Home / ꠍꠤꠟꠐ / ꠎꠇꠤꠉꠁꠘ ꠛꠘ꠆ꠖꠥꠇ ꠎꠥꠖ꠆ꠖꠦ ১২ ꠇꠦꠁꠍꠞ ꠀꠡꠣꠝꠤꠞ ꠝꠃꠔ

ꠎꠇꠤꠉꠁꠘ ꠛꠘ꠆ꠖꠥꠇ ꠎꠥꠖ꠆ꠖꠦ ১২ ꠇꠦꠁꠍꠞ ꠀꠡꠣꠝꠤꠞ ꠝꠃꠔ

ꠎꠇꠤꠉꠁꠘ ꠚꠥꠟꠤꠡꠞ ꠟꠉꠦ ꠛꠘ꠆ꠖꠥꠇ ꠎꠥꠖ꠆ꠖꠦ ꠡꠥꠟꠔꠣꠘꠚꠥꠞ ꠁꠘꠤꠅꠘꠞ ꠈꠣꠖꠤꠝꠣꠘ ꠉꠣꠃꠞ ꠀꠛꠖꠥꠟ ꠝꠘ꠆ꠘꠣꠘ ꠝꠥꠘ꠆ꠘꠣ(৩৫) ꠘꠣꠝꠞ ꠄꠈ ꠝꠣꠖꠇ ꠛꠦꠍꠞꠣꠞ ꠝꠃꠔ ꠅꠁꠍꠦ⁕
ꠡꠝꠛꠣꠞ ꠞꠣꠁꠔ ৩ꠐꠣ ৪০ꠝꠤꠘꠤꠐꠞ ꠡꠝꠄ ꠁ ꠉꠐꠘꠣ ꠉꠐꠍꠦ⁕ꠉꠥꠟ꠆ꠟꠤ ꠈꠣꠁꠀ ꠝꠞꠣ ꠀꠛ꠆ꠖꠥꠟ ꠝꠘ꠆ꠘꠣꠘꠞ ꠃꠚꠞꠦ ꠛꠤꠜꠤꠘ꠆ꠘ ꠕꠣꠘꠣꠔ ꠝꠣꠖꠇ,ꠒꠣꠈꠣꠘꠤ,ꠅꠍꠞꠧ ꠡꠁꠔꠦ ১২ꠐꠣ ꠇꠦꠁꠍ ꠀꠍꠦ⁕ꠎꠇꠤꠉꠁꠘ ꠕꠣꠘꠣꠞ ꠜꠣꠞꠚꠣꠅꠀ ꠇꠞꠝꠧꠇꠞꠔꠣ ꠝꠤꠞ ꠝꠥ.ꠀꠛ꠆ꠖꠥꠘ ꠘꠣꠍꠤꠞꠦ ꠎꠣꠘꠣꠁꠍꠁꠘ, ꠀꠡꠣꠝꠤꠞꠦ ꠟꠁꠀ ꠅꠍꠞꠧ ꠀꠞ ꠝꠣꠖꠇ ꠃꠖ꠆ꠖꠣꠞ ꠈꠞꠣꠔ ꠉꠦꠟꠦ ꠔꠣꠞ ꠟꠉꠞ ꠡꠣꠋꠉꠧ ꠚꠣꠋꠉꠄ ꠚꠥꠟꠤꠡꠞ ꠃꠚꠞꠦ ꠉꠥꠟ꠆ꠟꠤ ꠍꠣꠟꠣꠄ, ꠁꠡꠝꠄ ꠚꠥꠟꠤꠡꠦꠄ ꠘꠤꠎꠞꠦ ꠛꠣꠍꠣꠘꠤꠞ ꠟꠣꠉꠤ ꠚꠣꠟꠐꠣ ꠉꠥꠟ꠆ꠟꠤ ꠍꠣꠟꠣꠄ ꠄꠔꠦ ৭ꠎꠘ ꠚꠥꠟꠤꠡ ꠎꠈꠝꠤꠀ ꠅꠁꠘ⁕ ꠇꠤꠍꠥ ꠚꠞꠦ ꠚꠞꠦ ꠀꠡꠣꠝꠤ ꠀꠛꠖꠥꠟ ꠝꠘ꠆ꠘꠣꠘꠞ ꠉꠥꠟ꠆ꠟꠤ ꠈꠣꠅꠀ ꠡꠞꠤꠞ ꠖꠦꠈꠔꠦ ꠚꠣꠁꠘ, ꠔꠣꠞꠦ ꠟꠉꠦꠟꠉꠦ ꠀꠡꠚꠣꠔꠣꠟꠧ ꠟꠁꠀ ꠉꠦꠟꠦ ꠒꠣꠈꠞꠦ ꠌꠦꠇ ꠈꠞꠤꠀ ꠄꠞ ꠝꠃꠔ ꠅꠁꠉꠦꠍꠦ ꠛꠟꠤꠀ ꠘꠤꠡꠌꠤꠔ ꠅꠁꠀ ꠎꠣꠘꠣꠁꠘ⁕
ꠎꠇꠤꠉꠁꠘ ꠍꠣꠞꠇꠦꠟꠞ ꠅꠔꠤꠞꠤꠇ꠆ꠔ ꠚꠥꠟꠥꠡ ꠍꠥꠚꠣꠞ ꠡꠥꠖꠤꠙ꠆ꠔ ꠞꠣꠄ ꠈꠁꠍꠁꠘ ꠝꠃꠔ ꠅꠀ ꠝꠥꠘ꠆ꠘꠣꠞ ꠃꠚꠞꠦ ꠎꠇꠤꠉꠁꠘ ꠡꠁꠔꠦ ꠛꠤꠜꠤꠘ꠆ꠘ ꠕꠣꠘꠣꠔ ১২ ꠐꠣ ꠇꠦꠁꠍ ꠀꠍꠦ⁕

2/5 - (1 vote)

About surmafarorkhobor

Check Also

ꠍꠤꠟꠐꠤ ꠜꠣꠡꠣꠞ ꠡꠍꠦꠔꠘꠔꠣꠞ ꠖꠣꠄ ꠛꠤꠀꠘꠤꠛꠣꠎꠣꠞ ꠢꠤꠞꠤ ꠚꠞꠤꠇ꠆ꠇꠣ

ꠝꠣꠔꠣꠝꠣꠔꠤꠞ ꠡꠁꠋꠇꠣꠛꠣꠄ ꠍꠤꠟꠐꠤ ꠅꠁꠟ ꠉꠤꠀ ꠖꠥꠘꠤꠀꠞ ꠢꠇꠟ ꠔꠘꠦ ꠛꠦꠡꠝꠣꠔꠞꠣ ꠝꠣꠔꠞ ꠝꠣꠎꠦ ৯৭ ꠟꠝ꠆ꠛꠞ⁕ ꠁ ꠜꠣꠡꠣꠞ …