Home / ꠍꠤꠟꠐ / ꠎꠁꠘꠔꠣꠚꠥꠞ ꠛꠘꠥꠀ ꠚꠡꠥ ꠝꠣꠞꠣꠞ ꠈꠣꠞꠘꠦ ꠇꠦꠁꠍ ꠅꠁꠉꠦꠍꠦ ꠍꠤꠟꠐꠞ ꠎꠁꠘ꠆ꠔꠣꠚꠥꠞꠞ ꠚꠔꠦꠢꠚꠥꠞ ꠁꠘꠤꠅꠘꠞ ꠛꠣꠟꠤꠚꠣꠠꠣ ꠉꠣꠃꠔ ৯ ꠛꠘꠥꠀ ꠚꠡꠥ ꠚꠤꠐꠤꠀ ꠝꠣꠞꠣꠞ ꠖꠣꠄ ꠇꠦꠁꠍ ꠅꠁꠉꠦꠍꠦ⁕

ꠎꠁꠘꠔꠣꠚꠥꠞ ꠛꠘꠥꠀ ꠚꠡꠥ ꠝꠣꠞꠣꠞ ꠈꠣꠞꠘꠦ ꠇꠦꠁꠍ ꠅꠁꠉꠦꠍꠦ ꠍꠤꠟꠐꠞ ꠎꠁꠘ꠆ꠔꠣꠚꠥꠞꠞ ꠚꠔꠦꠢꠚꠥꠞ ꠁꠘꠤꠅꠘꠞ ꠛꠣꠟꠤꠚꠣꠠꠣ ꠉꠣꠃꠔ ৯ ꠛꠘꠥꠀ ꠚꠡꠥ ꠚꠤꠐꠤꠀ ꠝꠣꠞꠣꠞ ꠖꠣꠄ ꠇꠦꠁꠍ ꠅꠁꠉꠦꠍꠦ⁕

ꠎꠁꠘꠔꠣꠚꠥꠞ ꠛꠘꠥꠀ ꠚꠡꠥ ꠝꠣꠞꠣꠞ ꠈꠣꠞꠘꠦ ꠇꠦꠁꠍ ꠅꠁꠉꠦꠍꠦ ꠍꠤꠟꠐꠞ ꠎꠁꠘ꠆ꠔꠣꠚꠥꠞꠞ ꠚꠔꠦꠢꠚꠥꠞ ꠁꠘꠤꠅꠘꠞ ꠛꠣꠟꠤꠚꠣꠠꠣ ꠉꠣꠃꠔ ৯ ꠛꠘꠥꠀ ꠚꠡꠥ ꠚꠤꠐꠤꠀ ꠝꠣꠞꠣꠞ ꠖꠣꠄ ꠇꠦꠁꠍ ꠅꠁꠉꠦꠍꠦ⁕

ꠁ ꠊꠐꠘꠣꠄ ꠕꠣꠘꠣꠔ ꠝꠣꠝꠟꠣ ꠈꠞꠍꠁꠘ ꠛꠘ ꠛꠤꠜꠣꠉꠦ⁕ ꠚꠣꠞꠔꠝꠤꠇꠜꠣꠛꠦ ꠡꠣꠢꠞꠤꠀꠞ (১৯) ꠅ ꠢꠣꠟꠤꠝ (২০) ꠘꠣꠝꠞ ꠖꠥꠁ ꠎꠥꠀꠘ ꠛꠦꠐꠣ ꠎꠠꠤꠔ ꠕꠣꠈꠣꠞ ꠀꠟꠣꠝꠔ ꠚꠣꠅꠀꠄ ꠝꠣꠝꠟꠣꠔ ꠔꠣꠞꠣꠞ ꠘꠣꠝ ꠃꠟꠟꠦꠈ ꠈꠞꠤꠀ ꠖꠦꠃꠀ ꠅꠁꠍꠦ⁕ ꠅꠉꠉꠣꠔ ꠀꠞꠧ ৬-৭ ꠎꠘꠞꠦꠅ ꠀꠡꠣꠝꠤ ꠈꠞꠣ ꠅꠁꠍꠦ⁕

ꠛꠘ ꠛꠤꠜꠣꠉꠞ ꠡꠣꠞꠤ ꠞꠦꠁꠘ꠆ꠎꠞ ꠅꠚꠤꠍꠣꠞ ꠍꠣꠖ ꠃꠖ꠆ꠖꠤꠘ ꠀꠢꠝꠖ ꠛꠣꠖꠤ ꠅꠁꠀ ꠡꠘꠤꠛꠣꠞ (৩০ ꠝꠦ) ꠛꠤꠀꠟꠦ ꠎꠁꠘꠔꠣꠚꠥꠞ ꠝꠒꠦꠟ ꠕꠣꠘꠣꠔ ꠇꠦꠁꠍ ꠖꠣꠄꠞ ꠈꠞꠍꠁꠘ⁕

ꠄꠞ ꠀꠉꠦ ꠛꠤꠀꠘꠦ ꠔꠣꠁꠘ ꠡꠁꠔꠦ ꠎꠁꠘꠔꠣꠚꠥꠞ ꠝꠒꠦꠟ ꠕꠣꠘꠣꠞ ꠄꠇ ꠉꠥꠁꠐ ꠚꠥꠟꠤꠡ ꠡꠖꠡ꠆ꠡ, ꠍꠤꠟꠦꠐ ꠛꠘ ꠛꠤꠜꠣꠉꠞ ꠄꠈꠐꠣ ꠚꠔꠤꠘꠤꠗꠤꠖꠟ ꠀꠞ ꠍꠤꠞꠤꠝꠋꠉꠟ ꠕꠣꠇꠤ ꠅꠀꠁꠟ꠆ꠒꠟꠣꠁꠚꠞ ꠄꠈꠐꠣ ꠚꠔꠤꠘꠤꠗꠤꠖꠟ ꠡꠞꠎꠝꠤꠘ ꠖꠦꠈꠣꠔ ꠉꠦꠍꠁꠘ⁕ ꠁ ꠡꠝꠄ ꠔꠣꠘꠤꠅ ꠁꠘꠤꠅꠘꠞ ꠝꠦꠝꠛꠣꠞ ꠀꠛ꠆ꠖꠥꠟ ꠝꠔꠤꠘ ꠛꠘ ꠛꠤꠜꠣꠉꠞ ꠇꠞꠝꠈꠞꠔꠣ ꠅꠈꠟꠞꠦ ꠢꠈꠟ ꠛꠤꠡꠄ ꠎꠣꠘꠣꠁꠘꠁ⁕ ꠔꠣꠞꠣ ꠔꠣꠘꠤꠅ ꠝꠣꠘꠡꠞ ꠟꠉꠦꠅ ꠝꠣꠔꠤꠍꠁꠘ⁕

ꠎꠁꠘꠔꠣꠚꠥꠞꠞ ꠝꠒꠦꠟ ꠕꠣꠘꠣꠞ ꠜꠣꠞꠚꠣꠅꠀ ꠈꠞꠝꠇꠞꠔꠣ (ꠅꠍꠤ) ꠡꠦꠝꠟ ꠛꠘꠤꠇ ꠇꠦꠁꠍ ꠅꠀꠞ ꠈꠔꠣ ꠘꠤꠡꠌꠤꠔ ꠈꠞꠤꠀ ꠎꠣꠘꠣꠁꠍꠁꠘ⁕ ꠛꠘ ꠀꠁꠘꠦ ꠖꠣꠄꠞ ꠈꠞꠣ ꠁ ꠇꠦꠁꠍꠧ ꠖꠥꠁꠎꠘꠞ ꠘꠣꠝ ꠃꠟꠟꠦꠈ ꠀꠞ ꠅꠉꠉꠣꠔ ꠀꠞꠧ ৭-৮ ꠎꠘꠞꠦ ꠀꠡꠣꠝꠤ ꠈꠞꠣ ꠅꠁꠍꠦ⁕ ꠎꠦꠞꠣ ꠁꠔꠣ ꠛꠘꠥꠀ ꠚꠡꠥ ꠝꠣꠞꠍꠁꠘ ꠔꠣꠞꠣꠞ ꠛꠦꠡꠤꠞꠜꠣꠉ ꠈꠝ ꠛꠄꠡꠤ ꠢꠞꠥꠔꠣ⁕ ꠄꠞ ꠟꠣꠉꠤ ꠔꠖꠘ꠆ꠔ ꠈꠞꠤꠀ ꠀꠞꠧ ꠈꠦꠃ ꠔꠣꠈꠟꠦ ꠔꠣꠞꠣꠞꠦꠅ ꠇꠦꠁꠍꠞ ꠀꠡꠣꠝꠤ ꠈꠞꠣ ꠅꠁꠛꠧ⁕ ꠀꠡꠣꠝꠤ ꠅꠈꠟꠞꠦ ꠉꠦꠚꠔꠣꠞꠞ ꠌꠦꠡꠐꠣ ꠈꠞꠣ ꠅꠞ⁕ ꠡꠥꠇꠇꠥꠞꠛꠣꠞ ꠅꠃ ꠉꠣꠃꠞ ꠢꠞꠥꠔꠣ ꠉꠥꠁꠐ ꠛꠣꠘꠖꠤꠀ ꠉꠣꠃꠞ ꠛꠘꠞ ꠛꠤꠔꠞꠦ ꠀꠍꠞꠅ ꠘꠦꠅꠀ ৬ꠐꠣ ꠢꠤꠀꠟ , ১ꠐꠣ ꠘꠦꠃꠟ ꠅ ২ꠐꠣ ꠈꠣꠔꠤꠀ ꠚꠤꠐꠤꠀ ꠝꠣꠞꠤꠟꠤꠍꠟꠣ⁕

ꠔꠣꠘꠤꠅ ꠄꠈ ꠢꠞꠥꠔꠣ ꠚꠦꠍꠛꠥꠇꠧ ꠁ ꠊꠐꠘꠣꠞ ꠟꠣꠁꠜ ꠈꠞꠦ⁕ ꠝꠞꠣ ꠚꠡꠥ ꠉꠥꠘꠁꠔꠣꠞ ꠍꠛꠤ ꠅ ꠜꠤꠒꠤꠅ ꠡꠣꠝꠣꠎꠤꠇ ꠎꠥꠉꠣꠎꠥꠉ ꠚꠦꠁꠍꠛꠥꠇꠞ ꠎꠞꠤꠀꠄ ꠍꠤꠔꠞꠤꠀ ꠉꠦꠍꠦꠉꠤ⁕ ꠄꠞꠛꠣꠖꠦꠃ ꠁ ꠛꠤꠡꠅ ꠝꠣꠘꠡꠞ ꠍꠇꠥꠞ ꠡꠣꠝꠘꠦ ꠀꠁꠍꠦ⁕ ꠔꠣꠘꠤꠅ ꠅꠈꠟꠦ ꠈꠁꠍꠁꠘ , ꠛꠣꠞꠤꠡꠣ ꠀꠁꠟꠦ ꠅꠃ ꠅꠘꠌꠟꠞ ꠐꠤꠟꠟꠣ ꠀꠞ ꠛꠘꠧ ꠢꠤꠀꠟ ꠡꠁꠔꠦ ꠇꠤꠍꠥ ꠛꠘꠥꠀ ꠎꠣꠘꠥꠀꠞ ꠅꠈꠟꠦ ꠐꠣꠁ ꠟꠄ⁕ ꠚꠣꠠꠞ ꠓꠟꠞ ꠈꠣꠞꠘꠦ ꠔꠣꠈꠣꠞ ꠎꠣꠉꠣ ꠀꠞꠣꠁꠟꠣꠅꠀ ꠍꠣꠠꠣꠅ ꠈꠣꠘꠤꠛꠘꠤꠞ ꠡꠝꠁꠡꠡꠣꠔ ꠚꠠꠦ ꠛꠘꠞ ꠚꠡꠥꠉꠥꠁꠘ⁕ ꠁ ꠈꠣꠞꠘꠦ ꠝꠣꠘꠥꠡ ꠍꠟꠣꠍꠟꠞ ꠄꠟꠣꠇꠣꠔ ꠀꠁꠀ ꠀꠈꠔꠣ ꠀꠡ ꠝꠥꠞꠥꠇ ꠖꠞꠤꠟꠣꠅ⁕ ꠛꠁꠘꠘꠣꠄ ꠚꠣꠘꠤ ꠛꠣꠠꠤꠎꠣꠅꠀꠞ ꠟꠣꠉꠤ ꠐꠤꠟ꠆ꠟꠣꠅ ꠀꠍꠞꠄ ꠘꠦꠅꠀ ꠢꠤꠀꠟꠦ ꠉꠣꠃꠞ ꠇꠤꠍꠥ ꠝꠥꠞꠥꠇ ꠈꠣꠅꠀꠞ ꠈꠣꠞꠘꠦ ꠄꠟꠣꠇꠣꠞ ꠢꠞꠥꠔꠣꠁꠘ ꠉꠥꠍꠣ ꠈꠞꠤ ꠛꠘꠧ ꠢꠣꠝꠣꠁꠀ ꠁ ꠖꠥꠞꠊꠐꠘꠣ ꠊꠐꠣꠄ⁕

Rate this post

About surmafarorkhobor

Check Also

ꠍꠤꠟꠐꠤ ꠜꠣꠡꠣꠞ ꠡꠍꠦꠔꠘꠔꠣꠞ ꠖꠣꠄ ꠛꠤꠀꠘꠤꠛꠣꠎꠣꠞ ꠢꠤꠞꠤ ꠚꠞꠤꠇ꠆ꠇꠣ

ꠝꠣꠔꠣꠝꠣꠔꠤꠞ ꠡꠁꠋꠇꠣꠛꠣꠄ ꠍꠤꠟꠐꠤ ꠅꠁꠟ ꠉꠤꠀ ꠖꠥꠘꠤꠀꠞ ꠢꠇꠟ ꠔꠘꠦ ꠛꠦꠡꠝꠣꠔꠞꠣ ꠝꠣꠔꠞ ꠝꠣꠎꠦ ৯৭ ꠟꠝ꠆ꠛꠞ⁕ ꠁ ꠜꠣꠡꠣꠞ …