Breaking News
Home / ꠖꠦꠡꠞ ꠈꠛꠞ / ꠖꠝꠣ (ꠡꠣꠡꠇꠡ꠆ꠐ) ꠅꠀꠄ ꠇꠞꠥꠘꠣ ꠒꠞꠁꠀ ꠝꠣꠞꠦ ꠓꠣꠝꠦꠇꠞ ꠉꠦꠁꠐꠞ ꠡꠣꠝꠘꠦ ꠔꠁꠀ ꠚꠥꠀ ꠛꠣꠉꠤꠉꠦꠍꠦ

ꠖꠝꠣ (ꠡꠣꠡꠇꠡ꠆ꠐ) ꠅꠀꠄ ꠇꠞꠥꠘꠣ ꠒꠞꠁꠀ ꠝꠣꠞꠦ ꠓꠣꠝꠦꠇꠞ ꠉꠦꠁꠐꠞ ꠡꠣꠝꠘꠦ ꠔꠁꠀ ꠚꠥꠀ ꠛꠣꠉꠤꠉꠦꠍꠦ

ꠇꠞꠧꠘꠣ ꠜꠣꠁꠞꠣꠍ ꠡꠘꠖꠦꠅ ꠈꠞꠤꠀ ꠀꠚꠘ ꠝꠣꠞꠦ ꠓꠣꠇꠣ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟꠞ ꠉꠦꠁꠐꠞ ꠡꠣꠝꠘꠦ ꠔꠁꠀ ꠚꠥꠀ ꠉꠦꠍꠦꠉꠤ⁕ ꠉꠐꠘꠣꠞ ꠎꠣꠘꠣꠎꠣꠘꠤ ꠅꠁꠟꠦ ꠀꠡꠚꠣꠔꠣꠟ ꠇꠦꠝꠙꠞ ꠚꠥꠟꠤꠡ ꠅꠃ ꠛꠦꠐꠤꠞꠦ ꠃꠖꠖꠣꠞ ꠈꠞꠤꠀ ꠇꠞꠧꠘꠣ ꠁꠃꠘꠤꠐꠧ ꠜꠞꠔꠤ ꠈꠞꠤꠀ ꠖꠤꠍꠁꠘ⁕ ꠉꠔ ꠡꠘꠤꠛꠣꠞ (৬ꠎꠥꠘ) ꠛꠤꠅꠣꠟ ৩ꠐꠣꠞ ꠖꠤꠇꠦ ꠝꠘꠧꠀꠞꠣ ꠛꠦꠉꠝ (৫০) ꠘꠣꠝꠞ ꠅ ꠛꠦꠐꠤꠞꠦ ꠓꠣꠝꠇ ꠇꠞꠧꠘꠣ ꠁꠃꠘꠤꠐꠞ ꠘꠔꠥꠘ ꠛꠤꠟꠒꠤꠋꠅ ৭০২ ꠘꠝ꠆ꠛꠞ ꠞꠥꠝꠧ ꠜꠞꠔꠤ ꠈꠞꠣ ꠅꠄ⁕

ꠁ ꠛꠦꠀꠚꠣꠞꠦ ꠓꠣꠝꠦꠇ ꠚꠥꠟꠤꠡ ꠇꠦꠝꠙꠞ ꠡꠅꠇꠣꠞꠤ ꠁꠘꠌꠣꠞ꠆ꠎ ꠄꠄꠍꠀꠁ ꠀꠛꠖꠥꠟ ꠈꠣꠘ ꠎꠣꠘꠣꠁꠍꠁꠘ, ꠛꠦꠐꠤꠞ ꠚꠥꠀꠄ ꠇꠞꠧꠘꠣ ꠡꠘꠖꠦꠅ ꠈꠞꠤ ꠉꠦꠁꠐꠞ ꠡꠣꠝꠘꠦ ꠚꠣꠟꠣꠁꠀ ꠉꠦꠍꠦꠉꠤ⁕ ꠈꠛꠞ ꠚꠣꠁꠀ ꠛꠦꠐꠤꠞꠦ ꠓꠣꠝꠦꠇ ꠇꠞꠧꠘꠣ ꠁꠃꠘꠤꠐꠞ ꠘꠄꠀ ꠛꠤꠟꠒꠤꠋꠅ ৭০২ ꠘꠝ꠆ꠛꠞ ꠞꠥꠝꠧ ꠜꠞꠔꠤ ꠈꠞꠣ ꠅꠁꠍꠦ⁕ ꠎꠣꠘꠣꠉꠦꠍꠦ ꠛꠦꠐꠤꠞ ꠘꠣꠝ ꠝꠘꠧꠀꠞꠣ ꠛꠦꠉꠝ ꠃꠞꠚꠦ ꠝꠘꠤꠞꠣ, ꠎꠣꠝꠣꠁꠞ ꠘꠣꠝ ꠡꠣꠢꠎꠣꠢꠣꠘ ꠝꠤꠀ, ꠀꠡꠟ ꠛꠣꠠꠤ ꠝꠥꠝꠤꠡꠤꠋꠉꠞ ꠢꠣꠟꠥꠀꠊꠣꠐ ꠃꠚꠎꠤꠟꠣꠞ ꠎꠄꠞꠣꠝꠙꠥꠞ ꠉꠣꠃꠔ। ꠓꠣꠈꠣꠔ ꠚꠞꠤꠛꠣꠞ ꠟꠁꠀ ꠝꠤꠞꠚꠥꠞꠞ ꠇꠝꠣꠞꠍ ꠇꠟꠦꠎꠞ ꠈꠣꠘꠖꠣꠔ ꠛꠍꠔꠤꠔ ꠍꠣꠟꠣꠝ ꠘꠣꠝꠞ ꠄꠈꠎꠘꠞ ꠛꠣꠠꠤꠔ ꠛꠣꠠꠣ ꠔꠣꠈꠁꠘ⁕

ꠄꠄꠍꠀꠁ ꠀꠞꠧ ꠈꠁꠟꠧ ꠔꠣꠁꠘ ꠛꠦꠐꠤꠞ ꠉꠦꠍꠕꠣꠇꠤ ꠎꠣꠘꠔꠣ ꠚꠣꠞꠍꠁꠘ ꠡꠣꠡꠈꠐꠞ ꠈꠣꠞꠝꠦ ꠛꠣꠠꠤꠀꠟꠣ ꠅ ꠙꠥꠀ ꠝꠥꠎꠣꠝꠝꠤꠟ ꠡꠞꠇꠣꠞꠦ ꠙꠞꠣꠝꠤꠡ ꠖꠤꠀ ꠛꠣꠠꠤꠀꠟꠣ ꠍꠣꠟꠣꠝ ꠅ ꠚꠥꠀ ꠝꠤꠟꠤꠀ ꠖꠥꠁꠖꠤꠘ ꠀꠉꠦ ꠓꠣꠝꠦꠇꠞ ꠡꠣꠝꠘꠦ ꠞꠣꠇꠤꠀ ꠉꠦꠍꠁꠘꠉꠤ⁕ ꠚꠞꠦ ꠘꠄꠀ ꠛꠤꠟꠒꠤꠋꠉꠞ ꠅꠀꠒ ꠝꠣꠡꠐꠞ ꠀꠛꠥꠟ ꠢꠥꠡꠦꠘꠞ ꠉꠦꠍꠕꠣꠇꠤ ꠎꠣꠘꠤ ꠉꠦꠍꠦ ꠛꠦꠐꠤꠞ ꠀꠡꠋꠇꠣ ꠛꠦꠡ ꠜꠣꠟꠣ। ꠇꠤꠍꠥ ꠐꠦꠡꠐ ꠈꠞꠣ ꠅꠁꠍꠦ ꠀꠞ ꠇꠞꠧꠘꠣꠞ ꠐꠦꠡꠐꠅ ꠈꠞꠣ ꠅꠁꠛꠧ।

Rate this post

About surmafarorkhobor

Check Also

ꠉꠞꠥꠞ ꠉꠥꠍ꠆ꠔꠞ ꠛꠣꠎꠣꠞꠅ ꠎꠦꠎꠣꠔ ꠀꠍꠣꠐꠣ ꠚꠞꠤꠍꠕꠤꠔꠤ

ꠈꠈꠚꠤꠞꠣ ꠔꠘꠦ ꠛꠣꠋꠟꠣꠖꠦꠡꠞ ꠞꠥꠎꠇꠥꠞ ꠛꠣꠎꠣꠞꠅ ꠎꠤꠘꠤꠡꠞ ꠖꠣꠝ ꠛꠉꠔꠤꠇ ⁕ ꠎꠦꠉꠔꠤꠇꠦ ꠝꠣꠘꠡꠦ ꠎꠦꠎꠣꠔ ꠢꠦꠖꠣꠔ ꠚꠣꠁꠞꠣ ⁕ …