শুরমা ফারর খবর ছিলটি জবানে ছিলটর খবর
Related Articles
ꠎꠇꠤꠉꠘꠎ ꠇꠞꠧꠘꠣꠜꠣꠁꠞꠣꠍ ꠖꠃꠠ ꠈꠝꠣꠘꠤꠞ ꠟꠣꠉꠤ ꠡꠣꠁꠍꠔꠛꠤꠗꠤ ꠘꠣ ꠝꠣꠘꠣꠞ ꠈꠣꠞꠘꠦ ꠅ ꠝꠣꠍꠇ ꠘꠣ ꠚꠤꠘꠖꠣꠄ ꠎꠇꠤꠉꠘꠎꠞ ꠛꠃꠔ ꠀꠐ-ꠛꠣꠎꠣꠞ ꠅ ꠛꠤꠜꠤꠘ꠆ꠘ ꠝꠦꠁꠘ ꠞꠣꠍꠔꠣꠞ ꠔꠤꠝꠥꠇꠤꠞ ꠙꠅꠦꠘ꠆ꠐꠧ ꠝꠥꠛꠣꠁꠟꠇꠧꠞꠐꠦ ꠅꠜꠤꠎꠣꠘ ꠍꠣꠟꠣꠁꠀ ꠢꠣꠍꠞꠣꠘꠤ ꠛꠦꠝꠣꠞ ꠀꠐꠈꠣꠘꠤ ꠀꠁꠘꠧ ২৩ꠐꠣ ꠝꠣꠝꠟꠣꠔ ৮ ꠀꠎꠣꠞ ৯ꠡ ꠐꠦꠈꠣ ꠎꠞꠤꠝꠣꠘꠣ ꠈꠞꠍꠁꠘ⁕
ꠝꠥꠛꠣꠁꠟꠇꠧꠞꠐ ꠚꠞꠤꠍꠣꠟꠘꠣ ꠈꠞꠍꠁꠘ ꠎꠇꠤꠉꠘꠎ ꠃꠚꠎꠤꠟꠣꠞ ꠘꠤꠞꠛꠣꠢꠤ ꠅꠚꠤꠍꠣꠞ ꠅ ꠘꠤꠞꠛꠣꠢꠤ ꠝꠣꠎꠦꠍꠐꠦꠁꠐ ꠎꠘꠣꠛ ꠛꠤꠎꠘ ꠇꠥꠝꠣꠞ ꠡꠤꠋꠢ⁕
ꠃꠚꠎꠤꠟꠣꠞ ꠘꠤꠞꠛꠣꠢꠤ ꠅꠚꠤꠍꠣꠞ ꠅ ꠘꠤꠞꠛꠣꠢꠤ ꠝꠣꠎꠦꠍꠐꠦꠁꠐ ꠎꠘꠣꠛ ꠛꠤꠎꠘ ꠇꠥꠝꠣꠞ ꠡꠤꠋꠢ ꠄ ꠈꠁꠍꠁꠘ, ꠝꠣꠍꠇ ꠚꠤꠘꠖꠣ ꠡꠁꠔꠦ ꠡꠣꠁꠍꠔꠛꠤꠗꠤ ꠘꠤꠌꠌꠤꠔ ꠈꠞꠤꠀ ꠇꠞꠧꠘꠣꠞ ꠖꠃꠠ ꠈꠝꠣꠘꠤꠞ ꠟꠣꠉꠤ ꠃꠚꠎꠤꠟꠣ ꠙꠡꠣꠡꠘꠞ ꠍꠟꠣꠘꠤ ꠁ ꠅꠜꠤꠎꠣꠘ ꠉꠧꠐꠣ ꠃꠚꠎꠤꠟꠣꠔ ꠍꠟꠔꠧ ꠕꠣꠈꠛꠧ⁕ ꠀꠞ ꠚꠄꠎꠘ ꠅꠁꠟꠦ ꠁ ꠛꠦꠀꠚꠣꠞꠦ ꠃꠚꠎꠤꠟꠣ ꠙꠡꠣꠡꠘ ꠀꠞꠧ ꠇꠑꠧꠞ ꠅꠁꠛꠣ⁕
