣꠅꠘ ꠔꠣꠞꠣꠞ ꠜꠥꠝꠤꠇꠣ ꠛꠃꠔ ꠛꠦꠡꠤ⁕ ꠎꠦ ꠇꠥꠘ ꠖꠥꠞ꠆ꠎꠥꠉ ꠙ꠆ꠞꠛꠣꠡꠤꠘꠃ ꠚꠁꠟ ꠀꠃꠉꠣꠁꠀ ꠀꠁꠘ⁕

ꠝ. ꠞꠁꠍ ꠝꠤꠀ ꠀꠞ ꠡꠥꠟꠔꠣꠘ ꠝꠤꠀꠞ ꠎꠃꠕ ꠡꠜꠣꠙꠔꠤꠔ꠆ꠔꠦ ꠀꠞ ꠝꠥꠢꠣꠝ꠆ꠝꠖ ꠡꠣꠢꠣꠛ ꠃꠖ꠆ꠖꠤꠘ ꠅꠞ ꠚꠞꠤꠌꠣꠟꠘꠣꠄ ꠘꠉꠖ ꠐꠦꠈꠣ ꠛꠣꠐꠣ ꠅꠘꠥꠡ꠆ꠑꠣꠘ ꠛꠤꠡꠦꠡ ꠅꠔꠤꠕꠤ ꠀꠍꠟꠣ ꠇꠝ꠆ꠙꠣꠘꠤꠉꠁꠘ ꠃꠚꠎꠤꠟꠣ ꠚꠞꠤꠡꠖꠞ ꠜꠣꠁꠍ ꠌꠤꠀꠞꠝꠦꠘ ꠟꠣꠟ ꠝꠤꠀ, ꠄꠟꠣꠇꠣꠞ ꠛꠤꠡꠤꠡ꠆ꠐ ꠝꠥꠞꠛ꠆ꠛꠤ ꠝꠘ꠆ꠔꠣꠎ ꠝꠤꠀ, ꠁꠘꠎꠣꠖ ꠝꠤꠀ, ꠡꠤꠇ꠆ꠇꠣꠘꠥꠞꠣꠉꠤ ꠝꠥꠢꠣꠝ꠆ꠝꠖ ꠘꠣꠡꠤꠞ ꠃꠖ꠆ꠖꠤꠘ⁕

ꠄꠞꠣ ꠛꠣꠖꠦꠅ ꠃꠙꠡ꠆ꠔꠤꠔ ꠀꠍꠟꠣ, ꠀꠛ꠆ꠖꠥꠟ ꠎꠟꠤꠟ, ꠞꠥꠍ꠆ꠔꠝ ꠀꠟꠤ, ꠃꠡ꠆ꠔꠣꠞ ꠀꠟꠤ, ꠎꠥꠀꠖ ꠀꠟꠤ, ꠝꠃꠟꠣꠘꠣ ꠞꠢꠥꠟ ꠀꠝꠤꠘ, ꠟꠣꠟ ꠝꠤꠀ, ꠝꠦꠝ꠆ꠛꠣꠞ ꠡꠚꠤꠇ ꠝꠤꠀ, ꠎꠟꠣꠟ ꠝꠤꠀ, ꠀꠝꠤꠞ ꠝꠤꠀ, ꠁꠛꠣꠖꠥꠞ, ꠡꠣꠖ꠆ꠖꠣꠝ, ꠘꠎꠞꠥꠟ (১), ꠘꠎꠞꠥꠟ (২), ꠟꠥꠔꠚꠥꠞ, ꠟꠚꠤꠟ, ꠡꠣꠎꠥꠞ, ꠞꠣꠍꠦꠟ ꠀꠞ ꠛꠃꠔ⁕

ꠁꠡꠝꠄ ꠉꠣꠃꠞ ꠝꠣꠁꠘꠡꠞ ꠖꠣꠛꠤ ꠅꠘꠥꠎꠣꠁ ꠒꠣꠈꠣꠔꠤꠞ ꠛꠣꠠꠤ ꠉꠣꠃꠞ ꠞꠣꠍ꠆ꠔꠣꠞ ꠈꠣꠝꠞ ꠟꠣꠉꠤꠘ ꠃꠚꠎꠤꠟꠣ ꠚꠞꠤꠡꠖ ꠕꠣꠇꠤ ꠖꠥꠁ ꠟꠣꠈ ꠐꠦꠈꠣ ꠀꠞ ꠘꠄꠀ ꠛꠘꠣ ꠁꠍ꠆ꠇꠥꠟ ꠛꠤꠟꠒꠤꠋꠞ ꠚꠣꠞ꠆ꠘꠤꠌꠣꠞꠞ ꠟꠣꠉꠤꠘ ꠀꠞꠅ ꠄꠈ ꠟꠣꠈ ꠐꠦꠈꠣ ꠛꠞꠣꠖ꠆ꠖ ꠖꠦꠅꠀꠞ ꠀꠡ꠆ꠡꠣꠡ ꠖꠤꠍꠁꠘ ꠃꠚꠎꠤꠟꠣ ꠌꠤꠀꠞꠝꠦꠘ ꠡꠣꠝꠤꠝ ꠀꠢꠝꠖ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠣꠢꠚꠞꠣꠘ ꠛꠣꠁꠙꠣꠍ ꠔꠘꠦ ৩0 ꠟꠣꠈ ꠐꠦꠈꠣꠞ ꠄꠘ꠆ꠒꠤꠀꠘ ꠍꠤꠘꠤꠡꠢ ꠉ꠆ꠞꠦꠚ꠆ꠔꠣꠞ ৩

ꠍꠤꠟꠐ ꠁꠀꠖ꠆ꠞꠣ ꠈꠣꠘ꠆ꠖꠣꠁꠘ꠆ꠔꠣ ꠄꠘ꠆ꠒꠤꠀꠘ ꠍꠤꠘꠤ-ꠚꠤꠀꠁꠎ ꠅꠔꠣ ꠀꠐꠈ ꠅꠁꠔꠦꠅ ꠀꠍꠦ ⁕ ꠍꠤꠟꠐ ꠡꠢꠞꠔꠟꠤꠞ ꠡꠥꠞꠝꠣ ꠛꠣꠁꠙꠣꠍ ꠔꠘꠦ …