Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠔꠞꠎꠝꠣ ꠡꠣꠁꠔ꠆ꠔ / ꠖꠥꠀ (ꠔꠞꠎꠝꠣ ꠚꠁꠖ꠆ꠖ): ꠀꠟꠤꠝ ꠃꠖ꠆ꠖꠤꠘ ꠌꠃꠗꠥꠞꠤ

ꠖꠥꠀ (ꠔꠞꠎꠝꠣ ꠚꠁꠖ꠆ꠖ): ꠀꠟꠤꠝ ꠃꠖ꠆ꠖꠤꠘ ꠌꠃꠗꠥꠞꠤ

ꠍꠤꠟꠐꠤ ꠝꠣꠔ-ꠈꠕꠣ ꠟꠁꠀ ꠎꠦꠞꠣ ꠅꠘꠟꠣꠁꠘ ꠅꠚꠟꠣꠁꠘ ꠢꠈꠟ ꠛꠣꠄ ꠞꠣꠁꠔ ꠇꠤ ꠖꠤꠘ ꠈꠣꠝ ꠈꠞꠞꠣ, ꠔꠣꠞꠣꠞ ꠝꠣꠏꠦ ꠎꠣꠘ-ꠚꠞꠣꠘ ꠖꠤ ꠈꠣꠝ ꠈꠞꠞꠣ ꠄꠇꠎꠘ ꠅꠁꠟꠣ ꠀꠟꠤꠝ ꠃꠖ꠆ꠖꠤꠘ ꠌꠃꠗꠥꠞꠤ। ꠔꠣꠁꠘ ꠔꠤꠘ ꠝꠣꠁꠀ ꠍꠤꠟꠐꠤ ꠈꠛꠞꠞ ꠈꠣꠉꠎ ꠡꠁꠔꠦ ꠡꠥꠞꠝꠣ ꠚꠣꠞꠞ ꠈꠛꠞꠞ ꠅ ꠡꠝ꠆ꠙꠣꠖꠇ। ꠔꠣꠘ ꠚꠇꠣꠡꠘꠣ ꠌꠃꠗꠥꠞꠤ ꠙꠣꠛꠟꠤꠡꠣꠞ꠆ꠍ ꠔꠘꠦ ꠛꠣꠞꠘꠤ ꠛꠁꠞ ꠝꠣꠏꠦ ꠍꠤꠟꠐꠤ ꠎꠛꠣꠘꠦ ꠟꠦꠈꠣ ꠡꠦꠞꠣ ꠚꠁꠖ꠆ꠖ ꠟꠦꠈꠞꠣꠞ ꠄꠈꠎꠘ ꠅꠁꠟꠣ ꠇꠞꠤꠝ ꠃꠖ꠆ꠖꠤꠘ ꠟꠡ꠆ꠇꠞ। ꠔꠟꠦ ꠀꠟꠤꠝ ꠃꠖ꠆ꠖꠤꠘ ꠌꠃꠗꠥꠞꠤꠞ ꠄꠈꠐꠣ ꠔꠞꠎꠝꠣ ꠚꠁꠖ꠆ꠖ…

ꠖꠥꠀ
ꠍꠥꠚꠤꠀ ꠇꠣꠝꠣꠟ
ꠔꠞꠎꠝꠣ: ꠀꠟꠤꠝ ꠃꠖ꠆ꠖꠤꠘ ꠌꠃꠗꠥꠞꠤ

ꠖꠥꠁ ꠀꠔ ꠔꠥꠟꠤꠀ ꠇꠞꠤ ꠝꠥꠘꠣꠎꠣꠘꠔ
ꠅ ꠞꠢꠤꠝ ꠞꠢꠝꠣꠘ
ꠈꠔ ꠡꠥꠘ꠆ꠖꠞ ꠈꠞꠤꠀ ꠛꠣꠘꠣꠁꠀ ꠖꠥꠘꠤꠀ
ꠀꠝꠞꠣꠞꠦ ꠈꠞꠍꠧ ꠖꠣꠘ

ꠉꠣꠍꠧ ꠚꠥꠟ ꠚꠟ
ꠜꠞꠣ ꠉꠣꠋꠉꠞ ꠚꠣꠘꠤ
ꠚꠣꠇ꠆ꠇꠤꠞ ꠉꠟꠣꠔ ꠉꠣꠘ
ꠢꠈꠟꠔꠣꠃ ꠔꠥꠝꠣꠞꠁ ꠖꠣꠘ

ꠝꠣ,ꠛꠣꠛꠣ,ꠜꠣꠁ, ꠛꠁꠘ ꠅ ꠇꠥꠐꠥꠝꠎꠘ
ꠢꠈꠟ ꠝꠣꠘꠥꠡ ꠡꠛꠃ ꠀꠚꠘ
ꠈꠔ ꠝꠣꠄꠀ ꠝꠝꠔꠣ ꠝꠗꠥꠞ ꠈꠞꠤꠀ
ꠜꠞꠤꠀ ꠖꠤꠍ ꠎꠣꠘ

ꠔꠣꠁ ꠎꠦꠘ ꠘꠣ ꠔꠥꠝꠣꠞꠤ ꠜꠥꠟꠤ
ꠡꠞꠟ ꠡꠥꠎꠣ ꠜꠣꠟꠣ ꠚꠕꠦ ꠍꠟꠤ
ꠈꠔ ꠜꠣꠟꠣ ꠔꠥꠝꠤ ꠈꠔ ꠜꠣꠟꠧꠛꠣꠡꠧ
ꠉꠣꠁꠀ ꠎꠣꠁ ꠄꠁ ꠉꠣꠘ

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠉꠤꠞꠍ꠆ꠔꠞ ꠖꠣꠝꠣ ꠀꠞ ꠛꠣꠊꠞ ꠇꠤꠌ꠆ꠌꠣ

ꠄꠈ ꠖꠣꠝꠣ ꠉꠞꠥ ꠎꠋꠟꠣꠔ ꠊꠣꠡ ꠈꠣꠘꠤꠔ ꠀꠍꠤꠟ ⁕ ꠀꠈꠔꠣ ꠛꠣꠊ ꠄꠈꠐꠣ ꠉꠞꠥꠞ ꠃꠚꠞꠦ ꠍꠠꠣꠃ ꠅꠄ …