Home / ꠝꠥꠟꠁꠛꠣꠎꠣꠞ / ꠞꠦꠛꠧꠞ ꠅꠜꠤꠎꠣꠘꠧ ৫ ꠎꠘ ꠀꠐꠇ . ꠝꠣꠖꠈ ꠃꠖ꠆ꠗꠣꠞ

ꠞꠦꠛꠧꠞ ꠅꠜꠤꠎꠣꠘꠧ ৫ ꠎꠘ ꠀꠐꠇ . ꠝꠣꠖꠈ ꠃꠖ꠆ꠗꠣꠞ

 

ꠞꠦꠛꠧꠞ ꠀꠟꠉꠣ ꠀꠟꠉꠣ ꠅꠜꠤꠎꠣꠘꠧ ৫ ꠎꠘ ꠀꠐꠈ ꠅꠁꠍꠦ⁕ ꠃꠖ꠆ꠗꠣꠞ ꠈꠞꠣ ꠅꠁꠍꠦ ꠉꠣꠁꠘꠎꠣ, ꠚꠦꠘ꠆ꠍꠤꠒꠤꠟ ꠀꠞ ꠝꠖ⁕ ꠀꠐꠈ ꠅꠃꠞꠣꠞ ꠝꠣꠏꠦ ২ ꠎꠘ ꠝꠣꠒꠣꠞ ꠍꠦꠡ꠆ꠐꠣ ꠝꠣꠝꠟꠣꠞ ꠀꠡꠣꠝꠤꠅ ꠞꠁꠍꠦ⁕ ꠉꠦꠍꠦ ꠞꠁꠛꠣꠞ ꠅꠔꠣ ꠅꠜꠤꠎꠣꠘ ꠍꠟꠦ⁕ ꠞꠦꠛ-৯ ꠅꠞ ꠄꠄꠍꠙꠤ ꠀꠞ ꠝꠤꠒꠤꠀ ꠅꠚꠤꠍꠣꠞ ꠚꠣꠐꠣꠁꠟ ꠘꠥꠐꠤꠡ ꠖꠤ ꠁꠈꠣꠘ ꠎꠣꠘꠣꠁꠘ⁕

ꠟꠥꠇꠣꠁꠟ ꠈꠛꠞꠤꠀꠞ ꠈꠕꠣꠄ ꠞꠦꠛ ꠍꠤꠞꠤꠝꠋꠉꠟ ꠇꠦꠝ꠆ꠙꠞ ꠄꠉꠥ ꠅꠜꠤꠎꠣꠘꠤꠇ ꠉꠥꠁꠐ ꠍꠥꠘꠣꠞꠥꠊꠣꠐ ꠕꠣꠘꠣꠞ ꠞꠣꠘꠤꠞ ꠇꠧꠞ꠆ꠐ ꠛꠣꠎꠣꠞ ꠄꠟꠣꠇꠣꠔ ꠅꠜꠤꠎꠣꠘ ꠌꠣꠟꠣꠄ⁕ ꠁ ꠡꠝꠄ ১০ ꠇꠦꠎꠤ ꠉꠣꠁꠘꠎꠣ, ১ꠉꠥ ꠍꠤꠄꠘꠎꠤ ꠅꠐꠧꠞꠤꠇꠡꠣ ꠡꠥꠁꠖ꠆ꠖꠦ ꠀꠐꠈ ꠅꠄ ꠍꠥꠘꠣꠞꠥꠊꠣꠐꠞ ꠀꠎꠤꠝꠣꠛꠣꠖ ꠉꠣꠅꠞ ꠝꠤꠔ ꠀꠇꠛꠞ ꠀꠟꠤꠞ ꠚꠥꠀ ꠀꠇꠍꠤꠞ ꠝꠤꠀ (৪৫) ꠀꠞ ꠖꠦꠅꠞꠉꠣꠍ ꠝꠤꠔ ꠞꠎꠛ ꠀꠟꠤ ꠃꠞꠚꠦ ꠛꠣꠛꠥꠞ ꠚꠥꠀ ꠁꠍꠝꠣꠁꠟ ꠝꠤꠀ ꠞꠥꠝꠘ (২৮)⁕ ꠀꠐꠈꠅꠃꠞꠣꠞꠦ ꠍꠥꠘꠣꠞꠥꠊꠣꠐ ꠕꠣꠘꠣꠔ ꠉꠍꠣꠘꠤ ꠅꠁꠍꠦ⁕

ꠀꠞꠛꠣꠄ, ꠞꠦꠛ ꠍꠤꠟꠦꠐ ꠇꠦꠝ꠆ꠙꠞ ꠅꠜꠤꠎꠣꠘꠧ ꠖꠇ꠆ꠇꠤꠘ ꠡꠥꠞꠝꠣꠞ ꠖꠣꠃꠖꠚꠥꠞ ꠄꠟꠣꠇꠣ ꠔꠘꠦ ১৮ ꠛꠧꠔꠟ ꠚꠦꠘꠍꠤꠒꠤꠟ ꠡꠥꠁꠖ꠆ꠖꠦ ꠀꠐꠈ ꠅꠄ ꠡꠥꠝꠘ ꠀꠢꠝ꠆ꠝꠦꠖ ꠃꠞꠚꠦ ꠘꠤꠟꠄ ꠙꠣꠟ (৩৪)⁕ ꠀꠐꠈ ꠄꠁꠘ ꠝꠥꠟꠁꠛꠣꠎꠣꠞꠞ ꠞꠣꠎꠘꠉꠞ ꠕꠣꠘꠣꠞ ꠐꠤꠇꠞꠙꠣꠠꠣꠞ ꠙ꠆ꠞꠝꠕ ꠙꠣꠟꠞ ꠚꠥꠀ⁕ ꠔꠣꠘꠞꠦ ꠖꠇ꠆ꠇꠤꠘ ꠡꠥꠞꠝꠣ ꠕꠣꠘꠣꠔ ꠉꠍꠣꠘꠤ ꠅꠁꠍꠦ⁕

ꠄꠍꠣꠠꠣ, ꠞꠦꠛꠞ ꠀꠞꠧꠈ ꠅꠜꠤꠎꠣꠘꠧ ꠍꠤꠐꠤꠞ ꠎꠤꠘ꠆ꠖꠣꠛꠣꠎꠣꠞ ꠄꠟꠣꠇꠣ ꠔꠘꠦ ꠗꠞꠣꠈꠣꠄ ꠇꠣꠘꠣꠁꠊꠣꠐ ꠕꠣꠘꠣꠞ ꠝꠣꠒꠣꠞ ꠍꠦꠡ꠆ꠐꠣ ꠝꠣꠝꠟꠣꠞ ২ ꠀꠡꠣꠝꠤ⁕ ꠀꠐꠈ ꠅꠃꠞꠣꠁꠘ ꠅꠁꠟꠣ ꠇꠣꠘꠣꠁꠊꠣꠐꠞ ꠍꠧꠐ ꠚꠃꠖ ꠉꠣꠅꠞ ꠡꠣꠝꠍꠥꠃꠖ꠆ꠖꠤꠘꠞ ꠚꠥꠀ ꠁꠇꠛꠣꠟ ꠛꠣꠢꠣꠞ ꠌꠃꠗꠥꠞꠤ (৪০) ꠀꠞ ꠄꠞꠣꠟꠤꠉꠥꠟꠧꠞ ꠝꠤꠔ ꠝꠣꠢꠝꠥꠖ ꠀꠟꠤꠞ ꠚꠥꠀ ꠘꠣꠎꠤꠝ ꠃꠖ꠆ꠖꠤꠘ (৩২)⁕ ꠀꠐꠈ ꠅꠃꠞꠣꠁꠘꠞꠦ ꠇꠣꠘꠣꠁꠊꠣꠐ ꠕꠣꠘꠣꠔ ꠉꠍꠣꠘꠤ ꠅꠁꠍꠦ⁕

Rate this post

About surmafarorkhobor

Check Also

cc: Wikimedia Commons

ꠀꠈꠣꠟꠥꠇꠤ ꠀꠅꠞ (Hakaluki Haor)

ꠀꠈꠣꠟꠥꠇꠤ ꠀꠅꠞ ꠛꠣꠋꠟꠣꠖꠦꠡꠞ ꠡꠛꠔꠘꠦ ꠛꠠ ꠀꠅꠞ⁕ ꠁꠇꠐꠣ ꠄꠡꠤꠀꠞ ꠅꠁꠘ꠆ꠘꠔꠝ ꠄꠈꠐꠣ ꠝꠤꠓꠣꠚꠣꠘꠤꠞ ꠉꠣꠠꠣ⁕ ꠄꠞ ꠀꠅꠔꠘ ১৮,১১৫ …