Breaking News
Home / ꠖꠦꠡꠞ ꠈꠛꠞ / ꠟꠤꠛꠤꠀꠔ ꠛꠘ꠆ꠖꠤꠖꠡꠣꠔ ꠀꠈꠐꠤꠀ ꠀꠍꠁꠘ  ꠡꠔ ꠡꠔ ꠛꠣꠋꠟꠣꠖꠦꠡꠤ

ꠟꠤꠛꠤꠀꠔ ꠛꠘ꠆ꠖꠤꠖꠡꠣꠔ ꠀꠈꠐꠤꠀ ꠀꠍꠁꠘ  ꠡꠔ ꠡꠔ ꠛꠣꠋꠟꠣꠖꠦꠡꠤ

ꠟꠤꠛꠤꠀꠔ ২৬ ꠛꠣꠋꠟꠣꠖꠦꠡꠤ ꠢꠔꠔꠣꠞ ꠊꠐꠘꠣ ꠔꠥꠇꠣꠘꠤꠔ ꠉꠤꠀ ꠢꠈꠣꠘꠞ ꠛꠘ꠆ꠖꠤꠖꠡꠣꠔ ꠡꠔ ꠡꠔ ꠛꠣꠋꠟꠣꠖꠦꠡꠤ ꠀꠈꠐꠤ ꠕꠣꠇꠣꠞ ꠇꠕꠣ ꠎꠣꠘꠣꠁꠍꠦ ꠔꠖꠘ꠆ꠔꠈꠣꠞꠤ ꠅꠈꠟꠦ⁕ ꠁꠔꠣ ꠊꠐꠘꠣꠁꠘꠔꠞ ꠟꠉꠦ ꠎꠠꠤꠔ ꠝꠣꠘꠛ ꠚꠣꠍꠣꠞꠇꠣꠞꠤꠘꠞꠦ ꠗꠞꠣꠔ ꠖꠦꠡꠞ ꠛꠤꠜꠤꠘ꠆ꠘ ꠎꠣꠉꠣꠔ ꠅꠜꠤꠎꠣꠘ ꠌꠣꠟꠦꠞ⁕ ꠟꠉꠦꠟꠉꠦ ꠁꠘ꠆ꠐꠣꠞꠙꠥꠟꠧꠞ ꠝꠣꠁꠖꠗꠝꠦ ꠛꠤꠖꠦꠡꠧ ꠕꠣꠇꠣ ꠚꠣꠍꠣꠞꠇꠣꠞꠤꠘꠞꠦ ꠉ꠆ꠞꠦꠙ꠆ꠔꠣꠞꠞ ꠃꠖ꠆ꠎꠧꠉ ꠘꠦꠅꠀ ꠅꠁꠍꠦ⁕ ꠉꠦꠍꠦ ২৮ ꠝꠦ ꠟꠤꠛꠤꠀꠞ ꠝꠤꠎꠖꠣꠢ ꠡꠅꠞ ꠝꠣꠘꠛꠚꠣꠍꠣꠞꠞ ꠡꠤꠇꠣꠞ ২৬ ꠛꠣꠋꠟꠣꠖꠦꠡꠤ ꠝꠣꠞꠣ ꠎꠣꠁꠘ⁕ ꠀꠅꠔꠧ ꠅꠁꠘ ꠀꠞꠧ ১১ ꠎꠘ⁕ ꠁ ꠊꠐꠘꠣꠄ ꠓꠣꠈꠣ, ꠇꠤꠡꠧꠞꠉꠁꠘꠎ, ꠝꠣꠖꠣꠞꠤꠙꠥꠞ ꠅ ꠝꠣꠉꠥꠞꠣꠔ ১২ꠐꠣ ꠝꠣꠝꠟꠣ ꠅꠁꠍꠦ⁕ ꠅꠈꠘ ꠙꠞ꠆ꠎꠘ꠆ꠔ ১৫ ꠎꠘꠞꠦ ꠉ꠆ꠞꠦꠙ꠆ꠔꠣꠞ ꠇꠞꠍꠦ ꠍꠤꠀꠁꠒꠤ ꠅ ꠞꠦꠛ⁕ ꠁꠔꠣ ꠝꠣꠝꠟꠣꠞ ꠟꠉꠦ ꠎꠥꠇ꠆ꠔ ꠔꠖꠘ꠆ꠔꠇꠣꠞꠤꠘꠔꠦ ꠈꠁꠘ, ꠟꠤꠛꠤꠀꠞ ꠛꠘ꠆ꠖꠤꠖꠡꠣꠔ ꠡꠔ ꠡꠔ ꠛꠣꠋꠟꠣꠖꠦꠡꠤ ꠇꠞꠥꠘ ꠅꠛꠍꠕꠣꠔ ꠀꠍꠁꠘ⁕ ꠅꠔꠣ ꠛꠘ꠆ꠖꠤꠡꠣꠟꠣꠁꠘꠞ ꠇꠥꠎꠈꠛꠞ ꠘꠦꠅꠀꠔ ꠁꠘ꠆ꠐꠣꠞꠙꠥꠟꠞ ꠡꠣꠁꠎꠎ ꠘꠦꠅꠀ ꠅꠞ⁕

ꠡꠣꠞ꠆ꠛꠤꠇ ꠚꠞꠤꠍꠕꠤꠔꠤ ꠎꠣꠘꠛꠣꠞ ꠖꠣꠄ ꠟꠤꠛꠤꠀꠔ ꠀꠅꠔꠧ ১১ ꠎꠘꠞ ꠟꠉꠦ ꠝꠣꠔꠣ ꠅꠁꠛ⁕ ꠔꠖꠘ꠆ꠔꠇꠣꠞꠤꠘꠔꠞ ꠄꠉꠉꠥꠁꠐ ꠟꠤꠛꠤꠀ ꠎꠣꠁꠔꠧ ꠚꠣꠞꠦ⁕ ꠔꠖꠘ꠆ꠔꠞ ꠡꠣꠞ꠆ꠕꠦ ꠟꠤꠛꠤꠀꠔ ꠝꠥꠇ꠆ꠔꠤꠚꠘ ꠖꠤ ꠖꠦꠡꠧ ꠚꠤꠞꠣ ꠛꠣꠋꠟꠣꠖꠦꠡꠤꠘꠧꠞ ꠟꠉꠦ ꠝꠣꠔꠣ ꠅꠁꠛ⁕ ꠟꠉꠦꠟꠉꠦ ꠀꠞꠣꠈꠣꠟꠤ ꠛꠣꠋꠟꠣꠖꠦꠡꠤꠘꠧꠞ ꠟꠤꠡꠐ ꠇꠞꠣ ꠅꠁꠛ⁕ ꠍꠤꠀꠁꠒꠤꠞ ꠒꠤꠀꠁꠎꠤ ꠁꠝꠔꠤꠀꠎꠦ ꠈꠁꠘ, ꠟꠤꠛꠤꠀꠔ ꠝꠣꠁꠞꠖꠣꠋꠉꠣꠞ ꠊꠐꠘꠣꠄ ꠙꠟ꠆ꠐꠘ ꠅ ꠛꠘꠣꠘꠤ ꠕꠣꠘꠣꠔ ꠍꠤꠀꠁꠒꠤ ꠛꠣꠖꠤ ꠅꠁꠀ ꠔꠤꠘꠐꠣ ꠝꠣꠝꠟꠣ ꠇꠞꠍꠦ⁕ ꠙꠟ꠆ꠐꠘ ꠕꠣꠘꠣꠔ ꠖꠣꠄꠞ ꠈꠞꠣ ꠄꠉꠥ ꠝꠣꠝꠟꠣꠞ ꠀꠡꠣꠝꠤ ৩৮ ꠎꠘ⁕ ꠀꠞꠦꠉꠥ ꠝꠣꠝꠟꠣꠔ ꠀꠡꠣꠝꠤ ꠈꠞꠣ ꠅꠁꠍꠦ ১৬ ꠎꠘꠞꠦ⁕ ꠀꠞ ꠛꠘꠣꠘꠤ ꠕꠣꠘꠣꠞ ꠝꠣꠝꠟꠣꠞ ꠀꠡꠣꠝꠤ ꠡꠁꠋꠇꠣ ৩৩ ꠎꠘ⁕ ꠄꠍꠣꠠꠣ ৪০-৫০ ꠎꠘ ꠅꠁꠉꠉꠣꠔ ꠀꠡꠣꠝꠤ ꠀꠍꠦ ꠝꠣꠝꠟꠣꠁꠘꠔ⁕ ꠔꠖꠘ꠆ꠔ ꠡꠋꠍ꠆ꠟꠤꠡꠐ ꠄꠈ ꠇꠞ꠆ꠝꠇꠞ꠆ꠔꠣꠄ ꠈꠁꠘ, ꠚꠣꠍꠣꠞꠇꠣꠞꠤ ꠌꠇ꠆ꠞꠞ ꠉꠒꠚꠣꠖꠣꠞꠞꠦ ꠗꠞꠔꠦ ꠚꠣꠞꠟꠦ ꠀꠞꠣꠈꠣꠟꠤ ꠅ ꠛꠘ꠆ꠖꠤꠖꠡꠣꠔ ꠕꠣꠇꠣ ꠛꠣꠋꠟꠣꠖꠦꠡꠤꠘꠔꠞ ꠔꠁꠔꠕ ꠚꠣꠅꠀ ꠎꠣꠁꠛ⁕ ꠄꠞ ꠝꠣꠏꠦ ꠖꠦꠡꠞ ꠛꠤꠜꠤꠘ꠆ꠘ ꠎꠣꠉꠣ ꠔꠘꠦ ꠜꠥꠇ꠆ꠔꠜꠥꠉꠤ ꠚꠞꠤꠛꠣꠞꠞ ꠡꠖꠁꠡꠡ ꠅꠈꠟꠦ ꠙꠥꠟꠤꠡꠞ ꠟꠉꠦ ꠎꠧꠉꠣꠎꠧꠉ ꠇꠞꠍꠦ⁕ ꠅꠔꠣ ꠔꠁꠔꠕ ꠎꠥꠉꠣꠞ ꠇꠞꠍꠦ ꠍꠤꠀꠁꠒꠤꠄ⁕ ꠍꠤꠀꠁꠒꠤ ꠚꠞꠔꠦꠈꠐꠣ ꠝꠣꠝꠟꠣꠔ ꠔꠖꠘ꠆ꠔ ꠡꠥꠞꠥ ꠇꠞꠍꠦ⁕

ꠉꠔ ꠛꠤꠞꠡꠁꠔꠛꠣꠞ ꠞꠣꠎꠗꠣꠘꠤꠞ ꠙꠟ꠆ꠐꠘ ꠕꠣꠘꠣꠔ ১৬ ꠎꠘꠞꠦ ꠀꠡꠣꠝꠤ ꠈꠞꠤ ꠄꠉꠥ ꠝꠣꠝꠟꠣ ꠖꠣꠄꠞ ꠈꠞꠁꠘ ꠡꠞꠤꠅꠔꠙꠥꠞꠞ ꠄꠈ ꠛꠦꠐꠣꠄ⁕ ꠝꠣꠝꠟꠣꠐꠣ ꠔꠖꠘꠔꠞ ꠖꠣꠁꠔ꠆ꠔ ꠚꠣꠁꠍꠦ ꠓꠣꠈꠣ ꠝꠢꠣꠘꠉꠞ ꠉꠥꠄꠘ꠆ꠖꠣ ꠙꠥꠟꠤꠡꠞ ꠃꠔꠞꠧꠞ ꠛꠤꠜꠣꠉꠧ⁕ ꠉꠥꠄꠘ꠆ꠖꠣ ꠙꠥꠟꠤꠡꠞ ꠃꠔꠞꠧꠞ ꠛꠤꠜꠣꠉꠞ ꠃꠙꠇꠝꠤꠡꠘꠣꠞ (ꠒꠤꠍꠤ) ꠝꠡꠤꠃꠞ ꠞꠢꠝꠣꠘꠦ ꠈꠁꠍꠁꠘ, ‘ꠀꠝꠞꠣ ꠀꠡꠣꠝꠤꠘꠔꠞꠦ ꠉ꠆ꠞꠦꠙ꠆ꠔꠣꠞꠞ ꠌꠦꠡ꠆ꠐꠣ ꠇꠞꠤꠀꠞ⁕’ ꠄꠇ ꠚꠍꠘꠞ ꠃꠔ꠆ꠔꠞꠦ ꠔꠣꠁꠘ ꠈꠁꠘ, ‘ꠀꠡꠣꠝꠤꠘꠔꠦ ꠜꠥꠇ꠆ꠔꠜꠧꠉꠤꠘꠔꠞ ꠉꠦꠍ ꠔꠘꠦ ꠐꠦꠈꠣ ꠘꠤꠍꠦ ꠓꠣꠈꠣꠔ⁕ ꠀꠞ ꠅꠈꠣꠘꠧ ꠢꠦꠞꠣꠞ ꠇꠣꠉꠎꠙꠔ꠆ꠞ ꠛꠣꠘꠣꠁꠟ ꠅꠁꠍꠦ⁕ ꠅꠔꠣꠞ ꠖꠣꠄ ꠊꠐꠘꠣꠁꠍꠕꠟ ꠢꠤꠡꠣꠛꠦ ꠙꠟ꠆ꠐꠘ ꠕꠣꠘꠣꠔ ꠝꠣꠝꠟꠣ ꠖꠣꠄꠞ ꠈꠞꠣ ꠅꠁꠍꠦ⁕’

ꠇꠥꠎ ꠘꠤꠀ ꠎꠣꠘꠣ ꠉꠦꠍꠦ, ꠟꠤꠛꠤꠀꠔ ꠛꠣꠋꠟꠣꠖꠦꠡꠤꠘꠞꠦ ꠝꠣꠞꠣꠞ ꠊꠐꠘꠣꠄ ꠢꠣꠞꠣ ꠖꠦꠡꠧ ꠝꠣꠘꠛ ꠚꠣꠍꠣꠞꠇꠣꠞꠤꠘꠞꠦ ꠡꠘꠣꠇ꠆ꠔ ꠇꠞꠦꠞ ꠀꠁꠘ-ꠍꠤꠋꠇꠟꠣ ꠞꠇꠇꠣꠈꠣꠞꠤ ꠛꠣꠢꠤꠘꠤ⁕ ꠄꠞ ꠝꠣꠏꠦ ꠝꠣꠘꠛ ꠚꠣꠍꠣꠞ ꠌꠇ꠆ꠞꠞ ꠢꠧꠔꠣ ꠇꠣꠝꠣꠟ ꠃꠖ꠆ꠖꠤꠘ ꠅꠞꠚꠦ ꠢꠣꠎꠤ ꠇꠣꠝꠣꠟꠞꠦ ꠉ꠆ꠞꠦꠙ꠆ꠔꠣꠞ ꠇꠞꠍꠦ ꠞꠦꠛꠦ⁕ ꠄꠍꠣꠠꠣ ꠇꠤꠡꠧꠞꠉꠁꠘ, ꠝꠣꠖꠣꠞꠤꠙꠥꠞ, ꠉꠥꠙꠣꠟꠉꠁꠘꠎ ꠅ ꠓꠣꠈꠣ ꠔꠘꠦ ꠛꠦꠡ ꠈꠄꠈꠎꠘꠞꠦ ꠉ꠆ꠞꠦꠙ꠆ꠔꠣꠞ ꠈꠞꠣ ꠅꠁꠍꠦ⁕ ꠉꠦꠍꠦ ꠛꠥꠗꠛꠣꠞ ꠉꠥꠙꠣꠟꠉꠁꠘꠎꠧꠞ ꠝꠥꠇꠡꠥꠖꠙꠥꠞ ꠕꠣꠇꠤ ꠡꠦꠘ꠆ꠐꠥ ꠡꠤꠇꠖꠣꠞ ꠅ ꠘꠣꠞ꠆ꠉꠤꠍ ꠀꠇ꠆ꠔꠣꠞ ꠘꠣꠝꠞ ꠖꠥꠁ ꠝꠣꠘꠛ ꠚꠣꠍꠣꠞꠇꠣꠞꠤꠘꠞꠦ ꠉ꠆ꠞꠦꠙ꠆ꠔꠣꠞ ꠇꠞꠦ ꠞꠦꠛꠦ⁕ ꠉꠦꠍꠦꠇꠣꠟ ꠡꠥꠇꠇꠥꠞꠛꠣꠞ ꠙꠞ꠆ꠎꠘ꠆ꠔ ১৫ ꠎꠘꠞꠦ ꠉ꠆ꠞꠦꠙ꠆ꠔꠣꠞ ꠈꠞꠣ ꠅꠁꠍꠦ⁕ ꠉ꠆ꠞꠦꠙ꠆ꠔꠣꠞꠇꠤꠔ ꠅꠈꠟꠞ ꠛꠤꠞꠥꠖ꠆ꠗꠦ ꠝꠣꠘꠤ ꠟꠘ꠆ꠒꠣꠞꠤꠋ ꠀꠁꠘꠦ ꠝꠣꠝꠟꠣ ꠈꠞꠛꠧ ꠍꠤꠀꠁꠒꠤꠄ⁕

 

Rate this post

About surmafarorkhobor

Check Also

ꠉꠞꠥꠞ ꠉꠥꠍ꠆ꠔꠞ ꠛꠣꠎꠣꠞꠅ ꠎꠦꠎꠣꠔ ꠀꠍꠣꠐꠣ ꠚꠞꠤꠍꠕꠤꠔꠤ

ꠈꠈꠚꠤꠞꠣ ꠔꠘꠦ ꠛꠣꠋꠟꠣꠖꠦꠡꠞ ꠞꠥꠎꠇꠥꠞ ꠛꠣꠎꠣꠞꠅ ꠎꠤꠘꠤꠡꠞ ꠖꠣꠝ ꠛꠉꠔꠤꠇ ⁕ ꠎꠦꠉꠔꠤꠇꠦ ꠝꠣꠘꠡꠦ ꠎꠦꠎꠣꠔ ꠢꠦꠖꠣꠔ ꠚꠣꠁꠞꠣ ⁕ …